كوپ ەلدىڭ پارتيالارى مەن قوعامدىق ۇيىمدارى دۇنيە جۇزىلىك دەنساۋلىق ساقتاۋ ۇيىمىنا «بىرلەسكەن مالىمدە» تاپسىرىپ، جاڭا تيپتى ايدارشا ۆيرۋستىڭ قاينارىن قۋزۋ ماسەلەسىن ساياسيلاندىرۋعا باتىل قارسى تۇردى
2021.08.03 16:50 كەلۋ قاينارى : حالىق تورابى
«حالىق گازەتى»، 8 - ايدىڭ 2 – كۇنى، بەيجيڭ. 8 - ايدىڭ 2 – كۇنى دۇنيە جۇزىندەگى 100 دەن استام مەملەكەت پەن رايونداعى 300 دەن استام پارتيا، قوعامدىق ۇيىم جانە اقىل - پاراسات قويماسى دۇنيە جۇزىلىك دەنساۋلىق ساقتاۋ ۇيىمىنىڭ حاتشىلار باسقارماسىنا «بىرلەسكەن مالىمدەمە» جولداپ، جاڭا تيپتى ايدارشا ۆيرۋستىڭ ادامزاتتىڭ باس اماندىعى مەن دەنساۋلىعىنا اۋىر قاتەر توندىرۋىنە بايلانىستى حالىقارالىق قوعامنىڭ ىندەتكە قارسى اتتانۋ سەلبەستىگىن كۇشەيتۋىن دارىپتەدى، دۇنيە جۇزىلىك دەنساۋلىق ساقتاۋ ۇيىمىن دۇنيە ءجۇزى بويىنشا جاڭا تيپتى ايدارشا ۆيرۋستىڭ تەگىن انىقتاۋدا وبيەكتيۆ، ءادىل زەرتتەۋ جۇرگىزۋگە ۇندەپ، تەگىن انىقتاۋ ماسەلەسىن ساياسيلاندىرۋعا باتىل قارسى تۇردى.
«بىرلەسكەن مالىمدەمەدە» بىلاي دەپ قارالدى: ادامزات − داڭق پەن نامىستا بىرگە بولاتىن تاعدىرلاس ورتاق تۇلعا، كەلەلى داعدارىس الدىندا ەشقانداي ءبىر مەملەكەت ءوز الدىنا دەربەس ءومىر سۇرە المايدى. ۆيرۋستا مەملەكەت شەكاراسى بولمايدى، ناسىلگە بولىنبەيدى، حالىقارالىق قوعام بىرىككەن كۇش قالىپتاستىرعاندا عانا شايقاستا جەڭىسكە جەتە الادى. ۆيرۋستىڭ تەگىن انىقتاۋ − قاتاڭ عىلمي ماسەلە، ونى بۇكىل دۇنيە جۇزىندەگى عالىمدار مەن مەديتسينا ماماندارى سەلبەسىپ زەرتتەپ، فاكت پەن دالەل - ىسپات نەگىزىندە عىلمي قورىتىندى شىعارۋى كەرەك.
