ورتالىق ۇگىت ءبولىمى قاتارلى 5 تاراۋ «پىكىر» باسىپ تاراتتى
جاڭا داۋىردەگى ادەبيەت – كوركەمونەر شولۋى قىزمەتى كۇشەيتىلمەك
2021.08.03 16:57 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 2 - كۇنى، بەيجيڭ. جۋىقتا ورتالىق كوميتەتتىڭ ۇگىت ءبولىمى، مادەنيەت جانە ساياحات مينيسترلىگى، مەملەكەتتىك راديو - تەلەۆيزيا باس مەكەمەسى، جۇڭگو ادەبيەت - كوركەمونەرشىلەر بىرلەستىگى، جۇڭگو جازۋشىلار قوعامى قاتارلى 5 تاراۋ بىرلەسىپ «جاڭا داۋىردەگى ادەبيەت - كوركەمونەر شولۋى قىزمەتىن كۇشەيتۋ جونىندەگى جەتەكشى پىكىردى» (تومەندە قىسقاشا «پىكىر» دەلىنەدى) باسىپ تاراتتى.
«پىكىردە» مىنالار ايقىن ورتاعا قويىلدى: جاڭا داۋىردەگى ادەبيەت – كوركەمونەر شولۋى قىزمەتىن كۇشەيتۋدىڭ جالپى تالابى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، «ەكىگە قىزمەت ەتۋ» باعىتى مەن «بارلىق گۇل شەشەك اتسىن، جالپى جارىسا ءۇن قاتسىن» باعىتىن جاپپاي دايەكتىلەندىرىپ، جاسامپازدىقپەن تۇرلەندىرۋدە، جاسامپازدىقپەن دامىتۋدا تاباندى بولىپ، جۇڭحۋا ەستەتيكاسى رۋحىن ساۋلەلەندىرىپ، عىلمي، جان – جاقتى ادەبيەت – كوركەمونەر شولۋىن جاساپ، قۇن ارقىلى جەتەكشىلىك ەتۋ، رۋحاني جاقتان جەتەكشىلىك ەتۋ، ەستەتيكالىق جاقتان شابىت بەرۋ رولىن ساۋلەلەندىرىپ، سوتسياليستىك ادەبيەت – كوركەمونەردىڭ اقاۋسىز گۇلدەنىپ – كوركەيۋىن، دامۋىن ىلگەرىلەتۋ كەرەك. جەلى ءىشى - سىرتىنداعى ادەبيەت - كوركەمونەر شولۋىنا جەتەكشىلىك ەتۋ، سايكەستىرۋ قىزمەت مەحانيزمىن ورناتىپ، ادەبيەت - كوركەمونەر شولۋى شەبىن كۇشەيتىپ، اقاۋسىز شولۋ ەكولوگياسىن قالىپتاستىرىپ، جاسامپازدىق پەن شولۋدىڭ ءونىمدى ىقپالداستىعىن ىلگەرىلەتىپ، ادەبيەت - كوركەمونەر شولۋىنىڭ جاۋىنگەرلىك قۋاتىن، يلاندىرۋ قۋاتىن جانە ىقپال كۇشىن نىعايتىپ، ادەبيەت - كوركەمونەر تۋىندىلارىنىڭ رۋحاني دەڭگەيىن، مادەنيەت مازمۇنىن جانە كوركەمونەرلىك قۇنىن جوعارىلاتۋدى جەبەپ، حالىقتى اناعۇرلىم مول رۋحاني ازىقپەن قامداۋ كەرەك.
