لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
جۇمىس ورنىن ورنىقتىرۋ، جۇمىستاندىرۋدى جەبەۋ ساياساتىنىڭ تەبىنىن ارتتىرىپ، جۇمىستانۋدىڭ ورنىقتىلىعى مەن ەكونوميكانىڭ ورنىقتى اينالىمىن ساقتاۋدى ۇيعاردى؛ قاتىناس، زات اينالىمىنىڭ ىركىلىسسىزدىگىنە كەپىلدىك ەتۋ جونىندەگى قىزمەت مالىمەتىن تىڭداپ، بوگەلۋ تۇيىندەرىن ىشكەرىلەي اشىپ، اينالىمدى ىركىلىسسىزدەندىرۋدى تالاپ ەتتى
2022.04.28 16:43 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 27 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 4 - ايدىڭ 27 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، جۇمىس ورنىن ورنىقتىرۋ، جۇمىستاندىرۋدى جەبەۋ ساياساتىنىڭ تەبىنىن ارتتىرىپ، جۇمىستانۋدىڭ ورنىقتىلىعى مەن ەكونوميكانىڭ ورنىقتى اينالىمىن ساقتاۋدى ۇيعاردى؛ قاتىناس، زات اينالىمىنىڭ ىركىلىسسىزدىگىنە كەپىلدىك ەتۋ جونىندەگى قىزمەت مالىمەتىن تىڭداپ، بوگەلۋ تۇيىندەرىن ىشكەرىلەي اشىپ، اينالىمدى ىركىلىسسىزدەندىرۋدى تالاپ ەتتى.
ءماجىلىس بىلاي دەپ اتاپ كورسەتتى: جۇمىستاندىرۋدى ورنىقتىرۋ − ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋداعى شەشۋشى تىرەك، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، اناعۇرلىم پارمەندى شارالار قولدانىپ، جۇمىستاندىرۋدى ورنىقتىرۋ كەرەك. ءبىرىنشى، كاسىپورىنداردىڭ ىندەتتەن ساقتانۋ - تىزگىندەۋ شارت - جاعدايىندا جۇمىستى، ءوندىرىستى قالپىنا كەلتىرۋىن ىلگەرىلەتۋ، اسىرەسە، كاسىپ تىزبەگىندەگى، قامداۋ تىزبەگىندەگى ءتۇيىندى كاسىپورىندار، قاتىناس، زات اينالىمى كاسىپورىندارى، شەشۋشى نەگىزدىك قۇرىلعىلار سياقتىلاردىڭ قالىپتى اينالىمىن قامتاماسىزداندىرىپ، قيىنشىلىعى اۋىرلارىنا تۇيىندەر ارا كومەكتەسۋ، سۇيەمەلدەۋ كەرەك. ەكىنشى، بازار تۇلعالارىنىڭ جۇمىس ورنىن ورنىقتىرۋىن قولداۋ كەرەك. زەينەتكەرلىك، جۇمىسسىزدىق، جۇمىس ۇستىندە جارالانۋدى قامسىزداندىرۋ قاراجاتىن كەزەڭدىك كەشىكتىرىپ تاپسىرۋ ساياساتىن ىندەتتىڭ ىقپالىنا ۇشىراعان بارلىق قيىنشىلىعى بار ورتا، شاعىن، ۇساق كاسىپورىندارعا، جەكەشە ونەركاسىپشىلەر مەن ساۋداگەرلەرگە دەيىن كەڭەيتىپ، جۇمىسسىزدىقتى قامسىزداندىرۋ قاراجاتىنىڭ جۇمىس ورنىن ورنىقتىرۋداعى قايتارىلاتىن سالىستىرماسىن ەڭ جوعارى بولعاندا %90 كە جەتكىزۋ كەرەك. جەرگىلىكتى ورىنداردىڭ ەرەكشە قيىنشىلىعى بار كاسىپ سالالارىنىڭ ەلەكتردەن پايدالانۋىنا كەزەڭدىك تيىمدىلىك جاساۋىن قولداپ، ورتا، شاعىن، ۇساق كاسىپورىنداردىڭ كەڭ ايالى توراپ جانە ارناۋلى جەلى