شوكىرات زاكىر تۇرپان قالاسىندا ءوندىرىس حاۋىپسىزدىگىن كەڭ كولەمدە اداقتاپ تەكسەرۋ، زور رەتتەۋ - جونگە سالۋ بويىنشا قۋزاۋ - جەتەكشىلىك ەتۋ قىزمەتىن ورىستەتتى
ءوندىرىس حاۋىپسىزدىگى ساياسي جاۋاپكەرشىلىگى مەن ساياسي مىندەتىن شىنايى ارقالاۋ كەرەك
2021.06.21 16:23 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لي ياڭ 6 - ايدىڭ 19 - كۇنى تۇرپاننان حابارلايدى. 6 - ايدىڭ 18 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوندىق ءوندىرىس حاۋىپسىزدىگى كوميتەتىنىڭ مەڭگەرۋشىسى شوكىرات زاكىر اۆتونوميالى رايوندىق شۇعىل جاعدايلارعا توتەپ بەرۋ - باسقارۋ مەڭگەرمەسى، ونەركاسىپ جانە ينفورماتسيالاندىرۋ مەڭگەرمەسى، مادەنيەت جانە ساياحات مەڭگەرمەسى سياقتى ورىنداردىڭ جاۋاپتى جولداستارىن باستاپ، تۇرپان قالاسىندا ءوندىرىس حاۋىپسىزدىگىن كەڭ كولەمدە اداقتاپ تەكسەرۋ، زور رەتتەۋ - جونگە سالۋ بويىنشا قۋزاۋ - جەتەكشىلىك ەتۋ قىزمەتىن ورىستەتتى. شوكىرات زاكىر بىلاي دەپ باسا دارىپتەدى: باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، مەملەكەتتىك ءوندىرىس حاۋىپسىزدىگى تەلەۆيزور - تەلەفون ءماجىلىسىنىڭ رۋحىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، دامۋ مەن حاۋىپسىزدىكتى ويداعىداي ءبىر تۇتاس جوسپارلاپ، ءوندىرىس حاۋىپسىزدىگى قىزمەتتەرىن ەگجەي - تەگجەيلى، ناقتى، ءدال تياناقتاندىرىپ، ەلەۋلى، ەرەكشە اۋىر ءوندىرىس حاۋىپسىزدىگى شىرعالاڭىنىڭ تۋىلۋىنان باتىل ساقتانىپ، تەجەپ، پارتيا قۇرىلعاندىعىنىڭ 100 جىلدىعىن قۇتتىقتاۋعا حاۋىپسىز، ورنىقتى ورتا ازىرلەۋ كەرەك.
باتىس قۇبىر شينجياڭ مۇناي - گاز جەتكىزۋ بولىمشە سەرىكتەستىگىنىڭ ءپىشانداعى جۇمىس وڭىرىندە شوكىرات زاكىر مەڭگەرۋ بولمەسىنە كەلىپ، ۇلكەن ەكران ارقىلى جابدىقتاردىڭ جۇمىس اينالىمى جاعدايىن تەكسەردى ءارى جەتەكشى باسشىمەن، ءبىرىنشى شەپتەگى قىزمەتكەرلەرمەن ىشكەرىلەي اڭگىمەلەستى. شوكىرات زاكىر بىلاي دەپ اتاپ كورسەتتى: ءپىشان جۇمىس ءوڭىرى مۇناي - گازدى سىرتقا جەتكىزەتىن امبەباپ توراپ بولۋ رەتىندە، ورنى ماڭىزدى، ءوندىرىس حاۋىپسىزدىگى سىندى وسى ارقاۋدى ءار ۋاق مىقتاپ شيراتىپ، ءوندىرىس حاۋىپسىزدىگىنىڭ ”قىزىل سىزىعىن“ بەكەمدەۋ كەرەك. ورتالىق كاسىپورىندارىنىڭ ۇلگى كورسەتۋ، جەتەكتەۋ رولىن ساۋلەلەندىرىپ، تەحنيكالىق ساقتانۋعا، زاتتىق كۇشپەن ساقتانۋعا، ادام كۇشىمەن ساقتانۋعا كۇش سالىپ، حاۋىپسىزدىك قاتەرىن ساراپتاۋدى، ءوزىن تەكسەرۋدى ويداعىداي ورىستەتىپ، ماسەلەلەردى، كومەسكى حاۋىپتەردى باستاپقى كەزىندە جويۋ كەرەك.
