جۇڭگوشا سوتسياليزم ۇلى تۋىن بيىك ۇستاپ، جاپپاي سوتسياليستىك وسىزاماندانعان مەملەكەت قۇرۋ جولىندا ىنتىماقتاسا كۇرەس جۇرگىزەيىك
جۇڭگو كوممۋنيستىك پارتياسىنىڭ مەملەكەتتىك 20 – قۇرىلتايى بەيجيڭدە اشىلدى
شي جينپيڭ پارتيا 19 - كەزەكتى ورتالىق كوميتەتى اتىنان قۇرىلتايعا بايانداما جاسادى
2022.10.17 16:27 كەلۋ قاينارى : حالىق تورابى
 |
10 – ايدىڭ 16 – كۇنى جۇڭگو كوممۋنيستىك پارتياسىنىڭ مەملەكەتتىك 20 – قۇرىلتايى بەيجيڭدەگى حالىق سارايىندا اشىلدى. شي جينپيڭ پارتيا 19 - كەزەكتى ورتالىق كوميتەتى اتىنان قۇرىلتايعا بايانداما جاسادى.
سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن
|
شي جينپيڭ بىلاي دەپ اتاپ كورسەتتى: قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ. العا باسۋ جولىندا مىناداي كەلەلى پرينسيپتەردى، ءسوز جوق، مىقتى يگەرۋىمىز كەرەك: پارتيانىڭ جالپى بەتتىك باسشىلىعىندا تاباندى بولۋ جانە ونى كۇشەيتۋ، جۇڭگوشا سوتسياليزم جولىندا تاباندى بولۋ، حالىقتى وزەك ەتكەن دامۋ يدەياسىندا تاباندى بولۋ، رەفورما جاساپ، ەسىك اشۋدى تەرەڭدەتۋدە تاباندى بولۋ، كۇرەسكەرلىك رۋحتى ساۋلەلەندىرۋدە تاباندى بولۋ
لي كىچياڭ ءماجىلىستى باسقاردى، 2 مىڭ 340 ۋاكىل جانە ۇسىنىس ەتىلگەن ۋاكىل ماجىلىسكە قاتىناستى
قۇرىلتايدىڭ باستى تاقىرىبى: جۇڭگوشا سوتسياليزم ۇلى تۋىن بيىك ۇستاپ، جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن ساۋلەلەندىرىپ، وزىنە سەنىپ، ءوزىن الۋەتتەندىرىپ، دۇرىس جولمەن ءجۇرىپ، جاڭالىق اشىپ، جىگەرلەنە ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ
«حالىق گازەتى»، 10 – ايدىڭ 16 – كۇنى، بەيجيڭ. زەيىن - زەردەنى، كۇش - قۋاتتى شوعىرلاندىرىپ، گۇلدەنۋدىڭ جاڭا جوباسىن جاساپ، ىنتىماقتاسا ەكپىندەي العا باسىپ، تاريحي جاڭا ۇلى ناتيجە جاراتتى. كۇللى دۇنيە ءجۇزى كوز تىككەن جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى 10 - ايدىڭ 16 - كۇنى تۇستەن بۇرىن حالىق سارايىندا اشىلدى.
شي جينپيڭ پارتيا 19 - كەزەكتى ورتالىق كوميتەتى اتىنان قۇرىلتايعا «جۇڭگوشا سوتسياليزم ۇلى تۋىن بيىك ۇستاپ، جاپپاي سوتسياليستىك وسىزاماندانعان مەملەكەت قۇرۋ جولىندا ىنتىماقتاسا كۇرەس جۇرگىزەيىك» دەگەن تاقىرىپتا بايانداما جاسادى. شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى — بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا جورىق جاساعان شەشۋشى ساتتە اشىلعان توتەنشە ماڭىزدى قۇرىلتاي. قۇرىلتايدىڭ باستى تاقىرىبى: جۇڭگوشا سوتسياليزم ۇلى تۋىن بيىك ۇستاپ، جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن ساۋلەلەندىرىپ، وزىنە سەنىپ، ءوزىن الۋەتتەندىرىپ، دۇرىس جولمەن ءجۇرىپ، جاڭالىق اشىپ، جىگەرلەنە ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋ.
