شي جينپيڭ انگليانىڭ باس ءۋازىرى جونسونمەن تەلەفوندا سويلەستى
2022.03.28 17:00 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 25 - كۇنى، بەيجيڭ. مەملەكەت ءتوراعاسى شي جينپيڭ 3 - ايدىڭ 25 - كۇنى تۇستەن كەيىن انگليانىڭ باس ءۋازىرى جونسونمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: بيىل − جۇڭگو مەن انگليانىڭ باس ەلشى دارەجەلى ديپلوماتيالىق قاتىناس ورناتقانىنىڭ 50 جىلدىعى. جارتى عاسىردان بەرى جۇڭگو - انگليا قاتىناسى بۇرالاڭ بولعانىمەن، الايدا جالپى تۇلعالىق جاقتان ۇزدىكسىز دامىدى. ەكى ەلدىڭ ساۋدا سوماسى 300 ميلليون دوللاردان ارتىپ 100 ميلليارد دوللارعا جەتتى، ەكى جاقتى قوسقان قارجى ىركىندىسى دەرلىك بولماۋدان 50 ميلليارد دوللارعا كوتەرىلدى. بىلتىر جۇڭگو - انگليا ساۋداسى تاعى تىڭ بيىككە كوتەرىلدى، جۇڭگونىڭ انگلياعا قوسقان قارجىسى 2 ەسەدەن استام ارتتى. انگليا قارجىلاندىرعان كاسىپورىندار جۇڭگونىڭ رەفورما جاساۋىنا، ەسىك اشۋىنا بەلسەنە ات سالىستى. لوندون دۇنيە جۇزىندەگى ەڭ ۇلكەن حالىق اقشاسى تاۋەلسىز ساۋدا ورتالىعىنا اينالدى. ەكى ەلدىڭ دۇنيە جۇزىلىك دامۋ، كليمات وزگەرىسى سياقتى جاقتارداعى سايكەسۋى، سەلبەسۋى ادامزاتتىڭ ورتاق سىن - سايىسقا توتەپ بەرۋىنە بەلسەندى ۇلەس قوستى.
شي جينپيڭ بىلاي دەپ اتاپ كورسەتتى: جۇڭگو مەن انگليانىڭ مەملەكەت جاعدايى ۇقسامايدى، دامۋ جولى دا ۇقسامايدى. ەكى جاق ستراتەگياعا جانە ۇزاق بولاشاققا كوز جىبەرىپ، ءوزارا قۇرمەت ەتۋدە تاباندى بولىپ، اشىق، سيىسىمدى بولۋ نيەتىن نەگىزگە الىپ، تىلدەسۋدى، اۋىس - كۇيىستى كۇشەيتىپ، ءوزارا پايدا جەتكىزۋ سەلبەستىگىن كەڭەيتۋى كەرەك. جۇڭگو جاق بۇكپەسىز، اشىق، سيىسىمدى بولۋ پوزيتسياسىمەن انگليا جاقپەن تىلدەسۋدى، سەلبەسۋدى قالايدى، انگليا جاقتىڭ جۇڭگوعا جانە جۇڭگو - انگليا قاتىناسىنا وبيەكتيۆ، ءادىل پوزيتسيا ۇستانىپ، جۇڭگو جاقپەن بىرگە ەكى ەل قاتىناسىنىڭ ۇزدىكسىز دامۋىن ىلگەرىلەتۋىن ءۇمىت ەتەدى.
جونسون مىنالاردى ءبىلدىردى: انگليا - جۇڭگو قاتىناسى ەرەكشە ماڭىزدى. انگليا - جۇڭگو ساۋداسىنىڭ ارتۋى تەز، انگليادا وقىپ جاتقان جۇڭگولىق وقۋشىلار باسقا ءارقانداي ەۆروپا ەلدەرىندەگىدەن كوپ، انگليا جاق مۇنى ماقتانىش ەتەدى. انگليا مەن جۇڭگو − بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلدەرى، كوپتەگەن ماسەلەدە ورتاق مۇددەگە يە، سەلبەسۋگە بولاتىن ىستەرى وتە كوپ. انگليا جاق جۇڭگو جاقپەن بۇكپەسىز تىلدەسىپ، اۋىس - كۇيىستى، سەلبەستىكتى كۇشەيتىپ، ەكى ەلدىڭ ەكونوميكا - ساۋدا سەلبەستىگىن كەڭەيتىپ، كليمات وزگەرىسى، ورگانيزمدەردىڭ الۋان تۇرلىلىگى سياقتى دۇنيە جۇزىلىك ماسەلەلەردە جانە وڭىرلىك قولامتالى ماسەلەلەردە كەڭەسۋدى، سايكەسۋدى تەرەڭدەتۋدى قالايدى.
ەكى ەل باسشىلارى تاعى ۋكراينا جاعدايى جونىندە پىكىر اۋىستىردى.
شي جينپيڭ جۇڭگو جاقتىڭ پرينسيپتىك تۇرعىسىن بايانداپ، بىلاي دەپ دارىپتەدى: حالىقارالىق قوعام شىن مانىندە راقايلاستىرىپ، كەڭەسۋدى جەبەپ، ۋكراينا ماسەلەسىن ساياسي جولمەن شەشۋگە شارت - جاعداي جاراتىپ، ۋكراينانىڭ بەيبىتشىلىككە ەرتەرەك ورالۋىن ىلگەرىلەتۋى كەرەك. جۇڭگو جاق وسى جاعىنان ۇزدىكسىز سىندارلى رول اتقارۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
