شي جينپيڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا مىنانى دارىپتەدى
جۇڭحۋا ۇلتى ورتاق تۇلعاسىنىڭ يدەيالىق نەگىزىن ۇزدىكسىز بەكەمدەپ، ۇلى وتاندى بىرگە قۇرىپ، تاماشا تۇرمىستى بىرگە جاراتۋ كەرەك
2022.03.06 19:52 كەلۋ قاينارى : حالىق تورابى
 |
3 - ايدىڭ 5 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 13 - كەزەكتى مەملەكەتتىك حالىق قۇرىلتايى 5 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناستى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
■ ۇلتتار ىنتىماعى − ەلىمىزدەگى ءار ۇلت حالقىنىڭ جان تامىرى، جۇڭحۋا ۇلتى ورتاق تۇلعاسى تانىمى − ۇلتتار ىنتىماعىنىڭ نەگىزى. جۇڭحۋا ۇلتى ورتاق تۇلعاسى تانىمىن بەرىك ورناتۋ سىندى وسى نەگىزگى جەلىنى مىقى يگەرىپ، ۇلتتار ىنتىماعى، العاباسارلىعى تاربيەسىن تەرەڭدەتىپ، ءار ۇلت بۇقاراسىن قۋانىش - قايعى ورتاق، داڭق - نامىس ورتاق، تاعدىر ورتاق بولۋداي ورتاق تۇلعا تانىمىن بەرىك ورناتۋعا جەتەكتەپ، جۇڭحۋا ۇلتى ورتاق تۇلعاسىنىڭ يدەيالىق نەگىزىن ۇزدىكسىز بەكەمدەپ، ۇلتتاردىڭ جۇڭحۋا ۇلتى ۇلى شاڭىراعىندا اناردىڭ دانىندەي تىعىز ۇيىسۋىن جەبەپ، ۇلى وتاندى ورتاق كۇش سالا كوركەيتىپ، تاماشا ءومىردى ورتاق كۇش سالا جاراتىپ، ورنىقتى، اقاۋسىز ەكونوميكالىق ورتانى، مەملەكەت تىنىش، حالىق الاڭسىز قوعامدىق ورتانى، ستيلى پاك، سالتى دۇرىس ساياسي ورتانى كۇش سالا ساقتاۋ ارقىلى پارتيا 20 - قۇرىلتايىنىڭ تابىسپەن اشىلۋىن ءىس جۇزىندىك ارەكەتپەن قارسى الۋ كەرەك
«حالىق گازەتى»، 3 - ايدىڭ 5 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 5 - كۇنى تۇستەن كەيىن ءوزى قۇرامىندا بولعان 13 - كەزەكتى مەملەكەتتىك حالىق قۇرىلتايى 5 - ماجىلىسىندەگى ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ دارىپتەدى: ۇلتتار ىنتىماعى − ەلىمىزدەگى ءار ۇلت حالقىنىڭ جان تامىرى، جۇڭحۋا ۇلتى ورتاق تۇلعاسى تانىمى − ۇلتتار ىنتىماعىنىڭ نەگىزى. جۇڭحۋا ۇلتى ورتاق تۇلعاسى تانىمىن بەرىك ورناتۋ سىندى وسى نەگىزگى جەلىنى مىقى يگەرىپ، ۇلتتار ىنتىماعى، العاباسارلىعى تاربيەسىن تەرەڭدەتىپ، ءار ۇلت بۇقاراسىن قۋانىش - قايعى ورتاق، داڭق - نامىس ورتاق، تاعدىر ورتاق بولۋداي ورتاق تۇلعا تانىمىن بەرىك ورناتۋعا جەتەكتەپ، جۇڭحۋا ۇلتى ورتاق تۇلعاسىنىڭ يدەيالىق نەگىزىن ۇزدىكسىز بەكەمدەپ، ۇلتتاردىڭ جۇڭحۋا ۇلتى ۇلى شاڭىراعىندا اناردىڭ دانىندەي تىعىز ۇيىسۋىن جەبەپ، ۇلى وتاندى ورتاق كۇش سالا كوركەيتىپ، تاماشا ءومىردى ورتاق كۇش سالا جاراتىپ، ورنىقتى، اقاۋسىز ەكونوميكالىق ورتانى، مەملەكەت تىنىش، حالىق الاڭسىز قوعامدىق ورتانى، ستيلى پاك، سالتى دۇرىس ساياسي ورتانى كۇش سالا ساقتاۋ ارقىلى پارتيا 20 - قۇرىلتايىنىڭ تابىسپەن اشىلۋىن ءىس جۇزىندىك ارەكەتپەن قارسى الۋ كەرەك.
