پارتيانىڭ 20 - قۇرىلتايى دايىندىق جيىنىن جانە ءتوراعالار القاسىنىڭ 1 - جيىنىن وتكىزدى
2022.10.16 15:29 كەلۋ قاينارى : حالىق تورابى
 |
جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ ءتوراعالار القاسى 10 - ايدىڭ 15 - كۇنى بەيجيڭدەگى حالىق سارايىندا 1 - جيىنىن وتكىزدى. شي جينپيڭ جولداس ماجىلىسكە قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
پارتيانىڭ 20 - قۇرىلتايى دايىندىق جيىنىن جانە ءتوراعالار القاسىنىڭ 1 - جيىنىن وتكىزدى
شي جينپيڭ جولداس دايىندىق جيىنىن باسقاردى، ۋاكىلدەردىڭ تولىمدىلىعىن تەكسەرۋ كوميسسياسىنىڭ ەسىمدىگى، ءماجىلىس ءتوراعالار القاسىنىڭ ەسىمدىگى جانە ءماجىلىستىڭ كەڭەستىك ءتارتىبى سياقتىلاردى ماقۇلدادى
شي جينپيڭ جولداس ءتوراعالار القاسىنىڭ جيىنىنا قاتىناستى ءارى ماڭىزدى ءسوز سويلەدى، ءتوراعالار القاسى تۇراقتى كوميتەتىنىڭ ەسىمدىگى، ۋاكىلدەردىڭ تولىمدىلىعىن تەكسەرۋ بايانداماسى جانە ءماجىلىستىڭ كۇن ءتارتىبى سياقتىلاردى ماقۇلدادى
شينحۋا اگەنتتىگى، 10 - ايدىڭ 15 - كۇنى، بەيجيڭ. جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى 10 - ايدىڭ 15 - كۇنى تۇستەن كەيىن حالىق سارايىندا دايىندىق جيىنىن وتكىزدى. شي جينپيڭ جولداس ءماجىلىستى باسقاردى.
پارتيانىڭ 20 - قۇرىلتايىنا قاتىناسۋعا ءتيىستى ۋاكىلدەر مەن ۇسىنىس ەتىلگەن ۋاكىلدەر 2 مىڭ 379 ادام.
دايىندىق جيىنىنا قاتىناسقان ۋاكىل، ۇسىنىس ەتىلگەن ۋاكىل 2 مىڭ 310 ادام.
ءماجىلىس قول كوتەرىپ داۋىس بەرۋ تاسىلىمەن 22 ادامنان قۇرالعان ۋاكىلدەردىڭ تولىمدىلىعىن تەكسەرۋ كوميسسياسىنىڭ ەسىمدىگىن ماقۇلدادى، 243 ادامنان قۇرالعان ءماجىلىس ءتوراعالار القاسىنىڭ ەسىمدىگىن ماقۇلدادى، ۋاڭ حۋنيڭدى ءماجىلىستىڭ باس حاتشىسى ەتىپ ماقۇلدادى. ءماجىلىس تاعى ءماجىلىس حاتشىلار باسقارماسىنىڭ قۇرىلىمدىق ورنالاستىرۋىن جانە قىزمەت مىندەتىن ماقۇلدادى.
ءماجىلىس تاعى 20 - قۇرىلتايدىڭ كەڭەستىك ءتارتىبىن ماقۇلدادى. قۇرىلتايدىڭ كەڭەستىك ءتارتىبى: 19 - كەزەكتى ورتالىق كوميتەتتىڭ بايانداماسىن تىڭداۋ جانە قاراۋ؛ 19 - كەزەكتى ورتالىق ءتارتىپ تەكسەرۋ كوميتەتىنىڭ قىزمەت بايانداماسىن قاراۋ؛ «جۇڭگو كوممۋنيستىك پارتياسىنىڭ ۋستاۆىن (تۇزەتىلگەن جوباسى)» قاراپ قابىلداۋ؛ 20 - كەزەكتى ورتالىق كوميتەتتى سايلاۋ؛ 20 - كەزەكتى ورتالىق ءتارتىپ تەكسەرۋ كوميتەتىن سايلاۋ.شينحۋا اگەنتتىگى، 10 - ايدىڭ 15 - كۇنى، بەيجيڭ. جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ ءتوراعالار القاسى 10 - ايدىڭ 15 - كۇنى تۇستەن كەيىن حالىق سارايىندا 1 - جيىنىن وتكىزدى.
