شاعىن كورىنىس - باس شۋجي شي جينپيڭنىڭ ەكى ماجىلىستە ۇيىرمە، گرۋپپالاردىڭ تالقىسىنا قاتىناسۋىنان (ەكى ماجىلىسكە ناق مايداندا نازار)
«حالىق گازەتىنىڭ» ءتىلشىسى دۋ شاڭزى
2022.03.07 19:09 كەلۋ قاينارى : حالىق تورابى
ۋاقىتى: 3 - ايدىڭ 6 – كۇنى تۇستەن كەيىن
كۇن ءتارتىبى: باس شۋجي شي جينپيڭ مەملەكەتتىك ساياسي كەڭەس ماجىلىسىنە قاتىناسقان اۋىل شارۋاشىلىق سالاسىنداعى، قوعامدىق يگىلىك جانە قوعامدىق قامتاماسىزداندىرۋ سالاسىنداعى مۇشەلەرگە امانداسا باردى
«جۇڭگونى اسىراۋدا وزىمىزگە سۇيەنۋىمىز كەرەك»
باس شۋجي شي جينپيڭ كۇلىمسىرەپ: «ءسىز قالايشا مىنا توپتىڭ باستىعى بولدىڭىز؟» دەپ سۇرادى قارسىسىندا وتىرعان مۇشە ۋاڭ جيڭنەن.
ۋاڭ جيڭ جۇڭگو اۋىل شارۋاشىلىق عىلىم اكادەمياسىنىڭ زەرتتەرمەنى ءارى مەملەكەتتىك ساياسي كەڭەس مۇشەلەرىنىڭ «اۋىل - قىستاقتى گۇلدەندىرۋ كىتاپ وقۋ توبىنىڭ» توپ باستىعى ەدى.
«بۇقارا كورسەتكەن، ويتكەنى، بەلسەندىلەردىڭ قاتارىنا قوسىپ وتىر» دەپ سىڭعىرلاي جاۋاپ بەردى ول.
توپتاعى نەگىزگى اڭگىمە ارقاۋى استىق جونىندە بولادى. بۇل جولعى ونىڭ سويلەگەن ءسوزىنىڭ تاقىرىبى دا استىقپەن قاتىستى، ياعني «اۋىل شارۋاشىلىق ونىمدەرىنىڭ ساپا حاۋىپسىزدىگىنىڭ ىرگە تاسىن بەكەمدەيىك» دەگەن تاقىرىپتا بولاتىن.
باس شۋجي شي جينپيڭ تىڭداي وتىرىپ ەستەلىك قالدىردى.
اۋىل شارۋاشىلىعى − مەملەكەتتىڭ نەگىزى، نەگىز بەكەمدەلسە، مەملەكەت تىنىش بولادى. باس شۋجي سوڭعى جىلدارى ۇنەمى: «استىق حاۋىپسىزدىگىن تيتتەي دە بوساڭسىتۋعا بولمايدى» دەپ قاداعالاي تاپسىرىپ وتىردى.
ءبىر گرۋپپا ساندى مالىمەت: قاجىرلىلىقپەن قۇلشىنۋ ارقىلى ەلىمىز دۇنيە ءجۇزىنىڭ %9 ەگىستىك جەرىن، %6 تۇشتى سۋ بايلىعىن يەلەگەن جاعدايدا دۇنيە جۇزىندەگى حالىق سانىنىڭ 5/1 ىنە جۋىعىن باعىپ وتىر، اۋەلدەگى 400 ميلليون ادام قارىن تويعىزا الماۋدان بۇگىنگى ءبىر ميلليارد 400 ميلليوننان استام ادامنىڭ جاقسى تاماقتانۋىنا دەيىن، «جۇڭگونى كىم اسىرايدى» دەگەن ماسەلەگە پارمەندى جاۋاپ بەرىلدى.«
جۇڭگونى كىم اسىرايدى؟ جۇڭگو ءوز كۇشىنە سۇيەنىپ ءومىر ءسۇرۋى، ءوزىن ءوزى اسىراۋى كەرەك!» دەدى باس شۋجي اسقاق ۇنمەن.