ىشكى موڭعۇل ۋاكىلدەر ۇيىرمەسىنىڭ تالقىسى قىزۋ جۇرگىزىلىپ، دۋماندى مەرەيگە شومدى. جاڭ لەي، گو يانليڭ، جيا رۇن - ان، ۋاڭ شياۋحۇڭ، فىڭ يانلي، جاۋ حۇيجيە، شى يۇيدۇڭ قاتارلى 7 ۋاكىل جەكە - جەكە جاڭا دامۋ تانىمىن تولىق، دۇرىس، جالپى بەتتىك دايەكتىلەندىرۋ، جايىلىم ەكولوگيالىق قۇرىلىسىن كۇشەيتۋ، كومىر حيميا ونەركاسىبى كاسىبىندە كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋعا كۇش سالۋ، جۇڭحۋا ۇلتى ورتاق تۇلعاسى تانىمىن بەرىك ورناتۋدى وقۋ - اعارتۋ ىستەرىن باسقارۋ، مەكتەپ باسقارۋ، ءبىلىم بەرۋ، ۇرپاق تاربيەلەۋدىڭ جالپى بارىسىنا ءسىڭىرۋ، ساپالى دامۋدى جۇزەگە اسىرۋ ءۇشىن عارىش عىلىم - تەحنيكاسى جاعىنان كۇش قوسۋ، اۋىل - قىستاقتى كوركەيتۋدى ىلگەرىلەتۋ، ۇلتتىق رايون ءسۇت شارۋاشىلىعىن گۇلدەندىرۋ سياقتى ماسەلەلەر جونىندە ءسوز سويلەدى. شي جينپيڭ ءالسىن - ءالى ءسوز قوسىپ، ەستەلىك الىپ وتىردى.
شي جينپيڭ كوپشىلىكتىڭ ءسوزىن مۇقيات تىڭداعاننان كەيىن ءسوز سويلەدى. ول الدىمەن ۇكىمەت قىزمەتىنەن باياندامانى قۇپتايتىنىن ءبىلدىرىپ، ىشكى موڭعۇلدا ءبىر جىلدان بەرگى ىستەلگەن قىزمەتتەردى تۇراقتاندىردى، ىشكى موڭعۇلداعى جولداستاردان پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋداعى ءتۇرلى قىزمەتتى ءبىر تۇتاس ويداعىداي يگەرىپ، ەكولوگيا الدىمەن ەسكەرىلەتىن، جاسىل دامۋ جەتەكشى ەتىلگەن ساپالى دامۋ جاڭا جولىمەن بۇلجىماي ءجۇرىپ، مەملەكەتتىڭ ەكولوگيالىق حاۋىپسىزدىگىن، ەنەرگيا حاۋىپسىزدىگىن، استىق حاۋىپسىزدىگىن، كاسىپ حاۋىپسىزدىگىن قورعاۋ سىندى كەلەلى ساياسي جاۋاپكەرلىكتى شىنايى اتقارىپ، جۇڭحۋا ۇلتى ورتاق تۇلعاسى تانىمىن ۇزدىكسىز بەكەمدەپ، پارتيانى جالپى بەتتىك قاتاڭ باسقارۋدى ىشكەرىلەي جۇرگىزىپ، وتانىمىزدىڭ سولتۇستىك شەكارا وڭىرىندەگى كورىنىس جەلىسىن اناعۇرلىم كوركەم ەتىپ قۇرىپ شىعىپ، جاڭا داۋىردەگى ىشكى موڭعۇلدىڭ ساپالى دامۋىنىڭ تىڭ داستانىن جازۋدى ءۇمىت ەتتى.
