حالىق گازەتى مەن جۇڭگو حالىقارالىق راديو ستانسياسى بىرلەسىپ 2013 – جىلعى حالىقارالىق 10 ءىرى حاباردى سارالاپ شىقتى(5)

2013.12.31 15:18  

　　سۋرەت 6: ەۆروپا وداعىنىڭ ديپلوماتيا جانە حاۋىپسىزدىك ساياساتى بويىنشا جوعارى دارەجەلى ۋاكىلى اشتون (سولدا) 24 - قاراشادا يراننىڭ سىرتقى ىستەر مينيسترى زاريپپەن بىرگە يراننىڭ يادرو ماسەلەسى جونىندەگى جەنەۆا پىكىرلەسۋىنە قاتىناستى.

　　سۋرەت 7: ۇستەگى جىلدىڭ تامىزىنا دەيىن سيريا قاقتىعىسىنان سيريالىق ءبىر ميلليون بالا سوعىس جاۋگەرشىلىگىنەن قۇتىلۋ ءۇشىن اتا - مەكەندەرىنەن قاشىپ شىقتى. سۋرەتتە سيريالىق بوسقىن بالالار.

　　5. سيريا داعدارىسى مەن يران يادرو ماسەلەسىندە بۇرىلىس بولدى

　　ا ق ش - تىڭ ورتا شىعىس ستراتەگياسى رەتتەلۋ كەزەڭىنە ءوتتى

　　14 – قىركۇيەكتە ا ق ش پەن رەسەي سيريا حيميالىق قارۋلار ماسەلەسىندە جۇلگەلىك كەلىسىم جاساستى، ا ق ش 21 - تامىزدا داماسكى قالاسىنىڭ ماڭىندا حيميالىق قارۋمەن شابۋىلداۋ وقيعاسى تۋىلعاننان كەيىن كورسەتكەن قارۋ قولدانۋ ۇرەيى ۋاقتتىق باسىلدى. يراننىڭ يادرو ماسەلەسى تۋرالى كەلىسسوز وتكىزەتىن 6 ەل 24 – قاراشا تاڭ سارىدە جەنەۆادا يرانمەن كەزەڭدىك كەلىسىم جاساستى. كەلىسىمدە يراننىڭ يادرو ماسەلەسىن ديپلوماتيالىق جولمەن شەشۋگە جول سالىندى، بۇل 1979 – جىلعى يران ءىسلام توڭكەرىسىنەن بەرى جىبىمەي كەلگەن ا ق ش پەن يران قاتىناسىنىڭ شەشىلە باستاعاندىعىن بىلدىرەدى. سيريا داعدارىسى مەن يراننىڭ يادرو ماسەلەسىندە ا ق ش - تىڭ تۇرعىسىندا جۇمسارۋ بەلگىسى كورىندى، ونىڭ ىشىندە ورتا شىعىس ستراتەگياسى تىڭ رەتتەلۋ كەزەڭىنە ءوتتى.