جۇڭحۋا ۇلتىنىڭ ۇلى گۇلدەنۋىنىڭ داڭقىنان بىرگە يگىلىكتەنەيىك
ءتوراعا شي جينپيڭنىڭ شياڭگاڭنىڭ وتان قۇشاعىنا ورالعانىنىڭ 25 جىلدىعىن قۇتتىقتاۋ جينالىسىندا جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2022.07.04 16:59 كەلۋ قاينارى : حالىق تورابى
« ءبىز ۇلى وتاننىڭ تاباندى قولداۋى باردا، ‹ءبىر ەل، ەكى ءتۇزىم› باعىتىنىڭ بەرىك قامتاماسىزدىعى باردا، ەلىمىزدىڭ ەكىنشى 100 جىلدىق كۇرەس نىساناسىن جۇزەگە اسىرۋىنىڭ جاڭا جورىعىندا شياڭگاڭنىڭ، ءسوز جوق، ءتىپتى دە زور شۇعىلا جاراتاتىنىنا، ءسوز جوق، وتان حالقىمەن بىرگە جۇڭحۋا ۇلتىنىڭ ۇلى گۇلدەنۋىنىڭ داڭقىنان بىرگە يگىلىكتەنەتىنىنە كامىل سەنەمىز!»
شياڭگاڭنىڭ وتان قۇشاعىنا ورالعانىنىڭ 25 جىلدىعىن قۇتتىقتاۋ جينالىسىندا جانە شياڭگاڭ ەرەكشە اكىمشىلىك رايونى 6 - كەزەكتى ۇكىمەتىنىڭ مىندەتكە وتىرۋ سالتىندا ءتوراعا شي جينپيڭ شياڭگاڭنىڭ بولاشاعىنا نازار اۋدارىپ، مىناداي 4 ءتۇرلى ءۇمىتتى ورتاعا قويدى: باسقارۋ ورەسىن كۇش سالا جوعارىلاتۋ؛ دامۋ قوزعاۋشى قۋاتىن ۇزدىكسىز نىعايتۋ؛ حالىق تۇرمىسىنداعى ۋايىمدى، قيىنشىلىقتى شىنايى ارىلتۋ؛ ءتورتىنشى، جاراسىمدىلىقتى، ورنىقتىلىقتى تىزە قوسا قورعاۋ. ءتوراعا شي جينپيڭنىڭ ماڭىزدى ءسوزى شياڭگاڭ ەرەكشە اكىمشىلىك رايونى جاڭا كەزەكتى ۇكىمەتىنىڭ 7 ميلليوننان استام شياڭگاڭ تۇرعىنىن ىنتىماقتاستىرىپ جانە باستاپ، ءبىر نيەت، ءبىر تىلەكتە بولىپ، قول ۇستاسا العا باسىپ، شياڭگاڭنىڭ اناعۇرلىم كوركەم بولاشاعىن بىرگە جاراتىپ، «ءبىر ەل، ەكى ءتۇزىم» امالياتىنىڭ شىت جاڭا داستانىن بىرگە جازۋى ءۇشىن، قۇلشىنۋ بەتالىسىن ايقىن كورسەتىپ، ارەكەت جەتەكشىلىگىمەن قامدادى.
قازىر شياڭگاڭ بىلىقپالىقتان جونگە سالۋعا، جونگە سالۋدان گۇلدەنۋگە بەت الۋدىڭ جاڭا كەزەڭىندە تۇر، الداعى 5 جىل −شياڭگاڭنىڭ جاڭا جاعداي اشىپ، تىڭ سەكىرۋدى جۇزەگە اسىرۋىنداعى شەشۋشى مەزگىل. ءتوراعا شي جينپيڭ العا قويعان 4 ءتۇرلى ءۇمىت شياڭگاڭنىڭ بولاشاعىنا دەگەن تەرەڭ تولعانىستى قامتىپ، شياڭگاڭدىق باۋىرلاستارعا دەگەن شىنايى قامقورلىعىن ايگىلەدى. جونگە سالۋ جۇيەسىن كەمەلدەندىرۋدىڭ، جونگە سالۋ قابىلەتىن جوعارىلاتۋدىڭ، جونگە سالۋ ونىمدىلىگىن كۇشەيتۋدىڭ شياڭگاڭ ەرەكشە اكىمشىلىك رايونىن ويداعىداي قۇرۋدىڭ، دامىتۋدىڭ كوكەي تەستى قاجەتى ەكەنىن جەتە تانۋ كەرەك. جونگە سالۋ ورەسىن كۇش سالا جوعارىلاتىپ، شياڭگاڭنىڭ جاڭا جاعداي اشۋىنا، جاڭا سەكىرۋدى جۇزەگە اسىرۋىنا مۇمكىندىك جاساعاندا عانا، ورتالىق ۇكىمەت پەن شياڭگاڭ قوعامىنداعى ءار سالا قايراتكەرلەرىنىڭ زور ءۇمىتىن اقتاۋعا بولادى. دامۋ − ماڭگىلىك تاقىرىپ، شياڭگاڭنىڭ تابان تىرەر تياناعى ءارى شياڭگاڭنىڭ ءتۇرلى ماسەلەلەرىن شەشۋدىڭ التىن كىلتى. تەك دامۋدىڭ قوزعاۋشى كۇشىن ۇزدىكسىز كۇشەيتىپ، مەملەكەتتىڭ دامۋ جالپى جاعدايىندا ورنىن ءدال تاپقاندا عانا، شياڭگاڭ جاڭا ابزالدىقتى جەتىلدىرىپ، تىڭ ىسكەرلىك كورسەتىپ، جاڭا دامۋدى جۇزەگە اسىرا الادى. قازىر شياڭگاڭداعى ەڭ ۇلكەن حالىق تىلەگى − تۇرمىستىڭ ءتىپتى دە جاقسى بولۋىن، ءۇيدىڭ ءتىپتى دە كەڭ بولۋىن، يگىلىك جاراتۋ ورايىنىڭ ءتىپتى دە كوپ بولۋىن، بالانىڭ ءتالىم – تاربيە الۋىنىڭ ءتىپتى دە جاقسى بولۋىن، جاس ۇلعايعاندا ءتىپتى دە جاقسى كۇتىمگە يە بولۋدى ءۇمىت ەتۋ. حالىق تۇرمىسىنداعى قيىنشىلىقتاردى شىنايى شەشىپ، قالا تۇرعىندارى نازار اۋدارىپ وتىرعان ەكونوميكا، حالىق تۇرمىسى جاقتارىنداعى كورنەكتى ماسەلەلەردى كۇش سالا شەشكەندە عانا، بۇقارانىڭ تابىس سەزىمى مەن باقىت سەزىمىن شىنايى جوعارىلاتۋعا بولادى. بوران - شاشىندى باستان كەشىرگەننەن كەيىن، كوپشىلىك شياڭگاڭ بىلىقسا بولمايتىنىن، بىلىعىپ تا كەتپەيتىنىن شىنايى ءتۇسىندى، شياڭگاڭنىڭ دامۋىن ەندىگارى كەشەۋىلدەتۋگە بولمايتىنىن، بارلىق كەدەرگىلەردى الاستاپ، زەيىن - زەردەنى شوعىرلاندىرا وتىرىپ دامۋعا ۇمتىلۋ كەرەكتىگىن تەرەڭ سەزىندى. جاراسىمدىلىق پەن ورنىقتىلىقتى بىرگە قورعاپ، ىنتىماقتاسىپ، ءبىر جاعادان باس، ءبىر جەڭنەن قول شىعارعاندا عانا، شياڭگاڭ سىندى ورتاق مەكەندى ويداعىداي گۇلدەندىرۋگە بولادى.