امانشىلىقتا جامانشىلىقتىڭ بولارىن ويلاپ، ۋايىم – قايعىدان ارىلۋ كەرەك. استىق حاۋىپسىزدىگى مەملەكەت ەكونوميكاسىنىڭ ۇلكەن ەسەبىنە ساياتىن، مەملەكەت حاۋىپسىزدىگىنە قاتىستى ءىرى ستراتەگيا.
«استىق حاۋىپسىزدىگى − ‹مەملەكەتتىڭ ءىرى ءىسى›. بارلىق ىستە تاماقتانۋ ماسەلەسى نەگىزگى ورىندا تۇرادى. اس − ادامنىڭ ارقاۋى». باس شۋجي شي جينپيڭ تەرەڭ ماعىنادا بىلاي دەدى: «استىقتىڭ كوبىرەك، ازىراق بولۋى تاكتيكالىق ماسەلەگە سايادى؛ استىق حاۋىپسىزدىگى − ستراتەگيالىق ماسەلە دەگەندى ۇنەمى دارىپتەپ كەلەمىن. ەلىمىزدىڭ قوعام ورنىقتىلىعىن، جۇرت كوڭىلىن ورنىقتىرا الۋىنداعى ماڭىزدى ءبىر سەبەپ ءبىزدىڭ قامبامىزدا استىق بار، كوڭىلىمىز قوبالجىمايدى».
كەڭ – بايتاق ەگىس اتىزىنا كوز سالساڭىز، كەيبىر قۇبىلىستار ادامدى اشىندىرادى. باس شۋجي مۇنى كوكەيىندە ساقتاپ وتىر. بۇل جولى ءبىر – بىردەن ساراپتادى، سالماقتىلىقپەن پوزيتسيا ءبىلدىردى.
«بولۋعا ءتيىستى جاۋاپكەرلىكتى، ءسوز جوق، ارقالاۋ كەرەك». بۇل ءسوزدىڭ ماعىناسى: «اقشا تابۋمەن عانا ساناسپاي، كوجە - قاتىق، استىق جاۋاپكەرلىگىن بازارعا عانا يتەرمەلەمەۋ كەرەك». باس شۋجي ونەركاسىپتەندىرۋدى استىقسىز كۇيگە تۇسىرۋگە استە بولمايتىنىن ايقىن ەسكەرتتى.
«ءسوز جوق، ءوزىن - ءوزى باسقارۋ سيپاتىن ساقتاپ، ءوزىن - ءوزى قامداۋ مولشەرىنە، ءوزىن - ءوزى قامداۋ شاماسىنا كەپىلدىك ەتۋ كەرەك». كەيبىرەۋلەر حالىقارادا زات قاينارى جەتكىلىكتى، ەككەننەن ساتىپ العان جاقسى دەپ قارايدى. «بۇل − ارزان اۋىزبەن ايتىلعان ءسوز. جەرىمىزگە قازىر سويا بۇرشاق ەكپەسەك، جۇگەرى ەكپسەك، ماقتا ەكپەسەك، سول كەزدە حالىقارالىق بازار جاقسى بولماسا، قايتادان ەگۋىمىز كەرەك پە؟ جۇمىس وسىنشالىق وڭاي ما! 3 - 5 جىل ەگىن ەكپەسەك، ورنىن تولتىرا الامىز با؟»
مىلقاۋدى تۇرتپەسە بىلمەيدى!
«كەيبىر جەرلەر ەگىستىك جەردى يەمدەنۋ، تولىقتاۋ تەپە - تەڭدىگى جاعىندا كوز بوياۋشىلىق ىستەپ وتىر؛ كەيبىر جەرلەر جاسىلداندىرۋمەن اينالىساتىن «اسىل قانجار» بار، كول بولماسا، قۇنارلى اتىزداردى يەلەپ، كول قازۋ كەرەك دەپ قارايدى؛ كەيبىرەۋلەر ءبىر ميلليارد 800 ميلليون مۋدان استام جەردىڭ قاجەتى جوق، عىلىم - تەحنيكا ورەسىن جوعارىلاتسا بولعانى دەپ قارايدى. «بۇل اۋىزبەن وراق ورعاننىڭ بەل اۋىرمايدى!» دەگەننىڭ كەرى ەمەس پە! تيتتەي دە مۇمكىندىك قالدىرماساق، قايتىپ بولادى؟ ءسوز جوق، توتەنشە ۇلكەن حاۋىپسىزدىك كوەففيتسەنتى بولۋ كەرەك. بۇل ‹مەملەكەتتىڭ ءىرى ءىسى!»، «جەتىلىپ وتىراتىن قاتاڭ شارا قولدانۋ كەرەك» ...