ايبىندى دا سالتاناتتى حالىق سارايىنىڭ 10 مىڭ ادامدىق ۇلكەن زالى دۋماندى بەينەگە شومدى. ءتوراعالار مىنبەسىنىڭ جوعارعى جاعىنا «جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى» دەگەن قۇرىلتاي بەلگىسى، ارتقى پەردەنىڭ ءدال ورتاسىنا وراق پەن بالعادان قۇرالعان پارتيا گەربى ىلىنگەن، ونىڭ ەكى جاعىنا بەستەن - بەستەن نارت قىزىل تۋ قويىلعان. 2 - قاباتتاعى جانە 3 - قاباتتاعى مىنبەنىڭ ماڭدايشاسىنا «جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزەيىك!»، «ۇلى، داڭقتى، دۇرىس جۇڭگو كوممۋنيستىك پارتياسى جاساسىن!» دەگەن كەرمە تۋلار ىلىنگەن.
قۇرىلتاي ءتوراعالار القاسىنىڭ تۇراقتى كوميتەت مۇشەلەرى شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، حۋ جينتاۋ، لي رۇيحۋان، ۋىن جياباۋ، جيا چيڭلين، جاڭ دىجياڭ، يۇي جىڭشىڭ، سۇڭ پيڭ، لي لانچيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، جاڭ گاۋلي، يوۋ چۋان، جاڭ چيڭلي ءتوراعالار مىنبەسىنىڭ الدىڭعى قاتارىنان ورىن الدى.
ءماجىلىستى لي كىچياڭ باسقاردى. تۇستەن بۇرىن ساعات 10 دا ءماجىلىس باستالدى. بۇكىل زالداعىلار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت گيمنىن اسقاقتاتا شىرقادى. وسىدان كەيىن بارلىق جولداس ماۋ زىدۇڭ، جوۋ ىنلاي، ليۋ شاۋچي، جۋ دى، دىڭ شياۋپيڭ، چىن يۇن قاتارلى قايتىس بولعان اعا بۋىن پرولەتاريات توڭكەرىسشىلەرى مەن توڭكەرىستىك قۇرباندارعا ءۇنسىز ازا ءبىلدىردى.
لي كىچياڭ: پارتيانىڭ 20 - قۇرىلتايىنا قاتىناسۋعا ءتيىستى ۋاكىل 2 مىڭ 296 ادام، ۇسىنىس ەتىلگەن ۋاكىل 83 ادام، جالپى 2 مىڭ 379 ادام، بۇگىن قاتىناسقانى 2 مىڭ 340 ادام، — دەپ جاريالادى. ول قۇرىلتايعا سىرتتاي قاتىناسقان پارتيا سىرتىنداعى دوستاردى جانە قاتىستى جاقتارداعى جاۋاپتى جولداستاردى قىزۋ قارسى الاتىنىن ءبىلدىردى.
