جۇڭگو تەمىر جولى:
4 - ايدىڭ 8 - كۇنىنەن باستاپ جاڭا پويەز جۇمىس كەستەسى اتقارىلادى
2022.03.28 18:11 كەلۋ قاينارى : شينجياڭ گازەتى
شينحۋا اگەنتتىگىنىڭ 3 - ايدىڭ 26 - كۇنى بەيجيڭنەن بەرگەن حابارى (ءتىلشى فان شي). 3 - ايدىڭ 26 - كۇنى جۇڭگو تەمىر جول 12306 رەسمي سايتى حابارلاندىرۋ جاريالادى. حابارلاندىرۋدا بىلاي دەلىندى: تەمىر جول تاراۋى قالىڭ جولاۋشىلاردىڭ ساپار قاجەتىن ونان ارى ويداعىداي قاناعاتتاندىرۋ ءۇشىن، 4 - ايدىڭ باس شەنىندە جولاۋشىلار پويەزىنىڭ جۇمىس كەستەسىن جاقسارتىپ، رەتتەيدى. قاتىستى دايىندىق جۇمىستارىن شىن مانىندە ويداعىداي ىستەۋ ءۇشىن 4 - ايدىڭ 8 - كۇنگى جانە وسىدان كەيىن قاتىنايتىن ءار رەتكى جولاۋشىلار پويەزدارىنىڭ پويەز بەلەتىن ساتۋدى ۋاقىتشا توقتاتادى، بەلەت ساتۋ مەجەمەن 4 - ايدىڭ 2 - كۇنى قالپىنا كەلتىرىلەدى.
جۇڭگو مەملەكەتتىك تەمىر جول توبىنىڭ قاتىستى جاۋاپتىسىنىڭ تانىستىرۋىنا قاراعاندا، 4 - ايدىڭ 8 - كۇنى ساعات نولدەن باستاپ بۇكىل ەلدەگى تەمىر جولدار جاڭا پويەز جۇمىس كەستەسىن اتقارادى. جاڭا جۇمىس كەستەسىندە تەمىر جول جاڭا جەلىلەرىن ىسكە قوسۋ جانە جولاۋشىلار پويەزدارىنىڭ، جۇك پويەزدارىنىڭ قاتىناۋ قۇرىلىمىن رەتتەۋ، تاسىمال كۇشى بايلىعىن دالمە - ءدال جايعاستىرۋ، حالىق شارۋاشىلىعىنىڭ ورنىقتى اينالىمىنا جانە جوعارى دەڭگەيدە سىرتقا ەسىك اشۋعا بەلسەنە قىزمەت وتەۋ ءبىر تۇتاس ويلاستىرىلعان.
ءبىرىنشى، ورتا بولىكتەگى، شىعىس بولىكتەگى وڭىرلەردەگى جوعارى جىلدامدىقتى تەمىر جولدىڭ قاتىناۋ جولدارىن ساپالىلاندىرىپ، جولاۋشىلاردىڭ ساپار تاڭداۋىن بايىتادى. حىفي − ۋحان، حىفي − نانجيڭ جوعارى جىلدامدىقتى تەمىر جولىنىڭ حۋبەي ءوڭىرىن چاڭجياڭ اتىراۋىنداعى نەگىزگى قالالارمەن تۇتاستىرۋىنان ويداعىداي پايدالانۋمەن بىرگە، جۋىق ارادا ىسكە قوسىلاتىن حۋاڭگاڭ − حۋاڭمەي جوعارى جىلدامدىقتى تەمىر جولىنىڭ بايلانىس جەلىسىندىك يقۋاتىنان پايدالانىپ، ورتا بولىكتىڭ، شىعىس بولىكتىڭ جوعارى جىلدامدىقتى تەمىر جول تورىن ونان ارى جانداندىرىپ، حۋبەيدەن چاڭجياڭ اتىراۋىنا باراتىن جوعارى جىلدامدىقتى تەمىر جولداردى كوبەيتىپ، جولاۋشىلاردىڭ ساپار تاڭداۋىن بايىتادى.
