قازاقستاندا اسكەري قارۋ – جاراقتار قويماسى پارتىلاپ، كەمىندە 13 ادام قازا بولدى
زۇڭتۇڭ مەملەكەت بويىنشا ازا ءبىلدىرۋ كۇنىن جاريالادى
2021.08.30 14:18 كەلۋ قاينارى : حالىق تورابى
جۇڭگو اقپارات اگەنتتىگىنىڭ 8 – ايدىڭ 29 – كۇنى نۇر – سۇلتاننان بەرگەن حابارى. اسكەري قارۋ – جاراق قويماسى پارتىلاۋىنا بايلانىستى قازا بولعاندارعا ازا ءبىلدىرۋ ءۇشىن، قازاقستان زۇڭتۇڭى توقايەۆ 8 – ايدىڭ 29 – كۇنىن مەملەكەت بويىنشا ازا ءبىلدىرۋ كۇنى دەپ جاريالادى. وسىنىڭ الدىندا تۋىلعان اسكەري قارۋ – جاراقتار قويماسى پارتىلاۋ وقيعاسىندا كەمىندە 13 ادام قازا بولعان.
قازاقپاراتتىڭ 8 – ايدىڭ 29 – كۇنى حابارلاۋىنشا، توقايەۆ 8 – ايدىڭ 28 – كۇنى الەۋمەتتىك جەلىدەگى پاراقشاسىندا مىنانى بىلدىرگەن: «جامبىل وبلىسى بايزاق اۋدانىنداعى ادام ولىمىنە اكەپ سوقتىرعان قايعىلى وقيعاعا بايلانىستى 29 - تامىزدى مەملەكەت بويىنشا ازا تۇتۋ كۇنى دەپ جاريالايمىن. قازا بولعان اسكەري قىزمەتشىلەر مەن قۇتقارۋشىلار ەرەن ەرلىك پەن ناعىز جانقيارلىق كورسەتتى. ەرلەرىمىزدىڭ ەسىمى ەل جادىندا ماڭگى ساقتالادى».
مەملەكەت بويىنشا ازا ءبىلدىرۋ كۇنىندە قازاقستانداعى مەملەكەت ورگاندارى، جەرگىلىكتى ۇكىمەت ورىندارى مەملەكەت تۋىن جارتىلاي ءتۇسىردى.
مۇنان سىرت، قازاقستان قورعانىس مينيسترلىگىنىڭ حابارىنا قاراعاندا، قوپارىلىس تۋىلعان كەزدە كەتكەن ءورت 8 – ايدىڭ 28 – كۇنى تولىق وشىرىلگەن. قازاقستان قورعانىس مينيسترلىگىنىڭ مينيسترى ەرمەكبايەۆتىڭ 8 – ايدىڭ 27 – كۇنى اقپارات قۇرالدارىنا ايتۋىنشا، قازىر قوپارىلىستىڭ سەبەبىن تۇراقتاندىرۋعا ءالى مۇمكىندىك جوق، الايدا، ءتۇرلى ىقتيمالدىقتار ساقتالىپ وتىر. مۇندا، بازاداعى قىزمەتكەرلەردىڭ حاۋىپسىزدىك ەرەجەلەرىنە قايشى كەلۋى، قوپارعىش دارىلەردىڭ حيميالىق رەاكسياسى سەبەبىنەن تۋىلعان تابيعي قوپارىلىس سياقتىلار قامتىلادى، بىرەۋلەردىڭ ءورت قويۋ نەمەسە بۇزعىنشىلىق ىستەۋ ىقتيمالدىعىن دا جوققا شىعارۋعا كەلمەيدى.
جەرگىلىكتى ۋاقىت بويىنشا 8 – ايدىڭ 26 – كۇنى ساعات 19 دا، قازاقستاننىڭ وڭتۇستىگىندەگى جامبىل وبلىسىنداعى اسكەري كازارمانىڭ قارۋ – جاراقتار قامباسىنا ءورت كەتىپ، سوڭىنان قامباداعى ينجەنەرياعا پايدالاناتىن 500 توننالىق قوپارعىش ءدارى ىلگەرىندى – كەيىندى 10 رەت جارىلعان. قازاقستان شۇعىل جاعدايلارعا توتەپ بەرۋ مينيسترلىگىنىڭ وسىنىڭ الدىنداعى ساندى دەرەكتەرىنە قاراعاندا، وقيعادا 90 نەشە ادام جارالانىپ، ەمحاناعا جاتقان، بۇلاردىڭ اراسىندا شۇعىل جاعدايعا توتەپ بەرۋ تاراۋلارىنىڭ 49 قىزمەتكەرى بار. مۇنان سىرت، ءورت كەتكەن قويمانىڭ ماڭىنداعى تۇرعىنداردان كەمىندە 1200 ادام باسقا ورىنعا كوشىرىلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