«بىرلەسكەن مالىمدەمەدە» بىلاي دەپ اتاپ كورسەتىلدى: ۆيرۋستىڭ تەگىن انىقتاۋ − دۇنيە جۇزىندەگى ءار ەلدىڭ ورتاق بورىشى، دۇنيە جۇزىلىك دەنساۋلىق ساقتاۋ ۇيىمىنىڭ حاتشىلار باسقارماسى ءوز الدىنا ورتاعا قويعان ەكىنشى ساتىداعى تەگىن انىقتاۋ قىزمەت جوسپارى دۇنيە جۇزىلىك دەنساۋلىق ساقتاۋ جينالىسىنىڭ قاۋلى تالابىنا ۇيلەسپەيدى، مۇشە ەلدەرمەن تولىق اقىلداسپاعان، سونداي - اق بۇكىل دۇنيە ءجۇزىنىڭ ۆيرۋستىڭ تەگىن انىقتاۋداعى ەڭ جاڭا زەرتتەۋ جەتىستىكتەرىن جان - جاقتى اڭىس ەتپەگەن، بۇل بۇكىل دۇنيە ءجۇزىنىڭ ۆيرۋستىڭ تەگىن انىقتاۋ سەلبەستىگىنىڭ ۇزدىكسىز ىشكەرىلەي ىلگەرىلەۋىنە جەتەكشىلىك ەتۋگە ءتيىمسىز. دۇنيە جۇزىلىك دەنساۋلىق ساقتاۋ ۇيىمىنىڭ حاتشىلار باسقارماسىن مۇشە ەلدەرمەن سەلبەستىك جاساپ، ۇزدىكسىز جارىققا شىققان جاڭا عىلمي دالەل - ىسپاتتاردى تولىق ويلاستىرىپ، جۇڭگو مەن دۇنيە جۇزىلىك دەنساۋلىق ساقتاۋ ۇيىمىنىڭ جاڭا تيپتى ايدارشا ۆيرۋستىڭ تەگىن انىقتاۋداعى بىرلەسىپ زەرتتەۋ بايانداماسىنا قاتىستى ۇسىنىستاردى تولىق قابىلداۋعا ۇندەيمىز. مەديتسينا ماماندارى مەن عىلمي زەرتتەۋ قىزمەتكەرلەرىنىڭ كاسىپتىك رۋح بويىنشا كوپ ەلدە ۆيرۋستىڭ تەگىن انىقتاۋ قىزمەتىن جاپپاي ورىستەتىپ، كەلەسى رەتكى كەڭ تارالۋدان ساقتانۋعا قاجەتتى تاجىريبە جانە ۇلگى ازىرلەۋىنە قولداۋ كورسەتەمىز.
«بىرلەسكەن مالىمدەمەدە» بىلاي دەلىندى: ءتۇرلى ساياسيلاندىرۋ، بىرەۋگە تاڭۋ، اتقا داق سالۋ دامەسىنە باتىل قارسى تۇرامىز، ساياسي فاكتورلار مەن ساياسي الاياقتىقتىڭ زەرتتەۋ اياق الىسىنا جانە حالىقارالىق ىندەتكە قارسى اتتانۋ سەلبەستىگىنە كيلىگۋىنە قارسى تۇرامىز.
«بىرلەسكەن مالىمدەمە» جۇڭگونى قامتىعان كەيبىر ەلدەردىڭ دۇنيە ءجۇزىن، اسىرەسە، وركەندەپ كەلە جاتقان ەلدەردى ۆاكسينامەن بەلسەنە قامداپ، دۇنيە ءجۇزىنىڭ ىندەتكە قارسى اتتانۋ سەلبەستىگىنە ماڭىزدى ۇلەس قوسقانىن القادى. قۋاتتى ەلدەردى ەكسپورتتى شەكتەۋدەن نەمەسە ارتىق مولشەردە باسىپ الۋدان ساقتانىپ، «ۆاكسينا ۇلتشىلدىعىنا» باتىل قارسى تۇرىپ، دۇنيە جۇزىندەگى «يممۋنيتەت جىلعاسىن» تەگىستەپ، حالىقارالىق ىندەتتەن ساقتانۋ قالتقىسىن بەكەمدەۋگە ۇندەدى.
«بىرلەسكەن مالىمدەمەدە» بىلاي دەپ ۇندەۋ تاستالدى: ءار ەلدىڭ پارتيالارى مەن ۇيىمدارى حالىقتى باقىتقا كەنەلتۋ، مەملەكەتتىڭ دامۋىن جەبەۋ جانە دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋ سىندى اۋىر مىندەتتى ارقالاپ وتىر، ىندەتكە قارسى اتتانۋداعى حالىقارالىق سەلبەستىكتى، ساياساتتاردى سايكەستىرۋدى، ارەكەتتى سايكەستىرۋدى بەلسەنە جەبەپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى بىرگە ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
