شي جينپيڭ ساياسي كەڭەس ماجىلىسىنە قاتىناسقان اۋىل شارۋاشىلىق سالاسىنداعى، قوعامدىق يگىلىك جانە قوعامدىق قامتاماسىزداندىرۋ سالاسىنداعى مۇشەلەرگە امانداسا بارعاندا بىلاي دەپ دارىپتەدى
اۋىل شارۋاشىلىعىنىڭ جالپىلىق ءوندىرىس قۋاتىن جوعارىلاتۋدى اناعۇرلىم كورنەكتى ورىنعا قويىپ، قوعامدىق قامتاماسىزداندىرۋ ىستەرىنىڭ ساپالى دامۋىن ىلگەرىلەتۋگە ۇزدىكسىز كۇش سالۋ كەرەك
ۋاڭ ياڭ امانداسۋدا جانە تالقىدا بىرگە بولدى
2022.03.07 19:04 كەلۋ قاينارى : حالىق تورابى
3 - ايدىڭ 6 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسىپ جاتقان اۋىل شارۋاشىلىق سالاسىنداعى، قوعامدىق يگىلىك جانە قوعامدىق قامتاماسىزداندىرۋ سالاسىنداعى مۇشەلەرگە امانداسا باردى ءارى بىرىككەن گرۋپپا جيىنىنا قاتىناسىپ، پىكىر - ۇسىنىستاردى تىڭدادى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ امانداسۋدا جانە تالقىدا بىرگە بولدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
■ اۋىل - قىستاقتى گۇلدەندىرۋ ستراتەگياسىن اتقارۋدا، ءسوز جوق، ماڭىزدى اۋىل شارۋاشىلىق ونىمدەرىمەن، اسىرەسە، استىقپەن قامداۋعا كەپىلدىك ەتۋدى ماڭداي الدى مىندەت ەتىپ، اۋىل شارۋاشىلىعىنىڭ جالپىلىق ءوندىرىس قۋاتىن جوعارىلاتۋدى اناعۇرلىم كورنەكتى ورىنعا قويىپ، استىق داقىلىن قاجەتكە قاراي جەردى تىنىقتىرىپ، الماستىرىپ ەگۋ، تەحنيكاعا سۇيەنە وتىرىپ ەگۋ قىزمەتىن شىن مانىندە تياناقتاندىرۋ كەرەك. قوعامدىق قامتاماسىزداندىرۋ ىستەرىنىڭ ساپالى دامۋىن ىلگەرىلەتۋگە ۇزدىكسىز كۇش سالىپ، قوعامدىق قامتاماسىزداندىرۋ حاۋىپسىزدىك تورىن بەكەمدەپ، حالىق تۇرمىسىنىڭ ەڭ تومەنگى شەگىن ساقتاۋ كەرەك
■ قازىر حالىقارالىق جاعدايدا تەرەڭ دە كۇردەلى وزگەرىستەر ۇزدىكسىز تۋىلىپ، 100 جىلدىق وزگەرىس پەن عاسىرلىق ىندەت ءوزارا توعىسىپ، ەكونوميكانىڭ جاھاندانۋى تەرىس اعىمعا تاپ بولىپ، ءىرى ەلدەردىڭ سايىسى كۇن سايىن شيەلەنىسىپ، دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى، ەل ىشىندەگى رەفورما، دامۋ، ورنىقتىلىق مىندەتى جاپالى دا اۋىر. ءبىز مىنانى كورە ءبىلۋىمىز كەرەك: ەلىمىزدىڭ دامۋىندا ءالى دە كوپتەگەن ستراتەگيالىق ءتيىمدى شارت - جاعداي بار. ءبىرىنشى، جۇڭگو كوممۋنيستىك پارتياسىنىڭ پارمەندى باسشىلىعى بار، بۇل جالپى جاعدايدى مەڭگەرىپ، ءار جاقتى سايكەستىرىپ، ءتۇرلى اۋىر حاۋىپ - قاتەر مەن سىن - سايىسقا سالماقتىلىقپەن توتەپ بەرۋگە ءتۇبىرلى ساياسي كەپىلدىك ازىرلەدى. ەكىنشى، جۇڭگوشا سوتسياليستىك ءتۇزىمنىڭ كورنەكتى ابزالدىعى بار، ەلىمىزدىڭ ساياسي ءتۇزىمى مەن جونگە سالۋ جۇيەسى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ سياقتى اماليات بارىسىندا كورنەكتى ابزالدىعىن ونان ارى ايگىلەدى، «جۇڭگونىڭ جونگە سالۋى» مەن «باتىستىڭ بىلىقتىرۋى» اناعۇرلىم ايقىن پارىقتالدى. ءۇشىنشى، ءۇرتىس، تەز دامۋدا توپتالعان بەرىك نەگىز بار، ەلىمىزدىڭ ەكونوميكالىق قۋاتى، عىلىم – تەحنيكالىق قۋاتى، قورعانىس