ەكىنشى، ەلەكتر، كومىر تاسىمالى قۋاتىن جوعارىلاتىپ، حالىق شارۋاشىلىعىنىڭ ورنىقتى اينالىمىنا بەلسەنە قىزمەت وتەيدى. جۋىق ارادا ىسكە قوسىلاتىن شيڭتاي − حىشۇن اۋدانى تەمىر جولىنىڭ جاڭادان قوسىلعان قابىلەتىنەن پايدالانىپ، حىشۇن اۋدانىنان شيڭتايدىڭ وڭتۇستىگىنە قاتىنايتىن جۇك پويەزىنەن تورتەۋى جاڭادان قوسىلىپ، نەگىزىنەن سانشيدىڭ كومىرىن شىعىسقا جەتكىزۋ قاجەتىنە قىزمەت وتەيدى؛ حولبۇج − جي - ان تەمىر جولىندا پويەز قاتىناۋ قۇرىلىمىن ساپالىلاندىرىپ، 10 مىڭ توننالىق اۋىر جۇك تيەيتىن پويەز سانى 4تەن 8گە كوبەيتىلىپ، سولتۇستىكتىڭ كومىرىن وڭتۇستىككە جەتكىزەتىن تەمىر جول ءىرى وتكەلىنىڭ تاسىمال قۋاتىن ونان ارى ارتتىرادى؛ بەيجيڭ − شاڭحاي جوعارى جىلدامدىقتى تەمىر جولى شىعارعان جاي جىلدامدىقتى تەمىر جولدىڭ تاسىمال قۋاتىنان پايدالانىپ، ۋاتاڭ − رىجاۋ تەمىر جولىنان بەيجيڭ − شاڭحاي جاي جىلدامدىقتى تەمىر جولىنا دەيىن كومىر تاسيتىن پويەزدان تورتەۋى جاڭادان قوسىلادى؛ شينجياڭنىڭ كومىرىن سىرتقا جەتكىزۋ قۋاتىن جوعارىلاتىپ، دۇنحۋاڭ جەلىسىنەن پايدالانىپ، شينجياڭنان شىعىپ دۇنحۋاڭ جەلىسىن، لانجوۋ − شينيڭ جەلىسىن باسىپ وتەتىن جۇك پويەزىنەن 14ى قوسىلادى؛ 2022 - جىلعى كومىر ورتا، ۇزاق مەزگىلدىك تاسىمالداۋ توقتامى قاجەتىنە ساي، تەمىر جول مەكەمەسى توبى سەرىكتەستىگىن اتتاعان ەلەكتردى، كومىردى توتە جەتكىزەتىن جۇك پويەزىنەن 54ى قوسىلىپ، ەلەكترمەن، كومىرمەن قامداۋدى قامتاماسىز ەتەتىن تاسىمال قۋاتىن ونان ارى ارتتىرادى.
ءۇشىنشى، حالىقارالىق بىرلەسىپ تاسىمالدايتىن، تەڭىز، تەمىر جول بىرلەسكەن تاسىمال جۇك پويەزدارىن كوبەيتىپ، جوعارى دەڭگەيدە سىرتقا ەسىك اشۋعا ونان ارى ويداعىداي قىزمەت وتەيدى. جۇڭگو − لاوس تەمىر جولىنىڭ وتكەلدىك قۋاتىن جانە حالىقارالىق كەزەكشى پويەزىنىڭ ستراتەگيالىق وتكەلدىك رولىن تولىق ساۋلەلەندىرىپ، جۇڭگو − لاوس تەمىر جولىنىڭ كۇنميڭ شىعىس ۆوكزالىنان موحانعا قاتىنايتىن شەكارا اتتاعان جۇك پويەزىنەن تورتەۋىن قوسىپ، جەكە - جەكە جۇڭگو − ەۆروپا كەزەكشى پويەزىنان، باتىس بولىك قۇرلىق، تەڭىز جاڭا وتكەل كەزەكشى پويەزىنان تورتەۋىن، ۇشەۋىن تىڭنان قوسىپ، ەل ىشىندەگى ءىشىنارا قالالاردىڭ حالىقارالىق كەزەكشى پويەزدارىنىڭ قاتىناۋ پەريودىن جيىلەتىپ، حالىقارالىق زات اينالىمى سەلبەستىگى مەن ساۋدانىڭ دامۋىن جەبەپ، حالىقارالىق كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىنا جانە جوعارى دەڭگەيدە سىرتقا ەسىك اشۋعا مۇنان دا ويداعىداي قىزمەت وتەيدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
