«اس - سۋدىڭ نەگىزگى ارقاۋىنان اجىراپ قالۋعا بولمايدى» (ەكى ماجىلىسكە ناق مايداندا نازار - شاعىن كورىنىس - باس شۋجي شي جينپيڭنىڭ ەكى ماجىلىستە ۇيىرمە، گرۋپپالاردىڭ تالقىسىنا قاتىناسۋىنان)
2022.03.06 19:30 كەلۋ قاينارى : حالىق تورابى
ۋاقىتى: 3 - ايدىڭ 5 – كۇنى تۇستەن كەيىن
كۇن ءتارتىبى: باس شۋجي شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناستى
ءار جىلى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، كومىر ۇنەمى تىلگە الىناتىن، جاڭا قىرىنان تىلگە الىناتىن تاقىرىپ بولىپ وتىردى.
قارا التىن دەپ اتالعان كومىر − حالىق تۇرمىسىنىڭ نەگىزگى ارقاۋى. بۇل جولى مەملەكەتتىك ەنەرگيا توبىنىڭ باۋتوۋ كومىر حيميا ونەركاسىپ شەكتى جاۋاپكەرلىك سەرىكتەستىگىنەن كەلگەن ۋاكىل جيا رۇن – ان «كومىر حيميا ونەركاسىبى كاسىبىنىڭ جوعارى ورەلى، كوپ نەگىزدەنگەن، تومەن كومىرتەكتى دامۋىن جەبەپ، كومىر قىشقىل گازىنىڭ شىعارىلۋىن جوعارى مانگە جەتكىزىپ، كومىر قىشقىل گازىن بەيتاراپتاندىرۋعا دەم بەرەيىك» دەگەن تاقىرىپتا ءسوز سويلەدى.
باس شۋجي شي جينپيڭ مۇنى ەستىپ قاتتى جەلپىندى.
2020 - جىلى كۇزدە باس شۋجي بىرلەسكەن مەملەكەتتەر ۇيىمىنىڭ جينالىسىندا جۇڭگو تەرەڭ تولعانۋ ارقىلى جاساعان كەلەلى ستراتەگيالىق شەشىمدى جاريالادى: «ەلىمىز كومىر قىشقىل گازىن ىعىستىرۋدى 2030 - جىلدان بۇرىن جوعارعى مانگە جەتكىزۋگە كۇش سالىپ، 2060 - جىلدان بۇرىن كومىر قىشقىل گازىن بەيتاراپتاندىرۋعا قول جەتكىزۋگە قۇلشىنادى».
دۇنيە جۇزىندەگى ەڭ ءىرى وركەندەپ كەلە جاتقان ەل رەتىندە، جۇڭگو بۇكىل دۇنيە ءجۇزى بويىنشا كومىر قىشقىل گازىن ىعىستىرۋداعى ەڭ جوعارى كۇشەمەلىلىكتى تومەندەتۋ مولشەرىن ورىنداپ، دۇنيە ءجۇزى تاريحىندا ەڭ قىسقا ۋاقىت ىشىندە كومىر قىشقىل گازىنىڭ ىعىستىرىلۋىن جوعارى مانگە جەتكىزۋدەن كومىر قىشقىل گازىن بەيتاراپتاندىرۋعا دەيىنگى بارىستى ىسكە اسىرادى. ءىستىڭ قيىندىعى ايتپاسا دا تۇسىنىكتى.
بۇكىل ەل بويىنشا جوعارىدان تومەنگە دەيىن بىلەك سىبانىپ، جۇدىرىقتاي جۇمىلىپ ىسكە كىرىستى. الايدا، كەيبىر جەرلەردە قادامدى تەزدەتىپ جىبەرۋ، قادامدى ۇلكەن الۋ جايتتەرى دە ورىن تەۋىپ وتىردى.
وسىنداي ساتتە حالىق سارايىنىڭ باياندامانى قاراۋ ناق مايدانىندا باس شۋجي شي جينپيڭ ۋاكىلدەردىڭ ءسوزىن تىڭداپ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ جونىندەگى ويلارىن تەرەڭ پايىمدادى.
«‹قوس كومىرتەگى› نىساناسىن جۇزەگە اسىرۋ − كەڭ ءارى تەرەڭ وزگەرىس، سونداي - اق ۇزاق ۋاقىتتىق مىندەت، ءارى مىزعىماۋ، ءارى عىلمي، ءتارتىپتى ىلگەرىلەتۋ كەرەك». «بۇل ءىستى بۇكىل ەلدىڭ ورنالاستىرۋى بويىنشا ءبىر تۇتاس ويلاستىرۋ كەرەك. ‹قوس كومىرتەگى› نىساناسىنا بۇكىل ەل تۇرعىسىنان قاراۋ كەرەك، قاي جەردە ازايتۋ، قاي جەردە اداقتاۋ، قاي جەردە ساقتاپ قالۋ، ءتىپتى قاي جەردە ەنەرگياعا كەپىلدىك ەتۋ شاراسىن نىعايتۋ كەرەك، وسىنىڭ بارلىعىن بۇكىل ەل تۇرعىسىنان سالماقتاۋ كەرەك».