شي جينپيڭ بىلاي دەپ اتاپ كورسەتتى: 2021 - جىلى ءبىز رەفورما، دامۋ، ورنىقتىلىق قىزمەتتەرىن جالپى بەتتىك ىلگەرىلەتىپ، پارتيا مەن مەملەكەت ىستەرىندە ۇزدىكسىز كەلەلى تىڭ تابىستارعا قول جەتكىزدىك. ءبىز پارتيا قۇرىلعانىنىڭ 100 جىلدىعىن سالتاناتپەن قۇتتىقتادىق، پارتيا تاريحىن ۇيرەنۋ تاربيەسىن ورىستەتتىك، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن اشتىق ءارى پارتيانىڭ 3 - رەتكى تاريحي قارارىن شىعاردىق. ءبىز كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، جالپى بەتتىك دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جالپى بەتتىك سوتسياليستىك وسىزاماندانعان مەملەكەت قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋدىڭ تىڭ جورىعىنا قادام تاستادىق. ءبىز حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋدا تاباندى بولىپ، عىلمي، دالمە - ءدال بولۋدان، يكەمدى، تۇبەگەيلى بولۋدان جازباي، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدى تۋ باستان مىقتى يگەرىپ، ەكونوميكالىق دامۋ مەن ىندەتتەن ساقتانۋ - تىزگىندەۋدە دۇنيە ءجۇزى بويىنشا الدىڭعى ورىندى ساقتاپ، «14 - بەسجىلدىق» جوبانىڭ تاماشا باستاماسىن جۇزەگە اسىردىق. ءبىز بەيجيڭ قىسقى وليمپيادا سپورت جارىسىن ءساتتى وتكىزىپ، دۇنيە جۇزىنە ۇنەمشىل، حاۋىپسىز، تارتىمدى وليمپيادا سالتاناتتى جينالىسىن وتكىزىپ بەردىك، ەلىمىزدىڭ دەنەتاربيە ساڭلاقتارى قۇلشىنا كۇرەس جۇرگىزىپ، قىسقى وليمپيادا سپورت جارىسىنا قاتىناسۋ تاريحىنداعى ەڭ جاقسى ناتيجەگە قول جەتكىزدى. بۇل تابىستار پارتيا مەن مەملەكەت ىستەرىنىڭ دامۋىندا كەلەلى ماڭىز الادى.
شي جينپيڭ بىلاي دەپ دارىپتەدى: جاڭا داۋىردە پارتيا مەن حالىقتىڭ ۇدىرە العا تارتۋ بارىسىن ەسكە العاندا، ءبىز مىنا ماڭىزدى تانىمداردى اناعۇرلىم بەكەمدەدىك. ءبىرىنشى، پارتيانىڭ جالپى بەتتىك باسشىلىعىندا تاباندى بولۋ − جۇڭگوشا سوتسياليزمدە تاباندى بولۋدا جانە ونى دامىتۋدا، ءسوز جوق، باسىپ وتەتىن جول. پارتيانىڭ جالپى بەتتىك باسشىلىعىندا بۇلجىماي تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاعاندا عانا ءبىز، ءسوز جوق، بۇكىل پارتيانىڭ، بۇكىل ەلدىڭ ىنتىماقتاسا كۇرەس جاسايتىن قۇدىرەتتى ساياسي ۇيىستىرۋ قۋاتىنا، دامۋ سەنىمىنە يە بولۋىنا كەپىلدىك ەتىپ، دۇرىس جولدا تاباندى بولا وتىرىپ جاڭالىق جاراتاتىن، قيىنشىلىقتى بىرگە جەڭەتىن قۇدىرەتتى كۇش توپتاپ، قيىن - قىستاۋ كەزدەردە جالپى حالىقتىڭ ەڭ سەنىمدى تىرەگى بولا الامىز. ەكىنشى، جۇڭگوشا سوتسياليزم − جۇڭحۋا ۇلتىنىڭ ۇلى كوركەيۋىن جۇزەگە اسىرۋدا، ءسوز جوق، باسىپ وتەتىن جول. جۇڭگوشا سوتسياليزم جولىمەن باستان - اياق جۇرگەندە عانا، ءبىز، ءسوز جوق، حالىقتىڭ تاماشا ومىرگە دەگەن