شينجياڭ قىرعىزستانعا استىق جانە ىندەتكە توتەپ بەرۋ بۇيىمدارىن كومەككە بەردى
2021.09.24 13:34 كەلۋ قاينارى : حالىق تورابى
شينحۋا اگەنتتىگىنىڭ 9 – ايدىڭ 23 – كۇنى بيشكەكتەن بەرگەن حابارى. جۇڭگو شينجياڭ ۇيعۇر اۆتونوميالى رايونى قىرعىزستانعا كومەككە بەرگەن استىق پەن ىندەتكە توتەپ بەرۋ بۇيىمدارىن وتكىزىپ بەرۋ – وتكىزىپ الۋ سالتى 9 – ايدىڭ 22 – كۇنى بيشكەكتە وتكىزىلدى، جۇڭگونىڭ قىرعىزستاندا تۇراتىن باس ەلشىسى دۋ دىۋىن مەن قىرعىزستان ءمانساپتىسى قيمىلعا قاتىناستى ءارى وتكىزىپ بەرۋ – وتكىزىپ الۋ كۋالىگىنە قول قويدى.
دۋ دىۋىن سويلەگەن سوزىندە مىنانى ءبىلدىردى: جۇڭگو مەن قىرعىزستان تاتۋ كورشى، سيلاس سەرىك، جاڭا تيپتى ايدارشا ۆيرۋس وكپە قابىنۋ ىندەتىمەن كۇرەسۋ بارىسىندا، جۇڭگو مەن قىرعىزستان ەكى ەل حالقى ءوزارا كومەكتەسىپ، شىن پەيىلمەن سەلبەسىپ، ەكى ەلدىڭ ءداستۇرلى دوستىعى ونان ارى كۇشەيە ءتۇستى. دۋ دىۋىن مىنانى اتاپ كورسەتتى: شينجياڭنىڭ قىرعىزستانعا استىق جانە ىندەتكە توتەپ بەرۋ بۇيىمدارىن كومەككە بەرۋى شينجياڭداعى ءار ۇلت حالقىنىڭ قىرعىزستان حالقىنا دەگەن دوستىعىن كورسەتەدى، بۇل قىرعىزستاننىڭ ىندەتكە قارسى اتتانۋىندا، استىق حاۋىپسىزدىگىنە كەپىلدىك ەتۋىندە، ەكونوميكا مەن قوعام دامۋىن ىلگەرىلەتۋىندە بەلسەندى رول اتقاراتىن بولادى.
قىرعىزستان دەنساۋلىق ساقتاۋ جانە قوعامدىق دامۋ مينيسترلىگىنىڭ مينيسترى بەيسەناليەۆ، شۇعىل جاعدايلارعا توتەپ بەرۋ مينيسترلىگىنىڭ مەملەكەت ىستەرى حاتشىسى مامبەتوۆ قىرعىزستان ۇكىمەتى مەن حالقى اتىنان جۇڭگو جاقتىڭ قىرعىزستانعا قايتالاي كومەك بەرگەنىنە راقىمەت ايتىپ، جۇڭگو جاق بەرگەن ۆاكسينا قاتارلى ىندەتكە توتەپ بەرۋ بۇيىمدارىنىڭ قىرعىزستاننىڭ ىندەتكە قارسى اتتانۋ جانە جالپى حالىققا ۆاكسينا ەگۋ ىستەرىن ىلگەرىلەتۋىندە ماڭىزدى رول اتقاراتىنىن اتاپ كورسەتتى. قىرعىزستان قۋاڭشىلىق اپاتىنا ۇشىراپ، ىندەتپەن كۇش سالا ايقاسىپ جاتقان شەشۋشى ساتتە، جۇڭگو شينجياڭ ۇيعۇر اۆتونوميالى رايونىنىڭ استىق جانە ىندەتكە توتەپ بەرۋ بۇيىمدارىن كومەككە بەرۋى توتەنشە دەر كەزىندە ىستەلگەن كومەك، بۇل جۇڭگو حالقىنىڭ قىرعىزستان حالقىمەن بولعان اعا – باۋىرداي تەرەڭ دوستىعىن قايتالاي ايگىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