ءبىر ميلليارد 800 ميلليون مۋ ەگىستىك جەر − قىزىل سىزىق، ستراتەگيالىق تومەنگى شەك، مەملەكەتتىڭ جان تامىرىنا قاتىستى حاۋىپسىزدىك سىزىعى.
ەگىستىك جەردى قورعاۋدى اۋىزعا العاندا، باس شۋجي شي جينپيڭ ءتىپتى دە سالماقتاي وتىرىپ بىلاي دەدى: «ەگىستىك جەر − استىق ءوندىرىسىنىڭ جان تامىرى، جۇڭحۋا ۇلتىنىڭ باياندى دامۋىنىڭ نەگىزى. تىنباي اۋرە - سارساڭعا ءتۇسىپ، ءبىر ميلليارد 800 ميلليون مۋ ەگىستىك جەردىڭ قىزىل سىزىعىن قالاي ساقتاۋعا بولادى، ءبىر ميلليارد 400 ميلليوننان استام ادامنىڭ اس ارقاۋىن قالاي بەرىكتەۋگە بولادى؟» «ەگىس اتىزىنىڭ اتى − ەگىس اتىزى، ەگىس اتىزى، ءسوز جوق، قۇنارلى اتىز بولۋى كەرەك. ءارقانداي ادامنىڭ ەگىستىك جەردى قورعاۋ جاعىندا تۇرلەندىرۋىنە، كوز بوياۋشىلىق ىستەۋىنە، استە، جول بەرىلمەيدى».
سولتۇستىك شانشي ۇستىرتىندەگى اۋىل - قىستاقتان شىققان، بۇگىنگى كۇننىڭ وڭاي - وسپاق قولعا كەلمەگەنىن ءتىپتى دە ابدەن بىلەدى. باس شۋجي جاپا - ماشاقاتتى ەسكە الىپ، بۇرىنعى بەلبەۋدى مىقتاپ بۋىنىپ ىستەگەن جاپالى كۇندەردى تەبىرەنە ەسكە الدى. «ءبىز سياقتى ءىرى ەلدە، ءسوز جوق، وزىمىزگە سۇيەنۋىمىز كەرەك. قيىنشىلىققا تاپ بولماعان كەزدەردە عانا ‹قوس اينالىمدى› جۇرگىزسەك بولادى، جايشىلىقتا ‹قوس اينالىم› دا ەڭ ورنىقتى، ەڭ سەنىمدى ەكونوميكالىق ورنالاستىرۋ بولىپ تابىلادى. ءبىز، ءسوز جوق، تومەنگى شەكتە ويلاۋىمىز، امانشىلىقتا جامانشىلىقتى ۇمىتپاۋىمىز كەرەك. قايعىدان ەرلىك تۋادى، راقاتتان ەزدىك تۋادى».
«حالىقشىلدىق − قاستەرلى سەزىم»
جول شۋانيا قىستاعىنداعى اۋىلداستار جونىنەن العاندا، كەرەمەت تابىس، ءۇمىت ۇشقىنى سانالادى.
سىچۋان ولكەلىك حالىق ىستەرى مەڭگەرمەسىنەن كەلگەن مۇشە يشيداۋا شۋانيا قىستاعىنىڭ جاڭا حابارىن الا كەلدى. باس شۋجي شي جينپيڭ ونىڭ قولىنا العان ەكى پارشا سۋرەتىن زەر سالا كوردى. ءبىرى، بۇرىن قۇلاما قۇزعا اسىلعان تاس باسپالداق ەدى؛ ەندى بىرىندە بۇگىنگى بولات باسپالداق جول بۇلتپەن بوي تالاسىپ، اۋىلداستاردىڭ نىق قاداممەن ورنىقتى جۇرۋىنە مۇمكىندىك جاراتقان.
