”ءبىر سىرعىما ارقاندى وزگەرتۋ، ءبىر تاس جول سالۋ ارقىلى بۇقاراعا كەدەيلىكتەن ارىلىپ، بايۋدىڭ قاقپاسىن اشىپ بەرۋگە بولادى“
− شي جينپيڭنىڭ بۇقارانىڭ ساپارعا شىعۋىنا كوڭىل بولگەندىگى تۋرالى حيكايا
□ شينحۋا اگەنتتىگىنىڭ تىلشىلەرى ۋي يۇيكۇن، جاۋ ۋىنجۇن، ديڭ يچۋان
2021.07.05 16:37 كەلۋ قاينارى : شينجياڭ گازەتى
كەدەيلىكتەن ارىلىپ، بايۋ ءۇشىن دامۋ، دامۋ ءۇشىن الدىمەن قاتىناستى جاقسارتۋ كەرەك.
باس شۋجي شي جينپيڭ باستان - اياق قاتىناس ىستەرىن ويلاپ، بۇقارانىڭ جول ءجۇرۋ قيىندىعىن ۋايىمداپ، تالاي رەت نەگىزگى ساتىعا بارىپ، قاتىناس - تاسىمال قىزمەتىنە تەكسەرۋ - زەرتتەۋ جۇرگىزىپ، حالىقتىڭ ۇنىنە قۇلاق ءتۇرىپ، ناقتى جاعدايدى تەكسەرىپ، ماڭىزدى نۇسقاۋ بەرىپ، قاتىناس - تاسىمال ىستەرىنىڭ دامۋىنا ايقىن بەتالىس كورسەتتى.
بۇقارانىڭ ساپارعا شىعۋ قيىنشىلىعىنا كوڭىل ءبولدى
اۋىل - قىستاقتىڭ دوڭگەلەك داۋلەتتىلىككە ۇمتىلۋىنىڭ نەگىزى قاتىناستا. اۋىل - قىستاق ءوڭىرىنىڭ، اسىرەسە، كەدەي وڭىرلەردىڭ قاتىناس قۇرىلىسى، باستان - اياق باس شۋجي شي جينپيڭنىڭ كوكەيىندە سالماقتى ورىندا تۇردى.
يۇننان مەن شيزاڭنىڭ تۇيىلىسكەن جەرىنە ورنالاسقان يۇنناننىڭ گۇڭشان دۋلۇڭزۋ - نۋزۋ اۆتونوميالى اۋدانىنىڭ دۋلۇڭجياڭ اۋىلى دۋلۇڭ ۇلتىنىڭ نەگىزگى شوعىرلى قونىستانعان جەرى، بۇل جەر اسقار تاۋلى، ساي - سالالى كەلەدى، جاراتىلىستىق شارت - جاعدايى ناشار، كەزىندە يۇننانداعى، ءتىپتى، بۇكىل ەلدەگى ەڭ كەدەي، مەشەۋ ءوڭىر بولاتىن. دۋلۇڭجياڭ اۋىلىنىڭ جول قاتىناسى جاقسى ما، جوق پا؟ اۋىلداستاردىڭ ساپارعا شىعۋى قولايلى ما، جوق پا؟ باس شۋجي شي جينپيڭ مۇنى كوكەيىنەن شىعارماي كەلدى.
2014 - جىلى جاڭا جىل قارساڭىندا يۇننان ولكەسىنىڭ گۇڭشان اۋدانىنداعى كادر - بۇقارا باس شۋجي شي جينپيڭگە حات جازىپ، تالاي جىل كۇتكەن گاۋلي گۇڭشان دۋلۇڭجياڭ تاس جولى تۋنەلىنىڭ جاقىن ارادا تۇتاستىرىلاتىندىعى تۋرالى قۋانىشتى حاباردى جەتكىزدى.