تالپىنىسىن ۇزدىكسىز جۇزەگە اسىرىپ، جالپى حالىقتىڭ بىرگە اۋقاتتانۋىن ۇزدىكسىز ىلگەرىلەتە الامىز. ءۇشىنشى، ىنتىماقتاسا كۇرەس جۇرگىزۋ − جۇڭگو حالقىنىڭ تاريحي ۇلى ىستەردى جاراتۋدا ءسوزسىز باسىپ وتەتىن جولى. پارتيانىڭ باسشىلىعىندا بۇكىل ەلدەگى ءار ۇلت حالقى ءبىر نيەتپەن ىنتىماقتاسىپ، جۇدىرىقتاي جۇمىلىپ، كۇرەس جۇرگىزۋگە باتىل، كۇرەس جۇرگىزۋگە شەبەر بولعاندا عانا، ءبىز، ءسوز جوق، العا باسۋ جولىنداعى بارلىق قيىنشىلىق پەن سىن - سايىستى جەڭىپ، تاڭ قالارلىق جاڭا كەرەمەتتەردى ۇزدىكسىز جاراتا الامىز. ءتورتىنشى، جاڭا دامۋ تانىمىن دايەكتىلەندىرۋ − جاڭا داۋىردە ەلىمىزدىڭ دامىپ، زورايۋىندا، ءسوز جوق، باسىپ وتەتىن جول. جاڭا دامۋ تانىمىن تولىق، دۇرىس، جالپى بەتتىك دايەكتىلەندىرىپ، جاڭا دامۋ جاعدايىن جەدەل قالىپتاستىرىپ، ساپالى دامۋدى ىلگەرىلەتىپ، عىلىم - تەحنيكادا ءوز كۇشىنە سۇيەنىپ الۋەتتەنۋدى جەدەل جۇزەگە اسىرعاندا عانا، ءبىز، ءسوز جوق، ەلىمىز دامۋىنىڭ باسەكەلىك قۋاتى مەن باياندىلىق قۋاتىن ۇزدىكسىز جوعارىلاتىپ، كۇن سايىن شيەلەنىسكەن حالىقارالىق باسەكەدە ىرىقتىلىقتى يگەرىپ، نۇرلى بولاشاققا جەتە الامىز. بەسىنشى، پارتيانى جالپى بەتتىك قاتاڭ باسقارۋ − پارتيانىڭ ومىرشەڭدىك قۋاتىن ماڭگى ساقتاپ، جاڭا ەمتيحان تاپسىرۋ جولىن ويداعىداي باسۋدا، ءسوز جوق، باسىپ وتۋگە ءتيىستى جول. جۇڭگونىڭ ىستەرىن جاقسى ىستەۋدىڭ تەتىگى پارتيادا، تەتىگى پارتيانى جالپى بەتتىك قاتاڭ باسقارۋدا. پارتيا قۇرۋ ۇلى رۋحىن بارىنشا ساۋلەلەندىرىپ، اۋەلگى ماقساتتى، بورىشتى ۇمىتپاي، وزىنە توڭكەرىس جاساۋعا باتىل بولىپ، پارتيانىڭ العاباسارلىعى مەن كىرشىكسىزدىگىنە زيان جەتكىزەتىن بارلىق زياندى فاكتوردى ۇزدىكسىز الاستاپ، پارتيانىڭ اقاۋسىز تۇلعاسىن كەمىرەتىن بارلىق اۋرۋ قوزدىرعىشتاردى ۇزدىكسىز جويىپ وتىرعاندا عانا، ءبىز، ءسوز جوق، پارتيانىڭ ساپاسىنىڭ وزگەرمەۋىنە، سيپاتىنىڭ وزگەرمەۋىنە، قاسيەتىنىڭ وزگەرمەۋىنە شىنايى كەپىلدىك ەتە الامىز.
شي جينپيڭ بىلاي دەپ اتاپ كورسەتتى: ەلىمىز − بىرلىككە كەلگەن كوپ ۇلتتى مەملەكەت، ۇلتتار ىنتىماقتى، جاراسىمدى بولسا، مەملەكەت كوركەيەدى، قوعام تىنىش، حالىق باقىتتى بولادى؛ كەرىسىنشە بولسا، مەملەكەت قۇلدىرايدى، قوعام اۋمالى - توكپەلى بولادى، حالىق ازاپ شەگەدى. پارتيا ورتالىق كوميتەتىنىڭ جۇڭحۋا ۇلتى ورتاق تۇلعاسى تانىمىن بەكەمدەۋدى جاڭا داۋىردە پارتيانىڭ ۇلت قىزمەتىنىڭ نەگىزگى جەلىسى ەتۋدى دارىپتەۋى − جۇڭحۋا ۇلتىنىڭ ۇلى ىنتىماعىن قورعاۋدى، جۇڭحۋا ۇلتىنىڭ ۇلى كوركەيۋى سىندى جۇڭگو ارمانىن جۇزەگە اسىرۋدى كوزدە ۇستاي وتىرىپ جاساعان كەلەلى شەشىم، سونداي - اق تاريحي تاجىريبە - ساباقتاردى ىشكەرىلەي قورىتىندىلاۋدان شىعارىلعان ماڭىزدى قورىتىندى.
