جۇڭگوشا سوتسياليزم ىستەرىنىڭ تىڭ داستانىن ءۇرتىس جازايىق (حالىق كوزقاراسى)
− «وندى ايقىنداۋدىڭ» رۋحاني ءمانى مەن باي مازمۇنىن ىشكەرىلەي ۇيرەنەيىك، تۇسىنەيىك ⑤
«حالىق گازەتىنىڭ» شولۋشىلار ءبولىمى
2022.03.29 16:56 كەلۋ قاينارى : حالىق تورابى
شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز بۇرىنعىلاردىڭ ۇزاق ۋاقىت كۇرەس جاساۋى نەگىزىندە «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، پارتيا مەن مەملەكەت ىستەرىندە تاريحي تابىستارعا قول جەتكىزۋدى، تاريحي وزگەرىستەر تۋدىرۋدى ىلگەرىلەتتىك
العا باسۋ جولىنداعى مەجەلەۋگە بولاتىن جانە مەجەلەۋىمىز قيىن بولىپ وتىرعان حاۋىپ - قاتەر مەن سىن - سايىس الدىندا باستان - اياق جۇڭگوشا سوتسياليزم جولىمەن جۇرسەك قانا بولعانى، ءبىز، ءسوز جوق، حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرىپ، جالپى حالىقتىڭ بىرگە اۋقاتتانۋىن ۇزدىكسىز ىلگەرىلەتە الامىز
رەفورما جاساپ، ەسىك اشۋدىڭ اياق الىسى تەز، قادامى ورنىقتى بولدى، عىلىم - تەحنيكادا جاڭالىق اشۋدىڭ الىپ تولقىنى جوڭكىلىپ، وڭىرلىك دامۋدىڭ ومىرشەڭدىك كۇشى تاسقىندادى، اۋىل - قىستاقتى گۇلدەندىرۋدىڭ جاڭا بەينەسى جارىققا شىقتى ... كوكتەم سامالى ەسىپ، جۇڭگونىڭ بايتاق دالاسىندا كۇرەس جۇرگىزۋ ىنتاسى تاسقىنداپ، «ەڭبەكقورلار كوكتەمدى الدىمەن قارسى الادى» دەيتىن وڭ ەنەرگيا جەتكىزىلىپ، جاڭا جورىق جولى باستالىپ، جاڭا ءۇمىت لەبى ەستى. عاسىرلىق ۇلكەن پارتيا ءجۇز ميلليونداعان حالىقتى باستاپ، جاڭا ەمتيحان تاپسىرۋ جولىندا ەرلىكپەن العا باسىپ، جۇڭگوشا سوتسياليزم كۇن سايىن جالىندى ومىرشەڭدىك كۇشكە يە بولىپ كەلەدى.
باس شۋجي شي جينپيڭ: «جۇڭگوشا سوتسياليزمدە تاباندى بولۋ جانە ونى دامىتۋ - كەلەلى ءىس»، «ءبىز وسى ۇرپاق كوممۋنيستەردىڭ مىندەتى − وسى كەلەلى ءىستى ۇزدىكسىز تىندىرۋ» دەپ اتاپ كورسەتتى. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى «ج ك پ ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى جەتىستىكتەرى مەن تاريحي تاجىريبەلەرى جونىندەگى قارارىن» قاراپ ماقۇلداپ، «وندى ايقىنداۋ» ارقىلى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ وزەكتى مازمۇنى جونىندە ىشكەرىلەي تۇجىرىم جاسادى، «جۇڭگوشا سوتسياليزم ىستەرىنىڭ جالپى تۇلعالىق ورنالاستىرۋى − ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى سىندى بەستى ءبىر تۇلعالاندىرۋ ەكەنىن، ستراتەگيالىق ورنالاستىرۋى − جاپپاي سوتسياليستىك وسىزاماندانعان مەملەكەت قۇرۋ، رەفورمانى جاپپاي تەرەڭدەتۋ، مەملەكەتتى جاپپاي زاڭمەن جونگە سالۋ، پارتيانى جاپپاي قاتاڭ جونگە سالۋ ەكەنىن ايقىندادى»، بۇل − وسىنىڭ ىشىندەگى ماڭىزدى مازمۇنداردىڭ ءبىرى.