«پىكىردە» بىلاي دەپ اتاپ كورسەتىلدى: ادەبيەت - كوركەمونەر شولۋىنىڭ رولىن ويداعىداي يگەرۋ كەرەك. دۇرىس باعىتتى جەتەكشى ەتۋدە تاباندى بولىپ، ماركسيزمدىك ادەبيەت - كوركەمونەر نازارياسى مەن شولۋ قۇرىلىسىن كۇشەيتىپ، ادەبيەت - كوركەمونەر شولۋىنىڭ قوعامدىق ونىمدىلىگىنە باسا ءمان بەرىپ، شىنايىلىقتى، ىزگىلىكتى، كوركەمدىكتى ساۋلەلەندىرىپ، جالعاندىققا، سۇرقيالىققا تويتارىس بەرىپ، انايىلىق، تۇرپايىلىق، جارامساقتىق مازمۇنىنداعى تۋىندىلار مەن پان كوڭىل اشۋ اعىمى سياقتىلارعا دەم بەرمەۋ كەرەك. كوركەمونەر دەموكراتياسىن، عىلىم دەموكراتياسىن ساۋلەلەندىرىپ، كوركەمونەر زاڭدىلىعىنا، ەستەتيكالىق پارىققا قۇرمەت ەتىپ، ادەبيەت - كوركەمونەر شولۋىن سىندارلى تۇردە ورىستەتىپ، قانداي ماسەلە بولسا، سول ماسەلەنى شەشىپ، قانداي كولەمدە تۋىلسا، سول كولەمدە شەشىپ، عىلمي ايتىس ارقىلى جاسامپازدىق ورتاق تانىمىن، باعالاۋ ورتاق تانىمىن، ەستەتيكالىق ورتاق تانىمدى قالىپتاستىرۋعا شابىتتاندىرۋ كەرەك. جۇڭگوشا شولۋ ءسوزىن ورناتىپ، جۇڭگونىڭ ەرتە زامانعى ادەبيەت - كوركەمونەر سىنى نازارياسىنىڭ تاڭداۋلى مۇراسىنا مۇراگەرلىك ەتىپ جانە جاڭالىق اشىپ، وسى زامانعى باتىستىڭ ادەبيەت - كوركەمونەر نازارياسىن سىن تەزىنە الىپ جانە ساباق قابىلداپ، جۇڭگوشا ادەبيەت - كوركەمونەر نازارياسى مەن شولۋ عىلىمى جۇيەسىن، ءپان جۇيەسىن جانە ءسوز جۇيەسىن قۇرىپ، باتىس نازارياسىن جۇڭگولىقتاردىڭ ەستەتيكاسىنا كوشىرىپ قولدانباي، شولۋ جازۋ ستيلىن جاقسارتىپ، مادەنيەت ساپاسى مەن كوركەمدىك ساپاسى بىردەي جاقسى شولۋلاردى كوبىرەك جازۋ كەرەك.
«پىكىردە» مىنالار اتاپ كورسەتىلدى: كاسىپتىك بەدەلدى ادەبيەت – كوركەمونەر شولۋىن ورىستەتۋ كەرەك. ادەبيەت - كوركەمونەر شولۋىنىڭ ولشەمىن اقاۋسىزداندىرىپ، حالىقتى ادەبيەت - كوركەمونەر ەستەتيكاسىن ساراپتاۋشى جانە باعالاۋشى ەتىپ، ساياسي، كوركەمونەرلىك، قوعامدىق اڭىستاردى، بازار مويىنداۋىن بىرلىككە كەلتىرىپ، قوعامدىق ونىمدىلىكتى، قوعامدىق قۇندى ماڭداي الدى ورىنعا قويۋ كەرەك، اعىن مولشەرىنە عانا جابىسىپ الماۋ، قاراپايىم ساۋدا ولشەمىن كوركەمونەر ولشەمىنىڭ ورنىنا قويماۋ كەرەك. تۋىندىلارعا قاتاڭ، وبيەكتيۆ باعا بەرىپ، تۋىندىنى شىعار ءتۇيىن ەتۋدە تاباندى بولىپ، ادەبيەت - كوركەمونەر شولۋىنىڭ كاسىپتىك سيپاتى مەن يلاندىرۋ قۋاتىن جوعارىلاتىپ، ءتىپتى دە كوپ جىگەرلى، ءمورالدى، جىلى تاڭداۋلى تۋىندىلاردى وقىرماندارعا تانىستىرىپ، جارامساقتانۋ، تاكاپپارلىق مازمۇنىنداعى شولۋدى تەجەۋ، نومىرگە قاراپ باعا بەرۋ سياقتى ناشار قۇبىلىستارعا قارسى تۇرۋ كەرەك. «سىن رۋحىن» دارىپتەپ، ادەبيەت - كوركەمونەر تۋىندىلارىنىڭ يدەيالىق ورەسى مەن كوركەمونەرلىك ورەسىن جوعارىلاتۋدى كوزدە ۇستاپ، اقىلمەن وي جۇگىرتۋدە، اقىلمەن يلاندىرۋدا تاباندى بولىپ، جىگەردى تاسقىنداتىپ، «شىرىك المانى تازالاۋ» قىزمەتىن ويداعىداي ىستەۋ كەرەك.
