شي جينپيڭ كورەيانىڭ سايلانعان زۇڭتۇڭى يىن شييۋەمەن تەلەفوندا سويلەستى
2022.03.28 16:59 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 25 - كۇنى، بەيجيڭ. مەملەكەت ءتوراعاسى شي جينپيڭ 3 - ايدىڭ 25 - كۇنى تۇستەن كەيىن كورەيانىڭ سايلانعان زۇڭتۇڭى يىن شييۋەمەن تەلەفوندا سويلەستى.
شي جينپيڭ يىن شييۋەنىڭ كورەيانىڭ زۇڭتۇڭى بولىپ سايلانعانىن تاعى ءبىر رەت قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن كورەيا − مىزعىماس ماڭگىلىك جاقىن كورشىلەر ءارى ىرگە بولمەس سەلبەستىك سەرىكتەستەرى. جۇڭگو جاق جۇڭگو - كورەيا قاتىناسىنا ەجەلدەن باسا ءمان بەرىپ كەلەدى. ەكى جاقتىڭ بىرگە قۇلشىنۋىندا جۇڭگو - كورەيا قاتىناسى جاپپاي، جەدەل دامىدى، ەكى ەل الدەقاشان ستراتەگيالىق سەلبەستىك سەرىكتەستىككە اينالعان. اماليات جۇڭگو - كورەيا قاتىناسىنىڭ دامۋى ەكى ەلدىڭ جانە ەكى ەل حالىقتارىنىڭ ءتۇبىرلى مۇددەسىنە ۇيلەسەتىنىن، وڭىرلەردىڭ بەيبىتشىلىگى مەن دامۋىن جەبەگەنىن دالەلدەدى. بيىل − جۇڭگو مەن كورەيانىڭ ديپلوماتيالىق قاتىناس ورناتقانىنىڭ 30 جىلدىعى. ەكى جاق وسىنى وراي ەتىپ، ءوزارا قۇرمەت ەتۋدە تاباندى بولىپ، ساياسي ءوزارا سەنىمدىلىكتى كۇشەيتىپ، حالىقتار ارا دوستىقتى نىعايتىپ، جۇڭگو - كورەيا قاتىناسىنىڭ ورنىقتى دا باياندى بولۋىن ىلگەرىلەتۋى كەرەك.
شي جينپيڭ بىلاي دەپ دارىپتەدى: قازىر حالىقارالىق قوعام قات - قابات سىن - سايىسقا ءدوپ كەلىپ وتىر، جۇڭگو مەن كورەيانىڭ وڭىرلىك بەيبىتشىلىكتى قورعاۋ، دۇنيە ءجۇزىنىڭ گۇلدەنۋىن جەبەۋ جاقتارىندا جاۋاپكەرلىگى بار. جۇڭگو جاق كورەيا جاقپەن بىرگە حالىقارالىق جانە وڭىرلىك سەلبەستىكتى كۇشەيتىپ، دۇنيە جۇزىلىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن، ىركىلىسسىزدىگىن قامتاماسىز ەتۋ ءۇشىن بەلسەندى قۇلشىنىس جاساپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى جانە حالىقارالىق زاڭدى نەگىز ەتكەن حالىقارالىق ءتارتىپتى قورعاپ، اناعۇرلىم ءادىل دە ۇيلەسىمدى دۇنيە جۇزىلىك جونگە سالۋ جۇيەسىن قۇرۋدى ىلگەرىلەتۋدى قالايدى.
يىن شييۋە جۇڭگونىڭ مەملەكەتتىك ەكى ءماجىلىسىنىڭ تابىستى اشىلعانىن قۇتتىقتادى، جۇڭگونىڭ ءتوراعا شي جينپيڭنىڭ باسشىلىعىندا كەلەلى دامۋ جەتىستىكتەرىنە قول جەتكىزگەنىن قۇتتىقتادى. يىن شييۋە مىنالاردى ءبىلدىردى: كورەيا مەن جۇڭگونىڭ دوستىق بارىس - كەلىسىنىڭ تاريحى ۇزاق، ديپلوماتيالىق قاتىناس ورناتقان 30 جىلدان بەرى ەكى ەلدىڭ ءار سالاداعى سەلبەستىگى وراسان زور جەتىستىكتەرگە قول جەتكىزىپ، ەكى ەل حالىقتارىنا ناقتى يگىلىك اكەلدى. كورەيا مەن جۇڭگونىڭ سەلبەستىكتى كۇشەيتۋى ەكى ەلدىڭ ءوز دامۋىن جۇزەگە اسىرۋعا، ەكى ەل حالىقتارىن باقىتقا كەنەلتۋگە پايدالى، سونداي - اق شىعىس سولتۇستىك ازيا ءوڭىرىنىڭ بەيبىتشىلىگىنە، ورنىقتىلىعىنا ۇلەس قوسادى. كورەيا جاق جۇڭگو جاقپەن جوعارى جىكتەگىلەردىڭ بارىس - كەلىسىن جيىلەتىپ، ءوزارا سەنىمدىلىكتى ارتتىرىپ، حالىقتار ارا دوستىقتى جەبەپ، كورەيا مەن جۇڭگو قاتىناسىنىڭ اناعۇرلىم جوعارى دەڭگەيدە دامۋىن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
