لي كىچياڭ مەملەكەتتىك الەۋمەتتىڭ يگىلىك، جاڭالىق جاراتۋ قيمىلى اپتالىعىنىڭ باستالۋ سالتىنا قاتىناسقاندا مىنانى دارىپتەدى
الەۋمەتتىڭ يگىلىك، جاڭالىق جاراتۋىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكونوميكانىڭ دامۋىن ىلگەرىلەتەتىن تاسقىنداعان كۇش - قۋاتتى توپتاۋ كەرەك
2021.10.20 15:26 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 19 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 10 - ايدىڭ 19 - كۇنى بەيجيڭدەگى حالىق سارايىندا 2021 – جىلعى الەۋمەتتىڭ يگىلىك، جاڭالىق جاراتۋ قيمىلى اپتالىعىنا قاتىناسىپ، ماڭىزدى ءسوز سويلەدى ءارى قيمىل اپتالىعىنىڭ رەسمي باستالعانىن جاريالادى.
لي كىچياڭ بىلاي دەدى: الەۋمەتتىڭ يگىلىك، جاڭالىق جاراتۋى قيمىل اپتالىعى − يگىلىك، جاڭالىق جاراتۋشىلاردىڭ كەلبەتىن ايگىلەيتىن، جاسامپازدىققا يتەرمەلەيتىن، اۋىس – كۇيىس، سەلبەستىك جاسايتىن ۇلكەن ساحنا. ءار رەت قاتىناسقان سايىن تاسقىنداعان يگىلىك جاراتۋ ىنتاسى مەن جاڭالىق جاراتۋ ومىرشەڭدىك كۇشىن سەزىنۋگە بولادى.
لي كىچياڭ بىلاي دەپ اتاپ كورسەتتى: تاياۋ جىلداردان بەرى توتەنشە كۇردەلى دە اۋىر ىشكى – سىرتقى جاعداي الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەل بويىنشا جوعارىدان تومەنگە دەيىن ۇدىرە العا تارتىپ، ەكونوميكانىڭ دامۋىندا كورنەكتى تابىستارعا قول جەتتى. بۇل وڭاي - وسپاق قولعا كەلگەن جوق، ءجۇز ميلليونداعان حالىق بۇقاراسىنان، ءجۇز ميلليونداعان بازار تۇلعالارىنان قول ۇزە المايدى، الەۋمەتتىڭ يگىلىك، جاڭالىق جاراتۋىنىڭ دا وزىندىك ۇلەسى بار. قىرۋار بازار تۇلعاسى قۇرىلىپ، جاندانىپ، جاڭالىق جاراتۋ قابىلەتى ۇزدىكسىز جوعارىلاپ، جاڭا قوزعاۋشى كۇش جەدەل جەتىلىپ، ورنىقتى جۇمىستانۋ مەن ەكونوميكالىق جالپى جاعدايعا پارمەندى تىرەك ازىرلەندى. ءتىپتى دە كوپ ادام الەۋمەتتىڭ يگىلىك، جاڭالىق جاراتۋى ارقىلى ءوز ونەرلەرىن ايگىلەپ، كۇرەس جۇرگىزۋ ارقىلى بايلىق جاراتتى. يگىلىك جاراتۋ الەۋمەتكە بەت الىپ، بارشا قاۋىم جاڭالىق جاراتۋعا ات سالىسىپ، ەكونوميكانىڭ دامۋىن ىلگەرىلەتەتىن تاسقىنداعان كۇش - قۋات توپتالدى.