قۋاتى، جالپىلىق مەملەكەت قۋاتى كورنەكتى نىعايعان، ەكونوميكالىق قۋاتى مىعىم، اينالىس مۇمكىندىگى زور، كەڭ كولەمدى بازارى دا بار، ۇزاق ۋاقىت جاقسارۋ نەگىزگى جاعدايى وزگەرمەيدى، قۇدىرەتتى سەرپىمدىلىك جانە ومىرشەڭدىك كۇشكە يە. ءتورتىنشى، ۇزاق ۋاقىت ورنىقتى بولعان قوعامدىق ورتا بار، حالىقتىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى، قوعامدى جونگە سالۋ دەڭگەيى ۇزدىكسىز جوعارىلادى، قوعامنىڭ ۇزاق ۋاقىت ورنىقتى بولۋىنىڭ كەرەمەتتەرى ۇزدىكسىز جارىققا شىقتى. بەسىنشى، سەنىمدى، ءوزىن الۋەتتەندىرەتىن رۋحاني كۇش بار، جۇڭگو حالقىنىڭ بەلسەندىلىگى، ىرىقتىلىعى، جاسامپازدىعى ونان ارى تاسقىنداپ، ەرىك - جىگەرى، قايرات - قارىمى، سەنىمى بۇرىن بولىپ كورمەگەن دارەجەدە كۇشەيىپ، پارتيانىڭ، ارميانىڭ، حالىقتىڭ رۋحى اسقاقتادى. ءبىز قيىنشىلىققا دۇرىس قاراپ ءارى سەنىمدى بەكەمدەپ، تاريحتىڭ ىرىقتىلىق رۋحىن ساۋلەلەندىرىپ، قيىنشىلىقتان تايسالماي، باتىلدىقپەن كۇرەس جۇرگىزىپ، ۇدەرە العا تارتىپ، قايراتتانا العا ۇمتىلىپ، جۇڭگو كوممۋنيستىك پارتياسى 20 - قۇرىلتايىنىڭ تابىسپەن اشىلۋىن ءىس جۇزىندىك ارەكەتىمىزبەن قارسى الۋىمىز كەرەك
«حالىق گازەتى»، 3 - ايدىڭ 6 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 3 - ايدىڭ 6 - كۇنى تۇستەن كەيىن مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسىپ جاتقان اۋىل شارۋاشىلىق سالاسىنداعى، قوعامدىق يگىلىك جانە قوعامدىق قامتاماسىزداندىرۋ سالاسىنداعى مۇشەلەرگە امانداسا باردى ءارى بىرىككەن گرۋپپا جيىنىنا قاتىناسىپ، پىكىر جانە ۇسىنىستاردى تىڭدادى. ول مىنالاردى دارىپتەدى: اۋىل - قىستاقتى گۇلدەندىرۋ ستراتەگياسىن اتقارۋدا، ءسوز جوق، ماڭىزدى اۋىل شارۋاشىلىق ونىمدەرىمەن، اسىرەسە، استىقپەن قامداۋعا كەپىلدىك ەتۋدى ماڭداي الدى مىندەت ەتىپ، اۋىل شارۋاشىلىعىنىڭ جالپىلىق ءوندىرىس قۋاتىن جوعارىلاتۋدى اناعۇرلىم كورنەكتى ورىنعا قويىپ، استىق داقىلىن قاجەتكە قاراي جەردى تىنىقتىرىپ، الماستىرىپ ەگۋ، تەحنيكاعا سۇيەنە وتىرىپ ەگۋ قىزمەتىن شىن مانىندە تياناقتاندىرۋ كەرەك. قوعامدىق قامتاماسىزداندىرۋ ىستەرىنىڭ ساپالى دامۋىن ىلگەرىلەتۋگە ۇزدىكسىز كۇش سالىپ، قوعامدىق قامتاماسىزداندىرۋ حاۋىپسىزدىك تورىن بەكەمدەپ، حالىق تۇرمىسىنىڭ ەڭ تومەنگى شەگىن ساقتاۋ كەرەك.
«8 – ناۋرىز» حالىقارالىق ەڭبەكشى ايەلدەر مەرەكەسى قارساڭىندا، شي جينپيڭ ج ك پ ورتالىق كوميتەتى اتىنان مەملەكەتتىك ەكى ماجىلىسكە قاتىناسقان ايەل ۋاكىلدەرگە، ايەل مۇشەلەرگە، ايەل قىزمەتكەرلەرگە، بۇكىل ەلدەگى ءار ۇلت، ءار سالا ايەلدەرىنە، شياڭگاڭ ەرەكشە اكىمشىلىك رايونىنداعى، اۋمىن ەرەكشە اكىمشىلىك رايونىنداعى جانە تايۋان رايونىنداعى ايەل باۋىرلاستارعا، شەتەلدەگى ايەل مۇھاجىر باۋىرلاستارعا مەرەكەلىك سالەم جولدادى جانە ىزگى تىلەك ءبىلدىردى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ امانداسۋدا جانە تالقىدا بىرگە بولدى.