شي جينپيڭ جولداس ماجىلىسكە قاتىناستى ءارى ماڭىزدى ءسوز سويلەدى.
ءماجىلىس الدىمەن ءماجىلىستىڭ باس حاتشىسى ۋاڭ حۋنيڭنىڭ باسقارۋىندا قول كوتەرىپ داۋىس بەرۋ تاسىلىمەن شي جينپيڭ جولداس قاتارلى 46 ادامنان قۇرالعان ءتوراعالار القاسى تۇراقتى كوميتەتىندەگىلەردىڭ ەسىمدىگىن ماقۇلدادى.
وسىدان كەيىن ءماجىلىس شي جينپيڭ جولداستىڭ باسقارۋىندا ءتۇرلى كەڭەستىك تارتىپتەردى جۇرگىزدى. ءماجىلىس قول كوتەرىپ داۋىسقا سالۋ تاسىلىمەن ديڭ شۋەشياڭ، چىن شي، گو شىڭكۇن، حۋاڭ كۇنميڭدەردى ءماجىلىس باس حاتشىسىنىڭ ورىنباسارلارى ەتىپ ماقۇلدادى.
ءماجىلىس جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ ۋاكىلدەردىڭ تولىمدىلىعىن تەكسەرۋ كوميسسياسىنىڭ ۋاكىلدەردىڭ تولىمدىلىعىن تەكسەرۋ جونىندەگى بايانداماسىن ماقۇلدادى.
باياندامادا بىلاي دەلىندى: بۇكىل ەلدەگى سايلاۋ ورىندارى سايلاپ شىققان جانە ورتالىق كوميتەتتىڭ بەكىتۋىمەن جاريالانعان ۋاكىل 2 مىڭ 296 ادام. تەكسەرۋ ارقىلى 2 مىڭ 296 ادامنىڭ ۋاكىلدىك تولىمدىلىعى كۇشكە يە ەكەنى تۇراقتاندىرىلدى. قۇرىلتايعا قاتىناسۋعا ءتيىستى ۋاكىل 2 مىڭ 296 ادام بولدى.
باياندامادا بىلاي دەلىندى: شي جينپيڭ جولداستى ۇيىتقى ەتكەن پارتيا ورتالىق كوميتەتى 20 - قۇرىلتايدىڭ ۋاكىلدەرىن سايلاۋ قىزمەتىنە ايرىقشا ءمان بەردى. بىلتىر 11 - ايدان باستاپ، باس شۋجي شي جينپيڭ مەن پارتيا ورتالىق كوميتەتىنىڭ پارمەندى باسشىلىعىندا، سايلاۋ ورىندارى پارتيا ۋستاۆىن ءتۇبىرلى بويسۇنۋ تياناعى ەتۋدە تاباندى بولىپ، پارتيانىڭ سيپاتىندا، نەگىزگى ماقساتىندا تاباندى بولىپ، پارتيانىڭ باسشىلىعىن كۇشەيتۋدى ۋاكىلدەردى سايلاۋ قىزمەتىنىڭ تۇتاس بارىسىنا ءسىڭىرىپ، پارتيا ىشىندەگى دەموكراتيانى تولىق ساۋلەلەندىرىپ، تولىمدىلىق شارت - جاعدايىن قاتايتىپ، سايلاۋ ءتارتىبىن قاتايتىپ، سايلاۋ ءتارتىبىن قاتايتىپ، ۋاكىلدەردى سايلاۋدىڭ ءتۇرلى قىزمەتتەرىن تىڭعىلىقتى ىستەدى.
