جالعان سوتتىڭ، جالعان كۋاگەردىڭ سۇرقيا ماقساتى مەن سۇرقيا ويىنى اشكەرەلەندى
2021.06.21 16:26 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لي شيڭ 6 - ايدىڭ 18 - كۇنى بەيجيڭنەن حابارلايدى. باتىستاعى جۇڭگوعا قارسى كۇشتەر جانە ”دۇنيە جۇزىلىك ۇيعۇر قۇرىلتايى“ قاتارلى ”شىعىس تۇركستان“ ۇيىمدارىمەن استاسىپ قۇرعان ايتىلمىس ”ۇيعۇر ەرەكشە سوتى“ جۇڭگوعا قارسى ءبىر توپ ەلەمەنتتەردى جيىپ، ايتىلمىس ”كۋاگەر“ ەتىپ، شينجياڭداعى ءار ۇلت حالقىنىڭ كۇشتى قارسىلىعىمەن جانە حالىقارالىق قوعامنىڭ قاتاڭ شۇبالانۋىمەن ساناسپاي، شينجياڭنىڭ تاربيەلەۋ - باۋلۋ قىزمەتىنە جالا جاپتى، سوقتىقتى. 6 - ايدىڭ 18 - كۇنى شينجياڭ ۇيعۇر اۆتونوميالى رايونى بەيجيڭدە شينجياڭعا ساياساتىن ماسەلەلەر جونىندە 11 - رەتكى اقپار جاريالاۋ ءماجىلىسىن اشىپ، وسى جالعان سوتتىڭ سۇرقيا ماقساتىن ونان ارى اشكەرەلەپ، وسى ايتىلمىس ”كۋاگەرلەردىڭ“ سوراقى ويىنىن پاش ەتىپ، حالىقارالىق قوعامنىڭ ولاردىڭ زاڭسىزدىعىن، جالعاندىعىن جانە سوراقىلىعىن جىعا تانۋىنا مۇمكىندىك جاسادى.
”ايتىلمىس ’ۇيعۇر ەرەكشە سوتى‘ مۇلدە جۇيەلى ءادىليالىق قۇرىلىم ەمەس، انگليادا تىركەۋگە الدىرعان ’ۇيعۇر ەرەكشە سوتى‘ دەپ اتالعان ءبىر جەكە سەرىكتەستىك قانا“. شينجياڭ داشۋەسىنىڭ پروفەسسورى مارحابا ۇلان اقپار جاريالاۋ ماجىلىسىندە بىلاي دەدى: حالىقتىق ۇيىم تۇرعىسىنان قاراعاننىڭ وزىندە دە بۇل ”ۇيعۇر ەرەكشە سوتى“ زاڭدى ۇيىمداردا بولۋعا ءتيىستى ەرەجە جانە مىندەتتەپ باسقاراتىن القالار كەڭەسىن ازىرلەمەگەن، اۋەلى، ونىڭ سايت اتىنىڭ سوڭعى جالعاۋى دا ساۋدا قۇرىلىمىنا ءتان، ونىڭ پەردە ارتىنداعى ەڭ ۇلكەن ايتاقتاۋشىسى جامان اتى جالپاق ەلگە ءمالىم ”دۇنيە جۇزىلىك ۇيعۇر قۇرىلتايى“، ”’سوت‘ اتىن جەلەۋ ەتىپ، وسەك - اياڭ تاراتىپ، جالا جاپقاندىق. ونىڭ ءارقانداي ’ۇكىمى‘ تەك كەرەكسىز ءبىر پاراق قاعاز عانا“، - دەدى مارحابا ۇلان.
ايتىلمىس ”كۋاگەرلەردىڭ“ ءىشىنارا تۋىستارى، كاسىپتەستەرى جانە دەلو ىستەۋشى حالىق ساقشىلارى دا اقپار جاريالاۋ ءماجىلىسىنىڭ ۇستىندە قاتىستى جاعدايلاردى باياندادى.
ىلە قازاق اۆتونوميالى وبلىسى موڭعۇلكۇرە اۋداندىق قوعام حاۋىپسىزدىگى مەكەمەسى ەكونوميكالىق بارلاۋ ۇلكەن اترەتىنىڭ باستىعى يان فيفي تانىستىرىپ بىلاي دەدى: ايتىلمىس ”كۋاگەر“ سايراگۇل ساۋىتباي ءوزىنىڭ ىلگەرىدە تاربيەلەۋ - باۋلۋ ورتالىعىندا وقىتۋشى بولعاندىعىن ايتىپ، سوڭىنان جالتارىپ، مەن ايتىلمىس ”جازا لاگەرىنە“ قامالدىم دەدى. شىندىعىندا سايراگۇل ساۋىتباي تاربيەلەۋ - باۋلۋ ورتالىعىندا ەشقاشان وقىتۋشى بولىپ كورمەگەن ءارى تاربيەلەۋ - باۋلۋ ورتالىعىندا ەشقاشان ۇيرەنۋدە دە بولعان ەمەس. 2018 - جىلى 4 - ايدىڭ 5 - كۇنى ول شەكارادان زاڭسىز شىقتى، ونىڭ ارەكەتى مەملەكەت شەكاراسىنان جاسىرىن ءوتۋ قىلمىسىنا سايادى.
