جولاۋشى تاسىمالىمەن شۇعىلداناتىن اۆتوموبيلدەردە الىپ جۇرۋگە تيىم سالىناتىن، شەكتەمە قويىلاتىن زاتتار ايقىندالدى
2021.06.21 14:12 كەلۋ قاينارى : حالىق تورابى
جۇمىسشىلار گازەتىنىڭ ءتىلشىسى دۋ شين حابارلايدى. قاتىناس – تاسىمال مينيسترلىگى مەن قوعام حاۋىپسىزدىگى مينيسترلىگى جۋىردا «‹جولاۋشى تاسىمالىمەن شۇعىلداناتىن اۆتوموبيلدەردە الىپ جۇرۋگە جانە اماناتتاپ تاسىمالداۋعا تيىم سالىناتىن، شەكتەمە قويىلاتىن زاتتار تىزىمدىگىن› جاريالاۋ جونىندەگى ۇقتىرۋدى» (تومەندە «ۇقتىرۋ» دەپ اتالادى) بىرگە جاريالاپ، جولاۋشى تاسىمالىمەن شۇعىلداناتىن اۆتوموبيلدەردە الىپ جۇرۋگە جانە اماناتتاپ تاسىمالداۋعا تيىم سالىناتىن، الىپ جۇرۋگە جانە اماناتتاپ تاسىمالداۋعا شەكتەمە قويىلاتىن، جولاۋشىلاردىڭ وزىمەن بىرگە الىپ جۇرۋىنە تيىم سالىنعانىمەن جۇك كەبەجەسىنە قويۋعا (اماناتتاپ تاسىمالداۋعا) بولاتىن ءۇش ءتۇرلى زاتتاردىڭ تىزىمدىگىن ايقىندادى.
«ۇقتىرۋعا» نەگىزدەلگەندە، الىپ جۇرۋگە جانە اماناتتاپ تاسىمالداۋعا تيىم سالىناتىن زاتتار مىلتىق جانە وق، جارىلعىش زاتتار، باقىلاۋعا الىناتىن اسپاپتار، وڭاي جاناتىن، وڭاي قوپارىلىس تۋدىراتىن زاتتار، ۋلى زاتتار، شىرىتكىش زاتتار، راديواكتيۆتى زاتتار، جۇقپالى زاتتار، جولاۋشى تاسىمالىمەن شۇعىلداناتىن اۆتوموبيلدىڭ الەۋمەتتىك تازالىعى مەن تاسىمال حاۋىپسىزدىگىنە زيان جەتكىزەتىن زاتتار قاتارلى 9 ءتۇرلى زاتتار مەن زاڭدا، زاڭدىق بەلگىلەمەلەردە، ەرەجەلەردە الىپ جۇرۋگە، تاسىمالداۋعا تيىم سالىنعان باسقا دا زاتتاردى قامتيدى.
الىپ جۇرۋگە جانە اماناتتاپ تاسىمالداۋعا شەكتەمە قويىلاتىن زاتتار 24 گرادۋستان 75 گرادۋسقا دەيىنگى سپيرت، سونداي – اق سپيرتتى ىشىمدىكتەر، تىرناق بوياعى، نۇرسىزداندىرعىش، قىسىمعا ساي وزدىگىنەن بۇركەتىن ىدىس – بۇيىمدار، حاۋىپسىز سىرىڭكە، شاقپاق، ليتي باتارياسى، زاريادتاعىش قاتارلى 5 ءتۇرلى زات پەن مەملەكەتتىڭ زاڭدارىندا، زاڭدىق تۇزىمدەرىندە، ەرەجەلەرىندە الىپ جۇرۋگە، تاسىمالداۋعا تيىم سالىنعان باسقا دا زاتتاردى قامتيدى. «ۇقتىرۋدا» ءتۇرلى زاتتارعا قويىلاتىن شەكتەمەلىك تالاپتار ايقىندالعان، مىسالى، بەلگىسى انىق كورىنەتىن زاريادتاعىش، ليتيلى باتاريا قاتارلىلاردىڭ سانى 5 تەن اسىپ كەتپەۋى، بىرەۋىنىڭ قۋات مولشەرى Wh100 دەن اسىپ كەتپەۋى كەرەك.
جولاۋشىلاردىڭ وزىمەن بىرگە الىپ جۇرۋىنە تيىم سالىناتىن، الايدا جۇك كەبەجەسىنە قويۋىنا (اماناتتاپ تاسىمالداۋعا) بولاتىن زاتتار كۇندەلىكتى قولدانىلاتىن پىشاقتار، كاسىپتىك پىشاقتار، ويىن قويعاندا پايدالاناتىن پىشاقتار سياقتى وتكىر قۇرالدار، تاياق سياقتى دوعال قۇرالدار، اۋىل شارۋاشىلىعى قۇرال - جابدىقتارى، مەحانيكاعا جاتپايتىن ساداق تەكتەس اسپاپتار، ءوزىن قورعاۋعا پايدالاناتىن بۇرىكپەلەر سياقتى باسقا زاتتاردى، سونىمەن بىرگە، كۋالىگى مەن كارانتيندەۋ ىسپاتتاماسى بار، تۇمشالانعان ىدىسقا سالىنعان ەرمەك حايۋان سياقتى 5 ءتۇردى قامتيدى.
كوڭىل بولۋگە تاتيتىن ءتۇيىن: «ۇقتىرۋدا» اۋىل – قىستاقتارداعى جولاۋشى تاسىمالىنا پايدالاناتىن اۆتوموبيلدەردىڭ جۇرگىزۋشىلەرىنىڭ جاعدايعا قاراي وتىرىپ، از مولشەردەگى ءۇي حايۋاندارىن الىپ جۇرۋگە رۇقسات بەرۋىنە بولاتىنى ايقىندالعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
