ۋيچاتتىڭ تاعى ءبىر جاڭا يقۋاتى ىسكە قوسىلدى
2021.07.05 15:40 كەلۋ قاينارى : حالىق تورابى
جۋىردا، ۋيچاتتىڭ جاڭا يقۋاتى — «قارىز قولقاتى يقۋاتى» ىسكە قوسىلدى، توراپتاستار: ناعىز كادەگە جارايتىن يقۋات ەكەن، قارىزدى قۋزاپ اۋرە بولمايتىن بولدىق! — دەستى.
بۇل يقۋات «تىڭشۇن ەلەكتروندى قولقاتى» (腾讯电子签) اتتى شاعىن پروگرامما، باستىسى ءتۇرلى تالونداردى باسقارۋ، ەكى جاقتىڭ ءۇي مايلاۋ توقتامىن جاساسۋى قاتارلى ىستەردە قولدانىلادى.
ايتۋعا قاراعاندا، بۇل يقۋات دوستار اراسىندا ءبىر – بىرىنەن قارىز العان كەزدە وتە قولايلى ەكەن، ۇيتكەنى، بۇل جەردەگى تالوندار زاڭدىق كۇشكە يە. قازىرگى تاڭدا، ەلەكتروندى جولمەن اقشا تولەۋ كۇننەن – كۇنگە جالپىلاسۋدا، بىرەۋدەن بىرەۋ قارىز العاندا كوبىنشە ۋيچات ارقىلى اقشا جوتكەلەتىندىكتەن، ىسپات قالدىرۋ قولايسىز بولىپ، اقشانى قايتارماي قوياتىن جايت وڭاي تۋىلادى.
جوعارىدا اتالعان قارىز قولقاتى شاعىن پروگرامماسى ىسكە قوسىلعان سوڭ، قارىز بەرۋدەن الاڭدامايتىن بولدىڭىز، قارىز الۋشى دا ىرىقتى تۇردە قايتاراتىن بولادى! قارىز بەرىپ العان سوڭ، ونى قۋزاۋدان الاڭدامايتىن بولدىڭىز!
تەك شاعىن پروگرامماداعى تالونعا قول قويىپ، ەسكەرتۋ دەگەن ورنىنا اقشا قارىز الۋ ماقساتىن جازىپ، اقشانى قايتاراتىن ۋاقىتتى بەلگىلەپ قويساڭىز، اقشا قايتاراتىن ۋاقىت بولعاندا، قارسى جاققا اقشا قايتارۋدى اۆتوماتتى تۇردە ەسكەرتەدى.
ارينە، بۇل يقۋات ءتۇرلى قارىز، ماي اقى سياقتى تالونداردى ەستەلىككە الۋعا قولدانىلادى، الايدا، قارىز قۋزاۋ يقۋاتى رەتىندە پايدالانساڭىز دا بولىپ تۇر.
كۇندەلىكتى تۇرمىستا ءبىز ۇنەمى مىناداي جاعدايعا جولىعامىز:
كەيدە جاڭا عانا جاساعان توقتامنىڭ قايدا كەتكەنىن تابا الماي قالامىز، وتە – موتە، ءۇي مايلاۋ توقتامى سياقتى ماڭىزدى توقتامدار تابىلماسا وتە كوپ اۋرەگە سالادى.
الايدا، ەلەكتروندى توقتامعا قول قويساڭىز، وڭاي جوعالمايدى.
تەك شاعىن پروگرامماعا كىرىپ، «توقتام جاساسۋ» دەگەن جەردى باسىپ، توقتامنىڭ مازمۇنىن تولتىرساڭىز بولعانى، اتاپ ايتقاندا، ءۇي يەسى مەن مايعا الۋشىنىڭ ينفورماتسيالارى، ءۇيدىڭ ءادىرىسى، قۇرىلىس كولەمى قاتارلى مازمۇنداردى جازاسىز، قاتىستى مازمۇنداردى جازىپ بولعان سوڭ، كەز كەلگەن ۋاقىتتا تاۋىپ كورە الاسىز، ونىڭ ۇستىنە، سۋرەتىن جۇكتەپ، ساقتاپ قويۋعا دا بولادى.
بالكىم، ءسىز: بۇلاي ىستەۋ حاۋىپسىز بە؟ — دەپ سۇراۋىڭىز مۇمكىن. ارينە! «تىڭشۇن ەلەكتروندى قولقاتى» ارقىلى قول قويىلعان توقتامدار تۇگەلدەي ازاماتتىق زاڭناماداعى ەلەكتروندى قولتاڭبا زاڭىنىڭ ءتۇرلى بەلگىلەمەلەرىنە قاتاڭ بويسۇنادى.
ەلەكتروندى توقتام ىسپاتى قاعاز جۇزىندەگى توقتاممەن بىردەي كۇشىنە يە بولادى. ونىڭ ۇستىنە، اناعۇرلىم حاۋىپسىز. ۇيتكەنى، بۇل توقتامعا قول قويۋ بارىسى مەن ناتيجەسى تۇگەلدەي بلوگچەين تەحنيكاسى ارقىلى جالپى بارىس بويىنشا بەكىتىلىپ، ساقتالىپ وتىرادى، دەمەك، وزگەرتىپ جىبەرۋ مۇمكىندىگى جوق.
بۇل يقۋاتتى بايقاعان توراپتاستار قۋانعانىنان: «نەگە ەرتەرەك ىسكە قوسپاعان؟»، «اقىرى ىسكە قوسىلعان بولدى!» دەگەن لەبىزدەردى جازىپتى.
قالاي ەكەن؟ سىزشە، بۇل يقۋات كادەگە جارايتىن سياقتى ما؟
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