بىرىككەن گرۋپپا جيىنىندا ياڭ فىڭجي، ۋاڭ جيڭ، تاڭ جۇنجيە، مو رۇڭ، يشيداۋا، ۋان جيانمين، ۋاڭ حايجيڭ قاتارلى 7 مۇشە اۋىل - قىستاق كاسىبىن زور كۇشپەن دامىتۋ، اۋىل شارۋاشىلىق ونىمدەرىنىڭ ساپا حاۋىپسىزدىگىنىڭ ىرگە تاسىن بەكەمدەۋ، تۇقىم شارۋاشىلىعىنىڭ دەربەس جاڭالىق اشۋىن جەبەۋ، قوعامدىق قامتاماسىزداندىرۋ جۇيەسىندەگى ولقىلىقتاردى تولىقتاۋ، قوعامدىق يگىلىك ىستەرىنىڭ باياندى دامۋىن ىلگەرىلەتۋ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جاپپاي ىلگەرىلەتۋ، قوعامدىق كۇشتەردى بىرگە اۋقاتتانۋدى ىلگەرىلەتۋگە جۇمىلدىرۋ سياقتى مازمۇندار توڭىرەگىندە ءسوز سويلەدى.
شي جينپيڭ كوپشىلىكتىڭ لەبىزىن تىڭداعاننان كەيىن ماڭىزدى ءسوز سويلەدى. ول مىنانى ءبىلدىردى: مەملەكەتتىك ساياسي كەڭەستىڭ اۋىل شارۋاشىلىق سالاسىنداعى، قوعامدىق يگىلىك جانە قوعامدىق قامتاماسىزداندىرۋ سالاسىنداعى مۇشەلەرگە امانداسا كەلىپ، بىرىككەن گرۋپپانىڭ تالقىسىنا قاتىناسقانىما توتەنشە قۋانىشتىمىن. ول ج ك پ ورتالىق كوميتەتى اتىنان وسىندا وتىرعان مۇشەلەردەن، مەملەكەتتىك ساياسي كەڭەستىڭ مۇشەلەرىنەن شىنايى حال سۇراپ، بۇكىل ەلدەگى اۋىل شارۋاشىلىعى جانە قوعامدىق قامتاماسىزداندىرۋ، قوعامدىق يگىلىك قىزمەتكەرلەرىنەن شىنايى حال سۇرادى.
شي جينپيڭ بىلاي دەپ اتاپ كورسەتتى: وتكەن ءبىر جىلدا كۇردەلى دە اۋىر حالىقارالىق جاعدايدا، ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتى الدىندا، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا ج ك پ ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قايسارلىقپەن كۇرەس جۇرگىزىپ، قيىندىقتاردان تايسالماي العا ۇمتىلىپ، جۇڭگو كوممۋنيستىك پارتياسى قۇرىلعانىنىڭ 100 جىلدىعىن سالتاناتپەن قۇتتىقتاپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، دەر كەزىندە جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرىپ، ەكىنشى 100 جىلدىق كۇرەس نىساناسىنا جورىق جاساۋدىڭ جاڭا جورىعىن باستادى، پارتيا مەن مەملەكەتتىڭ ءتۇرلى ىستەرىندە تىڭ دا كەلەلى تابىستارعا قول جەتىپ، «14 - بەسجىلدىق» جوبادا تاماشا باستاما جاراتىلدى. بۇل ناتيجەلەر وڭاي - وسپاق قولعا كەلمەگەن، بۇكىل پارتيانىڭ، بۇكىل ەلدەگى ءار ۇلت حالقىنىڭ قايسارلىقپەن كۇرەسۋىنىڭ ناتيجەسى، سونداي - اق قالىڭ ساياسي كەڭەس مۇشەلەرىنىڭ ىنتىماقتاسا العا باسۋىنىڭ ناتيجەسى.