اسىعۋعا دا، باياۋلاتىپ جىبەرۋگە دە بولمايدى. بايسالى، تىڭعىلىقتى ىستەپ، نىق قاداممەن العا باسۋ كەرەك.
باس شۋجي شىن جۇرەكتەن بىلاي دەپ قاداعالاي تاپسىردى: «جاسىل تيپكە بۇرىلىس جاساۋ − ءبىر بارىس، وڭاي - وسپاق ورىندالاتىن ءىس ەمەس. الدىمەن ورناتىپ، ونان سوڭ قيراتۋ كەرەك، ورناتپاي تۇرىپ قيراتۋعا بولمايدى. كومىر مول، مۇناي تاپشى، گاز از بولۋ − ەلىمىزدىڭ مەملەكەت جاعدايى، كومىردى نەگىز ەتكەن ەنەرگيا قۇرىلىمىن قىسقا ۋاقىت ىشىندە تۇبىرىنەن وزگەرتۋ قيىن. ‹قوس كومىرتەگى› نىساناسىن جۇزەگە اسىرۋدا، ءسوز جوق، مەملەكەت جاعدايىن تياناق ەتىپ، ورنىقتىلىق بارىسىندا ىلگەرىلەۋدە، بىرتىندەپ جۇزەگە اسىرۋدا تاباندى بولۋ كەرەك، ءىس جۇزىندىكتەن قول ۇزۋگە، تابىسقا جەتۋ ءۇشىن اسىعىپ كەتۋگە، قوزعالىس فورماسىمەن ‹كومىر قىشقىل گازىن ازايتىپ›، ‹شۇعىل تورموزداۋعا› بولمايدى. اس - سۋدىڭ نەگىزگى ارقاۋىنان اجىراپ قالۋعا بولمايدى، اس - سۋدىڭ جاڭا نەگىزگى ارقاۋى ازىرلەنبەسە، ول دا جارامايدى. جاسىل، تازا قورشاعان ورتا بولۋمەن بىرگە، ءوندىرىس پەن تۇرمىستىڭ قالىپتى جۇرگىزىلۋىنە دە كەپىلدىك ەتۋ كەرەك».
ءسوز وسى اراعا كەلگەندە، باس شۋجي شي جينپيڭ بۇرىن وقىعان ءبىر اڭگىمەنى ەسىنە الىپ، قىزىعا ورتاقتاستى:
«سۇن جۇڭشان كەزىندە ءبىر قىزىقتى اڭگىمە ايتىپ، كەيبىر ادامداردى سىقاق ەتىپتى. ءبىر جاپاكەش ادام ۇدايى ءبىر تال بامبۇك سىرىقپەن وزگەلەرگە نارسە تاسىپ بەرەدى ەكەن. ءبىر كۇنى ۇتىس بەلەتىن ساتىپ الىپ، ونى بامبۇك سىرىققا جاسىرىپ قويىپتى، كەنەت ءوز نومىرىنە 1 – دارەجەلى سيلىق شىققانىن بايقاپ، قۋانعانىنان بامبۇك سىرىقتى وزەنگە تاستاپ جىبەرىپتى، سول ساتتە ەندى ءومىر بويى مۇنداي جاپا – ماشاقاتتان قۇتىلامىن دەپ ويلاپتى. ناتيجەدە سيلىق الۋ ورنىنا بارعاندا عانا ۇتىس بەلەتىنىڭ بامبۇك سىرىقپەن بىرگە سۋعا كەتكەنىن ەسىنە الىپتى. مىنە، بۇل باسقا قونايىن دەپ تۇرعان بايلىقتان الاڭعاسارلىقپەن ايىرىلىپ قالۋدىڭ ءبىر مىسالى بولىپ تابىلادى».
بارشا تىرشىلىك ءوز قاسيەتى بويىنشا كۇن كورەدى، بارلىق ءىستى ءوزىنىڭ قيسىنى بويىنشا ىستەۋ كەرەك. باس شۋجي تەرەڭ سۇيىسپەنشىلىكپەن بىلاي دەدى: «جۇمىس ىستەگەندە، ءسوز جوق، وسىنداي پرينسيپتى يگەرۋ، ءسوز جوق، ۇلكەن ەسەپ، ۇزاق بولاشاقتىق ەسەپ، جالپى تۇلعالىق ەسەپ، امبەباپ ەسەپ جاساۋ كەرەك».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