«پىكىردە» مىنالار اتاپ كورسەتىلدى: ادەبيەت – كوركەمونەر شولۋ شەبى قۇرىلىسىن كۇشەيتۋ كەرەك. ءداستۇرلى ادەبيەت - كوركەمونەر شولۋ شەبىن بەكەمدەپ، ادەبيەت - كوركەمونەر سالاسىنداعى نەگىزدىك ماسەلەلەر، الدىڭعى لەكتىك ماسەلەلەر، بەتالىستىق ماسەلەلەر سياقتى زەرتتەۋلەردى كۇشەيتىپ، جاڭا ادامدارعا، جاڭا ىسكەرلىككە باعا بەرۋگە ءمان بەرىپ، قولامتالى ادەبيەت - كوركەمونەر قۇبىلىستارىنا باعىتتاي وتىرىپ، ادەبيەت - كوركەمونەر شولۋىن دەر كەزىندە ۇيىمداستىرىپ جانە ورىستەتىپ، جاماعات پىكىرىنە، بازارعا جانە بۇقاراعا پارمەندى جەتەكشىلىك ەتۋ كەرەك. ينتەرنەتتەگى جاڭا اقپارات قۇرالدارىنىڭ باعالاۋ تۇعىرىنان ويداعىداي پايدالانىپ، اناعۇرلىم كوپ ادەبيەت - كوركەمونەر ميكرو شولۋى، قىسقا شولۋ، تەز باعالاۋ جانە جالپىلىق اقپارات قۇرالدارىنىڭ باعالاۋ ونىمدەرىن شىعارىپ، كاسىپتىك شولۋ مەن بۇقارالىق شولۋدىڭ ءونىمدى ىقپالداستىعىن ىلگەرىلەتۋ كەرەك. ادەبيەت - كوركەمونەر شولۋى شەبىن باسقارۋدى كۇشەيتىپ، ءىرى ساندى مالىمەتتەردى نەگىز ەتكەن باعالاۋ ءتاسىلىن اقاۋسىزداندىرىپ جانە كەمەلدەندىرىپ، ينتەرنەت الگوريتمىن زەرتتەۋدى جانە وعان جەتەكشىلىك ەتۋدى كۇشەيتىپ، ينتەرنەت الگوريتمىن كورسەتۋ، جان - جاقتى جونگە سالۋدى ورىستەتىپ، قاتە مازمۇنداردى تاراتۋعا ارنا قالدىرماۋ كەرەك.
«پىكىردە» مىنالار دارىپتەلدى: ۇيىمدىق قامتاماسىزداندىرۋ قىزمەتىن كۇشەيتۋ كەرەك. ۇيىمدىق باسشىلىقتى كۇشەيتىپ، ادەبيەت - كوركەمونەر سىنى قىزمەتىن ادەبيەت - كوركەمونەردى گۇلدەندىرۋدىڭ جالپى تۇلعالىق پلانىنا ەنگىزىپ، سايكەستىرۋ قىزمەت مەحانيزمىن ورناتۋ جانە كەمەلدەندىرۋ، ورتالىق پەن ولكە دارەجەلى نەگىزگى مەديا تۇعىرلارى شولۋ تاقىرىبىن تاڭداۋ جوباسىن كۇشەيتىپ، ءتۇيىندى باعالاۋ قىزمەتىن ىلگەرىلەتۋ كەرەك. قولداۋ، قامتاماسىز ەتۋدى ويداعىداي ىستەپ، شابىتتاندىرۋ شارالارىن كەمەلدەندىرىپ، ساپالى شىعارماعا جوعارى اقى بەرۋ، ەرەكشە شىعارماعا ەرەكشە اقى بەرۋ سياقتى تاسىلدەر ارقىلى ادەبيەت - كوركەمونەرگە باعا بەرۋ قىزمەتىنە شابىت بەرىپ، عىلمي باعالاۋ بەتالىسىن جاقسارتىپ، ءبىرشاما زور ىقپالعا يە ماڭىزدى ادەبيەت - كوركەمونەر شولۋ جەتىستىكتەرىن قاتىستى عىلمي زەرتتەۋ، باعالاۋ جۇيەسى مەن كاسىپتىك - تەحنيكالىق دارىندىلاردىڭ كاسىپتىك - تەحنيكالىق اتاعىن باعالاۋ تۇزىمىنە ەنگىزۋدى ىلگەرىلەتۋ كەرەك. شولۋ قوسىنىن زورايتىپ، جۇڭحۋا ەستەتيكالىق تاربيەسى مەن ادەبيەت - كوركەمونەر شولۋى دارىندىلارىنىڭ ساتىلى قوسىن قۇرىلىسىن كۇشەيتىپ، توراپتىق ادەبيەت - كوركەمونەر شولۋ قوسىنى قۇرىلىسىنا ءمان بەرىپ، جاڭا داۋىردەگى ادەبيەت - كوركەمونەر شولۋىنىڭ جاڭا كۇشىن جەتىلدىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