شي جينپيڭ مىنالاردى دارىپتەدى: قازىر حالىقارالىق جاعدايدا تەرەڭ دە كۇردەلى وزگەرىستەر ۇزدىكسىز تۋىلىپ، 100 جىلدىق وزگەرىس پەن عاسىرلىق ىندەت ءوزارا توعىسىپ، ەكونوميكانىڭ جاھاندانۋى تەرىس اعىمعا تاپ بولىپ، ءىرى ەلدەردىڭ سايىسى كۇن سايىن شيەلەنىسىپ، دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى، ەل ىشىندەگى رەفورما، دامۋ، ورنىقتىلىق مىندەتى جاپالى دا اۋىر. ءبىز مىنانى كورە ءبىلۋىمىز كەرەك: ەلىمىزدىڭ دامۋىندا ءالى دە كوپتەگەن ستراتەگيالىق ءتيىمدى شارت - جاعداي بار. ءبىرىنشى، جۇڭگو كوممۋنيستىك پارتياسىنىڭ پارمەندى باسشىلىعى بار، بۇل جالپى جاعدايدى مەڭگەرىپ، ءار جاقتى سايكەستىرىپ، ءتۇرلى اۋىر حاۋىپ - قاتەر مەن سىن - سايىسقا سالماقتىلىقپەن توتەپ بەرۋگە ءتۇبىرلى ساياسي كەپىلدىك ازىرلەدى. ەكىنشى، جۇڭگوشا سوتسياليستىك ءتۇزىمنىڭ كورنەكتى ابزالدىعى بار، ەلىمىزدىڭ ساياسي ءتۇزىمى مەن جونگە سالۋ جۇيەسى جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ سياقتى اماليات بارىسىندا كورنەكتى ابزالدىعىن ونان ارى ايگىلەدى، «جۇڭگونىڭ جونگە سالۋى» مەن «باتىستىڭ بىلىقتىرۋى» اناعۇرلىم ايقىن پارىقتالدى. ءۇشىنشى، ءۇرتىس، تەز دامۋدا توپتالعان بەرىك نەگىز بار، ەلىمىزدىڭ ەكونوميكالىق قۋاتى، عىلىم – تەحنيكالىق قۋاتى، قورعانىس قۋاتى، جالپىلىق مەملەكەت قۋاتى كورنەكتى نىعايعان، ەكونوميكالىق قۋاتى مىعىم، اينالىس مۇمكىندىگى زور، كەڭ كولەمدى بازارى دا بار، ۇزاق ۋاقىت جاقسارۋ نەگىزگى جاعدايى وزگەرمەيدى، قۇدىرەتتى سەرپىمدىلىك جانە ومىرشەڭدىك كۇشكە يە. ءتورتىنشى، ۇزاق ۋاقىت ورنىقتى بولعان قوعامدىق ورتا بار، حالىقتىڭ تابىس سەزىمى، باقىت سەزىمى، حاۋىپسىزدىك سەزىمى كورنەكتى كۇشەيدى، قوعامدى جونگە سالۋ دەڭگەيى ۇزدىكسىز جوعارىلادى، قوعامنىڭ ۇزاق ۋاقىت ورنىقتى بولۋىنىڭ كەرەمەتتەرى ۇزدىكسىز جارىققا شىقتى. بەسىنشى، سەنىمدى، ءوزىن الۋەتتەندىرەتىن رۋحاني كۇش بار، جۇڭگو حالقىنىڭ بەلسەندىلىگى، ىرىقتىلىعى، جاسامپازدىعى ونان ارى تاسقىنداپ، ەرىك - جىگەرى، قايرات - قارىمى، سەنىمى بۇرىن بولىپ كورمەگەن دارەجەدە كۇشەيىپ، پارتيانىڭ، ارميانىڭ، حالىقتىڭ رۋحى اسقاقتادى. ءبىز قيىنشىلىققا دۇرىس قاراپ ءارى سەنىمدى بەكەمدەپ، تاريحتىڭ ىرىقتىلىق رۋحىن ساۋلەلەندىرىپ، قيىنشىلىقتان تايسالماي، باتىلدىقپەن كۇرەس جۇرگىزىپ، ۇدەرە العا تارتىپ، قايراتتانا العا ۇمتىلىپ، جۇڭگو كوممۋنيستىك پارتياسى 20 - قۇرىلتايىنىڭ تابىسپەن اشىلۋىن ءىس جۇزىندىك ارەكەتىمىزبەن قارسى الۋىمىز كەرەك.
شي جينپيڭ بىلاي دەپ اتاپ كورسەتتى: استىق حاۋىپسىزدىگى − «مەملەكەتتىڭ ءىرى ءىسى». بارلىق ىستە تاماقتانۋ ماسەلەسى نەگىزگى ورىندا تۇرادى. اس − ادامنىڭ ارقاۋى. قاجىرلىلىقپەن قۇلشىنۋ ارقىلى ەلىمىز دۇنيە ءجۇزىنىڭ %9 ەگىستىك جەرىن، %6 تۇشتى سۋ بايلىعىن يەلەگەن جاعدايدا دۇنيە جۇزىندەگى حالىق سانىنىڭ 5/1 ىنە جۋىعىن باعىپ وتىر، اۋەلدەگى 400 ميلليون ادام قارىن تويعىزا الماۋدان بۇگىنگى ءبىر ميلليارد 400 ميلليوننان استام ادامنىڭ جاقسى تاماقتانۋىنا دەيىن، «جۇڭگونى كىم اسىرايدى» دەگەن ماسەلەگە پارمەندى جاۋاپ بەرىلدى. بۇل ناتيجە وڭاي - وسپاق قولعا كەلمەگەن، ونى ۇزدىكسىز بەكەمدەۋ، كەڭەيتۋ كەرەك. استىق حاۋىپسىزدىگى ماسەلەسىندە تيتتەي دە بەيعامدىققا سالىنۋعا بولمايدى، ونەركاسىپتەنۋگە قادام تاستاعان سوڭ تاماقتانۋ ماسەلەسىنە ءمان بەرسە دە بولادى، ءمان بەرمەسە دە بولادى دەپ قاراۋعا بولمايدى، حالىقارالىق بازارعا سۇيەنىپ شەشۋدى دە ءۇمىت ەتپەۋ كەرەك. ەرتە باستان قامدانىپ، استىق حاۋىپسىزدىگى سىندى ارقاۋدى باستان - اياق شيراتىپ، ءوزىمىزدى نەگىز ەتۋدە، ەل ءىشىن تياناق ەتۋدە، ءوندىرىس قۋاتىنا كەپىلدىك ەتۋدە، ۇيلەسىمدى يمپورت ەتۋدە، عىلىم - تەحنيكانى تىرەك ەتۋدە باستان - اياق تاباندى بولۋ كەرەك.