شي جينپيڭنىڭ پارتيا 19 - كەزەكتى ورتالىق كوميتەتى اتىنان قۇرىلتايعا جاساعان بايانداماسى جيىنى 15 بولىمنەن قۇرالادى: ءبىرىنشى، وتكەن 5 جىلداعى قىزمەتتەر مەن جاڭا داۋىردەگى 10 جىلداعى ۇلى وزگەرىستەر؛ ەكىنشى، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ ءورىسىن اشۋ؛ ءۇشىنشى، جاڭا داۋىردەگى جاڭا جورىقتا جۇڭگو كوممۋنيستىك پارتياسىنىڭ ارقالايتىن بورىشى مەن مىندەتى؛ ءتورتىنشى، جاڭا دامۋ جاعدايىن جەدەل قالىپتاستىرىپ، ساپالى دامۋدى كۇش سالا ىلگەرىلەتۋ؛ بەسىنشى، مەملەكەتتى عىلىم - تەحنيكا، وقۋ - اعارتۋ ارقىلى كوركەيتۋ ستراتەگياسىن اتقارىپ، وسىزامانداندىرۋ قۇرىلىسىن دارىندىلار ارقىلى قولداۋدى كۇشەيتۋ؛ التىنشى، جالپى بارىستىق حالىق دەموكراتياسىن دامىتىپ، حالىقتىڭ وزىنە - ءوزى قوجايىن بولۋىن قامتاماسىز ەتۋ؛ جەتىنشى، مەملەكەتتى جاپپاي زاڭمەن باسقارۋدا تاباندى بولىپ، زاڭمەن باسقارىلاتىن جۇڭگو قۇرىلىسىن ىلگەرىلەتۋ؛ سەگىزىنشى، مادەنيەت جاعىندا وزىنە سەنۋدى، ءوزىن الۋەتتەندىرۋدى ىلگەرىلەتىپ، سوتسياليستىك مادەنيەتتىڭ تىڭ دا شۇعىلالى تابىستارىن جاراتۋ؛ توعىزىنشى، حالىقتىڭ ىرىس - قۇتىن ارتتىرىپ، حالىقتىڭ تۇرمىس ساپاسىن جوعارىلاتۋ؛ ونىنشى، جاسىل دامۋدى ىلگەرىلەتىپ، ادام مەن تابيعاتتىڭ جاراسىمدى، قاتار ءومىر ءسۇرۋىن جەبەۋ؛ ون ءبىرىنشى، مەملەكەت حاۋىپسىزدىگى جۇيەسى مەن قۋاتىنىڭ وسىزاماندانۋىن ىلگەرىلەتىپ، مەملەكەت حاۋىپسىزدىگى مەن قوعامنىڭ ورنىقتىلىعىن باتىل قورعاۋ؛ ون ەكىنشى، ارميا قۇرىلعانىنىڭ 100 جىلدىعى كۇرەس نىساناسىن جۇزەگە اسىرىپ، مەملەكەت قورعانىسى مەن ارميانى وسىزامانداندىرۋدىڭ جاڭا جاعدايىن اشۋ؛ ون ءۇشىنشى، «ءبىر ەل، ەكى تۇزىمدە» تاباندى بولىپ جانە ونى كەمەلدەندىرىپ، وتاننىڭ بىرلىككە كەلۋىن ىلگەرىلەتۋ؛ ون ءتورتىنشى، دۇنيە ءجۇزىنىڭ بەيبىتشىلىگى مەن دامۋىن جەبەپ، ادامزاتتىڭ تاعدىرلاس ورتاق تۇلعاسىن قالىپتاستىرۋدى ىلگەرىلەتۋ؛ ون بەسىنشى، پارتيانى جاپپاي قاتاڭ باسقارۋدان اۋىتقىماي، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتۋ.
شي جينپيڭ بايانداماسىندا بىلاي دەپ اتاپ كورسەتتى: پارتيانىڭ 19 - قۇرىلتايىنان بەرگى 5 جىلدا پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعدايدى جانە دۇنيە جۇزىندە ءجۇز جىلدا بولماعان زور وزگەرىستەردى ءبىر تۇتاس جوسپارلاپ، پارتيا مەن مەملەكەت ىستەرىنىڭ دامۋى جونىندە كەلەلى ستراتەگيالىق ورنالاستىرۋ جاساپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، اۋىر دا كۇردەلى حالىقارالىق جاعدايعا جانە ءبىر - بىرىنە ۇلاسقان وراسان زور حاۋىپ - قاتەر مەن سىن - سايىسقا ۇتىمدى توتەپ بەرىپ، جاڭا داۋىردەگى جۇڭگوشا سوتسياليزمدى قايراتتانا العا ۇمتىلۋ رۋحىمەن ۇزدىكسىز ىلگەرىلەتتى. 5 جىلدان بەرى پارتيامىز حالىقتى ىنتىماقتاستىرىپ جانە باستاپ، ۇزاق ۋاقىتتان بەرى شەشىلمەي كەلگەن قيىن ماسەلەلەردى شەشىپ، ۇزاق بولاشاققا ساياتىن كوپتەگەن ءىرى ءىستى، ماڭىزدى ءىستى تىندىرىپ، پارتيا مەن مەملەكەت ىستەرىنىڭ دۇنيە ءجۇزىن جالت قاراتقان كەلەلى تابىستارعا قول جەتكىزۋىن ىلگەرىلەتتى.