شي جينپيڭ مىنالاردى دارىپتەدى: ىشكى موڭعۇلدىڭ بۇگىنگى دامۋشىلىقتارى − ءار ۇلت بۇقاراسىنىڭ ورتاق كۇرەس جاساۋىنىڭ ناتيجەسى، ىشكى موڭعۇلدىڭ بولاشاعى ءار ۇلت بۇقاراسىنىڭ ىنتىماقتاسا كۇرەس جۇرگىزۋىن قاجەت ەتەدى. جۇڭحۋا ۇلتى ورتاق تۇلعاسى تانىمىن بەرىك ورناتۋدا كوزبەن كورىپ، تىكەلەي سەزىنۋگە بولاتىن ناقتى قىزمەتتەردى ىستەۋمەن بىرگە، قىرۋار «كومەسكى قىزمەتتەردى» دە ىستەۋگە تۋرا كەلەدى. جۇڭحۋا ۇلتىنىڭ ورتاق رۋحاني مەكەنى قۇرىلىسىن ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ، ءتۇرلى قىزمەتتەردى ناقتى يگەرۋ، ەگجەي - تەگجەيلى ىستەۋ، يكەمدى، ءونىمدى جۇرگىزۋ كەرەك. ءار ۇلت كادرلارى پارتيانىڭ ۇلت نازارياسىن جانە ۇلت ساياساتىن جالپى بەتتىك ءتۇسىنىپ جانە دايەكتەندىرىپ، سانالى تۇردە پارتيا مەن مەملەكەت قىزمەتىنىڭ جالپى جاعدايى، جۇڭحۋا ۇلتىنىڭ تۇتاس تۇلعالىق مۇددەسى تۇرعىسىنان ماسەلەگە وي جۇگىرتىپ، شەشىم جاساپ، قىزمەتتەردى يگەرىپ، جۇڭحۋا ۇلتى ورتاق تۇلعاسى تانىمىن ورناتۋعا ءتيىمدى قىزمەتتەردى كوبىرەك ىستەۋى، سونداي - اق ىشكەرىلەي، ەگجەي - تەگجەيلى، ناقتى ىستەۋى كەرەك؛ جۇڭحۋا ۇلتى ورتاق تۇلعاسى تانىمىن بەكەمدەۋگە ءتيىمسىز ىستەردى استە ىستەمەۋ كەرەك. جۇڭحۋا ۇلتى ورتاق تۇلعاسى تانىمىن بەرىك ورناتۋ قىزمەت تالابىن تۇتاس رايوننىڭ تاريحي مادەنيەت ۇگىت - تاربيەسى، الەۋمەتتىك مادەنيەت قۇرىلعىلارى قۇرىلىسى، قالانىڭ بوگەنايلىق قۇرىلىستارى، ساياحات كورىنىستەرى، كورمە سياقتى قاتىستى جاقتاردا دايەكتى تياناقتاندىرىپ، جۇڭحۋا مادەنيەتى مەن ءوز ۇلت مادەنيەتىنىڭ قاتىناسىن دۇرىس ءبىر جاقتى ەتىپ، جۇڭحۋا ۇلتى ورتاق تۇلعاسى تانىمىن بەرىك ورناتۋداعى يدەيالىق مادەنيەت نەگىزىن بەكەمدەۋ كەرەك.
شي جينپيڭ بىلاي دەپ اتاپ كورسەتتى: ىشكى موڭعۇل − شەكارا ۇلتتىق رايون، ۇلتتار ىنتىماعىن جانە شەكارا ءوڭىردىڭ تىنىشتىعىن قورعاۋدا كەلەلى جاۋاپكەرلىك ارقالاپ وتىر. بولماشى ىستەردەن زور ىستەردى بايقاي ءبىلۋ، تاۋقىمەت تانىمىن كۇشەيتۋ، ستراتەگيالىق ويلاۋدى جوعارىلاتۋ، ۇلت قىزمەتى سالاسىنداعى ءتۇرلى حاۋىپ - قاتەردەن، كومەسكى قاتەرلەردەن ءونىمدى ساقتانۋ ارقىلى وتانىمىزدىڭ سولتۇستىك شەكارا ءوڭىرىنىڭ حاۋىپسىزدىك، ورنىقتىلىق قالتقىسىن شىن مانىندە بەكەمدەۋ كەرەك.
