كاسىپ سالاسى باقشاسىنداعى جۇمىستانۋ جايىنداعى اڭگىمەلەر
□ انار بۇلت / شينجياڭ گازەتىنىڭ ءتىلشىسى حان چينيان
2021.09.09 15:19 كەلۋ قاينارى : شينجياڭ گازەتى
تىگىن ماشيناسى ”زىرىلداپ“ ايلانۋدا، ىركىلىسسىز ءوندىرىس جەلىسىنىڭ جۇمىس تۇعىرى الدىندا بۇحالچام تۇرا مەن كاسىپتەستەرى ماسكى تاعىپ، ماشينانى شەبەرلىكپەن جۇرگىزىپ وتىر.
ياركەن اۋدانى چىڭدۇڭ كاسىپ سالاسى باقشاسىنىڭ ءوندىرىس اۋماعىندا ماشينالاردىڭ داۋىسى تولاس تاپپاي، قىزمەتكەرلەردىڭ ءارقايسىسى وزدەرىنىڭ جۇمىس ورىندارىندا ءتارتىپتى دە قاربالاس جۇمىس جۇرگىزىپ، جاڭا دامۋ ۇستانىمىن امالياتتا ايگىلەگەن جاڭا كورىنىستەر ادامدى جەلپىندىرەدى.
”قازىرگى جۇمىسىمدى ۇناتامىن، ءار كۇنى 8 ساعات جۇمىس ىستەيمىن، ءار ايدا 2500 يۋاننان استام اقشا الامىن، كوپ ىستەسەم، كوپ اقشا تابامىن“. ياركەن اۋدانى چىڭدۇڭ كاسىپ سالاسى باقشاسىنداعى ءبىر كيىم - كەشەك ءوندىرىس كاسىپورنىندا قىزمەت ىستەيتىن بۇحالچام ماقتانىشپەن: ”باقشا رايونىنداعى كاسىپورىندا جۇمىس ىستەگەندىگىمە وتە كوڭىلدىمىن، الەۋمەتتىك اۋماقتاعى جاستار ماعان قىزىعا قارايتىن بولدى“، - دەدى.
بىلتىر وسى كيىم - كەشەك ءوندىرىس كاسىپورنىنا ۇسىنىسپەن جۇمىسقا ورنالاسقان بۇحالچام سول كەزدە ەشقانداي تەحنيكادان حابارى جوق ەدى، كاسىپورىنعا بارعاننان كەيىن، الدىمەن تەحنيكالىق باۋلۋدان ءوتتى. ”مەن تەك ءبىر اي عانا ۋاقىت جۇمساپ، تىگىن ماشيناسىن قالاي جۇرگىزۋدى ءبىلىپ الدىم ءارى جەلىدە جۇمىس ىستەي باستادىم“، - دەدى بۇحالچام.
بۇحالچام جۇمىس ىستەيتىن وسى كيىم - كەشەك ءوندىرىس كاسىپورنى جوبالاۋدى، ءپىشۋدى، تىگۋدى ءبىر تۇلعالاندىرىپ، وزىق تەحنيكا ارقىلى ءوندىرىپ وڭدەگەن ماقتا كيىمدەرى، قار شاڭعى كيىمدەرى دۇنيە جۇزىندە ءوتىمدى بولدى.
”مەن ۇيدەن ەلەكترلى موتوتسيكلمەن شىعىپ 10 مينۋتتا كاسىپ سالاسى باقشاسىنا بارامىن. جۇمىسىڭ بولعانى جاقسى ەكەن عوي!“. 30 جاستاعى بۇحالچام: ”كۇيەۋىم ەكەۋىمىزدىڭ قازىرگى كىرىسىمىز ايىنا 6000 يۋاننان اسادى، كۇندەرىمىز بارعان سايىن جاقسارىپ كەلەدى“، - دەدى.
ايتسە دە كاسىپ سالاسى باقشاسىنداعى كاسىپورىندا جۇمىس ىستەۋدەن بۇرىن بۇحالچام وتباسىنىڭ تۇرمىسى نەداۋىر قيىنشىلىقتا ەدى. ۇيلەرىندە 5 جان بار، اتا - اناسى قارتايىپ قالعان، ۇلى 5 جاستا عانا، بۇكىل وتباسى كۇيەۋى جۇرگىزىپ وتىرعان استىق - ماي دۇكەنىنە سۇيەنىپ ارەڭ كۇنەلتەتىن، كىرىستەرى تۇراقسىز ەدى.
