شينحۋا اگەنتتىگى حالىق گازەتىنىڭ اۆتورلى ماقالاسىن جاريالادى
«ۇلتتىڭ گۇلدەنۋ ۇلى داڭقىنا بىرگە بولەنەيىك − باس شۋجي شي جينپيڭنىڭ ۇلتتار ىنتىماعى، العاباسارلىعى جونىندەگى ماڭىزدى بايىمداۋلارى تۋرالى جالپى شولۋ»
2021.08.26 13:40 كەلۋ قاينارى : شينجياڭ گازەتى
شينحۋا اگەنتتىگىنىڭ 8 - ايدىڭ 24 - كۇنى بەيجيڭنەن بەرگەن حابارى. شينحۋا اگەنتتىگى 8 - ايدىڭ 24 - كۇنى حالىق گازەتىنىڭ «ۇلتتىڭ گۇلدەنۋ ۇلى داڭقىنا بىرگە بولەنەيىك − باس شۋجي شي جينپيڭنىڭ ۇلتتار ىنتىماعى، العاباسارلىعى جونىندەگى ماڭىزدى بايىمداۋلارى تۋرالى جالپى شولۋ» اتتى اۆتورلى ماقالاسىن جاريالادى.
ماقالادا بىلاي دەلىندى: بيىل 7 - ايدا باس شۋجي شي جينپيڭ شيزاڭدا قىزمەت تەكسەرگەن كەزدە بىلاي دەپ اتاپ كورسەتتى: ”كەزەكتە جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى الدەقاشان باستالدى، شيزاڭنىڭ دامۋى دا جاڭا تاريحي باستامادا تۇر، تەك جۇڭگو كوممۋنيستىك پارتياسىنا ىلەسىپ، جۇڭگوشا سوتسياليزم جولىمەن مىزعىماي ءجۇرىپ، ءبىر نيەتپەن كۇش شىعارىپ، ۇلتتار ىنتىماعىن كۇشەيتەتىن بولساق، ءبىز، ءسوز جوق، دەر كەزىندە ەكىنشى 100 جىلدىق كۇرەس نىساناسىن جۇزەگە اسىرا الامىز، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرا الامىز“.
پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ۇلت قىزمەتى جونىندە ءبىر قىدىرۋ كەلەلى شەشىم، ورنالاستىرۋلار جاساپ، ەلىمىزدىڭ ۇلتتار ىنتىماعى، العاباسارلىعى ىستەرىنىڭ جاڭا تاريحي تابىسقا قول جەتكىزۋىن ىلگەرىلەتتى. باس شۋجي شي جينپيڭ تالاي رەت ۇلتتىق وڭىرلەرگە بارىپ تەكسەرۋ - زەرتتەۋ جۇرگىزدى، تالاي رەت ءار ۇلت بۇقاراسىمەن بەتپە - بەت اڭگىمەلەستى. قارلى القاپتى ۇستىرتتە، تيانشان الابىندا، وتانىمىزدىڭ سولتۇستىك شەكاراسىندا، باتىس وڭتۇستىك شەكارا وڭىرىندە باس شۋجيدىڭ نىق قاداممەن باسقان ءىزى مەن تەرەڭ ساعىنىشى قالدى.
ماقالادا بىلاي دەپ اتاپ كورسەتىلدى: باس شۋجي شي جينپيڭنىڭ ۇلتتار ىنتىماعى، العاباسارلىعى جونىندەگى ماڭىزدى بايىمداۋلارىنىڭ ءمانى زور، مازمۇنى باي، يدەياسى تەرەڭ، جاڭا جاعدايدا ۇلت قىزمەتىن ويداعىداي ىستەپ، ۇلتتىق وڭىرلەردىڭ دامۋىن جەبەۋ، ءار ۇلت حالقىنىڭ بىرگە بايۋىن جەبەۋ، ۇلتتاردىڭ ورتاق رۋحاني مەكەنىن قۇرۋ، جۇڭحۋا ۇلتى ورتاق تۇلعا تانىمىن بەرىك ورناتۋ، بىرگە ىنتىماقتاسا كۇرەس جاساۋدىڭ، بىرگە گۇلدەنىپ دامۋدىڭ تەلەگەي كۇشىن ۇيىستىرۋ جونىنەن ايرىقشا ماڭىزدى جەتەكشىلىك مانگە يە.
ماقالا 6 بولىككە بولىنگەن. ەلىمىز ءبىر تۇتاس كوپ ۇلتتى مەملەكەت، ۇلتتار ىنتىماعى ءار ۇلت حالقىنىڭ جانى؛ پارتيانىڭ باسشىلىعىنا تاباندى بولىپ ءار ۇلت حالقىن ىنتىماقتاستىرىپ جانە باستاپ جۇڭگوشا سوتسياليزم جولىمەن تاباندىلىقپەن ءجۇرۋ؛ ءار ۇلت حالقىنىڭ تاماشا تۇرمىسقا تالپىنىسىن كۇرەس نىساناسى ەتىپ، از ۇلتتار مەن ۇلتتىق وڭىرلەردىڭ بۇكىل ەلمەن بىرگە دوڭگەلەك داۋلەتتىلىك پەن وسىزاماندانۋدى جۇزەگە اسىرۋىنا شىنايى كەپىلدىك ەتۋ؛ سوتسياليستىك وزەكتى قۇن كوزقاراسىن جەتەكشى ەتىپ، ۇلتتاردىڭ ورتاق رۋحاني مەكەنىن قۇرۋ؛ جۇڭحۋا ۇلتى ۇلى ىنتىماعى تۋىن بيىك ۇستاپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ، ۇلت ىستەرىن زاڭ بويىنشا جونگە سالىپ، ءار ۇلت ازاماتتارىنىڭ زاڭ الدىندا بارلىعىنىڭ تەرەزەسىنىڭ تەڭ بولۋىنا شىنايى كەپىلدىك ەتۋ.
ماقالادا مىنالار اتاپ كورسەتىلدى: جۇڭحۋا ۇلتى ءبىر ءۇيلى جان، ءبىر نيەتپەن جۇڭگو ارمانىن جۇزەگە اسىرۋ بارلىق جۇڭحۋا پەرزەنتتەرىنىڭ ورتاق تىلەگى، سونداي - اق بۇكىل ەلدەگى ءار ۇلت حالقىنىڭ ورتاق نىساناسى. وسى تىلەك پەن نىسانانى جۇزەگە اسىرۋ بۇكىل ەلدەگى ءار ۇلت حالىقىنىڭ ۇلى ىنتىماعىنىڭ كۇش - قۋاتىنان ايرىلا المايدى.
بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، پارتيانىڭ ۇلت ساياساتىن جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەپ، ۇلتتار ىنتىماعىن كوز قاراشىعىنداي قورعاپ، ۇلتتار ىنتىماعىن جانىنداي ايالاپ، اناردىڭ دانىندەي تىعىز ۇيىسىپ، ەتەنە تۋىستاسىپ، ءوزارا قارايلاسىپ، ءبىر نيەتپەن ىنتىماقتاسىپ، بىرگە كۇرەس جاساسا، ءسوزسىز، العان بەتىنەن قايتپايتىن تەلەگەي كۇش ۇيىستىرىپ، ءسوزسىز، العا باسۋ جولىنداعى حاۋىپ - قاتەر، سىن - سايىس اتاۋلىنى جەڭىپ، ءسوزسىز، ەكىنشى 100 جىلدىق كۇرەس نىساناسىن جۇزەگە اسىرا الادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرا الادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