شي جينپيڭ بىلاي دەپ دارىپتەدى: ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس ويداعىداي يگەرىپ، ىندەتتەن ساقتانۋ - تىزگىندەۋدىڭ ۇدايىلانعان شارالارىن ويداعىداي تياناقتاندىرىپ، ۇدايىلانعان ساقتانۋ - تىزگىندەۋ جانە توسىن تۋىلعان ىندەتتەن ساقتانۋ - شۇعىل جاعدايعا توتەپ بەرۋ، ءبىر جاقتى ەتۋ مەحانيزمىن كەمەلدەندىرىپ، شەكارا وتكەلى وڭىرىندە ىندەتتەن ساقتانۋ - تىزگىندەۋ سىندى ماڭىزدى ءتۇيىندى كورنەكتىلەندىرىپ، ىندەتتىڭ كەڭ كولەمدە قايتالانۋىنان ساقتانۋ تومەنگى شەگىن مىقتاپ ساقتاۋ كەرەك. كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ قىزمەتىن بەلسەندى، ورنىقتى ىلگەرىلەتىپ، كومىر مول، مۇناي تاپشى، گاز از بولۋ سىندى نەگىزگى مەملەكەت جاعدايىن تياناق ەتىپ، مەملەكەتتىڭ «قوس كومىرتەگى» قىزمەت جوسپارىنداعى ورنالاستىرۋعا ساي، جۇيە كوزقاراسىن كۇشەيتىپ، ورنىقتىلىق بارىسىندا ىلگەرىلەپ، بىرتىندەپ جۇزەگە اسىرۋدا تاباندى بولىپ، كومىر قىشقىل گازىن ىعىستىرۋ مولشەرىن تومەندەتۋدى، لاستانۋدى ازايتۋدى، جاسىلدانۋدى كەڭەيتۋدى، ارتۋدى ءوزارا سايكەستى ىلگەرىلەتۋدە تاباندى بولىپ، كومىر قىشقىل گازىن ىعىستىرۋ مولشەرىن تومەندەتۋمەن بىرگە، ەنەرگيا حاۋىپسىزدىگىنە، كاسىپ تىزبەگى مەن قامداۋ تىزبەگىنىڭ حاۋىپسىزدىگىنە، استىق حاۋىپسىزدىگىنە شىنايى كەپىلدىك ەتىپ، بۇقارانىڭ قالىپتى تۇرمىسىن قامتاماسىز ەتۋ كەرەك، ءىس جۇزىندىكتەن قول ءۇزىپ، تەز تابىسقا جەتۋگە اسىعۋعا بولمايدى. شىرىكتەسۋگە قارسى تۇرۋ ماڭگى جالعاسادى دەيتىن سەرگەكتىك پەن تاباندىلىقتى باستان - اياق ساقتاپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدە تاباندى بولىپ، ۋلى وسپەنى باتىل الاستاپ، ۋىت قاينارىن باتىل الاستاپ، ۋىتتىڭ تارالۋىن باتىل تيۋ كەرەك. پارتيا ىشىندەگى ساياسي تۇرمىستى قاتاڭداستىرۋدى پارتيانى جالپى بەتتىك قاتاڭ باسقارۋدىڭ ىشكەرىلەي دامۋىن ىلگەرىلەتۋدەگى نەگىزدىك ينجەنەريا ەتىپ، پارتيا ىشىندەگى ساياسي تۇرمىستىڭ اقاۋسىز، جۇيەلى جولعا ءتۇسۋىن جەدەل ىلگەرىلەتۋ كەرەك. پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ جانە كەڭەيتىپ، ۇدايىلانعان، باياندى ءتۇزىم، مەحانيزم ورناتىپ، قالىڭ پارتيا مۇشەلەرىن، كادرلاردى پارتيا تاريحىن ۇيرەنۋدى، پارتيا تاريحىن قولدانۋدى ومىرلىك مىندەتتى ساباق ەتىپ، تاريح سەنىمىن ۇزدىكسىز بەكەمدەپ، ساياسي سانالىلىقتى كۇشەيتىپ، پارتيا قۇرۋ ۇلى رۋحىن ساۋلەلەندىرىپ، كوكىرەك تولى سەنىممەن جاڭا جورىققا قايراتتانا اتتانىپ، جاڭا داۋىرگە ۇلەس قوسۋعا تاربيەلەۋ جانە جەتەكتەۋ كەرەك.
ديڭ شۋەشياڭ، حى ليفىڭ قاتارلىلار قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