حاتتى تاپسىرىپ العاننان كەيىن باس شۋجي شي جينپيڭ ماڭىزدى بەكىتۋ جاسادى: ”گاۋلي گۇڭشان دۋلۇڭجياڭ تاس جولىنىڭ تۋنەلى جاقىن ارادا تۇتاستىرىلاتىندىعىنان حابار تاۋىپ، ەرەكشە قۋاندىم، دۋلۇڭ ۇلتى اۋىلداستاردى قۇتتىقتايمىن! دۋلۇڭ ۇلتى بۇقاراسىنىڭ قونىستانۋ، تۇرمىس شارت - جاعدايى ءبىرشاما جاپالى، مەن سىزدەردىڭ ءوندىرىس، تۇرمىس احۋالدارىڭىزدى ەسىمنەن شىعارماي كەلەمىن“.
سوزدەرىنەن ىقىلاستى سۇيىسپەنشىلىك مەن مۇندالاپ تۇر.
ءبىر جىلدان كەيىن، 2015 - جىلى 1 - ايدىڭ 20 - كۇنى، يۇنناننىڭ كۇنميڭىندە قىزمەت تەكسەرىپ، تەكسەرۋ - زەرتتەۋ جۇرگىزگەن باس شۋجي شي جينپيڭ ارنايى ۋاقىت شىعارىپ، باستاپتا حات جازعان 5 كادر - بۇقارا مەن دۋلۇڭ ۇلتىنىڭ 2 ايەلىن كۇنميڭگە شاقىرىپ اكەلىپ كەزدەستى.
كەشكە تاياۋ، تۇرعان جەرىندەگى قوناق ءۇيدىڭ ءماجىلىس ۇيىندە، باس شۋجي شي جينپيڭ دۋلۇڭ ۇلتىنان شىققان ”ساقا اۋدان اكىمى“ گاۋ دىرۇڭنىڭ قولىنان ۇستاپ، ۇزىنشاق بامبۋك ورىندىققا جايعاسىپ، كوپشىلىكپەن بىرگە قورالانا وتىرىپ، دۋلۇڭ ۇلتىنىڭ وندىرىسىندەگى، تۇرمىسىنداعى زور وزگەرىستى بەينەلەيتىن قىسقا فيلىمدى كوردى.
”بۇرىن تاۋدان شىعۋعا قانشا ۋاقىت كەتۋشى ەدى؟“، - دەپ سۇرادى باس شۋجي شي جينپيڭ.
”ازاتتىقتان بۇرىن جەرگىلىكتى ادامداردىڭ گاۋلي گۇڭشان تاۋىنان اسىپ، گۇڭشان اۋدانىنا بارۋى ءۇشىن، بارىپ - قايتۋعا جارتى اي كەتەتىن؛ جاڭا جۇڭگو قۇرىلعاننان كەيىن ادام مەن ات جۇرەتىن جول جاسالىپ، ءبىر بارىپ كەلۋگە 6 − 7 كۇن كەتەتىن بولدى؛ 1999 - جىلى دۋلۇڭجياڭنىڭ قاراپايىم تاس جولى تۇتاستىرىلعاننان كەيىن، قالىڭ قار جاۋىپ تاۋ جولى بوگەلىپ قالماسا، 7 − 8 ساعاتتا اۋدان قالاشىعىنا جەتەتىن بولدىق؛ بۇل كۇندەرى تۋنەل سالىنىپ اۆتوكولىك قاتىناعاننان كەيىن، 3 ساعاتتا - اق اۋدان قالاشىعىنا جەتىپ بارامىز“، - دەدى گاۋ دىرۇڭ.
دۋلۇڭجياڭ تاس جولى دۋلۇڭ ۇلتى بۇقاراسى مەن سىرتقى دۇنيەنى تۇتاستىراتىن بىردەن - ءبىر ارنا، دۋلۇڭ ۇلتى بۇقاراسىنىڭ ءوندىرىس، تۇرمىسى مەن ەكونوميكالىق دامۋىنىڭ جان تامىرى. بۇگىنگى تاڭدا، تاس جول تۋنەلىنىڭ تۇتاستىرىلۋى تاعى ساياحات كاسىبىن جەبەپ، ساياحاتشىلاردى ۇزدىكسىز كەلۋگە باۋراپ، جەرگىلىكتى بۇقارانى كەدەيلىكتەن ارىلىپ، بايۋعا جەتەكتەدى.
مىڭ شاقىرىم شالعايداعى، قۇلاما بەتكەيگە ورنالاسقان سىچۋاننىڭ دالياڭشانىنداعى اتۋليەىر قىستاعى تۇرعىندارىنىڭ ساپارعا شىعۋى قيىن بولۋى دا باس شۋجي شي جينپيڭنىڭ ەسىنەن شىقپادى.
”قىستاق تۇرعىندارىنىڭ ساپارعا شىعۋى جاعدايىن كورىپ، توتەنشە الاڭدادىم“. 2017 - جىلعى مەملەكەتتىك ەكى ءماجىلىس كەزىندە باس شۋجي شي جينپيڭ لياڭشان يزۋ اۆتونوميالى وبلىسىنداعى ”جارتاستاعى قىستاق“ تۋرالى تەلەۆيزيا اقپاراتتىق حابارىنا ايالداعاندا، قامقورلىق سۇيىسپەنشىلىگى سوزىنەن ءبىلىنىپ تۇردى.
ءارقايسى جاقتاردىڭ بىرگە قۇلشىنۋىندا، سول جىلى 6 - ايدىڭ سوڭىندا ”جارتاستاعى قىستاقتىڭ“ تۇرعىندارى شىرماۋىق ساباقتارى مەن سىرىقتان توقىلعان 17 بولىك ”اسپالى ساتىعا“ قوش ايتىپ، 2500دەن استام بولات تۇتىكتەن قۇرالعان ”بولات باسپالداق جولدى“ پايدالاناتىن بولدى. 2020 - جىلى 5 - ايدا قىستاق تۇرعىندارى ىركەس - تىركەس جاۋجۋە اۋدانىنداعى قونىس جاڭالاپ كەدەيلەردى سۇيەمەلدەۋ بويىنشا اۋدان قالاشىعىنا شوعىرلى ورنالاستىرۋ تۇيىنىندەگى جاڭا ۇيلەرىنە كوشىپ كىردى.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىڭ تاماشا تۇرمىسقا تالپىنىسىن باستان - اياق اينىماس كۇرەس نىساناسى ەتىپ، اۋىل - قىستاق وڭىرلەرىنىڭ، اسىرەسە، كەدەي وڭىرلەردىڭ قاتىناس قۇرىلىسىنىڭ قارقىنىن تەزدەتىپ، ساپاسىن جوعارىلاتۋدى زور كۇشپەن ىلگەرىلەتتى.
قازىرگە دەيىن بۇكىل ەلدەگى اۋىل - قىستاق تاس جولىنىڭ جالپى ۇزىندىعى 4 ميلليون 200 مىڭ كيلومەتردەن اسىپ، شارت - جاعداي ازىرلەگەن اۋىل - قالاشىقتاردىڭ جانە قۇرىلىمدىق قىستاقتاردىڭ ％100ىنە اسفالتتانعان جول تۇتاستىرىلدى، جولاۋشىلار اۆتوكولىگى قاتىنادى، 556 مىڭ قۇرىلىمدىق قىستاققا تىكە پوچتا جەتكىزىلدى.
”اشىق كۇندەرى شاڭ - توزاڭ قاۋىپ، جاڭبىرلى كۇندەرى باتپاققا مالىناتىن كۇندەر“ تاريحقا اينالىپ، بۇقارانىڭ ”سىرتقا شىقسا اسفالتتانعان جولعا ءتۇسىپ، اتتاپ باسسا جولاۋشىلار اۆتوكولىگىنە وتىرۋى“ بىرتىندەپ رەالدىققا اينالدى.
قاتىناس ارقىلى كەدەيلىكتەن ارىلىپ، بايۋدىڭ امالىن قاراستىردى
باييمىن دەسەڭ الدىمەن جول جاسا. اۋىل - قىستاقتا جول بولماسا، بايۋ قيىنعا سوعادى. باس شۋجي شي جينپيڭ قاتىناس نەگىزدىك قۇرىلعىلارى قۇرىلىسىنىڭ اۋىل شارۋاشىلىعى، اۋىل - قىستاق، شارۋالارعا قىزمەت وتەۋدەگى، كەدەيلىكتەن ارىلتىپ، بايۋعا دەم بەرۋدەگى ماڭىزدى رولىنا توتەنشە ءمان بەرەدى.
ۋليڭشان تاۋىنىڭ قويناۋىنا ورنالاسقان حۋناننىڭ شياڭشي تۋجيازۋ - مياۋزۋ اۆتونوميالى وبلىسى جيشوۋ قالاسى ايجاي قالاشىعىنىڭ تاۋ جولى ەرەكشە قاتەرلى، قاتىناسى قولايسىز ەدى. مەشەۋ قاتىناس جاعدايىن وزگەرتۋ ءۇشىن، جەرگىلىكتى ورىن 2007 - جىلى 10 - ايدا كوپىر سالىپ، جوعارى جىلدامدىقتى جول جاساپ، 2012 - جىلى 3 - ايدىڭ 31 - كۇنى ايجاي ەرەكشە ۇلكەن اسپالى كوپىرىندە اۆتوكولىك قاتىنادى. ۇلكەن كوپىر حۋنان، چۇڭچيڭ، گۇيجوۋ قاتارلى ولكە - قالالاردىڭ بىرنەشە ءىرى جوعارى جىلدامدىقتى تاس جول جەلىسىمەن تۇتاسىپ، شياڭشي وبلىسىنىڭ دامۋىن تەجەپ كەلگەن قاتىناس بوگەتىن ارىلتتى.
بۇل ۇلكەن كوپىردى پايدالانۋ قالاي بولىپ جاتىر؟ جەرگىلىكتى بۇقارانىڭ تۇرمىسى وسىعان بايلانىستى جاقساردى ما؟ 2013 - جىلى 11 - ايدىڭ 3 - كۇنى باس شۋجي شي جينپيڭ ايجاي ەرەكشە ۇلكەن اسپالى كوپىرىنە كەلىپ كوزدەن كەشىردى، شياڭشي وبلىسىندا تاياۋ جىلدارى قاتىناس شارت - جاعدايىنداعى وزگەرىستىڭ زور ەكەندىگىن، اسىرەسە، اۋىل - قىستاق جول تورىنىڭ نەگىزىنەن قالىپتاسقاندىعىن ۇعىسىپ، باس شۋجي ەرەكشە قۋاندى.
”كەدەي وڭىرلەر كەدەيلىكتەن ارىلىپ، بايۋ ءۇشىن، قاتىناس سياقتى نەگىزدىك قۇرىلعى شارت - جاعدايىن جاقسارتۋ وتە ماڭىزدى، بۇل جاعىندا سەرپىندى ارتتىرىپ، ۇزدىكسىز قولداۋ كورسەتۋ كەرەك“. باس شۋجي شي جينپيڭ قاتىناس نەگىزدىك قۇرىلعىلارى ارقىلى قالىڭ شارۋالاردىڭ كەدەيلىكتەن ارىلىپ، بايۋىن ىلگەرىلەتىپ، دوڭگەلەك داۋلەتتىلىككە جەتكىزۋدى ءۇمىت ەتىپ كەلدى.
بۇل كۇندەرى ايجاي ەرەكشە ۇلكەن اسپالى كوپىرى جانە ايجاي قۇلاما بەتكەي اينەك جولى، دىحاڭ مياۋزۋ قورجاسى سياقتى كورىنىس تۇيىندەرى دىحاڭ ۇلكەن اڭعارى كورىنىس اۋماعىن قۇراپ، بارعان سايىن كوپ جەرگىلىكتى بۇقارا مياۋزۋ كەستەسى، حالىقتىق تۇسەلحانا اشۋ ارقىلى ۇيلەرىنىڭ جانىندا ”ساياحاتتىڭ يگىلىگىن“ كوردى.
جول تۇتاستىرىلسا، سان سالالى كاسىپ كوركەيەدى. شياڭشي وبلىسى سياقتى كوپتەگەن كەدەي وڭىرلەر بايلىقتان كەندە ەمەس، جولدىڭ تۇتاسپاۋىنان، ىركىلىسسىزدەنبەۋىنەن، بۇقارا الىستاپ شىعا الماي، تۇرمىسى بارعان سايىن كەدەيلەسكەن ەدى. كەدەيلىكتەن ارىلىپ، بايۋ ءۇشىن قاتىناس سياقتى نەگىزدىك قۇرىلعىلاردى جاقسارتۋ اسا ماڭىزدى بولىپ تابىلادى.
”اسىرەسە، كەيبىر كەدەي وڭىرلەردە ءبىر سىرعىما ارقاندى وزگەرتۋ، ءبىر تاس جول سالۋ ارقىلى بۇقاراعا كەدەيلىكتەن ارىلىپ، بايۋدىڭ قاقپاسىن اشىپ بەرۋگە بولادى“. باس شۋجي شي جينپيڭ اۋىل - قىستاق تاس جولى دامۋى جونىندەگى بايانداماعا ماڭىزدى بەكىتۋ جازدى.
سىچۋاننىڭ جاۋجۋە اۋدانى سانچاحى اۋىلى سانحى قىستاعىنىڭ تۇرعىنى جيحاۋيەچيۋ 3 جىلدان استام ۋاقىتتىڭ الدىنداعى سول ءبىر كورىنىستى ماڭگى ۇمىتپايدى − باس شۋجي شي جينپيڭ يرەلەڭدەگەن، ويلى - شۇڭقىر تاۋ جولىمەن ونىڭ ۇيىنە كەلىپ، الاسا قاقپادان ۇيگە كىردى.
2018 - جىلى كوكتەم مەرەكەسى قارساڭىندا، لياڭشان وڭىرىندە تولاسسىز قار جاۋىپ، اۋا تەمپەراتۋراسى كۇرت تومەندەدى. لياڭشان وبلىسىندا قىزمەت تەكسەرىپ جۇرگەن باس شۋجي شي جينپيڭ سانحى قىستاعىنا كەلىپ، جيحاۋيەچيۋدىڭ ۇيىنە باردى.
”جاپپاي دوڭگەلەك داۋلەتتىلىككە جەتۋ جولىندا ءاربىر ۇلتتى، ءاربىر وتباسىن ۇمىت قالدىرۋعا بولمايدى“. باس شۋجي شي جينپيڭنىڭ ءسوزىن ەستىگەن جيحاۋيەچيۋدىڭ كوزىنە جاس ىركىلدى.
تەڭىز دەڭگەيىنەن 2500 مەتر بيىك جوتاعا ورنالاسقان سانحى قىستاعى − تيپتىك ليزۋ قىستاعى، قاتىناس شارت - جاعدايى جانە كاسىپ سالاسى قۇرىلىمى سياقتىلاردىڭ شەكتەمەسىنە ۇشىراعاندىقتان، ەكونوميكالىق، قوعامدىق دامۋى ارتتا قالعان ەدى. سوڭعى جىلدارى جەرگىلىكتى ورىن قىستاققا تۇتاساتىن تاس جولدى قايتادان جاساپ، ”تورتتە جاقسى اۋىل - قىستاق تاس جولى“ قۇرىلىسىن زور كۇشپەن ىلگەرىلەتىپ، قىستاقتىڭ بەت - بەينەسىن جاڭارتتى. جول ىركىلىسسىزدەندى، جەرگىلىكتى كاسىپ سالاسىنىڭ دامۋى دا جەدەلدەي ءتۇستى، كارتوپ، قوشقىل بۇرىش، جاڭعاق سياقتى ەرەكشە اۋىل شارۋاشىلىق ونىمدەرى تاۋ قويناۋىنان شىعارىلىپ، قىستاق تۇرعىندارىنىڭ كىرىسى جىل سايىن جوعارىلادى.
قازىر باس شۋجي شي جينپيڭ كەلگەن كەزدە جۇرگەن قىستاققا تۇتاساتىن ويلى - شۇڭقىر باتپاق جول رەتتى دە تازا اسفالت جولعا اينالدى. ”باس شۋجي كەلگەندە ويلى - شۇڭقىر جولمەن ءجۇرىپ كەلگەن ەدى، ەندىگارى ونداي جولمەن جۇرمەيتىن بولدىق!“، - دەدى جيحاۋيەچيۋ.
اۋىل - قىستاق تاس جولىن جاساۋدا جەرگىلىكتى جاعدايعا قاراي ىستەۋ، ادامدى نەگىز ەتۋ كەرەك، قىستاق - قالاشىق ورنالاسۋىن ساپالىلاندىرۋمەن، اۋىل - قىستاق ەكونوميكاسىن دامىتۋمەن جانە قالىڭ شارۋالاردىڭ حاۋىپسىز، قولايلى ساپارعا شىعۋىمەن ءوزارا سايكەسۋى كەرەك؛
تۇزىلىستە جاڭالىق اشۋ، ساياساتتى كەمەلدەندىرۋ ارقىلى اۋىل - قىستاق تاس جولىن ونان ارى ويداعىداي سالۋ، ويداعىداي باسقارۋ، ويداعىداي قورعاۋ، ويداعىداي پايدالانۋ كەرەك؛
اۋىل - قىستاقتىڭ دامۋىنا تۇساۋ بولاتىن قاتىناس بوگەتتەرىن بىرتىندەپ جويۋ كەرەك...
جاڭا جاعدايدا، باس شۋجي شي جينپيڭ اۋىل - قىستاق تاس جولىنىڭ دامۋىن ونان ارى تەرەڭدەتۋ مەن كۇشەيتۋگە ايقىن بەتالىس كورسەتىپ، قالىڭ شارۋالاردىڭ دوڭگەلەك داۋلەتتىلىكتى ەرتەرەك جۇزەگە اسىرۋىنا تاماشا ءادىس كورسەتتى.
قاتىناستا قۋاتتى ەل بولۋ جولىن كورسەتتى
دۇنيە جۇزىندە بىرەگەي قۋاتتى پورتتى جىلدام قۇرىپ، مەملەكەت قۇرىلىسىنا اناعۇرلىم ويداعىداي قىزمەت وتەۋ − جاڭا مەزگىلدە قاتىناستا قۇدىرەتتى ەل قۇرۋدىڭ ماڭىزدى تاقىرىبى. پورتتى قايتكەندە زورايتۋعا، قۇدىرەتتەندىرۋگە بولادى، بۇعان باس شۋجي شي جينپيڭ ەرەكشە كوڭىل ءبولدى.
2019 - جىلى 1 - ايدىڭ 17 - كۇنى تيانجيندە قىزمەت تەكسەرىپ جۇرگەن باس شۋجي شي جينپيڭ تيانجين پورتىنىڭ كەمەجايىنا كەلىپ، پورت كەمەجايىنىڭ جۇمىسىن جانە اۆتوماتتانعان جابدىقتاردىڭ جۇمىس جۇرگىزۋ جاعدايىن ۇعىستى.