بالالارى ەرجەتىپ كەلەدى، وتباسى شىعىنى كىرىمىنەن اسىپ كەتتى. جۇمىس ىزدەگەلى جۇرگەن بۇحالچام كاسىپ سالاسى باقشاسىنا كىرىپ، جۇمىس ىستەۋ ورايىنىڭ ءوزى كەلىپ ”ەسىك قاعارىن“ ويلاماعان ەدى.
”ەسىك قاعۋ“ تەڭەۋ ەمەس، شىندىق − ياركەن قالاشىعى سىچوۋ الەۋمەتتىك اۋماعىنىڭ كادرلارى ۇيىنە كەلىپ ودان: ”كاسىپ سالاسى باقشاسىنداعى كاسىپورىندار قىزمەتكەر قابىلداپ جاتىر، قالاعا بارىپ جۇمىس ىستەگىڭ كەلە مە؟“، - دەپ سۇرادى.
بۇحالچام وسى ورايدى مىقتى ۇستادى. ول دەرەۋ تىزىمدەلىپ، اۋىزشا ەمتيحاننان ءوتتى ءارى كيىم - كەشەك كاسىپورنىنا ءساتتى كىردى. كوزدى اشىپ − جۇمعانشا ءبىر جىلدان استام ۋاقىت وتە شىقتى، ول بەيحابار بولۋدان شەبەرلىككە بەت الىپ، بۇل كۇندەرى اي سايىن 2500 يۋاننان استام كىرىس كىرگىزەتىن بولدى، وتباسىلىق شىعىندى تولىقتاۋمەن بىرگە، دەمالىس كۇندەرى اتا - اناسىنا سەرىك بولادى، ۇلىن ەرتىپ قالاعا بارىپ قىدىرىپ قايتادى. ول مۇنداي تۇرمىستى بۇرىن ”ويلاۋعا دا باتىلى بارمايتىندىعىن“ ايتتى.
شارت - جاعداي ۋاقىتقا ىلەسە وزگەردى، وي جەلىسى ۋاقىتقا ساي سومدالدى. ياركەن اۋدانى چىڭدۇڭ كاسىپ سالاسى باقشاسىنا ىرگە تەپكەن كاسىپورىندار توقىماشىلىق، كيىم - كەشەك، ەلەكتروندىق قۇراستىرۋ، اۋىل شارۋاشىلىق ونىمدەرىن وڭدەۋ سياقتىلاردى قامتيدى.
”قازىر كاسىپ سالاسى باقشامىزعا ەڭبەككۇش شوعىرلانعان 19 كاسىپورىن كەلىپ جايعاسىپ، 14 مىڭ ادامدى سول جەردە، جاقىن ماڭدا جۇمىستانۋعا جەتەكتەپ، ايلىق ەڭبەكاقىلارى ورتا ەسەپپەن 2000 يۋاننان جوعارى بولدى“، - دەدى ياركەن اۋدانى چىڭدۇڭ كاسىپ سالاسى باقشاسىنىڭ جاۋاپتىسى حان شۇي.
ياركەن اۋدانى چىڭدۇڭ كاسىپ سالاسى باقشاسىن ارالاپ جۇرسەڭىز، ءوندىرىس سەحتارىنىڭ جوسپارلى دا ءتارتىپتى ەكەندىگىن، حالىققا قولايلى قىزمەت وتەۋ ورتالىعى، جاتاقحانا عيماراتى، ەمحانا، بالاباقشا سياقتى نەگىزدىك قۇرىلعىلاردىڭ تولىق ەكەندىگىن كورەسىز.
رەتتى دە تازا كۆارتس ساعات وزەگىن قۇراستىرۋ سەحىندا ماسكى تاققان قىزمەتكەرلەر ءبىر توپ كۆارتس ساعات وزەگىن ۇقىپتىلىقپەن قۇراستىرۋدا.
”مەن بۇل ارانىڭ جۇمىس ورتاسىن ۇناتامىن − قۇلشىنساڭ تابىسىڭ بولادى“. تۇرلا يبىرايىم ماقتانىشپەن: ”مەن جۇمىسقا شىققاننان كەيىن، ءبىر ءۇيلى جاننىڭ تۇرمىسى جاقساردى، تاعى بانكەگە اقشا قويدىق“، - دەدى.
29 جاستاعى تۇرلا زاۆودقا كىرۋدەن بۇرىن ءبىر ۇيدەگى 5 جان 10 مۋ جەرگە سۇيەنىپ كۇنەلتىپ وتىرعان ەدى. بىلتىر ياركەن اۋداندىق سورتتى تۇقىم الاڭى قىزمەتكەر قابىلداپ، ول اپەكە - سىڭلىلەرىمەن بىرگە كۆارتس ساعات وزەگىن ءوندىرۋ سەحىنىڭ العاشقى توپتاعى جۇمىسشىسى بولدى.
