شي جينپيڭ حالىقارالىق وليمپيادا كوميتەتىنىڭ ءتوراعاسى باحقا جاۋاپ حات جازدى
2022.03.07 19:05 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 6 – كۇنى، بەيجيڭ. مەملەكەت ءتوراعاسى شي جينپيڭ 3 - ايدىڭ 2 - كۇنى حالىقارالىق وليمپيادا كوميتەتىنىڭ ءتوراعاسى باحقا جاۋاپ حات جازدى.
شي جينپيڭ بىلاي دەپ اتاپ كورسەتتى: بەيجيڭ 2022 - جىلعى قىسقى وليمپيادا سپورت جارىسى تابىسپەن اياقتادى. جۇڭگو وليمپيادا سپورت جارىسىن وتكىزۋ ۋادەسىن جاپپاي ورىنداپ، دۇنيە جۇزىنە ۇنەمشىل، حاۋىپسىز، تارتىمدى وليمپيادا سالتاناتتى جينالىسىن وتكىزىپ بەرىپ، حالىقارالىق قوعامنىڭ جوعارى باعاسىنا يە بولدى.
شي جينپيڭ بىلاي دەپ دارىپتەدى: بۇل − جۇڭگو حالقىنىڭ تابىسى. جۇڭگو حالقى − ءبىزدىڭ بەيجيڭ قىسقى وليمپيادا سپورت جارىسىنا دايىندالۋداعى كۇش قاينارىمىز. بەيجيڭ قىسقى وليمپيادا سپورت جارىسى ارقىلى جۇڭگودا 300 ميلليوننان استام ادام قار - مۇز سپورتىنا قاتىناسىپ، سالاماتتى جۇڭگو قۇرۋعا، حالىقتى باقىتقا كەنەلتۋگە تىڭ قوزعاۋشى كۇش قوستى، سونداي - اق دۇنيە ءجۇزىنىڭ قار - مۇز سپورتىنىڭ دامۋىنا اناعۇرلىم كەڭ ءورىس اشتى.
شي جينپيڭ بىلاي دەپ دارىپتەدى: بۇل − دۇنيە ءجۇزى حالقىنىڭ تابىسى. دۇنيە ءجۇزىنىڭ جەر - جەرىندەگى وليمپيادا ساڭلاقتارى ءبىر - بىرىنە قۇرمەت ەتىپ، ءبىر - بىرىنە شابىت بەرىپ، شەككە سايىس جاريالاپ، ءوز مۇمكىندىكتەرىن جەرىنە جەتكىزە پايدالانىپ، «اناعۇرلىم تەز، اناعۇرلىم جوعارى، اناعۇرلىم كۇشتى − اناعۇرلىم ىنتىماقتى» وليمپيادا جاڭا اقىلياسىن تولىق ايگىلەپ، دۇنيە ءجۇزى حالقىنا مەيىر - شاپاعات پەن ءۇمىت باعىشتادى، دۇنيە جۇزىنە بەيبىتشىلىك پەن دوستىقتىڭ ۇرىعىن سەپتى، ادامزاتتىڭ ىنتىماقتى كۇشەيتىپ، قيىنشىلىقتى بىرگە جەڭىپ، بولاشاققا بىرگە بەت الۋىنىڭ قۇدىرەتتى كۇشىن تاسقىنداتتى.
شي جينپيڭ باح ءتوراعا مەن حالىقارالىق وليمپيادا كوميتەتىنىڭ ۇزاق ۋاقىتتان بەرى بەيجيڭ قىسقى وليمپيادا سپورت جارىسىن باتىل قولداعانىنا العىس ايتىپ، جۇڭگو ۇكىمەتىنىڭ حالىقارالىق وليمپيادا كوميتەتىمەن تىعىز سەلبەستىكتى ساقتاپ، حالىقارالىق وليمپيادا كوميتەتىنىڭ قىزمەتىن بۇرىنعىداي قولداپ، وليمپيادا رۋحىن بەرىك ساقتاپ، وليمپيادا سپورتىنىڭ قارىشتاپ دامۋىن بىرگە جەبەپ، ادامزاتتىڭ تاعدىرلاس ورتاق تۇلعاسىن قۇرۋدىڭ شىت جاڭا داستانىن بىرگە جازۋدى قالايتىنىن اتاپ كورسەتتى.
بىرنەشە كۇننىڭ الدىندا باح ءتوراعا شي جينپيڭگە حات جولداپ، بەيجيڭ 2022 - جىلعى قىسقى وليمپيادا سپورت جارىسىنىڭ تابىسپەن جابىلعانىن قۇتتىقتاپ، مىنانى ءبىلدىردى: ءتوراعا شي جينپيڭنىڭ كورنەكتى باسشىلىعىندا، جۇڭگو قىسقى سپورت جارىسىن وتكىزگەن مەملەكەتتەر قاتارىنان ورىن الىپ، 300 ميلليوننان استام ادام قار - مۇز سپورتىنا قاتىناستى. بۇل بەيجيڭ قىسقى وليمپيادا سپورت جارىسىندا جاراتىلعان باعالى بايلىق بولىپ، دۇنيە جۇزىلىك قىسقى سپورتتىڭ جاڭا ءداۋىرىن اشتى. بەيجيڭ قىسقى وليمپيادا سپورت جارىسىندا ايبىندى ۋادە ورىندالىپ، جارىستى ەڭ جوعارى ولشەممەن وتكىزۋ نىساناسى ورىندالىپ، جارىسقا قاتىناسۋشىلاردىڭ حاۋىپسىزدىگىنە كەپىلدىك ەتىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