”باس شۋجي شي جينپيڭ مەنىمەن قول الىسقاندا، ۇيىمدەگىلەرمەن اڭگىمەلەسكەندەي جاقىن سەزىندىم“. سول كەزدەگى كورىنىس تيانجين پورتى تىنىق مۇحيت حالىقارالىق جۇك قوراپ كەمەجايى شەكتى سەرىكتەستىگى مەڭگەرۋ، جۇمىس جۇرگىزۋ ۇلكەن اترەتىنىڭ شوفەرى لي تاۋدىڭ ءالى دە كوز الدىنان كەتپەيدى.
”ەكونوميكانى دامىتۋ، مەملەكەتتى قۇدىرەتتەندىرۋ ءۇشىن، قاتىناستى، اسىرەسە، تەڭىز تاسىمالىن ەڭ الدىمەن قۇدىرەتتەندىرۋ كەرەك“. ورنالاستىرۋ، قولباسشىلىق ەتۋ ورتالىعىندا باس شۋجي شي جينپيڭ بىلاي دەپ باسا دارىپتەدى: الىستى كوزدەۋ ءۇشىن، دۇنيە جۇزىندە بىرەگەي زەردەلى پورت، جاسىل پورت تۇلعالاۋعا قۇلشىنىپ، بەيجيڭ، تيانجين، حىبەيدىڭ سايكەستى دامۋىنا جانە ”ءبىر بەلدەۋ، ءبىر جولدى“ بىرگە قۇرۋعا اناعۇرلىم ويداعىداي قىزمەت وتەۋ كەرەك.
قازىر باس شۋجي شي جينپيڭنىڭ جول كورسەتۋىندە جىلدام قۇرىلىپ، دامىعان پورت دۇنيە جۇزىندە بىرەگەي پورت بولۋعا قاراي قادام تاستادى: الەمدە العاش نەگىزى سالىنعان كوپتەگەن تەحنيكالىق جاسامپازدىقتى جۇزەگە اسىرىپ، دۇنيە جۇزىندەگى 200دەن استام مەملەكەت جانە رايوننىڭ 800دەن استام پورتىمەن ساۋدا قارىم - قاتىناسىن جاساپ، سىرتقى ساۋدا سۋ جولىنىڭ ونىمدىلىگى الەمدەگى الدىڭعى قاتارعا ءوتتى.
ءبىر كوپىر وڭتۇستىك پەن سولتۇستىكتى جالعاپ، ءبىر جول شار تاراپپەن تۇتاستى. قاتىناسى قايشالىسىپ جاتقان جۇڭگو قارىشتاپ دامۋدىڭ جالىندى ومىرشەڭدىگىنە تولدى.
تيان - انمىننىڭ تۋرا وڭتۇستىك تۇسىنداعى 46 كيلومەتردەي جەردە بەيجيڭ داشيڭ حالىقارالىق اۋەجايى سامۇرىقتاي قانات جايىپ تۇر. تال تۇستە كۇن شۋاعى قوڭىرقاي ءتۇستى تەرمينال عيماراتىنىڭ توبەسىنە ءتۇسىپ، جارقىراي نۇر شاشىپ تۇر.
ۋاقىتتى 2019 - جىلى 9 - ايدىڭ 25 - كۇنىنە شەگەرسەك، بەيجيڭ داشيڭ حالىقارالىق اۋەجايى رەسمي قولدانىسقا بەرىلگەن كەز، شىت جاڭا تەرمينال عيماراتى وزگەشە ءبىر ”جولاۋشىنى“ قارسى الدى − باس شۋجي شي جينپيڭ سالتقا قاتىناسىپ، اۋەجايدىڭ رەسمي ىسكە قوسىلىپ جۇمىس جۇرگىزگەندىگىن جاريالادى ءارى اۋەجايدىڭ تەرمينال عيماراتىن ارالاپ كوردى.