شي جينپيڭ بىلاي دەپ دارىپتەدى: استىق حاۋىپسىزدىگىنە پارتكوم مەن ۇكىمەت بىردەي جاۋاپتى بولۋدى جاپپاي تياناقتاندىرىپ، استىق حاۋىپسىزدىگى جاۋاپكەرلىك ءتۇزىمىن باعالاۋدى قاتايتىپ، استىق وندىرەتىن نەگىزگى رايوندار، نەگىزگى ساتۋ رايوندارى، ءوندىرۋ - ساتۋى تەپە - تەڭ رايوندار استىق ماسەلەسىن بىرگە ويلاپ، جاۋاپكەرلىكتى بىرگە ارقالاۋى كەرەك. ورنالاستىرۋدى ساپالىلاندىرىپ، استىقتى ورنىقتىرىپ، جۇگەرىنى ورنىقتىرىپ، بۇرشاقتى كەڭەيتىپ، مايلى داقىلداردى مولايتىپ، استىقتىڭ جىلدىق ءونىم مولشەرىن ءبىر تريلليون 300 ميلليارد جىڭنان اسىرۋعا كەپىلدىك ەتىپ، داستارقانىمىزدى نەگىزىنەن جۇڭگونىڭ استىعىمەن تولتىرۋعا كەپىلدىك ەتۋ كەرەك. شارۋالاردىڭ استىق ەگۋ بەلسەندىلىگىن قورعاپ، لايىقتى كولەمدەگى شارۋاشىلىقتى دامىتىپ، شارۋالاردىڭ پايداعا كەنەلۋىنە، كوپ پايداعا كەنەلۋىنە مۇمكىندىك جاساۋ كەرەك. اس - سۋ ىسىراپشىلدىعىنا تيىم سالۋ − ۇزاق ۋاقىتتىق مىندەت، ونى تاباندىلىقپەن مىقتى يگەرىپ، ۇنەمشىل قوعام قۇرۋدى ىلگەرىلەتۋ كەرەك.
شي جينپيڭ مىنالاردى اتاپ كورسەتتى: ەگىستىك جەر − استىق ءوندىرىسىنىڭ جان تامىرى، جۇڭحۋا ۇلتىنىڭ باياندى دامۋىنىڭ نەگىزى. ەگىس اتىزىنىڭ ەگىس اتىزى دەگەن اتى بار، ول ەگىنشىلىكتى، اسىرەسە، استىق ءوندىرىسىن دامىتۋعا عانا پايدالانىلادى، ەگىستىك جەردى قورعاۋدىڭ ەڭ قاتاڭ ءتۇزىمىن تياناقتاندىرىپ، پايدالانۋ ورنىن باسقارۋدى كۇشەيتىپ، يەمدەنۋ مەن تولىقتاۋدىڭ تەپە - تەڭدىگىن ارناعا ءتۇسىرىپ، جەردى اينالىمعا سالۋدىڭ پايدالانىلۋ ورنىن باقىلاۋ - باسقارۋدى كۇشەيتىپ، اق قالعان جەردەن پايدالانۋدى ىلگەرىلەتىپ، ەگىستىك جەردى اۋىل شارۋاشىلىعىنان تىس پايدالانۋدى باتىل شەكتەپ، استىقتان باسقاعا پايدالانۋدى باتىل تەجەۋ كەرەك. ەگىس اتىزى، ءسوز جوق، قۇنارلى اتىز بولۋى كەرەك، مەملەكەتتىڭ استىق حاۋىپسىزدىگى كاسىپ بەلدەۋىن قۇرىپ، ەگىنجاي سۋ يگىلىگى قۇرىلىسىن كۇشەيتىپ، قارا توپىراقتى قورعاۋ ينجەنەرياسىن اتقارىپ، سورتاڭ جەرلەردى تۇرگە ءبولىپ وزگەرتىپ، ءبىر ميلليارد مۋ جوعارى ولشەمدى ەگىنجايدى قۇلشىنا قۇرۋ كەرەك. ءار دارەجەلى جەرگىلىكتى پارتكومدار مەن ۇكىمەتتەردىڭ ەگىستىك جەردى قورعاۋ جاۋاپكەرلىگىن جاپپاي ناقتىلاندىرۋ كەرەك، ورتالىق جەر - جەرمەن ەگىستىك جەردى قورعاۋدىڭ «اسكەري بۇيرىعىنا» قول قويىسىپ، باعالاۋدى قاتايتىپ، جاۋاپكەرلىكتى ءومىر بويى قۋزاپ، ءبىر ميلليارد 800 ميلليون مۋ ەگىستىك جەردىڭ اتى زاتىنا ساي بولۋىنا شىنايى كەپىلدىك ەتۋى كەرەك.