جاڭا داۋىردەگى 10 جىلدىق قىزمەتتەردى قورىتىندىلاعان كەزدە شي جينپيڭ مىنالاردى اتاپ كورسەتتى: 10 جىلدان بەرى ءبىز پارتيا مەن حالىقتىڭ ىستەرى جونىنەن كەلەلى رەال ماڭىزعا جانە تەرەڭ تاريحي ماڭىزعا يە 3 ءىرى ءىستى باستان وتكەردىك: ءبىرىنشى، جۇڭگو كوممۋنيستىك پارتياسى قۇرىلعانىنىڭ 100 جىلدىعىن قارسى الدىق، ەكىنشى، جۇڭگوشا سوتسياليزم جاڭا داۋىرگە ءوتتى، ءۇشىنشى، كەدەيلىكتەن ارىلتۋدان قامال الۋ، جاپپاي دوڭگەلەك داۋلەتتى قوعام ورناتۋ تاريحي مىندەتىن ورىنداپ، ءبىرىنشى 100 جىلدىق كۇرەس نىساناسىن جۇزەگە اسىردىق. بۇل — جۇڭگو كوممۋنيستىك پارتياسى مەن جۇڭگو حالقىنىڭ ىنتىماقتاسا كۇرەس جاساۋ ارقىلى قول جەتكىزگەن تاريحي جەڭىسى، جۇڭحۋا ۇلتىنىڭ دامۋ تاريحىنداعى ماڭگى وشپەيتىن تاريحي جەڭىس ءارى دۇنيە جۇزىنە تەرەڭ ىقپال جاسايتىن تاريحي جەڭىس.
شي جينپيڭ بىلاي دەدى: 10 جىلدان بەرى پارتيا مەن مەملەكەت ىستەرىندە تاريحي تابىسقا قول جەتىپ، تاريحي وزگەرىس تۋىلىپ، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋى ىلگەرىلەتىلدى. جاڭا ءداۋىر جۇڭگوشا سوتسياليزم يدەياسى جاراتىلىپ، پارتيانىڭ باسشىلىعى جاپپاي كۇشەيتىلىپ، دوڭگەلەك داۋلەتتىلىككە جەتۋ سىندى جۇڭحۋا ۇلتىنىڭ مىڭ جىلدىق ارمانى جۇزەگە اسىرىلىپ، جاڭا داۋىردەگى پارتيا مەن مەملەكەت ىستەرىنىڭ دامۋى جونىندە عىلمي، كەمەلدى ستراتەگيالىق ورنالاستىرۋ جاسالىپ، جاڭا دامۋ ۇستانىمى ورتاعا قويىلىپ جانە دايەكتىلەندىرىلىپ، وراسان زور ساياسي باتىلدىقپەن رەفورما جاپپاي تەرەڭدەتىلىپ، اناعۇرلىم بەلسەندى، ىرىقتى ەسىك اشۋ ستراتەگياسى اتقارىلىپ، جۇڭگوشا سوتسياليستىك ساياسي دامۋ جولىمەن جۇرۋدە تاباندى بولىنىپ، ماركسيزمنىڭ يدەولوگيا سالاسىنداعى جەتەكشىلىك ورنى سىندى ءتۇبىرلى ءتۇزىم ايقىندالىپ جانە وندا تاباندى بولىنىپ، حالىقتى وزەك ەتكەن دامۋ يدەياسى ىشكەرىلەي دايەكتىلەندىرىلىپ، تۇنىق سۋ، جاسىل تاۋ − باعالى بايلىق ۇستانىمىندا تاباندى بولىنىپ، جالپى تۇلعالىق مەملەكەت حاۋىپسىزدىگى كوزقاراسى دايەكتىلەندىرىلىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسى بەلگىلەنىپ، «ءبىر ەل، ەكى ءتۇزىم» امالياتى جان – جاقتى، دۇرىس ىلگەرىلەتىلىپ، جۇڭگوشا ءىرى ەلدىك ديپلوماتيا جاپپاي ىلگەرىلەتىلىپ، پارتيانى جاپپاي قاتاڭ باسقارۋ ىشكەرىلەي ىلگەرىلەتىلدى. سونىمەن بىرگە، قىزمەتىمىزدە ءالى دە كەيبىر جەتەرسىزدىكتەر ورىن تەۋىپ، كوپتەگەن قيىنشىلىق پەن ماسەلەگە ءدوپ كەلىپ وتىرعانىمىزدى، ءسوز جوق، سەرگەكتىكپەن كورە ءبىلۋىمىز كەرەك.