قاراجاتىنا ۇزدىكسىز تيىمدىلىك جاساپ، جەلىدە جۇمىسقا ورنالاسۋ، يگىلىك جاراتۋ سياقتىلارداعى وزىندىك قۇندى تومەندەتۋ كەرەك. كاسىپورىنداردىڭ جۇمىسشى - قىزمەتكەرلەرمەن كەڭەسۋ ارقىلى يكەمدى قىزمەت ءتۇزىمىن ورنىقتىرۋىنا بولادى. تۇعىر ەكونوميكاسىنىڭ اقاۋسىز دامۋىن جەبەپ، اناعۇرلىم كوپ جۇمىستانۋعا جەتەكشىلىك ەتۋ كەرەك. ءۇشىنشى، جۇمىس ورنىن كەڭەيتۋ كەرەك. مەكتەپ بىتىرگەن وقۋشىلاردىڭ دەربەس جاڭالىق جاراتۋىن قولداپ، كوپ بولىپ يگىلىك جاراتۋعا، جالپى قاۋىم جاڭالىق جاراتۋعا قاتىستى ساياساتتاردى تياناقتاندىرۋ كەرەك. جوعارى مەكتەپ بىتىرگەن ءبىر ميلليون وقۋشىنىڭ جۇمىستانۋ پراكتيكاسىن ىلگەرىلەتىپ، پراكتيكانتتاردى قابىلداعان ورىندارعا قوسىمشا قاراجات بەرۋ كەرەك. ەگىنجاي سۋ يگىلىگى، اۋىل – قىستاق تاس جولى سياقتى ءبىر توپ ينجەنەريادا جۇمىس باستاپ، جۇمىستاندىرۋ ارقىلى كومەكتەسۋدى جالپىلاستىرىپ، شارۋا جۇمىسكەرلەردىڭ جۇمىستانۋىنا كومەك كورسەتۋ كەرەك. ءتورتىنشى، جۇمىستانۋعا قىزمەت وتەۋ مەن ەڭ تومەنگى شەكتەن تۇسىرمەي قامتاماسىزداندىرۋدى ويداعىداي ىستەۋ كەرەك. جوعارى مەكتەپ بىتىرگەن وقۋشىلاردىڭ جۇمىستانۋعا توراپتا قول قويۋ جۇيەسىن اقاۋسىزداندىرىپ، دەنساۋلىق تەكسەرۋ ناتيجەسىن ءوزارا مويىنداۋدى ىلگەرىلەتۋ كەرەك. مەكتەپتەن قول ءۇزۋى كەشەۋىلدەگەن ستۋدەنتتەرگە قاراتا تىزىمدەلىپ جۇمىسقا كىرىسۋ، ارحيۆتى جەتكىزۋ، ناپوسقا قوندىرۋدى ءبىتىرۋ ۋاقىت شەگىن ۇزارتۋ كەرەك. مەكتەپ بىتىرگەن وقۋشىلاردىڭ دارىندىلارعا قىزمەت وتەۋ قۇرىلىمدارىنا بارىپ تىزىمدەلۋ رەسمياتىن كۇشىنەن قالدىرۋ كەرەك، وقۋ ماعلۇماتى كۋالىگى، ەڭبەك توقتامى سياقتىلاردى الىپ بارىپ تىكەلەي نوپوسقا قوندىرۋعا بولادى. وقۋعا كومەك قارىزىنىڭ قارىز قايتارۋ ۋاقىتىن ۇزارتۋ، ءوسىمىن ازايتۋ، كەشىرىم ەتۋ قاتارلى شارالاردى زەرتتەۋ كەرەك. جۇمىسسىزدىتى قامسىزداندىرۋعا قاتىناسقانىنا ءبىر جىلعا جەتپەيتىن جۇمىسسىز قالعان شارۋا جۇمىسكەرلەرگە ۋاقىتتىق تۇرمىستىق كومەك قاراجات بەرۋ كەرەك؛ ىندەتتىڭ ىقپالىنان ۋاقىتشا جۇمىسسىز قالعان، جۇمىسسىزدىقتى قامسىزداندىرۋعا قاتىناسپاعان قيىنشىلىعى بارلارعا ۋاقىتتىق كومەك بەرۋ كەرەك. بەسىنشى، جەر - جەردىڭ جۇمىستاندىرۋدى ورنىقتىرۋ جاۋاپكەرلىگىن ناقتىلاندىرىپ، ۇكىمەتتىڭ قىزمەت ناتيجەسىن باعالاۋدىڭ مازمۇنى ەتىپ، جاسامپازدىقپەن تياناقتاندىرىپ، تۇتاس جىلدىق جۇمىستاندىرۋ نىساناسىنىڭ ورىندالۋىنا شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: قاتىناس، زات اينالىمى − بازار شارۋاشىلىعىنىڭ ارقاۋى، سونداي – اق حالىق تۇرمىسىن قامتاماسىزداندىرۋدىڭ ماڭىزدى تىرەگى. تاياۋ مەزگىلدەگى ءىشىنارا وڭىرلەردە زات اينالىمىنىڭ كەدەرگىگە ۇشىراۋىنا قاراتا، مەملەكەتتىك كەڭەس قىزمەت مەحانيزمىن ورناتتى. ىندەتتەن ساقتانۋ - تىزگىندەۋ مەن زات اينالىمىنىڭ ىركىلىسسىزدىگىن قامتاماسىزداندىرۋدى ءبىر تۇتاس جوسپارلاپ، تاراۋلاردىڭ سايكەسۋى مەن ءوڭىر اتتاپ بىرلەسىپ ارەكەتتەنۋىن كۇشەيتىپ، حالىقارالىق، ەل ءىشى زات اينالىمىن ىركىلىسسىزدەندىرۋ كەرەك. ءبىرىنشى، قاتىناس نەگىزگى توراپتارىنىڭ جوعارى ءونىمدى اينالىمىن قامتاماسىزداندىرۋ كەرەك. اقى الۋ پۋنكتتەرىن، قىزمەت وتەۋ رايوندارىن مۇمكىندىكتىڭ بارىنشا اشىق ۇستاۋعا قۋزاپ، اۋەجايلار مەن پورتتاردىڭ شوعىرلى تاسىمالىن ىركىلىسسىزدەندىرۋ كەرەك، تۇعىرلاردىڭ، جەدەل جەتكىزۋ سياقتى كاسىپورىنداردىڭ اينالىس قۋاتىن ارتتىرۋىن قولداۋ كەرەك. ەكىنشى، زات اينالىمىنىڭ ميكرو اينالىمىن اشۋ كەرەك. ىندەت سەبەبىنەن جابىلعان جەدەل جەتكىزۋ سياقتى توراپ تۇيىندەرىن قالپىنا كەلتىرۋ، جەدەل جەتكىزۋشىلەردى جۇمىس ورنىنا قايتارۋ كەرەك. اۋىل شارۋاشىلىق ءوندىرىس قۇرال - جابدىقتارى مەن اۋىل شارۋاشىلىق ونىمدەرى تاسىمالىن قامتاماسىزداندىرۋ كەرەك. ءۇشىنشى، ءتۇيىندى وڭىرلەردىڭ، كاسىپ سالالارىنىڭ جانە كاسىپورىنداردىڭ زات اينالىمىن قامتاماسىزداندىرۋدى كۇشەيتۋ كەرەك. شۇعىل جاعدايعا توتەپ بەرۋ زاتتىق ماتەريالدارىنان تولىق، ويداعىداي پايدالانىپ، جاناسپايتىن ءتۇيىلىستىرۋدى جولعا قويىپ، حالىق تۇرمىسىنا قاتىستى زاتتار، كاسىپ تىزبەگى مەن قامداۋ تىزبەگىندەگى ءتۇيىندى كاسىپورىنداردىڭ زاتتارى، يمپورت - ەكسپورت ونىمدەرى سياقتىلاردىڭ تاسىمالدانۋىنا كەپىلدىك ەتۋ كەرەك. ءتورتىنشى، جۇك تاسىمال تيجاراتشىلارىنا كومەكتەسۋدى، سۇيەمەلدەۋدى كۇشەيتۋ كەرەك. 5 - ايدىڭ 1 - كۇنىنەن جىل سوڭىنا دەيىن شارتقا ۇيلەسەتىن جەدەل جەتكىزۋ كاسىبى كىرىسىنىڭ ارتقان قۇن سالىعىن كەشىرىم ەتۋ كەرەك. 100 ميلليارد يۋان قايتالاي قارىز اقشا بەرىپ، زات اينالىمى، قامبادا ساقتاۋ سياقتى كاسىپورىنداردىڭ قارجى قۇراۋىنا قولداۋ كورسەتۋ كەرەك. اۆتوكولىك قارىز اقشاسىن كەشىكتىرىپ قايتارۋدى ۇيلەسىمدى سۇيەمەلدەۋ كەرەك. بەسىنشى، اۆتوكولىكتەردىڭ قاتىناۋ كۋالىگىن تەز بىتىرۋگە، بۇكىل ەل بويىنشا ءوزارا مويىنداۋعا كەپىلدىك ەتۋ كەرەك. جۇك اۆتوموبيلى شوفەرلەرىنىڭ تاسىمالداۋى بارىسىندا نۋكلەين قىشقىلى مەن انتيگەندى اقىسىز تەكسەرۋدى جالپىلاستىرۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