”ايىنا 2400 يۋان ەڭبەكاقى الامىن، جۇمىسقا قاراي ەسەپتەيتىندىكتەن، ىستەگەنىم كوپ بولعان سايىن، تاباتىن كىرىسىم دە كوبەيەدى“، − دەدى تۇرلا، − ”پارتيانىڭ يگى ساياساتىنىڭ ارقاسىندا قالاعا بارىپ كاسىپورىندا قىزمەت ىستەپ وتىرمىز“.
ءاربىر ادام ارمانعا قانات قاعۋشى، ياركەن اۋدانى كاچۇڭ اۋىلى تەرىباق قىستاعىنىڭ تۇرعىنى گۇلبوستان تۇراپ تا مۇنان قاعىس قالمادى، ”كەلەشەكتە قالادان ءۇي ساتىپ الىپ وتباسىن قۇرامىن“.
كاسىپ سالاسى باقشاسىندا قىزمەت ىستەپ تۇرمىستارى بارعان سايىن جاقساردى، ادامداردىڭ تەبىنى ارتا ءتۇستى، كەزىندە كەدەيلىكتىڭ كەسىرىنەن قول جەتپەس ”ارماننىڭ“ قازىر بارلىعى جۇزەگە اسۋدا.
وسى جاستاردىڭ ءوز ”ارماندارىن“ جۇزەگە اسىرۋىنا كومەكتەسۋ ءۇشىن، كاسىپ سالاسى باقشاسى كاسىپ سالاسى تىزبەگىنىڭ دارەجەسىن جوعارىلاتۋ ارقىلى تەحنيكالىق باۋلۋ ورىستەتىپ، قىزمەتكەرلەردىڭ تەحنيكالىق ساپاسىن جوعارىلاتتى.
قازىر قىزمەتكەرلەر ساپاسىنىڭ جوعارىلاۋىنا بايلانىستى، كاسىپورىن تيجاراتىنىڭ وزىندىك قۇنى، ونىمدەرىنىڭ جارامسىز بولۋ سالىستىرماسى تومەندەپ، ەڭبەكاقىلارى دا سايكەستى جوعارىلادى، قىزمەتكەرلەر دە مۇنىڭ پايداسىن كورىپ، ”ۇيرەن“ دەگەننەن بىرتىندەپ ”مەن ۇيرەنەمىن“ دەگەنگە وزگەردى.
2 جىلدىڭ الدىندا 23 جاستاعى گۇلبوستان ياركەن اۋدانى چىڭدۇڭ كاسىپ سالاسى باقشاسىنداعى ءبىر كيىم - كەشەك كاسىپورنىنا جۇمىسقا تۇرادى، ءوندىرىس جەلىسىندەگى قىزمەتكەرلەردى كورگەندە ول نەشە رەت باز كەشۋدى دە ويلايدى.
”قولىمىزدا جۇمىس باسىلىپ قالسا، كەلەرگى جۇمىس تارتىبىنە اسەرى تيەدى، ىشتەي قىسىلدىم“، − دەدى گۇلبوستان وتكەندى ەسكە ءتۇسىرىپ، − ”سول كەزدە كوپشىلىك مەنى تەحنيكانى جاقسى يگەرسەڭ، بارعان سايىن ىسىلىپ كەتەسىڭ دەپ شابىتتاندىردى“.
تەحنيكالىق باۋلۋ ورىستەتىلگەننەن كەيىن، ۇيرەتۋ، كومەكتەسۋ، جەتەكتەۋ، بىرەۋى ونىن جەتەكتەۋ ءتاسىلى ارقىلى جۇمىسكەرلەردىڭ تەحنيكالىق ساپاسى كۇرت جوعارىلادى. ”قازىر زاۆودىمىزدىڭ ءوندىرىس جەلىسىندەگى ءارقانداي جۇمىس ءتارتىبىن ىستەي الامىن“، − دەدى گۇلبوستان جايراڭداي.
بۇگىنگى كۇندە عىلىم - تەحنيكاعا جانە وڭىرلىك ەرەكشەلىككە سۇيەنىپ، ياركەن اۋدانى چىڭدۇڭ كاسىپ سالاسى باقشا رايونى كاسىپ سالاسى ارقىلى جۇمىستاندىرىپ كىرىستى ارتتىرۋعا جەتەكشىلىك ەتەتىن دامۋ جولىن اشتى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