ۇشاققا شىعۋ راسمياتتارىن ءبىتىرۋ تۇعىرىنىڭ الدىندا باس شۋجي شي جينپيڭ زەردەلى تەحنيكانى، تولىق اۆتوماتتى، قاعازسىز، زەردەلى ۇشاققا شىعۋ راسمياتتارىن ءبىتىرۋ جۇمىس بارىستارىن كورىپ، اۋەجايدىڭ وسىزاماندانعان قۇرىلعىلار قولدانىپ، ساياحاتشىلارعا قولايلى قىزمەت وتەگەن ءتاسىلىن تۇراقتاندىردى.
”داشيڭ حالىقارالىق اۋەجايىن حالىقارادا بىرەگەي تىنىش اۋەجاي، جاسىل اۋەجاي، زەردەلى اۋەجاي، گۋمانيتارلىق اۋەجاي ەتىپ قۇرىپ، الەمدىك دەڭگەيدەگى اۆياتسيا تورابىن قالىپتاستىرىپ، دۇنيە جۇزىنە جۇڭگو حالقىنىڭ پاراساتى مەن كۇش - قۋاتىن كورسەتۋ، جۇڭگونىڭ اشىق، سيىسىمدى، بەيبىت بولاتىن، سەلبەسەتىن دارقان پەيىلىن كورسەتۋ كەرەك“. باس شۋجي شي جينپيڭنىڭ ەرشىمدى ءسوزى جۇرت جۇرەگىنە ۇيالادى.
ءبىر جىلدان استام ۋاقىتتان بەرى، داشيڭ اۋەجايىنىڭ جولاۋشى لەگى مولشەرى 32 ميلليون ادام - رەتتەن اسىپ، جالپى ورىنداعان كەزەكشى ۇشاقتىڭ ۇشىپ - قونۋ رەت سانى 250 مىڭ بولدى؛ كوپتەگەن قىزمەت وتەۋ جاقتارىندا جاڭالىق اشىلعان، دۇنيە جۇزىندە بىرەگەي، قولايلى، جوعارى ءونىمدى جاڭا مەملەكەت قاقپاسى اشىلدى... ”قۇرىش سامۇرىق“ قانات جايىپ، ”گۇلدەنۋگە“ قاراي سامعادى.
پارتيا 18 - قۇرىلتايىنان بەرى، باس شۋجي شي جينپيڭنىڭ تىكەلەي ورنالاستىرۋىندا جانە جەتەكشىلىك ەتۋىندە، ەلىمىزدىڭ قاتىناس قۇرىلىسى وراسان زور تابىسقا قول جەتكىزدى: قازىرگە دەيىن الەمدەگى الدىڭعى 10 ورىندا تۇراتىن ءىرى جۇك قوراپ پورتىنىڭ جەتەۋى جۇڭگودا؛ بۇكىل ەلدىڭ جوعارى جىلدامدىقتى تاس جولدارىنىڭ ۇزىندىعى 160 مىڭ كيلومەتر بولىپ، جوعارى جىلدامدىقتى تەمىر جولدىڭ ۇزىندىعى 38 مىڭ كيلومەتردەن اسىپ، ىشكى وزەندەر سۋ جولدارىنىڭ كەمە قاتىناعان ۇزىندىعى 120 مىڭ كيلومەتردەن اسىپ، تۇگەلدەي دۇنيە جۇزىندە ءبىرىنشى ورىندى يەلەدى؛ ”فۋشيڭ“ موتورلى ۆاگوندار قۇراماسى، C919 ءىرى تۇرپاتتى جولاۋشىلار ۇشاعى سياقتى ءبىر توپ ەلىمىزدە وندىرىلگەن قاتىناس قۇرالدارى مەن قاتىناس جابدىقتارى ۇزدىكسىز جارىققا شىعىپ، ”جۇڭگودا ءوندىرۋدىڭ“ شىت جاڭا دەڭگەيىن كورسەتتى.
(شينحۋا اگەنتتىگىنىڭ 7 - ايدىڭ 3 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