شي جينپيڭ بىلاي دەپ اتاپ كورسەتتى: جاڭا داۋىردەگى ون جىلدىق ۇلى وزگەرىس پارتيا تاريحىندا، جاڭا جۇڭگو تاريحىندا، رەفورما جاساپ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە. 100 جىلدىق كۇرەس بارىسىن باسىپ وتكەن جۇڭگو كوممۋنيستىك پارتياسى توڭكەرىستىك شىڭدالۋ بارىسىندا ءتىپتى دە قۇدىرەتتى، قۋاتتى بولدى، جۇڭگوشا سوتسياليزمدە تاباندى بولۋ جانە ونى دامىتۋ تاريحي ۇردىسىندە باستان - اياق قۇدىرەتتى باسشىلىق ۇيىتقى بولدى. جۇڭگو حالقىنىڭ العا باسۋىنداعى قوزعاۋشى كۇش ونان ارى نىعايىپ، كۇرەسكەرلىك رۋحى ءتىپتى دە اسقاقتاپ، ءسوزسىز جەڭىسكە جەتۋ سەنىمى اناعۇرلىم بەكەمدەلىپ، جۇڭگو كوممۋنيستىك پارتياسى مەن جۇڭگو حالقى جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋىن بەرىك سەنىممەن ىلگەرىلەتۋدە.
شي جينپيڭ مىنانى دارىپتەدى: ماركسيزمنىڭ جۇڭگوشالانۋىنىڭ، زامانالانۋىنىڭ جاڭا تاراۋىن ۇزدىكسىز جازۋ — زامانىمىزداعى جۇڭگو كوممۋنيستەرىنىڭ ايبىندى تاريحي جاۋاپكەرلىگى. اماليات نەگىزىندەگى نازاريالىق جاسامپازدىقتى ۇزدىكسىز ىلگەرىلەتۋدە، ەڭ اۋەلى، جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسى مەن ادىستەمەسىن ويداعىداي يگەرىپ، وعان سىڭىرىلگەن تۇرعىدا، كوزقاراستا، ادىستە ويداعىداي تاباندى بولۋ جانە ودان ويداعىداي پايدالانۋ كەرەك. حالىقتى بارىنەن جوعارى قويۋدا، سەنىمدى، دەربەس بولۋدا، دۇرىس جولمەن ءجۇرىپ، جاڭالىق اشۋدا، ماسەلەنى باعدار ەتۋدە، جۇيە كوزقاراسىندا، دۇنيەگە كەڭ پەيىل بولۋدا، ءسوز جوق، تاباندى بولۋ كەرەك.