«اۋىلداستاردىڭ ءبارى ەتەككە تۇسكەن شىعار؟ وقۋعا باراتىن بالالار، ەمدەلەتىن قارتتار جازىق جەردە تۇراتىن شىعار؟»
يشيداۋا قۋانىشپەن: «ءبىر ءبولىمىن كوشىردىك، ءبىر ءبولىمى بۇرىنعى ورنىندا وتىر. قىستاعىمىز ساياحاتتى دامىتتى، تۇرمىسىمىز بارعان سايىن جاقساردى» دەدى.
قىسقا عانا بىرنەشە جىلدا، ون نەشە جىلدا سان وزگەرىستى باستان كەشىردى.
2017 - جىلعى مەملەكەتتىك ەكى ماجىلىستە باس شۋجي شي جينپيڭ شۋانيا قىستاعىنا قاتىستى اقپاراتتىق حابارلاردى اۋىزعا العاندا، «قىستاق تۇرعىندارىنىڭ ءجۇرىس - تۇرىس جاعدايىن كورگەندە قاتتى الاڭدادىم» دەگەن ءبىر اۋىز ءسوز اسقار تاۋ اڭعارىنا تارالدى.
جول − ىقشام كورىنىس، كەدەيلىكتەن ارىلىپ، دوڭگەلەك داۋلەتتى قوعامعا قادام تاستاعان ءداۋىر وزگەرىسىنىڭ ايقىن بەلگىسى.
يشيداۋا تەبىرەنە: «يزۋ باۋىرلاستار ءان ايتىپ، ءبي بيلەپ، ‹كوممۋنيستىك پارتيا توتەنشە جاقسى، باس شۋجي شي جينپيڭگە ايرىقشا راقىمەت!› دەپ وتىراتىن بولدى» دەدى.
دالياڭشاندا قىزمەت تەكسەرگەندە اۋىلداستار ءان ايتىپ، باس شۋجيدى اتتاندىرىپ سالدى. وتكەن ىستەر كەشەگىدەي ەلەستەيدى.
«قيىنشىلىعى بار بۇقاراعا ايرىقشا نازار اۋدارىپ، ايرىقشا قامقورلىق جاساپ، ايرىقشا كوڭىل ءبولىپ، ولاردىڭ مۇڭ - مۇقتاجىن شەشۋىنە كومەكتەسۋىمىز كەرەك». باس شۋجي شي جينپيڭ تەرەڭ ماعىنادا: «كەدەيلىك سوتسياليزم ەمەس، كەدەيلىكتىڭ تەڭگەرمەشىلدىگى سوتسياليزم ەمەس، اۋقاتتى بولعانىمەن بىركەلكى بولماسا، ەكى ۇيەككە جىكتەلسە، ول دا سوتسياليزم ەمەس. بىرگە اۋقاتتانۋ عانا − سوتسياليزم» دەدى.
ءبىر مۇشە بىرگە اۋقاتتانۋ تاقىرىبىن جالعاستىرىپ، اۋىل - قىستاق نەگىزگى ساتى پارتيا ۇيىمى قۇرىلىسى ماسەلەسىنە توقتالا كەلىپ: «بىرگە اۋقاتتانۋدا زاتتىق جاقتان دا، رۋحاني جاقتان دا تالاپ قويىلۋى كەرەك» دەدى.
باس شۋجي شي جينپيڭ مۇشەلەردىڭ ءسوزىن القادى. ول مىنالاردى دارىپتەدى: اۋىل - قىستاقتى گۇلدەندىرۋدە ەكونوميكانىڭ دامۋىنا عانا كوز جىبەرۋگە بولمايدى، ءسوز جوق، اۋىل - قىستاق نەگىزگى ساتى پارتيا ۇيىمدارىن كۇشەيتۋ، سونداي - اق وركەنيەتتى اۋىل سالتىن، تاماشا وتباسى سالتىن، قاراپايىم حالىق سالتىن جەتىلدىرۋ كەرەك.
باس شۋجي بايىپتىلىقپەن: «بۇل ىستەردى، ءسوز جوق، ۇدايىلاندىرۋ كەرەك. حالىق تۇرمىسىندا كىشى - گىرىم ءىس بولمايدى، حالىقشىلدىق − قاستەرلى سەزىم» دەپ اتاپ كورسەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
