ورتالىقتىڭ 2 - كەزەكتى 4 - توپتاعى ەكولوگيالىق ورتانى قورعاۋدى باقىلاۋ - تەكسەرۋى جاپپاي باستالادى
2021.08.26 13:32 كەلۋ قاينارى : حالىق تورابى
شينحۋا اگەنتتىگىنىڭ 8 - ايدىڭ 25 - كۇنى بەيجيڭنەن بەرگەن حابارى. ەكولوگيالىق ورتا مينيسترلىگى 8 - ايدىڭ 25 - كۇنى مىنانى جاريالادى: پارتيا ورتالىق كوميتەتىنىڭ، مەملەكەتتىك كەڭەستىڭ بەكىتۋىمەن ورتالىقتىڭ 2 - كەزەكتى 4 - توپتاعى ەكولوگيالىق ورتانى قورعاۋدى باقىلاۋ - تەكسەرۋى جاپپاي ىسكە قوسىلىپ، ورتالىقتىڭ 7 ەكولوگيالىق ورتانى قورعاۋدى باقىلاۋ - تەكسەرۋ گرۋپپاسى قۇرىلىپ، جيلين، شاندۇڭ، حۋبەي، گۋاڭدۇڭ، سىچۋان سىندى 5 ولكە، جۇڭگو ءتۇستى مەتال كەن كاسىبى توبى شەكتى سەرىكتەستىگى، جۇڭگو التىن توبى شەكتى سەرىكتەستىگى سىندى 2 ورتالىق كاسىپورنىنا ورنالاسىپ ءبىر اي ۋاقىتپەن باقىلاۋ - تەكسەرۋ جۇرگىزەدى.
باقىلاۋ - تەكسەرۋ گرۋپپاسى قاتاڭدىق سىندى نەگىزگى ارناعا تاباندى بولىپ، ماسەلەنى نىشان ەتۋدەن جازباي، دالمە - ءدال، عىلىمي، زاڭ بويىنشا باقىلاۋ - تەكسەرۋگە تاباندى بولادى. ولكە دارەجەلى پارتكومدار مەن ۇكىمەتتەردىڭ شي جينپيڭ ەكولوگيالىق وركەنيەت يدەياسىن جانە پارتيا ورتالىق كوميتەتىنىڭ، مەملەكەتتىك كەڭەستىڭ ەكولوگيالىق ورتانى قورعاۋ جونىندەگى شەشىمدەرى مەن ورنالاستىرۋلارىن دايەكتى تياناقتاندىرۋ جاعدايىنا؛ ولكە دارەجەلى قاتىستى تاراۋلاردىڭ ەكولوگيالىق ورتانى قورعاۋ جاۋاپكەرشىلىگىن تياناقتاندىرۋ جانە جاۋاپكەرشىلىك ارقالاپ، ءىس تىندىرۋ جاعدايىنا، ايماق - قالا دارەجەلى پارتكومنىڭ ەكولوگيالىق ورتانى قورعاۋ قىزمەتىن ىلگەرىلەتۋ،تياناقتاندىرۋ جاعدايىنا ءتۇيىندى تۇردە باقىلاۋ - تەكسەرۋ جۇرگىزەدى. ورتالىق كاسىپورىندارىنىڭ شي جينپيڭ ەكولوگيالىق وركەنيەت يدەياسىن جانە پارتيا ورتالىق كوميتەتىنىڭ، مەملەكەتتىك كەڭەستىڭ ەكولوگيالىق ورتانى قورعاۋ جونىندەگى شەشىمدەرى مەن ورنالاستىرۋلارىن دايەكتى تياناقتاندىرۋ جاعدايىنا، ەكولوگيالىق ورتانى قورعاۋدىڭ نەگىزگى تۇلعالىق جاۋاپكەرشىلىگىن اتقارۋ جاعدايىنا، مەملەكەتتىڭ ەكولوگيالىق ورتانى قورعاۋ جونىندەگى زاڭ، زاڭدىق ەرەجەلەرىن، ساياساتتىق شارالارىن، جوبا - ولشەمدەرىن اتقارۋ جاعدايىنا ءتۇيىندى تۇردە باقىلاۋ - تەكسەرۋ جۇرگىزەدى.
