شينجياڭداعى تۇڭعىش سۋدى بيىككە شىعارىپ ەنەرگيا ساقتايتىن ەلەكتر ستانسياسىنىڭ توسپا تۇلعاسى تۇرعىزىلىپ بولدى
2022.03.28 18:08 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى چىن چياڭۋي 3 - ايدىڭ 26 - كۇنى فۋكاڭنان حابارلايدى. 3 - ايدىڭ 26 - كۇنى ءۇرىمجى قالاسىنان 130 كيلومەتر قاشىقتىقتاعى بوعدا شىڭىنىڭ ەتەگىندە ەڭ سوڭعى ءبىر ماشينا تاس ماتەريالدارى توگىلىپ، مەملەكەت ەلەكتر تورى شينيۋان شينجياڭ فۋكاڭ سۋدى بيىككە شىعارىپ ەنەرگيا ساقتايتىن ەلەكتر ستانسياسىنىڭ جوعارعى سۋ قويماسىنىڭ توسپا تۇلعاسى تۇرعىزىلىپ بولدى. بۇل شينجياڭداعى تۇڭعىش سۋدى بيىككە شىعارىپ ەنەرگيا ساقتايتىن ەلەكتر ستانسياسىنىڭ سۋ قويماسى توسپاسىنىڭ تۇلعالىق قۇرىلىسى سالىنىپ بولعاندىعىن بىلدىرەدى.
مەملەكەت ەلەكتر تورى شينيۋان شينجياڭ فۋكاڭ سۋدى بيىككە شىعارىپ ەنەرگيا ساقتايتىن ەلەكتر ستانسياسى فۋكاڭ قالا اۋماعىنان 70 كيلومەتردەي جەردە، 2022 - جىلعى اۆتونوميالى رايوننىڭ كەلەلى نىسان ينجەنەرياسى بولعان بۇل ينجەنەرياعا جالپى 8 ميلليارد 368 ميلليون يۋان قارجى قوسىلعان، جالپى اگراگاتتار سيىمدىلىعى ءبىر ميلليون 200 مىڭ كيلوۆات، 2017 - جىلى رەسمي سالىنا باستاعان، مەجەمەن 2024 - جىلى العاشقى اگراگاتى ورناتىلىپ ىسكە قوسىلادى. ەلەكتر ستانسياسى جوعارعى سۋ قويماسى، تومەنگى سۋ قويماسى، سۋ جەتكىزۋ جۇيەسى، جەر استى زاۆود ءۇيى، جەر ۇستىندەگى ايىرۋ - قوسۋ پۋنكتى سياقتى بولىكتەردەن قۇرالادى، وعان جەكە سيىمدىلىعى 300 مىڭ كيلوۆات كەلەتىن، كەرى اينالدىرۋعا بولاتىن سۋ ناسوستىق سۋ شىعىرلى 4 گەنەراتور اگراگاتى ورناتىلادى، ستانسيا جىلىنا 2 ميلليارد 410 ميلليون كيلوۆات ساعات ەلەكتر شىعارادى، سۋدى بيىككە شىعارۋعا جىلىنا 3 ميلليارد 213 ميلليون كيلوۆات ساعات ەلەكتر جۇمسايدى دەپ جوبالانعان.
سۋدى بيىككە شىعارىپ ەنەرگيا ساقتايتىن ەلەكتر ستانسياسى ەلەكتر قۋاتى جۇيەسىندەگى جۇكتەمەلىك تومەن دەڭگەيدەگى كەزدە اسىپ قالعان ەلەكتر ەنەرگياسىنان پايدالانىپ تومەنگى سۋ قويماسىنداعى سۋدى جوعارعى سۋ قويماسىنا تارتىپ شىعارىپ، ەلەكتر ەنەرگياسىن سۋدىڭ پوتەنسيالدىق ەنەرگياسىنا اينالدىرىپ ساقتايدى. ەلەكتر تۇتىنىلىمىنىڭ قاۋىرت كەزىندە، سۋ جوعارعى سۋ قويماسىنان سۋ جەتكىزۋ قۇبىرى ارقىلى تومەن اعىپ، سۋ شىعىرلى گەنەراتور اگراگاتى ارقىلى پوتەنسيالدىق ەنەرگيانى ەلەكتر ەنەرگياسىنا اينالدىرىپ، ەلەكتر شىعارادى.
