ءسامي ءيۇسۇپ:
ماقتا تەرۋ ماشيناسىن جۇرگىزىپ، تاماشا تۇرمىس كەشىردىم
□ انار بۇلت / شينجياڭ گازەتىنىڭ ءتىلشىسى جىڭ جو
2021.10.20 15:15 كەلۋ قاينارى : شينجياڭ گازەتى
26 جاستاعى ءسامي ءيۇسۇپ ەكى ءتۇرلى قىزمەتپەن اينالىسادى. ماقتا تەرۋ ماۋسىمىندا ول لوپنۇر اۋدانىنداعى ماقتا تەرۋ ماشيناسىنىڭ شوفەرى؛ باسقا كەزدە سول جەردەگى جەدەل جولداما جەتكىزۋشى بولىپ ىستەيدى. ەكى قىزمەتىنەن تاپقان تابىسىمەن ول قالادان ءۇي ساتىپ الىپ، تاماشا تۇرمىس كەشىرۋدە.
”قاراڭىزدار، بۇل مەن جۇرگىزىپ جۇرگەن ماقتا تەرۋ ماشيناسى، ول ءبىر جولدا 3 قاتاردىڭ ماقتاسىن تەرەتىندىكتەن، ءبىز ونى ’ءۇش باستى ماشينا‘ دەيمىز. بۇل ماشينا ءبىر كۇندە 100 مۋدان استام جەردىڭ ماقتاسىن تەرەدى، ۋاقىت، كۇش ۇنەمدەيدى“. 10 - ايدىڭ 12 - كۇنى ءسامي قىزىل ءتۇستى ماقتا تەرۋ ماشيناسىنىڭ ۇستىندە تۇرىپ، ءوزىنىڭ ”اسىلىن“ كوڭىلدەنە تانىستىردى. ءسامي وسى ماقتا تەرۋ ماشيناسىمەن ءبىر ايدا 14 مىڭ يۋان كىرىس كىرگىزەدى ەكەن.
ءسامي بۇرىن تراكتور شوفەرى ەدى، نەگىزگى جۇمىسى تراكتور جۇرگىزىپ، جەر جىرتۋ، ءدارى شاشۋ، ماقتا تاسۋ بولاتىن. 2018 - جىلى ماقتا تەرۋ ماشيناسى شوفەرلارىنىڭ ەڭبەكاقىسى 10 مىڭ يۋاننان اسقاندىعىن ەستىگەن ءسامي قىزىعىپ، جان - جاقتان قاي جەردەن ماقتا تەرۋ ماشيناسىن جۇرگىزۋ تەحنيكاسىن ۇيرەنۋگە بولاتىندىعىن ۇعىسادى.
2019 - جىلى دوسىنىڭ تانىستىرۋىمەن ءسامي شاكىرت بولادى. شاكىرت بولعان كەزىندە ءار ايلىق ەڭبەكاقىسى 7000 يۋان بولدى. ءسامي كىشكەنتايىنان ماشيناعا قىزىعاتىن، ماقتا تەرۋ ماشيناسىن تازالاۋ، كۇتىمدەۋ، جوندەۋ، جۇرگىزۋ سياقتى تەحنيكالاردى ۇيرەنۋگە ايرىقشا دەن قويادى. بۇرىن ءتۇرلى تۇرپاتتى تراكتورلاردى جۇرگىزىپ كورگەندىكتەن، ءسامي تەز ارادا ۇيرەنىپ الدى، باسقالار 2 جىل ۇيرەنسە، ول نەبارى ءبىر جىلدا بارلىق تەحنيكانى يگەرىپ بولدى.
2020 - جىلى ءسامي ماقتا تەرۋ ماشيناسىنىڭ نەگىزگى شوفەرى بولىپ، ءبىر اۋىل شارۋاشىلىق ماشينالارى سەلبەستىك كووپەراتيۆىنە جۇمىسقا شاقىرىلادى. سەلبەستىك كووپەراتيۆى وعان ءبىر قوسىمشا شوفەر جانە 2 شاكىرت ءبولىپ بەرۋمەن بىرگە، ايلىق ەڭبەكاقىسىنا 14 مىڭ يۋان بەرەتىن بولادى. سول جىلى ماقتا تەرۋ ماۋسىمى اياقتالعاننان كەيىن، ول تاپقان اقشاسى مەن تالاي جىل جيناعان اقشاسىنا اۋداننان ءبىر ءۇي، ءبىر مينبۋس ساتىپ الادى ءارى ون شاقتى توقتى ساتىپ اكەلەدى.
