شي جينپيڭ تانزانيانىڭ زۇڭتۇڭى حاسانمەن تەلەفوندا سويلەستى
2021.06.22 16:42 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 21 - كۇنى، بەيجيڭ. مەملەكەت ءتوراعاسى شي جينپيڭ 6 - ايدىڭ 21 - كۇنى تانزانيانىڭ زۇڭتۇڭى حاسانمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: ەكى ەلدىڭ اعا بۋىن باسشىلارى ءوز قولدارىمەن ىرگەسىن قالاعان جۇڭگو مەن تانزانيانىڭ ءداستۇرلى دوستىعى حالىقارالىق اۋمالى - توكپەلى جاعدايدىڭ سىنىنان ءوتتى. 2013 - جىلى جۇڭگونىڭ مەملەكەت ءتوراعاسى بولعاننان كەيىن، افريكا ەلدەرىنەن تۇڭعىش رەت تانزانياعا ساپارلاي باردىم. سول رەتكى ساپار كەزىندە مەن تۇڭعىش رەت شىنايى، ادال بولۋ ۇستانىمىن العا قويدىم، قازىر بۇل جۇڭگونىڭ وركەندەپ كەلە جاتقان ەلدەرمەن ىنتىماقتاسۋىنىڭ، سەلبەستىگىنىڭ نەگىزگى ساياساتتىق ۇستانىمىنا اينالدى.
شي جينپيڭ بىلاي دەپ دارىپتەدى: جۇڭگو جۇڭگو - تانزانيا قاتىناسىنا باستان - اياق ستراتەگيالىق جانە ۇزاق بولاشاقتىق تۇرعىدان مامىلە جاساپ جانە ونى دامىتىپ، تانزانيانىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى. جۇڭگو تانزانيامەن ساياسي سەنىمدىلىكتى بەكەمدەپ، ءوزارا قولداۋدى كۇشەيتىپ، وركەندەپ كەلە جاتقان ەلدەردىڭ ورىندى ۇقىق - مۇددەسىن بىرگە قورعاپ، جۇڭگو - افريكا تاعدىرلاس ورتاق تۇلعاسىن قۇرۋعا بەلسەندى ۇلەس قوسۋدى قالايدى. قازىر جۇڭگو - تانزانيا قاتىناسىنىڭ دامۋى تاريحي ورايعا ءدوپ كەلىپ وتىر. جۇڭگو تانزانيامەن پارتيالاردىڭ اۋىس - كۇيىسى مەن سەلبەستىگىن جانە ەل باسقارۋداعى تاجىريبە اۋىس - كۇيىسىن كۇشەيتىپ، «ءبىر بەلدەۋ، ءبىر جولدى» بىرگە قۇرىپ، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ جەتىستىكتەرىن تياناقتاندىرىپ، تانزانيانىڭ دامۋ ستراتەگياسىمەن ۇشتاستىرىپ، اۋىل شارۋاشىلىعى، قاتىناس، حابارلاسۋ، ساياحات، ەنەرگيا سياقتى سالالارداعى سەلبەستىكتى كەڭەيتىپ، اناعۇرلىم كوپ جۇڭگو كاسىپورىندارىن تانزانياعا بارىپ قارجى قوسىپ، شارۋاشىلىقتى گۇلدەندىرۋگە شابىتتاندىرىپ جانە قولداپ، ىندەتكە قارسى اتتانۋ سەلبەستىگىن كۇشەيتىپ، جۇڭگو مەن تانزانيانىڭ جان - جاقتى سەلبەستىك سەرىكتەستىك قاتىناسىنىڭ مازمۇنىن ۇزدىكسىز بايىتۋدى قالايدى.
حاسان مىنالاردى ءبىلدىردى: جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتايمىن. جۇڭگو كوممۋنيستىك پارتياسىنىڭ تاريحى ۇزاق، شۇعىلالى. جۇڭگو كوممۋنيستىك پارتياسىنىڭ باسشىلىعىندا جۇڭگو حالقى ۇلتتىڭ تاۋەلسىزدىگى مەن ازاتتىعىنا قول جەتكىزدى ءارى سوتسياليستىك قۇرىلىس جولىندا ارت - ارتىنان دۇنيەنى جالت قاراتقان تابىستارعا قول جەتكىزدى. مەن باس شۋجي شي جينپيڭنىڭ پارمەندى باسشىلىعىندا، جۇڭگو حالقىنىڭ، ءسوز جوق، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىراتىنىنا كامىل سەنەمىن. تانزانيا جۇڭگومەن ءداستۇرلى دوستىقتى قاستەرلەيدى، جۇڭگونىڭ ۇزاق ۋاقىتتان بەرى كورسەتكەن قولداۋى مەن كومەگىنە العىس ايتادى، جۇڭگونىڭ كەدەيلىكتەن ارىلتۋدان قامال الۋ جانە ەل باسقارۋ تاجىريبەلەرىنەن ۇلگى الىپ، ساۋدا، نەگىزدىك قۇرىلعى، گۋمانيتارلىق سياقتى سالالارداعى اۋىس - كۇيىستى، سەلبەستىكتى كۇشەيتۋدى قالايدى. تانزانيا ءبىر جۇڭگو ساياساتىن باتىل اتقارادى، جۇڭگونىڭ تايۋانعا، شياڭگاڭعا، شينجياڭعا ساياتىن وزەكتى مۇددە ماسەلەسىندەگى تۇرعىسىن قولدايدى، جۇڭگومەن «ءبىر بەلدەۋ، ءبىر جولدى» بىرگە قۇرۋدى بەلسەنە ىلگەرىلەتىپ، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ جەتىستىكتەرىن مۇقيات تياناقتاندىرىپ، جۇڭگو - افريكا قاتىناسىنىڭ تىڭ دامۋشىلىقتارعا قول جەتكىزۋىن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