شي جينپيڭ بىلاي دەپ دارىپتەدى: تاماق ماسەلەسىن شەشۋدىڭ ءتۇبىرلى شىعار جولى عىلىم - تەحنيكادا. تۇقىم قاينارىنىڭ حاۋىپسىزدىگى مەملەكەتتىڭ حاۋىپسىزدىگىنە سايادى، ءسوز جوق، بەلدى بەكەم بايلاپ، ەلىمىزدىڭ تۇقىم شارۋاشىلىعىن ورگە باستىرىپ، تۇقىم شارۋاشىلىعى عىلىم - تەحنيكاسىنىڭ ءوز كۇشىنە سۇيەنىپ ءوزىن الۋەتتەندىرۋىن، تۇقىم قاينارىن دەربەس مەڭگەرۋدى جۇزەگە اسىرۋ كەرەك. ەلىمىزدىڭ ءتۇزىم ابزالدىعىن ساۋلەلەندىرىپ، ابزال بايلىقتى عىلمي ورنالاستىرىپ، تۇقىم شارۋاشىلىعى سالاسىنداعى مەملەكەتتىڭ كەلەلى جاڭالىق اشۋ تۇعىرى قۇرىلىسىن ىلگەرىلەتىپ، نەگىزدىك، الدىڭعى لەكتىك زەرتتەۋدى كۇشەيتىپ، ساپالى تۇقىم بايلىعىن جيناۋدى، قورعاۋدى جانە اشىپ پايدالانۋدى كۇشەيتىپ، بيولوگيالىق تۇقىم جەتىلدىرۋدى كاسىپ سالالاندىرۋدىڭ اياق الىسىن جەدەلدەتۋ كەرەك. اۋىل شارۋاشىلىق عىلىم - تەحنيكا ءتۇزىلىسى رەفورماسىن تەرەڭدەتىپ، كاسىپورىنداردىڭ جاڭالىق اشۋداعى نەگىزگى تۇلعالىق ورنىن كۇشەيتىپ، تۇقىم سورتىن تەكسەرىپ بەكىتۋ جانە ءبىلىم مەنشىك ۇقىعىن قورعاۋ ءتۇزىمىن اقاۋسىزداندىرىپ، جاڭالىق اشۋ تىزبەگى قۇرىلىسىن تۇتقا ەتىپ، ەلىمىزدىڭ تۇقىم شارۋاشىلىعىنىڭ ساپالى دامۋىن ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: كەلەلى ازىقتىق داقىل كوزقاراسىن ورناتىپ، حالىقتىڭ تاماشا تۇرمىس قاجەتىن اناعۇرلىم ويداعىداي قاناعاتتاندىرۋدى شىعار ءتۇيىن ەتىپ، حالىق بۇقاراسىنىڭ ازىق - تۇلىك قۇرىلىمىنىڭ وزگەرىس بەتالىسىن يگەرىپ، استىقپەن قامداۋعا كەپىلدىك ەتۋمەن بىرگە، ەت، كوكونىس، جەمىس - جيدەك، سۋ ونىمدەرى سياقتى ءتۇرلى ازىق - تۇلىكپەن ءونىمدى قامداۋدى قامتاماسىز ەتۋ كەرەك، قاي ءتۇرى دە كەم بولسا بولمايدى. ەكولوگيالىق ورتانى ويداعىداي قورعاۋ العى شارتىندا، ەگىستىك جەر بايلىعىنان تۇتاس مەملەكەت جەر بايلىعىنا قاراي كەڭەيتىپ، استىققا ۇيلەسسە استىق، ەكونوميكالىق داقىلعا ۇيلەسسە ەكونوميكالىق داقىل ەگىپ، مال شارۋاشىلىعىنا ۇيلەسسە مال باعىپ، بالىق اۋلاۋعا قولايلى بولسا بالىق اۋلاپ، ورمان شارۋاشىلىعىنا قولايلى بولسا ورمان ءوسىرىپ، بازار