شي جينپيڭ ۆانۋاتۋدىڭ زۇڭتۇڭى موسەسپەن ءوزارا قۇتتىقتاۋ تەلەگرامماسىن جولدادى

لي كىچياڭ ۆانۋاتۋدىڭ زۇڭليى لافمانمەن ءوزارا قۇتتىقتاۋ تەلەگرامماسىن جولدادى

2022.03.28 17:02 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　شينحۋا اگەنتتىگى، 3 - ايدىڭ 26 - كۇنى، بەيجيڭ. 3 - ايدىڭ 26 - كۇنى مەملەكەت ءتوراعاسى شي جينپيڭ ۆانۋاتۋ رەسپۋبليكاسىنىڭ زۇڭتۇڭى موسەسپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 40 جىلدىعىن قۇتتىقتادى.

　　شي جينپيڭ بىلاي دەپ اتاپ كورسەتتى: جۇڭگو مەن ۆانۋاتۋ ديپلوماتيالىق قاتىناس ورناتقان 40 جىلدان بەرى ەكى ەل قاتىناسى حالىقارالىق اۋمالى - توكپەلى وزگەرىستىڭ سىنىنان ءوتىپ، ەكى جاقتىڭ ساياسي ءوزارا سەنىمدىلىگى كۇن سايىن تەرەڭدەپ، ءار سالاداعى اۋىس - كۇيىس سەلبەستىگىنىڭ تابىستارى مول بولىپ، ەكى ەل حالىقتارىنا ناقتى پايدا جەتكىزدى. جۇڭگو مەن ۆانۋاتۋ ءوزارا قارايلاسىپ، بىلەك بىرىكتىرە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانىپ، ەكى ەلدىڭ دوستىعىن تەرەڭدەتتى. جۇڭگو مەن ۆانۋاتۋ قاتىناسى وركەندەپ كەلە جاتقان ەلدەردىڭ ءوزارا قۇرمەت ەتىپ، ىنتىماقتاسا سەلبەسۋىنىڭ ۇلگىسىنە اينالدى.

　　شي جينپيڭ بىلاي دەپ دارىپتەدى: مەن جۇڭگو مەن ۆانۋاتۋدىڭ قاتىناسىنىڭ دامۋىنا ايرىقشا ءمان بەرەمىن، سىزبەن بىرگە قۇلشىنىپ، ديپلوماتيالىق قاتىناس ورناتقانىمىزدىڭ 40 جىلدىعىن جاڭا باستاما ەتىپ، ەكى ەلدىڭ ءار سالاداعى تىلدەسۋىن، اۋىس - كۇيىسىن، سەلبەستىگىن تەرەڭدەتىپ، كەڭەيتىپ، جۇڭگو مەن ۆانۋاتۋدىڭ جالپى بەتتىك ستراتەگيالىق سەرىكتەستىك قاتىناسىنىڭ تىڭ ساتىعا كوتەرىلۋىن ىلگەرىلەتىپ، ەكى ەل مەن ەكى ەل حالىقتارىن باقىتقا كەنەلتۋدى قالايمىن.

　　موسەس مىنالاردى ءبىلدىردى: وتكەن 40 جىلدان بەرى جۇڭگو ۆانۋاتۋدىڭ ماڭىزدى دامۋ سەرىگى، ماڭگى سەنىمدى دوسى بولىپ كەلەدى. ۆانۋاتۋ ءبىر جۇڭگو ساياساتىن تاباندىلىقپەن اتقارىپ، ۆانۋاتۋ مەن جۇڭگونىڭ ديپلوماتيالىق قاتىناس ورناتقانىنىڭ 40 جىلدىعىن وراي ەتە وتىرىپ ەكى ەل قاتىناسىنىڭ ۇزدىكسىز العا قاراي دامۋىن ىلگەرىلەتۋدى ءۇمىت ەتەدى. وسى ورايدا جۇڭگو كوممۋنيستىك پارتياسىنىڭ قۇرىلعان 100 نەشە جىلدان بەرى قول جەتكىزگەن ۇلى جەتىستىكتەرىن قۇتتىقتايمىن، جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنىڭ تولىق تابىسپەن اشىلۋىن تىلەيمىن.

　　سول كۇنى مەملەكەتتىك كەڭەستىڭ زۇڭليى لي كىچياڭ ۆانۋاتۋدىڭ زۇڭليى لافمانمەن ءوزارا قۇتتىقتاۋ تەلەگرامماسىن جولدادى. لي كىچياڭ مىنالاردى ءبىلدىردى: جۇڭگو جاق جۇڭگو - ۆانۋاتۋ قاتىناسىن دامىتۋعا ايرىقشا ءمان بەرەدى، ۆانۋاتۋ جاقپەن بىرگە قۇلشىنىپ، ديپلوماتيالىق قاتىناس ورناتۋدىڭ 40 جىلدىعىن وراي ەتە وتىرىپ دامۋ ستراتەگيالارىن ۇشتاستىرۋدى كۇشەيتىپ، ناقتى سەلبەستىكتىڭ كومەسكى كۇشىن ىشكەرىلەي اشىپ، جۇڭگو مەن ۆانۋاتۋ قاتىناسىنىڭ تىڭ دا اناعۇرلىم زور دامۋعا قول جەتكىزۋىن ىلگەرىلەتۋدى قالايدى.

　　لافمان مىنالاردى ءبىلدىردى: ۆانۋاتۋ جاق ۆانۋاتۋ - جۇڭگو جالپى بەتتىك ستراتەگيالىق سەرىكتەستىك قاتىناسىنا ايرىقشا ءمان بەرەدى، ەكى جاقتىڭ ايرىقشا ناتيجەلى سەلبەستىگىن قاستەرلەيدى، جۇڭگو جاقتىڭ ۆانۋاتۋ مەملەكەتىنىڭ دامۋىنا قولداۋ كورسەتكەنىنە شىن جۇرەكتەن العىس ايتادى. جۇڭگو جاقپەن بىرگە، «ءبىر بەلدەۋ، ءبىر جول» اياسىنداعى سەلبەستىكتى كەڭەيتىپ، كوپ جاقتى سالاداعى سايكەسۋدى كۇشەيتىپ، ەكى ەل قاتىناسىن ۇزدىكسىز تەرەڭدەتۋدى ءۇمىت ەتەدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

وقىرمان نازارىنا

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved