شي جينپيڭ فينلانديانىڭ زۇڭتۇڭى نينيستومەن تەلەفوندا سويلەستى
2021.06.22 16:45 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 21 - كۇنى، بەيجيڭ. مەملەكەت ءتوراعاسى شي جينپيڭ 6 - ايدىڭ 21 - كۇنى كەشتە فينلانديانىڭ زۇڭتۇڭى نينيستومەن تەلەفوندا سويلەستى.
شي جينپيڭ بىلاي دەپ اتاپ كورسەتتى: بىلتىر ءبىز جۇڭگو مەن فينلانديانىڭ ديپلوماتيالىق قاتىناس ورناتقانىنىڭ 70 جىلدىعىن بىرگە قۇتتىقتادىق. ءبىر جىلدان بەرى ەكى جاق قول ۇستاسا وتىرىپ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانىپ، دوستىقتى تەرەڭدەتىپ، قيىنشىلىقتاردى جەڭىپ، ناقتى سەلبەستىكتىڭ دامۋىن ىلگەرىلەتتى. جۇڭگو فينلانديامەن بىرگە ءبىرىن - ءبىرى تولىقتاۋ ابزالدىعىن ساۋلەلەندىرىپ، ەكى جاقتى ساۋدانى زورايتۋدى، كۇشەيتۋدى قالايدى، فينلانديا كاسىپورىندارىنىڭ جۇڭگونىڭ دامۋى الا كەلگەن پايدادان ۇزدىكسىز يگىلىكتەنۋىن قارسى الادى، سونداي - اق فينلانديانىڭ ەسىك اشۋ پوزيتسياسىمەن ەكى جاقتىڭ قارجى قوسۋ سياقتى سالالارداعى سەلبەستىگىن ۇزدىكسىز قولداۋىن ءۇمىت ەتەدى. جۇڭگو فينلانديامەن ادامداردىڭ بارىس - كەلىسىن كۇشەيتىپ، عىلمي زەرتتەۋ، عىلىم - تەحنيكا، وقۋ - اعارتۋ جانە جاسىل، تومەن كومىرتەكتى سالالاردا اناعۇرلىم كوپ سەلبەستىك ورىستەتىپ، كليمات وزگەرىسىنىڭ سىن - سايىسىنا بىرگە توتەپ بەرۋدى قالايدى. جۇڭگو بەيجيڭ قىسقى وليمپيادا سپورت جارىسىنا بەلسەنە دايىندالۋدا، فينلانديانىڭ بەيجيڭ قىسقى وليمپيادا سپورت جارىسىندا تاماشا ناتيجە جاراتۋىنا تىلەۋلەسپىز.
شي جينپيڭ بىلاي دەپ دارىپتەدى: بىلتىر جۇڭگو - ەۆروپا قاتىناسى جاڭا تيپتى ايدارشا ۆيرۋس وكپە قابىنۋ ىندەتى جاعدايىندا قيىن - قىستاۋ ساتتەردى وتكەرە وتىرىپ العا باستى، بۇل شىنىندا وڭاي ەمەس، ونى بارىنشا قاستەرلەۋ كەرەك، مۇنداعى شەشۋشى ءتۇيىن جۇڭگو - ەۆروپا قاتىناسىنىڭ پىكىرلەسۋدى، سەلبەستىكتى جەتەكشى ەتكەن ءوزارا پايدا جەتكىزىپ، تەڭ يگىلىككە كەنەلۋ نەگىزگى اۋەنىن بىرگە ويداعىداي قورعاۋعا قۇلشىندىق. فينلانديانىڭ جۇڭگو - ەۆروپا قاتىناسىنىڭ اقاۋسىز، ورنىقتى دامۋىن ىلگەرىلەتۋدە وزگەشە بەلسەندى رول اتقارۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: قازىر دۇنيە ءجۇزىنىڭ جاعدايى جەدەل وزگەرۋدە، دۇنيە جۇزىلىك حاۋىپ - قاتەر مەن سىن - سايىس تولاسسىز تۋىلۋدا. ءار جاق بۇعان قارسىلاسپاۋ، قايتا سەلبەسۋ، تەڭ يگىلىكتەنۋ تاسىلىمەن بىرگە توتەپ بەرۋى كەرەك. جۇڭگو فينلانديانىڭ بەلسەندى رولىن القايدى. جۇڭگو فينلانديامەن بىرگە ناعىز كوپ جاقتىلىقتا تاباندى بولىپ، حالىقارالىق سەلبەستىك ارقىلى الەۋمەتتىك دەنساۋلىق ساقتاۋ حاۋىپسىزدىگى، كليمات وزگەرىسى سياقتى دۇنيە جۇزىلىك سايىستارعا بەلسەنە توتەپ بەرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
نينيستو مىنانى ءبىلدىردى: فينلانديا مەن جۇڭگو ديپلوماتيالىق قاتىناس ورناتقان 70 جىلدان بەرى ەكى ەل قاتىناسى باياندى دامىدى. جۇڭگو − فينلانديانىڭ ازياداعى ەڭ ماڭىزدى ساۋدا سەرىگى، ەكى جاقتىڭ جوعارى تەحنيكا، اينالمالى ەكونوميكا سياقتى سالالارداعى سەلبەستىگىنىڭ كومەسكى كۇشى زور. فينلانديا - جۇڭگو سەلبەستىگى فينلانديا جاقتىڭ جاڭا تيپتى ايدارشا ۆيرۋس وكپە قابىنۋ ىندەتىنە ءبىرشاما ويداعىداي توتەپ بەرۋىندە ماڭىزدى رول اتقاردى. فينلانديا جۇڭگومەن قىسقى وليمپيادا سپورت جارىسى جونىندە سەلبەستىك ورىستەتۋگە ءمان بەرەدى، بەيجيڭ قىسقى وليمپيادا سپورت جارىسىنا بەلسەنە قاتىناسادى. بۇگىنگى دۇنيەدە وراسان زور وزگەرىستەر تۋىلدى، ادامزات كليمات وزگەرىسى، جاڭا تيپتى ايدارشا ۆيرۋس وكپە قابىنۋ ىندەتى سياقتى ورتاق سايىستارعا ءدوپ كەلدى، فينلانديا 1975 - جىلعى «حەلسينكي رۋحىن» ساۋلەلەندىرۋدى دارىپتەپ، پىكىرلەسۋ، سەلبەسۋ ارقىلى دۇنيە جۇزىلىك سايىستارعا بىرگە توتەپ بەرەدى. وسى بارىستا جۇڭگونىڭ رولى توتەنشە ماڭىزدى، كەم بولسا بولمايدى. فينلانديا ەۆروپا مەن جۇڭگونىڭ تىلدەسۋىن، سەلبەستىگىن جەبەۋدە بەلسەندى رول اتقارۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
