اۆتونوميالى رايون قارت كادرلاردى ىلە وبلىسىنا ەكسكۋرسيالاۋعا، ۇيرەنۋگە ۇيىمداستىردى −
”شەكارا ءوڭىردىڭ بارلىق جەرى جياڭنانداي كوركەم“
□ انار بۇلت / شينجياڭ گازەتىنىڭ ءتىلشىسى ميھىرگۇل ناسىر
2021.08.17 14:47 كەلۋ قاينارى : شينجياڭ گازەتى
”جۇرتتىڭ ءبارى شەكارا ءوڭىردىڭ بارلىق جەرى جياڭنانداي كوركەم دەسەدى، مەن ىلە وبلىسى ءدال وسىنداي بولعان ەكەن دەپ قارايمىن. بۇل ارانىڭ اسپانى كوكپەڭبەك، جەرى جاپ - جاسىل، سۋى ءموپ - ءمولدىر، اۋاسى تاپ - تازا، بۇل ارادا جۇرسەڭ جان دۇنيەڭ جادىراپ قالادى ەكەن“، - دەدى اۆتونوميالى رايوندىق پارتكومنىڭ بۇرىنعى ورىنباسار باس حاتشىسى مان زۇڭجوۋ.
8 - ايدىڭ 11 -، 12 - كۇندەرى اۆتونوميالى رايون 3 - توپتا مەڭگەرمە دارەجەلى قارت كادرلاردى ىلە قازاق اۆتونوميالى وبلىسىنا ەكسكۋرسيالاۋعا، ۇيرەنۋگە ۇيىمداستىردى. قارت كادرلار ىلگەرىندى - كەيىندى قۇلجا قالاسىنىڭ، قورعاس اۋدانىنىڭ، شاپشال سىبە اۆتونوميالى اۋدانىنىڭ كوشەلەرىن، الەۋمەتتىك اۋماقتارىن، اۋىل - قىستاقتارىن جانە باقشا رايوندارىن ىشكەرىلەي ارالاپ، ىلە وبلىسىنداعى قالا، اۋىلداردىڭ بەت - بەينەسىندەگى وزگەرىستەردى ءوز كوزدەرىمەن كوردى.
قۇلجا قالاسى ازاتتىق جولى ءمالىسى ليۋشيڭ كوشەسى الەۋمەتتىك اۋماعى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي دايەكتىلەندىرىپ، تياناقتاندىرىپ، ”الاڭسىز قونىستاناتىن، ورتاسى جايلى، كورشىلەر ىستىق ىقىلاستى، كىتاپ وقۋ جان سۇيىندىرەتىن، ءان - ءبي كوڭىل تەربەيتىن، تىلەگەندەي باييتىن“ ”6 ءىس كوڭىلدەگىدەي بولعان الەۋمەتتىك اۋماقتى“ بەلسەنە تۇلعالاپ، ءار ۇلت بۇقاراسىنىڭ حاۋىپسىزدىك سەزىمى، باقىت سەزىمى، تابىس سەزىمى ۇزدىكسىز كۇشەيدى. ”ءبىز بۇل ارادان ومىرشەڭدىك پەن جالىندىلىقتى سەزىندىك، ءار ۇلت بۇقاراسىنىڭ جۇزدەرىنەن كۇلكى ەسىپ، تۇرمىستارى ءماندى دە ءساندى ءوتىپ جاتىر ەكەن“، - دەپ ماقتادى قارت كادرلار.