جوعارعى سۋ قويماسى توسپاسىنىڭ ەڭ بيىك جەرى 133 مەتر، قويما سيىمدىلىعى مولشەرمەن 8 ميلليون 370 مىڭ تەكشەمەتر، بۇل 8.6 مۇز تەكشەنىڭ ۇلكەندىگىمەن قارايلاس. تومەنگى سۋ قويماسى توسپاسىنىڭ ەڭ بيىك جەرى 69 مەتر، قويما سيىمدىلىعى مولشەرمەن 7 ميلليون 770 مىڭ تەكشەمەتر، بۇل 8 مۇز تەكشەمەن قارايلاس.
قۇرىلىس الاڭىندا ءتىلشى اتالعان ەلەكتر ستانسياسى سۋ قويماسى توسپاسىنىڭ نەگىزگى تۇلعاسىنىڭ قۇرىلىسى اياقتاعاندىعىن، جۇمىسشىلاردىڭ سۋ قويماسىنىڭ تاعان قابات ماتەريالدارىن قايتا تولتىرۋ جانە قويما جاعالاۋىنا قۇمسىز بەتون جۇرگىزۋ جۇمىسىن جۇرگىزىپ جاتقاندىعىن كوردى.
”3 - ايدىڭ 12 - كۇنى تومەنگى سۋ قويماسىنىڭ توسپا تۇلعاسى تۇرعىزىلىپ بولعان ەدى، بۇگىن جوعارعى سۋ قويماسىنىڭ توسپا تۇلعاسىن تۇرعىزىپ بولدىق، ءسويتىپ، ەلەكتر ستانسياسىنىڭ جوعارى، تومەنگى سۋ قويمالارى تورابى ينجەنەرياسى تۇگەلدەي اياقتادى. بيىل ءبىز حاۋىپسىزدىككە، ساپاعا كەپىلدىك ەتۋ العى شارتىندا، قۇرىلىس مەرزىمىن مىقتى ۇستاپ، جىل سوڭىندا سۋ ساقتاۋ شارتىن ورىنداۋعا تىرىسامىز“، - دەيدى مەملەكەت ەلەكتر تورى شينيۋان شينجياڭ فۋكاڭ سۋدى بيىككە شىعارىپ ەنەرگيا ساقتاۋ شەكتى سەرىكتەستىگى پارتكومىنىڭ شۋجيى، القا باستىعى يان لياڭپيڭ.
اتالعان ەلەكتر ستانسياسى كۇندىك رەتتەۋگە بولاتىن، بۇكىلدەي سۋ تارتىپ شىعارۋعا سۇيەنىپ ەنەرگيا ساقتايتىن ەلەكتر ستانسياسى سانالادى، ول جۇمىس جۇرگىزۋى يكەمدى، ىسكە قوسۋى تەز بولۋ سياقتى ەرەكشەلىكتەرگە يە. ەلەكتر ستانسياسى سالىنىپ بىتكەن سوڭ، ءۇرىمجى − سانجى ەلەكتر تورىنا قوسىلىپ، ەلەكتر تۇتىنىلىمنىڭ قاۋىرت شاعىن رەتتەۋ، سايابىر شاعىن تولتىرۋ، جيىلىك رەتتەۋ، فازا رەتتەۋ جانە شۇعىل وقيعادا زاپاسقا پايدالانىلۋ سياقتى مىندەتتەردى ارقالايدى.
يان لياڭپيڭ مىنالاردى ءبىلدىردى: اتالعان ەلەكتر ستانسياسى سالىنىپ بولعان سوڭ، ەلەكتر قۋاتى جۇيەسىندەگى وت ەلەكترگە پايدالانىلاتىن ولشەمدى كومىر جۇمسالىمىنان جىلىنا 165 مىڭ توننا ۇنەمدەپ، كومىر قىشقىل گازىنىڭ شىعارىلۋىن مولشەرمەن 496 مىڭ توننا، كۇكىرت قوس توتىعىنىڭ شىعارىلۋىن 1800 توننا ازايتا الادى. سول كەزگە بارعاندا شينجياڭ ەلەكتر تورىنىڭ ەلەكتر كوزى قۇرىلىمىن ونان ارى جاقسارتىپ، ەلەكتر تورىنداعى ەلەكتر تۇتىنىلىمىنىڭ قاۋىرت شاعىن رەتتەۋ، جيىلىگىن رەتتەۋ قىسىمىن جەڭىلدەتىپ، ەلەكتر تورىنىڭ حاۋىپسىز اينالىمىن قامتاماسىز ەتىپ، جاڭا ەنەرگيانى نەگىزگى تۇلعا ەتكەن جاڭاشا ەلەكتر قۋاتى جۇيەسىن ورناتۋعا ۇلەس قوسادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