باياندامادا بىلاي دەلىندى: ۋاكىلدەردى سايلاۋ بارىسىندا سايلاۋ ورىندارى تومەننەن جوعارىعا، جوعارىدان تومەنگە قاراي كورسەتۋدى ۇشتاستىرۋ، قايتا - قايتا اقىلداسۋ، دارەجە بويىنشا سارالاۋ ادىسىندە تاباندى بولىپ، نەگىزگى ساتى پارتيا ۇيىمدارىنىڭ، پارتيا قۇرىلتايىنىڭ ۋاكىلدەرىنىڭ جانە قالىڭ پارتيا مۇشەلەرىنىڭ پىكىرىن تولىق تىڭدادى، بۇكىل ەلدەگى نەگىزگى ساتى پارتيا ۇيىمدارىنىڭ قاتىناسۋىندا جاپپاي قامتۋ جۇزەگە اسىرىلدى، پارتيا مۇشەلەرىنىڭ قاتىناسۋ شاماسى %99.5 جەتتى. ساياسي ولشەمدى ماڭداي الدى ورىنعا قويۋدا تاباندى بولىنىپ، ساياسي ساپا ىشكەرىلەي تەكسەرىلىپ، كانديداتتاردىڭ ساياسي وتكەلى قاتاڭ يگەرىلدى؛ تەكسەرىلەتىن بارلىق وبيەكتىگە «ءتورت سوزسىزدىك» تەكسەرۋى جۇرگىزىلدى ءارى پاكتىك تولىمدىلىعى پىكىرىنە «قوس قول قويۋ» ءتۇزىمى اتقارىلدى. پىكىر الۋ جانە تەكسەرۋ جاعدايىنا نەگىزدەلىپ، ۋاكىل بولۋعا ۇيلەسپەيتىندەرى رەتتەلدى. سايلاۋ ورىندارى پارتكومنىڭ جالپى ءماجىلىسىن نەمەسە پارتكومنىڭ (پارتگرۋپپا) كەڭەيتىلگەن ءماجىلىسىن اشىپ، ۋاكىل كانديداتتىعىنا كورسەتىلگەندەردى بەلەت تاستاۋ تاسىلىمەن تۇراقتاندىردى. شيزاڭدا، شينجياڭدا پارتيا ورتالىق كوميتەتىنىڭ بەكىتۋىمەن بىردەي سانمەن سايلاۋ جۇرگىزىلۋدەن سىرت، سايلاۋ ورىندارى پارتيا قۇرىلتايىن نەمەسە پارتيا ۋاكىلدەر ءماجىلىسىن اشىپ، پارىقتى سانمەن پارتيانىڭ 20 - قۇرىلتايىنا قاتىناساتىن ۋاكىلدەردى سايلادى، پارىقتى سانمەن سايلاۋ سالىستىرماسى تۇگەلدەي %15 تەن اسىپ، پارتيا ورتالىق كوميتەتىنىڭ تالابىنا ۇيلەستى. ۋاكىلدەردى سايلاۋ قىزمەتى جونىندەگى ۇگىت كۇشەيتىلىپ، ورتالىقتاعى نەگىزگى اقپارات دانەكەرلەرى ارقىلى ۋاكىلدەردى سايلاۋ قىزمەتىنىڭ احۋالى الۋان ءتۇرلى فورمامەن حابارلاندى.
باياندامادا بىلاي دەلىندى: 20 - قۇرىلتايدىڭ ۋاكىلدەرى جالپى تۇلعالىق جاقتان پارتيا ورتالىق كوميتەتى بەلگىلەگەن شارتتارعا ۇيلەسەدى، يدەيالىق - ساياسي ساپاسى ءبىرشاما جوعارى، ستيلى تاماشا، كەڭەس بەرۋ، تالقىلاۋ قابىلەتى نەداۋىر كۇشتى، ءوز قىزمەت ورىندارىندا كورنەكتى ناتيجە جاراتقان، كوممۋنيستەر اراسىنداعى ۇزدىك ەلەمەنتتەر، ۋاكىلدەردىڭ قۇرىلىمى مەن ورنالاسۋى ءبىرشاما ۇيلەسىمدى، ءتۇرلى قۇرىلىم سالىستىرماسى پارتيا ورتالىق كوميتەتىنىڭ تالابىنا ۇيلەسەدى، كەڭ كولەمدى ۋاكىلدىك سيپاتقا يە.