جۇڭگوشا سوتسياليزمدە تاباندى بولۋدىڭ جانە ونى دامىتۋدىڭ باس مىندەتى − سوتسياليستىك وسىزامانداندىرۋ مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى سوتسياليستىك قۇرىلىستىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، جۇڭگوشا سوتسياليزمدە تاباندى بولۋ جانە ونى دامىتۋ سىندى «كەلەلى ىستە» شۇعىلالى داستان جازدى. باس شۋجي شي جينپيڭ بىلاي دەپ دارىپتەدى: «<بەستى ءبىر تۇلعالاندىرۋ> مەن <ءتورتتى جاپپاي ورىنداۋ> ءبىرىن - ءبىرى جەبەپ، ءوزارا ىقپالداسىپ وتىرادى، ەكونوميكانىڭ دامۋىن ىلگەرىلەتۋ نەگىزىندە، سوتسياليستىك بازار شارۋاشىلىعىن، دەموكراتيالىق ساياسيدى، وزىق مادەنيەتتى، ەكولوگيالىق وركەنيەتتى، جاراسىمدى قوعامدى قۇرىپ، حالىقتىڭ بايۋىن، مەملەكەتتىڭ قۇدىرەتتەنۋىن، جۇڭگونىڭ كورىكتەنۋىن سايكەستى ىلگەرىلەتۋ كەرەك». شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز بۇرىنعىلاردىڭ ۇزاق ۋاقىت كۇرەس جاساۋى نەگىزىندە «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، پارتيا مەن مەملەكەت ىستەرىندە تاريحي تابىستارعا قول جەتكىزۋدى، تاريحي وزگەرىستەر تۋدىرۋدى ىلگەرىلەتىپ، جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى اناعۇرلىم كەمەلدى تۇزىمدىك كەپىلمەن، اناعۇرلىم بەرىك زاتتىق نەگىزبەن، اناعۇرلىم ىرىقتى رۋحاني كۇشپەن قامدادىق.
جۇڭگوشا سوتسياليزم − جاپپاي دامىعان سوتسياليزم. تاريحقا قايىرىلا قاراساق، پارتيا 12 - كەزەكتى ورتالىق كوميتەتىنىڭ التىنشى جالپى ماجىلىسىندە العا قويىلعان «ءۇشتى ءبىر تۇلعالاندىرۋ» جالپىلىق ورنالاستىرۋىنان پارتيانىڭ 16 - قۇرىلتايىنان كەيىن جالپى تۇلعالىق ورنالاستىرۋدى «ءتورتتى ءبىر تۇلعالاندىرۋعا» كەڭەيتۋگە دەيىن، ونان پارتيانىڭ 18 - قۇرىلتايىندا «بەستى ءبىر تۇلعالاندىرۋ» جالپىلىق ورنالاستىرۋىن العا قويعانعا دەيىن، پارتيامىز باستان - اياق تاريحتىڭ جالپى اۋقىمىمەن سايكەسىپ، حالىقتىڭ قاجەتىمەن سايكەسىپ، جۇڭگوشا سوتسياليزم ىستەرىنىڭ ورنالاسۋىن داۋىرمەن بىرگە العا باسۋ نەگىزىندە ۇزدىكسىز كەمەلدەندىردى. جاڭا تاريحي بەلەستە پارتيانىڭ 19 - قۇرىلتايى ەلىمىزدىڭ سوتسياليستىك وسىزامانداندىرۋ قۇرىلىسى جونىندە جاڭا ستراتەگيالىق ورنالاستىرۋ جاساپ، جاڭا داۋىردە «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋدىڭ ستراتەگيالىق نىساناسىن بەلگىلەدى. جاڭا داۋىردەگى «بەستى ءبىر تۇلعالاندىرۋ» جالپىلىق ورنالاستىرۋى − ورگانيكالىق تۇتاس تۇلعا، مۇندا ەكونوميكالىق قۇرىلىس − تياناق، ساياسي قۇرىلىس − كەپىل، مادەنيەت قۇرىلىسى − جان جۇيە، قوعامدىق قۇرىلىس − شارت، ەكولوگيالىق وركەنيەت قۇرىلىسى − نەگىز، بۇل ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋدىڭ جاڭا نىساناسىمەن بىرلىككە كەلگەن. بۇل − جاڭا داۋىردە جۇڭگوشا سوتسياليزم ىستەرىن ىلگەرىلەتۋدىڭ جول كارتاسى، سونداي - اق ادامنىڭ جان - جاقتى دامۋىن، قوعامنىڭ جاپپاي العا باسۋىن اناعۇرلىم ويداعىداي ىلگەرىلەتۋدىڭ مىندەتتەمەسى، ول − پارتيانىڭ جۇڭگوشا سوتسياليزم قۇرىلىسىنىڭ زاڭدىلىعى جونىندەگى تانىمى مەن يگەرۋىنىڭ تىڭ دەڭگەيگە كوتەرىلگەنىنىڭ بەلگىسى.