”ەلەۋلى كومەسكى قاتەرلەردى بولدىرماۋ جاۋاپكەرشىلىگىن ارقالاعان، وعان كەپىلدىك بەرگەن باسشى كىم؟“، ”قازىر قانشا كومەسكى حاۋىپتى تەكسەردىڭىزدەر جانە رەتتەپ تۇزەتتىڭىزدەر؟“ جۇڭگو مۇناي تۇرپان - قۇمىل مۇناي الابى سەرىكتەستىگى ساتۋ ىستەرى ءبولىمى جەڭىل كومىر سۋتەگىن سىرتقا تاسۋ جۇمىس ورنىندا شوكىرات زاكىر ماي كۇبىسى ءوڭىرىنىڭ جۇمىس جاعدايىن تەكسەردى، كۇندەلىكتى شارلاۋ - تەكسەرۋ، ينفورماتسيالاندىرا باسقارۋ، توتەنشە جاعدايعا توتەپ بەرۋ، كۇزەتۋ جانە قاتىستى دايىندىق جوبا سىندى جاعدايلاردى ۇعىستى. ول تاعى شينجياڭ مەيحۇيتى مۇناي حيميا ونىمدەرى شەكتى سەرىكتەستىگىنە، تۇرپان ەكونوميكالىق اشۋ رايونىنىڭ اۋەجاي ماڭى كاسىپ سالاسى باقشاسىنا، جياۋحي. كارجيڭيۋان كورىنىس وڭىرىنە، شينجياڭ حۋاديان تۇرپان 350000×2 كيلوۆاتتىق سۋىق - جىلۋ ەلەكترىمەن بىرلەسىپ قامداۋ ينجەنەريا نىسانى جۇمىس باسىنا بارىپ، ءتۇيىندى قاتەر قاينارىنان ساقتانۋ - تىزگىندەۋ، مادەنيەت - ساياحات ورىندارىنداعى ىندەتتەن ساقتانۋ - تىزگىندەۋ جانە الەۋمەتتىك حاۋىپسىزدىك سياقتىلارعا قاراتا قۋزاۋ - جەتەكشىلىك ەتۋ، تەكسەرۋ جۇرگىزدى. شوكىرات زاكىر بىلاي دەپ اتاپ كورسەتتى: كەزەكشى باسشى مەن ءبىرىنشى شەپتەگى قىزمەتكەرلەردىڭ حاۋىپسىزدىك تانىمىن، حاۋىپسىزدىك شەبەرلىگى تاربيەسىنە باۋلۋدى شىنايى كۇشەيتىپ، كۇشتى جاۋاپكەرشىلىك سەزىممەن ءوندىرىس حاۋىپسىزدىگىنىڭ ءتۇرلى شارالارىن قاتاڭ تياناقتاندىرۋ كەرەك.
تەكسەرۋ - زەرتتەۋ بارىسىندا شوكىرات زاكىر تۇرپان قالاسىنىڭ قاتىستى قىزمەت جاعدايىنان جاساعان مالىمەتتەرىن تىڭدادى ءارى اڭگىمە ءماجىلىسىن اشتى. ول بىلاي دەپ باسا دارىپتەدى: جەر - جەر، تاراۋلار، ءارقايسى ورىندار ءوندىرىس حاۋىپسىزدىگىنىڭ ساياسي جاۋاپكەرشىلىگى مەن ساياسي مىندەتىن شىنايى ارقالاپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتىپ، ءىس جۇزىندىك ارەكەت ارقىلى ”ەكىنى قورعاۋدى“ شىنايى ورىنداۋ كەرەك. جەر - جەردەگى پارتكوم مەن ۇكىمەت، ءارقايسى تاراۋلار، ءارقايسى كاسىپورىندار قاراستى جاۋاپكەرشىلىكتەرىن، باقىلاۋ - باسقارۋ جاۋاپكەرشىلىگىن، تۇلعالىق جاۋاپكەرشىلىگىن قاتاڭ تياناقتاندىرىپ، ءوندىرىس حاۋىپسىزدىگى جاۋاپكەرشىلىگىن ءارقايسى بۋىنداردا، تۇتاس تىزبەكتە شىنايى قاتايتۋ كەرەك. ءوندىرىس حاۋىپسىزدىگىندەگى ءتۇرلى كومەسكى قاتەرلەردى قاتاڭ باسقارىپ، مەڭگەرىپ، عىلمي، جۇيەلى قاتەردەن ساقتانۋ ءتۇزىمىن ورناتىپ، حاۋىپ - قاتەردى، كومەسكى اپاتتاردى ەرتە بايقاۋعا، ەرتە تىزگىندەۋگە، ەرتە جويۋعا شىنايى كەپىلدىك ەتۋ كەرەك. الەۋمەتتىك حاۋىپسىزدىكتى قاتاڭ ۇستاپ، قوعام ورنىقتىلىعىن باتىل قورعاپ، اسىرەسە، ساياحاتتىڭ قاۋىرت كەزىندە ءارقايسى كورىنىس وڭىرلەرىنىڭ، تيجارات ورىندارىنىڭ ءوندىرىس حاۋىپسىزدىگى قىزمەتىن مىقتى يگەرۋ كەرەك. ءوندىرىس حاۋىپسىزدىگىن قۋزاۋ - جەتەكشىلىك ەتۋدى قاتايتىپ، حاۋىپسىزدىكتى تەكسەرۋ مەن زاڭدى قاتاڭ اتقارۋدى ۇشتاستىرىپ، قالتارىس قالدىرماۋعا، قاعىس قالدىرماۋعا، كوز بوياۋشىلىق ىستەمەۋگە شىنايى كەپىلدىك ەتۋ كەرەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