8 - ايدىڭ 12 - كۇنى تۇستەن بۇرىن چيڭشۇيحى 100 ميلليارد دارەجەلى كاسىپ سالاسى باقشاسىندا جۇمىسشىلار جەر تەگىستەۋ، جولداردى كەڭەيتىپ سالۋ سياقتى جۇمىستار ىستەپ جاتىپتى. ”ءبىز اۋىل شارۋاشىلىق قوسىمشا ونىمدەرىن جىنتىكتەي مانەرلەۋ كاسىپ سالاسى اۋماعىن، جاڭا ماتەريالدار كاسىپ سالاسى اۋماعىن، جابدىق جاساۋ كاسىپ سالاسى اۋماعىن، ساۋدا - زات اينالىمى كاسىپ سالاسى اۋماعىن جانە ينفورماتسيا كاسىپ سالاسى اۋماعىن تۇلعالاۋعا كۇش سالىپ، بيىل نەگىزدىك قۇرىلعىلار قۇرىلىسىن تامامداۋعا، ساۋداگەر شاقىرىپ، قارجى ەنگىزۋ بويىنشا 10 ميلليارد يۋانعا قول جەتكىزۋگە قۇلشىنامىز“. ىلە وبلىستىق پارتكومنىڭ ورىنباسار شۋجيى، قورعاس ەكونوميكالىق اشۋ رايونى پارتيا قىزمەتى كوميتەتىنىڭ ۇنەمىلىك ىستەرگە جاۋاپتى ورىنباسار شۋجيى، باسقارۋ كوميتەتىنىڭ مەڭگەرۋشىسى، قورعاس قالالىق پارتكومنىڭ شۋجيى حاۋ جيانمين وسىلاي دەپ تانىستىرا كەلىپ: 5 - ايدىڭ 2 - كۇنى 1 - توپتاعى 33 ءتۇيىندى نىسان شوعىرلى جۇمىس باستادى، كەزەكتە نىساندار جەدەل ىلگەرىلەتىلۋدە، - دەدى.
قارت كادرلار ءبىر اۋىزدان اۆتونوميالى رايوننىڭ ەكونوميكالىق، قوعامدىق دامۋىنا تولىق سەنىمدى ەكەندىكتەرىن ءبىلدىردى.
شاپشال سىبە اۆتونوميالى اۋدانى شاپشال قالاشىعى ۇزىنبۇلاق اۋىل - قىستاق الەۋمەتتىك اۋماعى اۋدان قالاشىعىنىڭ وڭتۇستىگىنەن 8.5 كيلومەتر جەردە، بۇل اراعا ماڭايىنداعى 5 − 6 اۋىل - قالاشىقتان 600دەن استام وتباسى قونىس جاڭالاپ كوشىرىلىپ اكەلىنگەن، قونىس جاڭالاپ كەدەيلەردى سۇيەمەلدەۋ بويىنشا كوشىرىلىپ شوعىرلى ورنالاستىرىلعان قىستاققا جاتادى. تاياۋداعى جىلداردان بەرى ۇزىنبۇلاق اۋىل - قىستاق الەۋمەتتىك اۋماعى باسقا كاسىپكە ويىستىرىپ جۇمىستاندىرۋ، ورنالاستىرىپ جۇمىستاندىرۋ جانە ءوز كۇشىنە سۇيەنىپ شارۋاشىلىق قۇرۋ سياقتى شارالار ارقىلى كەدەيلىكتەن ارىلعان بۇقارانىڭ كىرىستى ۇزدىكسىز ارتتىرۋ ماسەلەسىن شەشىپ، ”شاعىن قىستاقتى“ ”شاعىن قالاعا“، مالشىلاردى تۇرعىندارعا، قىستاقتاردى الەۋمەتتىك اۋماقتارعا، مال شارۋاشىلىق وڭىرلەرىن كورىنىس وڭىرلەرىنە اينالدىرعاندىقتان، قونىس جاڭالاپ كوشىرىلگەن وتباسىلار وسى زامانعى، وركەنيەتتى، جانعا جايلى تۇرمىس كەشىردى.
”قىستاقتى رەتكە سالۋدا ’ادام مەن مالدى اۋاشالاۋدى‘ ىلگەرىلەتىپ، اۋلا شارۋاشىلىعىندا ’3 اۋماقتى ءبولۋدى‘ ورىندادى، تاۋ قويناۋىنان كوشىپ شىققان مالشىلاردىڭ ءوندىرىس، تۇرمىس تاسىلىندە وتە زور وزگەرىستەر تۋىلدى“، - دەدى اۆتونوميالى رايوندىق حالىق قۇرىلتايى تۇراقتى كوميتەتى ۇلت، ءدىن، سىرتقى ىستەر، حۋاچياۋ قىزمەت كوميتەتىنىڭ بۇرىنعى مەڭگەرۋشىسى ابدىراحىمان راقىمباي، - ”ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ بولاشاعىنىڭ ءتىپتى دە كوركەم بولاتىندىعىنا كامىل سەنەمىز“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