سۇرانىسىنا ۇيلەسەتىن، بايلىق ورتاسىنىڭ كوتەرىمدىلىك قۋاتىمەن سايكەسەتىن وسى زامانعى اۋىل شارۋاشىلىعىنىڭ ءوندىرىس قۇرىلىمى مەن وڭىرلىك ورنالاسۋىن قالىپتاستىرۋ كەرەك. ورماننان ازىق - تۇلىك، وزەن، كول، تەڭىزدەن ازىق - تۇلىك، قۇرىلعىلى اۋىل شارۋاشىلىعىنان ازىق – تۇلىك الىپ، سونىمەن بىرگە، ءداستۇرلى ەگىس داقىلدارى مەن مال، قۇس بايلىعىنان اناعۇرلىم مول بيولوگيالىق بايلىققا قاراي كەڭەيتىپ، بيولوگيالىق عىلىم - تەحنيكانى، بيولوگيالىق كاسىپتەردى دامىتىپ، وسىمدىكتەردەن، جانۋارلاردان، ميكرو ورگانيزمدەردەن جىلۋ، بەلوك الۋ كەرەك. اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن بەلسەنە ىلگەرىلەتىپ، ازىق - تۇلىك بايلىعىن جان - جاقتى، كوپ ارنامەن اشىپ، الۋان ءتۇرلى ازىق - تۇلىك تۇرلەرىن اشىپ، ءتۇرلى ازىق - تۇلىكپەن قامداۋ مەن قاجەتسىنۋدىڭ تەپە - تەڭدىگىن جۇزەگە اسىرىپ، حالىق بۇقاراسىنىڭ كۇن سايىن كوپ نەگىزدەنگەن ازىق - تۇلىك تۇتىنۋ قاجەتىن اناعۇرلىم ويداعىداي قاناعاتتاندىرۋ كەرەك.
شي جينپيڭ مىنالاردى دارىپتەدى: اۋىل - قىستاقتى گۇلدەندىرۋدە ەكونوميكانىڭ دامۋىنا عانا نازار اۋدارماي، ءسوز جوق، اۋىل - قىستاق نەگىزگى ساتى پارتيا ۇيىمى قۇرىلىسىن كۇشەيتىپ، شارۋالاردىڭ يدەيا - ءمورال تاربيەسىنە، زاڭمەن جونگە سالۋ قۇرىلىسىنا ءمان بەرىپ، اۋىل - قىستاقتى جونگە سالۋ جۇيەسىن اقاۋسىزداندىرىپ، قىستاق تۇرعىندارىنىڭ ءوزىن - ءوزى باسقارۋ امالياتىن تەرەڭدەتىپ، قىستاق قاعيداسى، حالىق سالتى، وتباسى تاربيەسى، وتباسى ستيلى رولىن ءونىمدى ساۋلەلەندىرىپ، وركەنيەتتى اۋىل سالتىن، تاماشا وتباسى سالتىن، قاراپايىم حالىق سالتىن جەتىلدىرۋ كەرەك. اۋىل - قىستاقتاعى قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋ مەحانيزمىن اقاۋسىزداندىرىپ، اۋىل - قىستاقتاعى قارا، سۇرقيا كۇشتەرگە، رۋلىق سۇرقيا كۇشتەرگە ۇزدىكسىز سوققى بەرىپ، اۋىل - قىستاقتاعى سارى الاپات، قۇمار ويناۋ، ەسىرتكى تۇتىنۋ جانە ايەلدەر مەن بالالاردىڭ ۇقىق - مۇددەسىنە زيان جەتكىزۋ سياتى زاڭعا قايشى قىلمىستىق ارەكەتتەرگە زاڭ بويىنشا سوققى بەرۋ كەرەك.
