لي جانشۋ 7 - كەزەكتى 20 ەل توبى پارلامەنت باستىقتارىنىڭ ماجىلىسىنە قاتىناستى
2021.10.08 16:35 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 7 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 10 - ايدىڭ 7 - كۇنى بەيجيڭدەگى حالىق سارايىندا بەينەجازبا تاسىلىمەن 7 – كەزەكتى 20 ەل توبى پارلامەنت باستىقتارىنىڭ ماجىلىسىنە قاتىناستى ءارى ءسوز سويلەدى.
لي جانشۋ بىلاي دەپ اتاپ كورسەتتى: قازىر جاڭا تيپتى ايدارشا ۆيرۋس وكپە قابىنۋ ىندەتى ورشەلەنە قايتالانىپ، 100 جىلدىق وزگەرىسپەن قاباتتاسا ىقپال جاساپ وتىر، دۇنيە ءجۇزى اۋمالى – توكپەلى جاڭا كەزەڭگە قادام تاستادى، ءدوپ كەلگەن دۇنيە جۇزىلىك سىن – سايىس بۇرىن – سوڭدى بولىپ كورىلمەگەن. وسى رەتكى ءماجىلىستىڭ ارقاۋ ءسوزى − «حالىق»، بۇل ءدال ۋاعىندا بولدى. جاڭا جاعداي، جاڭا سىن - سايىس الدىندا 20 ەل توبىنداعى ءار ەلدىڭ زاڭ شىعارۋ قۇرىلىمدارى حالىقتى بارىنەن جوعارى قويۋ ۇستانىمىندا تاباندى بولۋ، كەلەلى دۇنيە جۇزىلىك ەكونوميكالىق، قوعامدىق ماسەلەلەردى شەشۋدى ىلگەرىلەتۋ جاعىندا، ءسوز جوق، اناعۇرلىم وزگەشە، ماڭىزدى رول اتقارۋى كەرەك.
لي جانشۋ زاڭ شىعارۋ قۇرىلىمدارىنىڭ اۋىس - كۇيىسىن، سەلبەستىگىن كۇشەيتۋ جونىندە 3 ءتۇرلى ۇسىنىس قويدى. ءبىرىنشى، ىندەتكە ىنتىماقتاسا قارسى اتتانۋ، ىندەتكە عىلمي جولمەن قارسى اتتانۋ كەرەك. ءومىردى بارىنەن جوعارى قويۋ پرينسيبىندە تاباندى بولىپ، ءاربىر ادامنىڭ ءومىرىن، قۇنىن، بەدەلىن قورعاپ، ىندەتتەن ساقتانۋ - تىزگىندەۋ، شەشۋشى زاتتىق ماتەريال، الەۋمەتتىك دەنساۋلىق ساقتاۋ سياقتى سالالاردا حالىقارالىق سەلبەستىك ورىستەتۋدى بەلسەنە ىلگەرىلەتىپ، ۆاكسينانى شىن مانىندە دۇنيە جۇزىلىك الەۋمەتتىك ءونىم ەتىپ، ۆاكسينانىڭ جارامدىلىعى مەن قولجەتىمدى بولۋىن جوعارىلاتۋ كەرەك. جۇڭگو دۇنيە جۇزىندەگى 100 دەن استام مەملەكەت پەن حالىقارالىق ۇيىمدى ءبىر ميلليارد 400 ميلليوننان استام ۆاكسينامەن قامدادى، تۇتاس جىلدا سىرتقا 2 ميلليارد ۆاكسينا بەرۋگە قۇلشىنادى. ساياسيدى عىلىمنان جوعارى قويۋعا باتىل قارسى تۇرۋ كەرەك. ەكىنشى، قۋاتتى، جاسىل، اقاۋسىز دۇنيە جۇزىلىك دامۋدى ىلگەرىلەتۋ كەرەك. تاياۋدا ءتوراعا شي جينپيڭ ب م ۇ - نىڭ 76 - كەزەكتى جينالىسىنىڭ جاي تالقىسىندا دۇنيە جۇزىلىك دامۋ باستاماسىن سالتاناتپەن ورتاعا قويىپ، حالىقتى وزەك ەتۋدە تاباندى بولىپ، حالىق ءۇشىن دامۋدى، دامۋدا حالىققا سۇيەنۋدى، دامۋ جەتىستىكتەرىنەن حالىقتى ورتاق يگىلىكتەندىرۋدى دارىپتەدى. دامۋدى الدىمەن ەسكەرۋدە، جالپىعا ءتيىمدى، سيىسىمدى بولۋدا، جاڭالىق اشۋ سەلبەستىگىندە تاباندى بولىپ، دۇنيە ءجۇزى ەكونوميكاسىنىڭ ساپالى قالپىنا كەلۋىن قۇلشىنا جۇزەگە اسىرۋ كەرەك. كليمات وزگەرىسىنە بەلسەنە توتەپ بەرىپ، ادام مەن تابيعاتتىڭ جاراسىمدى قاتار ءومىر ءسۇرۋىن جۇزەگە اسىرۋ كەرەك. ب م ۇ - نىڭ 2030 - جىلعا دەيىنگى باياندى دامۋ كەڭەستىك ءتارتىبىن جەدەل تياناقتاندىرىپ، دۇنيە جۇزىلىك دامۋدىڭ تاعدىرلاس ورتاق تۇلعاسىن قۇرۋ كەرەك. ءۇشىنشى، ناعىز كوپ جاقتىلىقتا تاباندى بولىپ، دۇنيە جۇزىلىك جونگە سالۋ جۇيەسىن كەمەلدەندىرۋ كەرەك. ادامزاتتىڭ تاعدىرلاس ورتاق تۇلعاسى ۇستانىمىن ۇستانىپ، بىرگە اقىلداسۋ، بىرگە قۇرۋ، بىرگە يگىلىكتەنۋ سىندى دۇنيە جۇزىلىك جونگە سالۋ كوزقاراسىن امالياتتا ايگىلەپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇنىنان جازباۋ كەرەك. بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى قورعاۋ، حالىقارالىق زاڭدى نەگىز ەتكەن حالىقارالىق ءتارتىپتى قورعاۋ، دۇنيە جۇزىلىك ساۋدا ۇيىمىن ۇيىتقى ەتكەن كوپ جاقتى ساۋدا ءتۇزىلىسىن قورعاۋ كەرەك. ماكرولىق شارۋاشىلىق ساياساتىن سايكەستىرۋدى كۇشەيتىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتۋ كەرەك.