بۇگىنگى شياڭگاڭ بۇرىنعى ءارقانداي كەزدەگىدەن دە بەرىك نەگىزگە يە بولدى، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن اناعۇرلىم ويداعىداي قورعاپ، ۇزاق ۋاقىت گۇلدەنىپ - كوركەيۋ مەن ورنىقتىلىقتى ساقتاي الادى. ءتوراعا شي جينپيڭ بىلاي دەپ اتاپ كورسەتتى: «اكىم مەن ەرەكشە اكىمشىلىك رايون ۇكىمەتى − شياڭگاڭنىڭ قوجاسى، سونداي - اق شياڭگاڭدى جونگە سالۋداعى ءبىرىنشى جاۋاپتى ادام. سەرتتى ادالدىقپەن اتقارىپ، ‹ءبىر ەل، ەكى ءتۇزىم› باعىتىن ءىس جۇزىندىك ارەكەتپەن دايەكتىلەندىرىپ، ءتۇبىرلى زاڭنىڭ بەدەلىن قورعاپ، شياڭگاڭ ەرەكشە اكىمشىلىك رايونىنا شىن پەيىلمەن ۇلەس قوسۋ كەرەك». وتاندى، شياڭگاڭدى ءسۇيۋ تۇرعىسى بەرىك، باسقارۋ، جونگە سالۋ قابىلەتى كورنەكتى، بۇقاراعا قىزۋ ىنتامەن قىزمەت وتەيتىن تاڭداۋلى دارىندىلاردى ۇكىمەتكە كەڭىنەن قابىلداپ، جالپى جاعداي مەن ۇزاق بولاشاقتىق قاجەتتى شىعار ءتۇيىن ەتىپ شياڭگاڭنىڭ دامۋىن بەلسەنە جوسپارلاپ، تىندىرىمدى ۇكىمەتتى جوعارى ءونىمدى بازارمەن اناعۇرلىم ويداعىداي ۇشتاستىرىپ، تاماشا ۇكىمەتتىڭ شەبەرلىكپەن جونگە سالۋىنىڭ جاڭا بەينەسىن ايگىلەۋ كەرەك. ورتالىق شياڭگاڭنىڭ مەملەكەتتىڭ دامۋى الا كەلگەن تاريحي ورايدى مىقتى يگەرۋىن بار كۇشپەن قولدايدى، شياڭگاڭنىڭ دۇنيە ءجۇزىنىڭ جەر - جەرىمەن اناعۇرلىم كەڭ كولەمدى، اناعۇرلىم تىعىز اۋىس - كۇيىس سەلبەستىگىن ورىستەتۋىن، شياڭگاڭنىڭ رەفورمانى بەلسەنە، ورنىقتى ىلگەرىلەتۋىن، شياڭگاڭ قوعامىندا ساقتالعان وراسان زور جاسامپازدىق قۋات پەن دامۋ ومىرشەڭدىگىن تولىق ساۋلەلەندىرۋىن بار كۇشپەن قولدايدى. جاڭا كەزەكتى ەرەكشە اكىمشىلىك رايون ۇكىمەتى تۇتاس قوعامنىڭ، اسىرەسە، جاي قالا تۇرعىندارىنىڭ تىلەگىن بيلىك جۇرگىزۋدەگى ەڭ ۇلكەن تالپىنىس ەتىپ، اناعۇرلىم باتىل، اناعۇرلىم ءونىمدى شارالار قولدانىپ، قيىنشىلىقتاردى جەڭىپ، جالپى قالا تۇرعىندارىن دامۋ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەندىرسە، «ناقتى ءىس تىندىرۋعا، حالىقتىڭ ءۇمىتىن اقتاۋعا»، ءسوز جوق، كەپىلدىك ەتە الادى. شياڭگاڭ − جالپى تۇرعىنداردىڭ ورتاق مەكەنى، مەكەن بەرەكەلى بولسا، بارلىق ءىس كوركەيەدى. بارلىق شياڭگاڭدىق باۋىرلاس وتاندى، شياڭگاڭدى ءسۇيۋدى وزەك ەتكەن، «ءبىر ەل، ەكى ءتۇزىم» باعىتىنا سايكەسەتىن نەگىزگى اعىمدىق قۇن كوزقاراسىن بارىنشا ساۋلەلەندىرىپ، سيىسىمدى بولۋ، ءبىر جاعادان باس، ءبىر جەڭنەن قول شىعارۋ، پارىقتاردى ساقتاپ، ورتاقتىققا ۇمتىلۋ، تالىقپاي تالپىنۋ، شەبەرلىكپەن كۇرەس جۇرگىزىپ، باتىلدىقپەن جەڭىسكە جەتۋ سىندى تاڭداۋلى ءداستۇردى ۇزدىكسىز ساۋلەلەندىرسە، اناعۇرلىم تاماشا تۇرمىستى، ءسوز جوق، بىرگە جاراتا الادى.