«بەستى ءبىر تۇلعالاندىرۋ» جالپىلىق ورنالاستىرۋى ءبىر تۇتاس ىلگەرىلەتىلۋمەن بىرگە، «ءتورتتى جاپپاي ورىنداۋ» ستراتەگيالىق ورنالاستىرۋى بىرتىندەپ قالىپتاسىپ، سايكەستى ىلگەرىلەتىلىپ، جاڭا داۋىردەگى جۇڭگونىڭ دامۋىنىڭ ستراتەگيالىق لوگيكاسىن قايتا تۇلعالادى. پارتيانىڭ 18 - قۇرىلتايىندا العا قويىلعان «جاپپاي دوڭگەلەك داۋلەتتى قوعام قۇرۋدان» پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە «رەفورمانى جاپپاي تەرەڭدەتۋ» ورنالاستىرىلعانعا دەيىن، ونان پارتيا 18 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە «مەملەكەتتى جاپپاي زاڭمەن جونگە سالۋدى» تالاپ ەتىپ، پارتيانىڭ بۇقارالىق لۋشيان تاربيەسى جانە امالياتتىق قيمىلىن قورىتىندىلاۋ ماجىلىسىندە» پارتيانى جاپپاي قاتاڭ جونگە سالۋ» جونىندە ورنالاستىرۋ جاساۋعا دەيىن، جۇڭگونىڭ دامۋ امالياتى تياناق ەتىلىپ، ماسەلەنى نىشان ەتۋدە تاباندى بولىنىپ، «ءتورتتى جاپپاي ورىنداۋ» ستراتەگيالىق ورنالاستىرۋى ايقىن ايگىلەندى. 2020 - جىلى 10 - ايدا پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە «ءتورتتى جاپپاي ورىنداۋ» ستراتەگيالىق ورنالاستىرۋىنداعى «جاپپاي دوڭگەلەك داۋلەتتى قوعام قۇرۋدىڭ» «سوتسياليستىك وسىزاماندانعان مەملەكەتتى جاپپاي قۇرۋعا» داميتىنى ايقىن ورتاعا قويىلدى. ستراتەگيالىق نىسانا دا، ستراتەگيالىق شارا دا ءازىر بولدى، «ءتورتتى جاپپاي ورىنداۋ» ءبىرىن - ءبىرى تولىقتايدى، ءبىرىن - ءبىرى جەبەيدى، ءبىر - بىرىنە ساي كەلەدى، ول − پارتيامىزدىڭ ەل باسقارۋ جالپى جوباسىنىڭ داۋىرمەن بىرگە العا باسۋىنىڭ جاڭا جاسامپازدىعى، جۇڭگوشا سوتسياليزمدە تاباندى بولۋدىڭ جانە ونى دامىتۋدىڭ ستراتەگيالىق تۇتقاسى.بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، جۇڭحۋا ۇلتىنىڭ ۇلى گۇلدەنۋى شەشۋشى كەزەڭدە تۇر. بيىلعى مەملەكەتتىك ەكى ماجىلىستە باس شۋجي شي جينپيڭ جاڭا داۋىردەگى پارتيا مەن حالىقتىڭ ەكپىندەي ىلگەرىلەۋ بارىسىن ەسكە الىپ، وسى بارىستا قالىپتاسقان «ءسوز جوق، باسىپ وتۋگە ءتيىستى بەس جول» ماڭىزدى تانىمىن جوعارى دەڭگەيدە جيناقتاپ، «جۇڭگوشا سوتسياليزم − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، باسىپ وتەتىن جول» دەپ اتاپ كورسەتتى. قازىر حالىقارالىق جاعدايدا تەرەڭ دە كۇردەلى وزگەرىستەر ۇزدىكسىز تۋىلىپ، 100 جىلدىق وزگەرىس پەن عاسىرلىق ىندەت ءوزارا توعىسىپ، ەكونوميكانىڭ جاھاندانۋى كەرى اعىنعا تاپ بولىپ، ءىرى ەلدەردىڭ سايىسى كۇن سايىن شيەلەنىسىپ، دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى، ەل ىشىندەگى رەفورما، دامۋ، ورنىقتىلىق مىندەتى جاپالى دا اۋىر. العا باسۋ جولىنداعى مەجەلەۋگە بولاتىن جانە مەجەلەۋىمىز قيىن بولىپ وتىرعان حاۋىپ - قاتەر مەن سىن - سايىس الدىندا باستان - اياق جۇڭگوشا سوتسياليزم جولىمەن جۇرسەك قانا بولعانى، ءبىز، ءسوز جوق، حالىقتىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرىپ، جالپى حالىقتىڭ بىرگە اۋقاتتانۋىن ۇزدىكسىز ىلگەرىلەتە الامىز.
شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، ەل ءىشى مەن حالىقارا سىندى ەكى جالپى جاعدايدى ءبىر تۇتاس جوسپارلاپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، ءدال، جاپپاي دايەكتىلەندىرىپ، جاڭا دامۋ جاعدايىن جەدەل قالىپتاستىرعاندا، ءبىز، ءسوز جوق، اناعۇرلىم ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرىپ، جاڭا ءداۋىردىڭ جاڭا جورىعىندا ۇزدىكسىز ۇزدىك جاۋاپ قايتارا الامىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