باياندامادا بىلاي دەلىندى: پارتيا 19 - قۇرىلتايى كەزىندەگى ادىسكە ساي، پارتيا ورتالىق كوميتەتى ۇسىنىس ەتىلگەن 83 ۋاكىلدىڭ پارتيانىڭ 20 - قۇرىلتايىنا قاتىناسۋىن تۇراقتاندىردى، ۇسىنىس ەتىلگەن ۋاكىلدەر تەڭ ۇقىقتان يگىلىكتەنەدى.
ءماجىلىس جۇڭگو كوممۋنيستىك پارتياسى مەملەكەتتىك 20 - قۇرىلتايىنىڭ سايلاۋ ءادىسىن (جوبا) ماقۇلداپ، ۋاكىلدەر ۇيىرمەلەرىنىڭ اقىلداسۋىنا تاپسىردى.
ءماجىلىس تاعى سىرتتاي قاتىناسۋعا جانە قوناقتارعا قاتىستى ىستەردى ماقۇلدادى. ورتالىق كوميتەت پارتيا ىشىندەگى قاتىستى جاۋاپتى جولداستاردى جانە پارتيا سىرتىنداعى ءىشىنارا قايراتكەرلەردى ماجىلىسكە سىرتتاي قاتىناسۋعا ۇسىنىس ەتۋدى ۇيعاردى. قۇرىلتايعا 20 – قۇرىلتاي ۋاكىلى ەمەس ج ك پ 19–كەزەكتى ورتالىق كوميتەتىنىڭ مۇشەلەرى، كانديدات مۇشەلەرى جانە ورتالىق ءتارتىپ تەكسەرۋ كوميتەتىنىڭ مۇشەلەرى، 20 - قۇرىلتايدىڭ ۋاكىلى جانە ۇسىنىس ەتىلگەن ۋاكىلدەر ەمەس ورتالىق اقىلشىلار كوميتەتىنىڭ بۇرىنعى مۇشەلەرى جانە باسقا قاتىستى جولداستار بولىپ، جيىنى 354 ادام سىرتتاي قاتىناسادى. قۇرىلتايدىڭ اشىلۋ ماجىلىسىنە جانە جابىلۋ ماجىلىسىنە قوناق رەتىندە سىرتتاي قاتىناساتىندار: مەملەكەتتىك حالىق قۇرىلتايى تۇراقتى كوميتەتى باستىعىنىڭ قازىرگى جانە بۇرىنعى ورىنباسارى، مەملەكەتتىك ساياسي كەڭەس ءتوراعاسىنىڭ قازىرگى جانە بۇرىنعى ورىنباسارى بولىپ مىندەت اتقارعان پارتيا سىرتىنداعى قايراتكەرلەر، بەيجيڭدەگى دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسىنىڭ ورىنباسارلارى، پارتيادا، توپتا جوق قايراتكەرلەردىڭ ۋاكىلدەرى، ءدىن سالاسىنداعى ۋاكىل قايراتكەرلەر، بەيجيڭدە تۇراتىن مەملەكەتتىك حالىق قۇرىلتايى، مەملەكەتتىك ساياسي كەڭەس تۇراقتى مۇشەلەرىنىڭ اراسىنداعى دەموكراتيالىق پارتيا - توپ قايراتكەرلەرى، پارتيادا، توپتا جوق قايراتكەرلەر جانە ۇلت، ءدىن سالاسىنداعى قايراتكەرلەر بولىپ جيىنى 154 ادام.
ءتوراعالار القاسىنىڭ جيىنى تاعى 20 – قۇرىلتايدىڭ كۇن ءتارتىبىن ماقۇلدادى. وسى كۇن تارتىبىنە ساي، 20 - قۇرىلتاي 10 – ايدىڭ 16 - كۇنى تۇستەن بۇرىن اشىلىپ، 10 - ايدىڭ 22 - كۇنى تۇستەن بۇرىن جابىلادى.
كەلۋ قاينارى: حالىق تورابى
 |
جۇڭگو كوممۋنيستىك پارتياسىنىڭ مەملەكەتتىك 20 – قۇرىلتايى 10 - ايدىڭ 15 - كۇنى بەيجيڭدەگى حالىق سارايىندا دايىندىق جيىنىن وتكىزدى. شي جينپيڭ جولداس ءماجىلىستى باسقاردى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