جاڭا داۋىردەگى جاڭا جورىقتا جۇڭگو كوممۋنيستىك پارتياسىنىڭ ارقالايتىن بورىشى مەن مىندەتىنە توقتالعاندا، شي جينپيڭ مىنالاردى اتاپ كورسەتتى: قازىردەن باستاپ، جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋ. العا باسۋ جولىندا مىناداي كەلەلى پرينسيپتەردى، ءسوز جوق، مىقتى يگەرۋىمىز كەرەك: پارتيانىڭ جالپى بەتتىك باسشىلىعىندا تاباندى بولۋ جانە ونى كۇشەيتۋ، جۇڭگوشا سوتسياليزم جولىندا تاباندى بولۋ، حالىقتى وزەك ەتكەن دامۋ يدەياسىندا تاباندى بولۋ، رەفورما جاساپ، ەسىك اشۋدى تەرەڭدەتۋدە تاباندى بولۋ، كۇرەسكەرلىك رۋحتى ساۋلەلەندىرۋدە تاباندى بولۋ.
شي جينپيڭ بىلاي دەپ دارىپتەدى: جاڭا دامۋ ۇستانىمىن، ءسوز جوق، تولىق، ءدال، جالپى بەتتىك دايەكتىلەندىرىپ، سوتسياليستىك بازار ەكونوميكاسىنىڭ رەفورما بەتالىسىنان جازباي، جوعارى دەڭگەيدەگى سىرتقا ەسىك اشۋدا تاباندى بولىپ، ىشكى ۇلكەن اينالىمدى نەگىزگى تۇلعا ەتكەن، ەل ءىشى جانە حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ جاعدايىن جەدەل قالىپتاستىرۋ كەرەك. جوعارى دەڭگەيدەگى سوتسياليستىك بازار ەكونوميكاسى ءتۇزىلىسىن ورناتۋ، وسىزاماندانعان شارۋاشىلىق جۇيەسىن ورناتۋ، اۋىل - قىستاقتى كوركەيتۋدى جاپپاي ىلگەرىلەتۋ، وڭىرلىك سايكەستى دامۋدى جەبەۋ، جوعارى دەڭگەيدەگى سىرتقا ەسىك اشۋدى ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: عىلىم - تەحنيكا − ءبىرىنشى وندىرگىش كۇش، دارىندىلار − ءبىرىنشى بايلىق، جاڭالىق اشۋ − ءبىرىنشى قوزعاۋشى كۇش دەگەندە، ءسوز جوق، تاباندى بولىپ، مەملەكەتتى عىلىم - تەحنيكا، وقۋ - اعارتۋ ارقىلى كوركەيتۋ ستراتەگياسىن، مەملەكەتتى دارىندىلار ارقىلى قۇدىرەتتەندىرۋ ستراتەگياسىن، جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، دامۋدىڭ تىڭ سالاسىن، جاڭا باسەكە الاڭىن اشىپ، دامۋدىڭ جاڭا قوزعاۋشى كۇشىن، تىڭ ابزالدىعىن ۇزدىكسىز سومداۋ كەرەك. وقۋ - اعارتۋدى الدىمەن دامىتۋدا، عىلىم - تەحنيكادا ءوز كۇشىنە سۇيەنۋدە، ءوزىن الۋەتتەندىرۋدە، دارىندىلار ارقىلى قوزعاۋشى كۇشكە جەتەكشىلىك ەتۋدە تاباندى بولىپ، وقۋ - اعارتۋ جاعىندا قۇدىرەتتى مەملەكەت قۇرۋدى، عىلىم - تەحنيكا جاعىندا قۇدىرەتتى مەملەكەت قۇرۋدى، دارىندىلار جاعىندا قۇدىرەتتى مەملەكەت قۇرۋدى جەدەلدەتۋ كەرەك.
شي جينپيڭ بىلاي دەدى: جۇڭگوشا سوتسياليستىك ساياسي دامۋ جولىمەن، ءسوز جوق، اۋىتقىماي ءجۇرىپ، پارتيا باسشىلىعىنىڭ، حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن باسقارۋدىڭ ورگانيكالى بىرلىگىندە تاباندى بولۋ كەرەك. حالىقتىڭ وزىنە - ءوزى قوجايىن بولۋ ءتۇزىمىن قامتاماسىز ەتۋدى كۇشەيتۋ، ءماسليحاتتىق دەموكراتيانى جاپپاي دامىتۋ، نەگىزگى ساتى دەموكراتياسىن بەلسەنە دامىتۋ، ەڭ كەڭ وتانشىلدىق بىرلىكساپتى بەكەمدەۋ جانە دامىتۋ كەرەك.