شي جينپيڭ بىلاي دەپ اتاپ كورسەتتى: ەلىمىز دۇنيە جۇزىندەگى كولەمى ەڭ ۇلكەن قوعامدىق قامتاماسىزداندىرۋ جۇيەسىن قۇردى. قوعامدىق قامتاماسىزداندىرۋ ىستەرىنىڭ ساپالى دامۋىن ىلگەرىلەتۋگە ۇزدىكسىز كۇش سالىپ، ءتۇزىمنىڭ بىرلىگى مەن جۇيەلىلىگىن كۇشەيتىپ، كوپ ساتىلى، كوپ تىرەكتى زەينەتكەرلىك قامسىزداندىرۋ جۇيەسىن دامىتىپ، ءتىپتى دە كوپ ادامدى قوعامدىق قامتاماسىزداندىرۋ جۇيەسىنە ەنگىزۋ كەرەك. يكەمدى جۇمىستانۋشىلاردىڭ قوعامدىق قامتاماسىزداندىرۋ ءتۇزىمىن اقاۋسىزداندىرىپ، جۇمىسسىزدىقتى، جۇمىس ۇستىندە جارالانۋدى، تۋىتتى قامسىزداندىرۋدىڭ قامتۋ كولەمىن كەڭەيتىپ، تۇزىمدىك ورنالاستىرۋدىڭ اناعۇرلىم ءادىل بولۋىن، قامتۋ كولەمىنىڭ اناعۇرلىم كەڭ بولۋىن جۇزەگە اسىرىپ، حالىق تۇرمىسىن ەڭ تومەنگى شەكتەن تۇسىرمەۋ كەرەك. قوعامدىق قامتاماسىزداندىرۋ قورىن باقىلاۋ - باسقارۋ جۇيەسىن اقاۋسىزداندىرىپ، ءتۇرلى قوعامدىق قامتاماسىزداندىرۋ قارجىسىن الداپ الۋ، ءتۇسىن وزگەرتىپ پايدالانۋ، باسقاعا جۇمساۋ سياقتى زاڭعا قايشى ارەكەتتەرگە قاتاڭ سوققى بەرىپ، حالىق بۇقاراسىنىڭ زەينەتكەرلىك اقشاسىن، قامسىزداندىرۋ اقشاسىن ويداعىداي قورعاۋ كەرەك.
شي جينپيڭ بىلاي دەپ دارىپتەدى: حالىق تۇرمىسىندا كىشى - گىرىم ءىس بولمايدى، بارلىق ىستە سۇيىسپەنشىلىك ورناتۋ كەرەك. قيىنشىلىعى بار بۇقاراعا ايرىقشا نازار اۋدارىپ، ايرىقشا قامقورلىق جاساپ، ايرىقشا كوڭىل ءبولىپ، ولاردىڭ قيىنشىلىعىن شەشۋىنە كومەكتەسۋ كەرەك. قوعامدىق قۇتقارۋ - كومەك بەرۋ ءتۇزىمى رەفورماسىن تەرەڭدەتىپ، نەگىزگى تۇرمىستىق قۇتقارۋ - كومەك بەرۋدى، ارناۋلى قوعامدىق قۇتقارۋ - كومەك بەرۋدى، شۇعىل، قيىن جاعدايداعى قوعامدىق قۇتقارۋ - كومەك بەرۋدى نەگىزگى تۇلعا، قوعامدىق كۇشتەر ات سالىسۋدى تولىقتاۋىش ەتىپ، جالپى بەتتىك، جىكتەرگە بولىنگەن، جالپىلىق، جوعارى ءونىمدى قوعامدىق قۇتقارۋ - كومەك بەرۋ جاعدايىن قالىپتاستىرۋ كەرەك. ەرەكشە قيىنشىلىعى بارلاردىڭ ەرەكشەلىگى مەن قاجەتىنە قاراي دالمە - ءدال شارا قولدانىپ، ءتۇرلى قۇتقارۋ قاراجاتىن ۋاعىندا، تولىعىمەن تاراتىپ، ۋاقىتتىق قۇتقارۋدى كۇشەيتىپ، تومەنگى شەكتى مىقتى يگەرۋگە، تومەنگى شەكتى ءدال يگەرۋگە، تومەنگى شەكتى مىقتى يگەرۋگە كەپىلدىك ەتۋ كەرەك. اۋىل - قىستاقتىڭ قوعامدىق يگىلىگىندەگى ولقىلىقتاردى تولىقتاپ، اۋىل - قىستاقتاعى قارتتار، بالالار، ۇيدە قالعان بالالار، ۇيدە قالعان ايەلدەر، ۇيدە قالعان قارتتار مەن مۇگەدەكتەر سياقتى ەرەكشەلىگى جانە قيىنشىلىعى بار قاۋىمعا كوڭىل ءبولۋدى، قامقورلىق جاساۋدى كۇشەيتۋ كەرەك. ىندەت سەبەبىنەن قامالىپ قالعان بۇقارانى ۋاقىتشا قۇتقارۋ تەبىنىن ارتتىرىپ، مۇگەدەكتەردى ساۋىقتىرۋ، تاربيەلەۋ، جۇمىستاندىرۋ سياقتى قىزمەتتەردى ويداعىداي ىستەپ، سەرگەلدەڭ قايىرشىلاردىڭ باس اماندىعى مەن نەگىزگى تۇرمىسىن قامتاماسىزداندىرىپ، رۋحاني كەدەرگىگە ۇشىراعاندارعا كوڭىل ءبولىپ، قامقورلىق جاساپ، ايەلدەر مەن بالالاردى، قارتتاردى، مۇگەدەكتەردى جابىرلەۋ سياقتى زاڭعا قايشى ارەكەتتەردى باتىل تيۋ كەرەك.
ديڭ شۋەشياڭ، جاڭ چيڭلي، لي بين، ۋاڭ يۇڭچيڭ، گۋ شىڭزۋ قاتارلىلار بىرىككەن گرۋپپا جيىنىنا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
