يۇنناندا جەرگىلىكتى ورىننان جاڭا تيپتى ايدارشا ۆيرۋس وكپە قابىنۋ ىندەتىنە شالدىققان 3 ادامنىڭ دياگنوزى تۇراقتاندىرىلدى
2021.07.05 13:01 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ياۋ بيڭ 7 – ايدىڭ 5 – كۇنى كۇنميڭنەن حابارلايدى. يۇننان ولكەلىك دەنساۋلىق ساقتاۋ – سالاماتتىق كوميتەتىنىڭ 7 – ايدىڭ 5 – كۇنى حابارلاندىرۋىنشا، 7 – ايدىڭ 4 – كۇنى ساعات نولدەن ساعات 24 كە دەيىن، يۇننان ولكەسىندە جەرگىلىكتى ورىننان 3 ادامعا جاڭا تيپتى ايدارشا ۆيرۋس وكپە قابىنۋى اۋرۋىنا شالدىقتى دەگەن دياگنوز قويىلعان (ەكەۋى جۇڭگولىق، بىرەۋى بيرمالىق)، جاڭادان ارتقان شەكارا سىرتىنان كەلگەن جاڭا تيپتى ايدارشا ۆيرۋس وكپە قابىنۋى شالدىقتى دەپ دياگنوز قويىلعان ناۋقاستاردىڭ سانى 5 ادام بولعان.
ۇقتىرۋعا قاراعاندا، جەرگىلىكتى ورىننان جاڭا تيپتى ايدارشا ۆيرۋس وكپە قابىنۋ اۋرۋىنا شالدىقتى دەپ جاڭادان دياگنوز قويىلعان ناۋقاستاردىڭ بارلىعى رۇيلي قالاسىندا بارلىق ادامعا نۋكلەين قىشقىلىن تەكسەرۋ جۇرگىزگەن كەزدە بايقالعان سوڭ، تەرىس قىسىمدى قۇتقارۋ اۆتوموبيلىمەن بەلگىلەنگەن ەمحاناعا جەتكىزىلىپ، اۋاشالاپ ەمدەۋگە الىنعان. ەپيدەميولوگيالىق تاريحىمەن، كلينيكالىق جاعدايىمەن جانە تاجىريبەحانادا نۋكلەين قىشقىلىن الىپ تەكسەرۋ ناتيجەسىمەن ۇشتاستىرا وتىرىپ، بارلىعى جاڭا تيپتى ايدارشا ۆيرۋس وكپە قابىنۋ ىندەتىنە شالدىققان دەپ دياگنوزىن تۇراقتاندىرعان (ەكەۋىنىڭ ناۋقاسى قالىپتى، بىرەۋىنىڭ ناۋقاسى جەڭىل). ەپيدەميولوگيالىق قىزمەت ءالى دە شۇعىل ورىستەتىلۋدە.
مۇنان سىرت، اتالعان حابارلاندىرۋعا قاراعاندا، 7 – ايدىڭ 4 – كۇنى ساعات نولدەن ساعات 24 كە دەيىن، يۇننان ولكەسىندەگى شەكارا سىرتىنان كەلگەن، جاڭا تيپتى ايدارشا ۆيرۋس وكپە قابىنۋى اۋرۋىنا شالدىقتى دەپ دياگنوزى تۇراقتاندىرىلعان ناۋقاستاردىڭ سانى جاڭادان 5 ادام ارتقان (ۇشەۋى بيرمادان، ەكەۋى يندونەزيادان كەلگەن)، شەكارا سىرتىنان كەلگەن، اۋرۋ بەلگىسى جوق جۇعىمدالۋشىلاردىڭ سانى جاڭادان ءبىر ادام ارتقان (يندونەزيادان كەلگەن)، بارلىعى جۇڭگو ازاماتى. دياگنوزى تۇراقتاندىرىلعان ناۋقاستاردان 2 ناۋقاس جازىلىپ ەمحانادان شىققان (شەكارا سىرتىنان كەلگەندەر).
7 – ايدىڭ 4 – كۇنى ساعات 24 كە دەيىن، يۇننان ولكەسىندە بايقالعان دياگنوزى تۇراقتاندىرىلعان ناۋقاستاردىڭ سانى 64 ادام (جەرگىلىكتى ورىننان 3 ادام، شەكارا سىرتىنان كەلگەن 61 ادام)، اۋرۋ بەلگىسى جوق جۇعىمدالۋشىلار 12 ادام (شەكارا سىرتىنان كەلگەن)، بارلىعى بەلگىلەنگەن ەمدەۋ قۇرىلىمىندا اۋاشالاپ ەمدەۋگە جانە مەديتسينالىق باقىلاۋعا الىنۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