لي جانشۋ مىنانى ءبىلدىردى: بيىل − جۇڭگو كوممۋنيستىك پارتياسى قۇرىلعانىنىڭ 100 جىلدىعى. حالىقتى وزەك ەتۋ باستان - اياق جۇڭگو كوممۋنيستىك پارتياسىنىڭ بيلىك جۇرگىزۋ ۇستانىمى بولىپ كەلەدى. جۇڭگو دەر كەزىندە جاپپاي دوڭگەلەك داۋلەتتى قوعام قۇرىپ شىعىپ، مۇلدەم كەدەيلىك ماسەلەسىن تاريحي تۇرعىدان شەشىپ، جاپپاي سوتسياليستىك وسىزاماندانعان قۇدىرەتتى ەل قۇرۋ كۇرەس نىساناسىنا قاراي قادام تاستادى. جۇڭگو ءوزىنىڭ جاڭا دامۋىمەن دۇنيە جۇزىنە ۇزدىكسىز جاڭا وراي جاراتادى. جۇڭگو مەملەكەتتىك حالىق قۇرىلتايى ءار ەل پارلامەنتتەرىمەن اۋىس - كۇيىستى، سەلبەستىكتى ۇزدىكسىز كۇشەيتىپ، تار جول، تايعاق كەشۋلەردەن بىرگە ءوتىپ، ءبىر جاعادان باس، ءبىر جەڭنەن قول شىعارىپ، ءتۇرلى سىن - سايىسقا ۇتىمدى توتەپ بەرىپ، دۇنيە جۇزىندەگى ءار ەل حالقىنىڭ كوركەم بولاشاعىن بىرگە جاراتۋدى قالايدى.
20 ەل توبىنىڭ پارلامەنت باستىقتارى ءماجىلىسى 2010 - جىلى باستالدى، ول 20 ەل توبىنا مۇشە ەلدەردىڭ زاڭ شىعارۋ قۇرىلىمى جاعىنداعى اۋىس - كۇيىسىن، سەلبەستىگىن جەبەيتىن ماڭىزدى تەكشە سانالادى. بۇل رەتكى ءماجىلىس 10 - ايدىڭ 7 - كۇنىنەن 8 - كۇنىنە دەيىن يتاليانىڭ ريم قالاسىندا جەلى ءىشى - سىرتىن ۇشتاستىرۋ تاسىلىمەن وتكىزىلدى، يتاليانىڭ زۇڭليى دراگي، كەڭەس پالاتاسىنىڭ باستىعى كاسەراتي، قاۋىم پالاتاسىنىڭ باستىعى فيكو جانە ءار ەل پارلامەنتتەر وداعىنىڭ ءتوراعاسى پاچەكو، 20 ەل توبىنا مۇشە ەلدەردىڭ زاڭ شىعارۋ قۇرىلىمدارىنىڭ باسشىلارى، قاتىستى حالىقارالىق ۇيىمداردىڭ جاۋاپتىلارى ماجىلىسكە قاتىناستى. ءماجىلىستىڭ نەگىزگى تاقىرىبى «پارلامەنت: حالىققا قىزمەت ەتۋ، بۇكىل دۇنيە ءجۇزىن كوزدە ۇستاۋ، گۇلدەنىپ - كوركەيۋدى جەبەۋ» بولدى، ماجىلىسكە قاتىناسقان جاقتار «ىندەت سەبەبىنەن تۋىلعان قوعامدىق داعدارىس پەن جۇمىستانۋ داعدارىسىنا توتەپ بەرۋ»، «قوعامدىق ورتانىڭ باياندى دامۋى نەگىزىندە ەكونوميكانىڭ ارتۋىن قايتا باستاۋ»، «سوڭعى ىندەت مەزگىلىندەگى باياندى دامۋ جانە استىق حاۋىپسىزدىگى» سياقتى تاقىرىپتار توڭىرەگىندە تالقى جۇرگىزدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