ىسىلعان تەحنيكاسى مەن ماقتا اتىزىنداعى مول تاجىريبەسى ساميگە سەنىم سيلايدى. بيىل ول ماقتا تەرۋ ماشيناسىنىڭ قوجايىنىمەن ەڭبەكاقىنى مۋ سانى بويىنشا ەسەپتەپ، ءبىر مۋ جەردىڭ ماقتاسىن تەرۋگە 20 يۋان سيلىق الۋعا كەلىسەدى. ”بىلتىرعى ماقتا تەرۋ قارقىنىم بويىنشا تۇتاس ماقتا تەرۋ ماۋسىمىندا 60 مىڭ يۋان اقشا تابا الامىن“، - دەدى ءسامي ءماز بولىپ.
ماقتا تەرۋ ماۋسىمدىق سيپاتى وتە كۇشتى جۇمىس، ءار جىلى ءبىر جارىم اي دا 2 اي عانا ىستەيدى، قالعان ۋاقىتتا نە ىستەۋ كەرەك؟ ءسامي بىلاي دەدى: ادەتتە اۋدان قالاشىعىندا جەدەل جەتكىزۋشى بولامىن، جەدەل جەتكىزۋ سەرىكتەستىگىمەن ەڭبەك توقتامىنا وتىرىپ، كوپ ىستەسەم كوپ الامىن، ءبىر ايدا 5000 يۋان اينالاسىندا كىرىس كىرگىزەمىن. ”ماقتا تەرەتىن كەزدە جەدەل جەتكىزۋ سەرىكتەستىگى مەنىڭ رۇقسات الىپ، ماقتا تەرۋ ماشيناسىن جۇرگىزىپ اقشا تابۋىما قوسىلادى“.
ءساميدىڭ اقشا تاپقانىن كورگەن بولە ءىنىسى مۇرادىل وسمان دا ماقتا تەرۋ ماشيناسىن جۇرگىزۋ تەحنيكاسىن ۇيرەنە باستايدى.
ءسامي سياقتى مۇرادىلدىڭ دا قىزمەتى بار، ول لوپنۇر اۋدانى قاراشوقى اۋىلىنىڭ ناۋبايشىسى، ءبىر ناۋبايحاناسى بار، ءبىر ايدا 5000 دا 6000 يۋان اقشا تابادى. مۇرادىل تىلشىگە بىلاي دەدى: قازىر بولە اعاما ىلەسىپ تەحنيكا ۇيرەنىپ، جۇمىس كەزىندە تاعى ءبىر شاكىرتپەن بىرگە ماقتا تەرۋ ماشيناسىنا ماي قۇيۋ، سۋ قۇيۋ، ماقتا قامباسىنىڭ قوقسىقتارىن تازالاۋ سياقتى جۇمىستاردى ىستەيمىن، ەڭبەكاقىم 10 مىڭ يۋان.
”اۋىل شارۋاشىلىعى تەحنيكاسىنىڭ دامۋى مەنىڭ ماقتا تەرۋ ماشيناسىن جۇرگىزۋ تەحنيكاسىن كورۋ، ۇيرەنۋ ورايىنا يە بولۋىما مۇمكىندىك بەردى. بۇل تۇرمىس ساپامدى جوعارىلاتىپ قالماستان، يدەيالىق كوزقاراسىمدى دا وزگەرتتى، تەك تەحنيكا بىلسەڭ، قاجىرلىلىقپەن ەڭبەك ەتسەڭ، باقىتتى دا ءمان - ماعىنالى تۇرمىس كەشىرە الاسىڭ“. ءسامي الدىڭعى جاقتاعى اپپاق قارداي ماقتا اتىزىنىڭ ءوزىنىڭ جانە اۋىلداستارىنىڭ ءۇمىت اتىزى ەكەندىگىن ايتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