لي كىچياڭ بىلاي دەدى: الەۋمەتتىڭ يگىلىك، جاڭالىق جاراتۋىندا الەۋمەت وتە ماڭىزدى، حالىق بۇقاراسى − وسىزامانداندىرۋ قۇرىلىسىنىڭ ءتۇبىرلى كۇشى. جۇڭگو ءالى دە سوتسياليزمنىڭ العاشقى كەزەڭىندە تۇر ءارى ۇزاق ۋاقىت تۇرادى، دۇنيە جۇزىندەگى ەڭ ءىرى وركەندەپ كەلە جاتقان ەل، دامۋ − بارلىق ماسەلەنى شەشۋدىڭ نەگىزى جانە تەتىگى. قازىرگى ەكونوميكالىق ارتۋدىڭ باياۋلاۋى سياقتى سىن - سايىس الدىندا ەكونوميكانىڭ باياندى، ورنىقتى قالپىنا كەلۋىن جەبەۋ ءۇشىن، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، جاڭا دامۋ كەزەڭىن تياناق ەتۋ، جاڭا دامۋ ۇستانىمىن دايەكتىلەندىرۋ، جاڭا دامۋ جاعدايىن ورناتۋ، ساپالى دامۋدى ىلگەرىلەتۋ تالابى بويىنشا، «التىنى قامتاماسىز ەتۋ» قىزمەتىن ۇزدىكسىز جاقسى ىستەپ، اسىرەسە، جۇمىستانۋعا، حالىق تۇرمىسىنا، بازار نەگىزگى تۇلعاسىنا كەپىلدىك ەتۋگە باسا ءمان بەرىپ، رەفورما جاساپ، ەسىك اشۋدى ۇزدىكسىز تەرەڭدەتىپ، جاڭالىق جاراتۋ ارقىلى دەم بەرۋدى كۇشەيتىپ، بازارلاندىرۋ ءادىسى ارقىلى الەۋمەتتىڭ يگىلىك، جاڭالىق جاراتۋىن ىشكەرىلەي ىلگەرىلەتۋ كەرەك. كوپتىڭ اقىل - پاراساتىن، كۇش - قۋاتىن شوعىرلاندىرىپ، حالىق بۇقاراسىنىڭ ەڭبەكشىل اقىل - پاراساتىن اناعۇرلىم تولىق ساۋلەلەندىرىپ، ەكونوميكانىڭ ورنىقتى اينالىمى مەن باياندى، اقاۋسىز دامۋىن جەبەۋ كەرەك.
لي كىچياڭ بىلاي دەپ اتاپ كورسەتتى: ەلىمىزدە 150 ميلليونعا جۋىق بازار تۇلعاسى بار، جۇمىستانۋعا، حالىق تۇرمىسىنا كەپىلدىك ەتۋدە بازار تۇلعاسىنا سۇيەنۋ كەرەك. الەۋمەتتىڭ يگىلىك، جاڭالىق جاراتۋىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، اناعۇرلىم كوپ بازار تۇلعالارىن جارىققا شىعارىپ، ەكونوميكانىڭ دامۋ ءورىسىن كەڭەيتۋ كەرەك. الەۋمەتتىڭ يگىلىك، جاڭالىق جاراتۋى جۇمىستانۋعا تىرەك بولادى، بيىل جوعارى مەكتەپتەردەن جانە ورتا دارەجەلى كاسىپتىك مەكتەپتەردەن وقۋ بىتىرەتىن 10 ميلليوننان استام وقۋشىنىڭ جۇمىستانۋ ارناسىن كەڭەيتەدى. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ىشكەرىلەي ىلگەرىلەتىپ، بازارلاندىرىلعان، زاڭمەن جونگە سالىناتىن، حالىقارالانعان ساۋدا ورتاسىن قالىپتاستىرىپ، ءىس بارىسىنداعى، ىستەن كەيىنگى باقىلاۋ - باسقارۋدى كۇشەيتىپ، مونوپوليالاۋعا جانە ورىنسىز باسەكەگە قارسى تۇرىپ، ءادىل، تۋراشىل بازار ءتارتىبىن قورعاۋ كەرەك. نازاردى يگىلىك، جاڭالىق جاراتۋ سۇرانىسىنا شوعىرلاندىرىپ، سۇيەمەلدەۋدى كۇشەيتىپ، شاعىن، ۇساق كاسىپورىنداردىڭ سالىق جەڭىلدىگى، جالپىعا ءتيىمدى فينانس سياقتى ساياساتتاردى ويداعىداي تياناقتاندىرىپ، العاش قۇرىلعان كاسىپورىندارعا، شاعىن، ۇساق كاسىپورىندارعا قىسىلعاندا قول ۇشىن بەرگەندەي قولداۋ كورسەتۋ كەرەك. نەگىزدىك زەرتتەۋدىڭ نەگىزىن بەكەمدەپ، شەشۋشى، وزەكتى تەحنيكالاردان قامال الۋدى كۇشەيتىپ، الەۋمەتتىڭ يگىلىك، جاڭالىق جاراتۋىنىڭ ساپاسىنىڭ، دارەجەسىنىڭ جوعارىلاۋىنا تىرەك بولۋ كەرەك. تەحنيكانى شوعىرلاندىرىپ جەتىلدىرۋ، قارجى قۇراۋ، قارجى قوسۋ سياقتىلار ءبىر تۇلعالاندىرىلعان كوپ بولىپ جاڭالىق جاراتۋ كەڭىستىگىن دامىتىپ، «ينتەرنەت +» ارقىلى توعىسپالى جاڭالىق جاراتۋدى ىلگەرىلەتىپ، الەۋمەتتىڭ يگىلىك، جاڭالىق جاراتۋىنىڭ كوبەيتۋ اسەرىن قالىپتاستىرىپ، جاڭا قوزعاۋشى كۇشتى دامىتۋ، زورايتۋ كەرەك. دارىندىلاردى كەڭ كولەمدە تاربيەلەپ، توپتاپ، عىلمي رۋحتى، كاسىپتىك رۋحتى، شەبەرلەر رۋحىن ساۋلەلەندىرىپ، جاسامپازدىق ىنتاسىن قورعاپ، ناقتى ءىس ىستەۋدى، شىنايى ىستەۋدى ارداقتاپ، سان مىڭداعان يگىلىك، جاڭالىق جاراتۋعا باتىلدىق ەتەتىن، جاسامپازدىق جاراتا الاتىن اتويشىلاردىڭ ءوز ونەرىن ايگىلەۋىنە، كۇرەس بارىسىندا كەرەمەت جاسامپازدىقتى جۇزەگە اسىرۋىنا مۇمكىندىك جاساۋ كەرەك.
لي كىچياڭ تاعى بەينە ەكران ارقىلى شاڭحاي قاتىناس داشۋەسىنىڭ عىلىم – تەحنيكا تابىسىن كادەگە جاراتۋى، حالىق باسقارۋىنداعى كاسىپورىن مۋچى سەرىكتەستىگىنىڭ يگىلىك جاراتۋ ارقىلى جۇمىستانۋعا جەتەكشىلىك ەتۋى، ستۋدەنتتەر قۇرعان ۋشي حيسكي سەرىكتەستىگىنىڭ جاڭا تابىستارى سياقتىلاردى كورىپ، ولاردى يگىلىك، جاڭالىق جاراتۋدىڭ كەڭ ساحناسىندا ۇزدىكسىز مول تابىسقا قول جەتكىزۋگە شابىتتاندىردى.
حى ليفىڭ باستالۋ سالتىن باسقاردى. حىنان ولكەسىندەگى نەگىزگى جاۋاپتى جولداستار الەۋمەتتىڭ يگىلىك، جاڭالىق جاراتۋى اپتالىعىنىڭ جىڭجوۋ نەگىزگى جينالىس الاڭىندا ءسوز سويلەدى. يگىلىك، جاڭالىق جاراتۋ ۋاكىلدەرى ءسوز سويلەدى.
شياۋ جيە، ۋان گاڭ قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