جاستار ىستەرى كوركەيسە، شياڭگاڭ گۇلدەنەدى؛ جاستار ىستەرى دامىسا، شياڭگاڭ داميدى؛ جاستاردا بولاشاق بولسا، شياڭگاڭنىڭ بولاشاعى بولادى. جاستارعا وتە - موتە كوڭىل ءبولۋ، قامقورلىق جاساۋ كەرەك. جاستار مەن ورەندەردى مەملەكەت پەن دۇنيە ءجۇزى دامۋىنىڭ اۋقىمىن تەرەڭدەي تانىپ، ۇلتتىق ماقتانىش سەزىمى مەن قوجايىندىق تانىمىن كۇشەيتۋگە جەتەكتەۋ كەرەك. قالىڭ جاستاردىڭ ءبىلىم الۋدا، جۇمىستانۋدا، يگىلىك جاراتۋدا، مال - مۇلىك ساتىپ الۋدا ءدوپ كەلگەن ءىس جۇزىندىك قيىنشىلىقتارىن شەشۋىنە كومەكتەسىپ، ولاردىڭ ەسەيۋىنە، دارىندى بولۋىنا ءتىپتى دە كوپ وراي جاراتۋ كەرەك. اماليات بىزگە مىنانى ۇعىندىردى: جاستارعا جول جاساپ، كوپىر سالىپ، اناعۇرلىم زور دامۋ كەڭىستىگىن ازىرلەگەندە، ءسوز جوق، قالىڭ شياڭگاڭ جاستارىن كورىكتى شياڭگاڭ قۇرۋ قاتارىنا ات سالىسىپ، جالىندى جاستىق كوكتەمىمەن تاماشا ءومىر جولىن جازۋعا باستاۋعا بولادى.
بۇگىنگى تاڭدا جۇڭحۋا ۇلتىنىڭ ۇلى گۇلدەنۋى كەرى بۇرۋعا بولمايتىن تاريحي ۇردىسكە قادام تاستادى، «ءبىر ەل، ەكى ءتۇزىمنىڭ» شياڭگاڭداعى تابىستى امالياتىن ىلگەرىلەتۋ − وسى تاريحي بارىستىڭ ماڭىزدى قۇرامداس بولىگى. وتكەندى ەسكە الساق، جۇڭگو حالقى مەن جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، شياڭگاڭدىق باۋىرلاستار وسى بارىستاردا بۇرىن – سوڭدى قاتاردان قالىپ كورگەن ەمەس. جاڭا تاريحي باستامادا «ءبىر ەل، ەكى تۇزىمدە» بۇلجىماي تاباندى بولساق بولعانى، شياڭگاڭنىڭ بولاشاعى، ءسوز جوق، اناعۇرلىم كوركەم بولادى، شياڭگاڭ، ءسوز جوق، جۇڭحۋا ۇلتىنىڭ ۇلى گۇلدەنۋىنە تىڭ دا اناعۇرلىم زور ۇلەس قوسا الادى!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