باقىلاۋ - تەكسەرۋ بارىسىندا باس شۋجي شي جينپيڭنىڭ ەكولوگيالىق ورتانى قورعاۋعا قاتىستى ماڭىزدى نۇسقاۋلارىنىڭ، بەكىتۋلەرىنىڭ ورىندالۋ جاعدايىنا؛ پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتۋ جاعدايىنا؛ چاڭجياڭ ەكونوميكالىق بەلدەۋىنىڭ دامۋى، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامۋ سياقتى مەملەكەتتىڭ كەلەلى ستراتەگيالىق ەكولوگيالىق ورتاسىن قورعاۋ تالاپتارىن دايەكتىلەندىرۋ، تياناقتاندىرۋ جاعدايىنا؛ كومىرتەگىن ىعىستىرۋدى جوعارى شەككە جەتكىزۋ، كومىرتەگىن بەيتاراپتاندىرۋ جونىندەگى زەرتتەۋ - ورنالاستىرۋ، «ەكى جوعارى» (ەنەرگيا جۇمسالىمى جوعارى، ىعىستىرۋى جوعارى) نىسانداردى كوزسىزدىكپەن ىسكە قوسۋدى قاتاڭ مەڭگەرۋ ، سونداي – اق، قاجەتتەن اسىپ قالعان ءوندىرىس قۋاتىن ازايتۋداعى «قايرىلا قاراۋدى» تياناقتاندىرۋ جاعدايىنا ءتۇيىندى تۇردە نازار اۋدارادى.
جەرگىلىكتى ورىندارعا قاراتا، ەكولوگيالىق ورتانى اۋىر دارەجەدە ءبۇلدىرۋ، ورتانىڭ لاستانۋى، ەكولوگيالىق ورتا حاۋىپ - قاتەرى جانە ونى ءبىر جاقتى ەتۋ جاعدايى؛ باقىلاۋ - تەكسەرۋدە بايقالعان ماسەلەلەردى رەتتەپ - تۇزەتىپ تياناقتاندىرۋ جاعدايى؛ حالىق بۇقاراسىنىڭ اڭىسى كورنەكتى بولعان ەكولوگيالىق ورتا ماسەلەسىن دەرەۋ اتقارۋ، دەرەۋ تۇزەتۋ جاعدايى؛ ەكولوگيالىق ورتانى قورعاۋ يدەيالىق تانىمى، جاۋاپكەرشىلىكتى تياناقتاندىرۋ سياقتى پارتيا مەن ۇكىمەت بىردەي جاۋاپكەرشىلىك ارقالاۋدى، ءبىر قىزمەت ورنىندا قوس جاۋاپكەرشىلىك ارقالاۋدى تياناقتاندىرۋ جاعدايى سياقتى جاعدايلارعا باسا نازار اۋدارادى. ورتالىق كاسىپورىندارىنا قاراتا، ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋىندە، سونداي – اق، باسقا دا ماڭىزدى باقىلاۋ - تەكسەرۋدە بايقالعان ماسەلەلەر مەن ورتالىقتاعى اقپارات قۇرالدارى اشكەرەلەگەن ماسەلەلەردى رەتتەۋ - تۇزەتۋدى تياناقتاندىرۋ جاعدايى؛ ەكولوگيالىق ورتانى قورعاۋدى باسقارۋ، زاڭعا بويسۇنۋ جانە ەكولوگيالىق ورتانىڭ قوعامدىق جاۋاپكەرشىلىگىن تياناقتاندىرۋ جاعدايى؛ ەكولوگيالىق ورتانى قورعاۋدىڭ باياندى مەحانيزمى قۇرىلىسىنىڭ اينالىم جاعدايى سياقتىلارعا ءتۇيىندى تۇردە نازار اۋدارادى.
باقىلاۋ - تەكسەرۋ گرۋپپالارى ورنالاسقان مەزگىلدە جەكە - جەكە بايلانىس تەلەفونىن جانە پوچتا حات ساندىعىن ورناتىپ، باقىلاناتىن وبيەكتىلەرگە ساياتىن ەكولوگيالىق ورتانى قورعاۋ جاعىنداعى حات - حابار، تەلەفون اشكەرەلەۋىن قابىلدايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