زامىرا داۋىتتىڭ 5 - اعاسى ابدۇحىلىل داۋىت ىزالانىپ تۇرىپ بىلاي دەدى: ”زامىرا اكەمىزدى ساقشى جاقتىڭ كوپ رەت سۇراققا تارتۋى سەبەبىنەن ءولدى دەدى، ونىڭ وسىلاي دەپ ايتقانىنا قاتتى اشۋلاندىم“. ابدۇحىلىل داۋىت بىلاي دەدى: اكەم ءتاج ارتەريا سيپاتتى جۇرەك اۋرۋىنان قايتىس بولعان، ول ەشقاشان قاماۋعا الىنباعان، ەشقاشان ”تەكسەرۋگە“ الىنباعان.
ميھىرگۇل تۇرسۇننىڭ ءىنىسى اپەكەسىن ايتقاندا ءتىپتى دە ىزا بولدى: ”ول، اۋەلى، مەنى تاربيەلەۋ - باۋلۋ ورتالىعىندا جابىرلەنىپ ءولدى دەپتى، وسىنداي دا اپەكە بولا ما، امەريكادا الداپ اقشا تاۋىپ، جاسىل كارتچكا الۋ ءۇشىن، ءوز ءىنىسىنىڭ ءومىرىن تالكەك قىلىپ وسەك شىعارعان!“
اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى شۇي گۇيشياڭ بىلاي دەپ تانىستىردى: شينجياڭنىڭ تاربيەلەۋ - باۋلۋ ورتالىعى وتكەن ءبىر مەزگىلدەگى زورلىقتى كۇش لاڭكەستىكتىڭ ءجيى تۋىلۋ جاعدايىندا زاڭ بويىنشا قۇرىلعان تاربيەلەۋ - باۋلۋ قۇرىلىمى، تۇپكى ماقساتى لاڭكەستىكتى، ءدىني ۇشقارىلىقتى قاينارىنان قۇرتۋ، الدىن الا ساقتانۋ سيپاتى لاڭكەستىككە قارسى تۇرۋ مەن ۇشقارىلىقتى الاستاۋدىڭ ءونىمدى ءتاسىلى. تاربيەلەۋ - باۋلۋ ورتالىعى جۇڭگونىڭ نەگىزگى زاڭى مەن زاڭدارىنداعى ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى نەگىزگى پرينسيپتەردى قاتاڭ دايەكتىلەندىرىپ، تياناقتاندىرىپ، تاربيەلەنۋشىلەردىڭ ادامدىق ار - نامىسىنىڭ سۇعاناقتىققا ۇشىراماۋىن تولىق قامتاماسىز ەتىپ، ءارقانداي فورمادا تاربيەلەنۋشىلەردىڭ ار - نامىسىن قورلاۋىنا جانە ولارعا جابىر كورسەتۋىنە قاتاڭ تيىم سالدى. ايتىلمىس ”جازا لاگەرىندەگى قىلمىسكەرلەردىڭ شاشىن تاقىرايتىپ الىپ تاستادى“، ”كىسەن ورىندىققا تاڭدى“، ”كوپتەگەن ايەل جىنىستىق جابىرلەۋگە ۇشىرادى“ دەگەن ءسوزدى ايتقان وسى ايتىلمىس ”كۋاگەرلەر“ ويدان قيىستىرىپ، وتىرىك ايتىپ، سان ءتۇرلى الدامشىلىقتىڭ وتىن كوسەدى!
رەيتەر اگەنتتىگى، ەفە اگەنتتىگى، NHK، شياڭگاڭ سىمدى تەلەۆيزياسى، اۋمىن گازەتى، حالىق گازەتى، شينحۋا اگەنتتىگى، جۇڭگو گازەتى سياقتى ەل ءىشى - سىرتىنداعى اقپارات قۇرالدارى اقپار جاريالاۋ ماجىلىسىنە قاتىناستى، سونداي - اق نازار اۋداراتىن ماسەلەلەر جونىندە اۆتونوميالى رايوننىڭ قاتىستى جاۋاپتى ادامدارىمەن ىشكەرىلەي سويلەسىپ، پىكىرلەستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