شي جينپيڭ مىنالاردى اتاپ كورسەتتى: زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ءتيىمدى بولۋ سىندى قامتاماسىزداندىرۋ رولىن، ءسوز جوق، اناعۇرلىم ويداعىداي ساۋلەلەندىرىپ، زاڭمەن باسقارۋ ارناسىندا جاپپاي سوتسياليستىك وسىزاماندانعان مەملەكەت قۇرۋ كەرەك. نەگىزگى زاڭدى ۇيىتقى ەتكەن جۇڭگوشا سوتسياليستىك زاڭ جۇيەسىن كەمەلدەندىرۋ، اكىمشىلىكتى زاڭ بويىنشا جۇرگىزۋدى تىڭعىلىقتى ىلگەرىلەتۋ، ءادىليانى قاتاڭ، ءادىل جۇرگىزۋ، زاڭمەن باسقارىلاتىن قوعامدى جەدەل قۇرۋ كەرەك.
شي جينپيڭ مىنانى ءبىلدىردى: قۇدىرەتتى ۇيىستىرۋ قۋاتىنا جانە جەتەكشىلىك قۋاتقا يە سوتسياليستىك يدەولوگيانى ورناتۋ، سوتسياليستىك وزەكتى قۇن كوزقاراسىن امالياتتا كەڭىنەن ايگىلەۋ، بۇكىل قوعامنىڭ وركەنيەت دەڭگەيىن جوعارىلاتۋ، مادەنيەت ىستەرى مەن مادەنيەت شارۋاشىلىعىن گۇلدەندىرۋ جانە دامىتۋ، جۇڭحۋا وركەنيەتىنىڭ تاراتۋ قۋاتىن، ىقپال كۇشىن نىعايتۋ كەرەك.
شي جينپيڭ بىلاي دەپ اتاپ كورسەتتى: بارشا حالىقتىڭ ءتۇبىرلى مۇددەسىن ويداعىداي جۇزەگە اسىرىپ، ويداعىداي قورعاپ، ويداعىداي دامىتىپ، حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن مىقتى يگەرىپ، بار كۇشىمىزدى سالىپ ءىس تىندىرىپ، شامامىزعا قاراي ءىس ىستەۋدە تاباندى بولۋ كەرەك. ءبولىس ءتۇزىمىن كەمەلدەندىرۋ، جۇمىستاندىرۋدى الدىمەن ويلاستىرۋ ستراتەگياسىن اتقارۋ، قوعامدىق قامتاماسىزداندىرۋ جۇيەسىن اقاۋسىزداندىرۋ، سالاماتتى جۇڭگو قۇرىلىسىن ىلگەرىلەتۋ كەرەك.
شي جينپيڭ مىنالاردى دارىپتەدى: تۇنىق سۋ، جاسىل تاۋ − باعالى بايلىق ۇستانىمىن، ءسوز جوق، بەرىك ورناتىپ جانە امالياتتا ايگىلەپ، دامۋدى ادام مەن تابيعاتتىڭ جاراسىمدى، قاتار ءومىر سۇرەتىن تۇرعىسىندا تۇرىپ جوسپارلاۋ كەرەك. دامۋ تاسىلىندە جاسىلعا بۇرىلىس جاساۋدى جەدەلدەتۋ، ورتانىڭ لاستانۋىنان ساقتانۋدى جانە وڭاۋدى ىشكەرىلەي ىلگەرىلەتۋ، ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن ارتتىرۋ، كومىر قىشقىل گازىنىڭ شىعارىلۋىن جوعارى مانگە جەتكىزىپ، كومىر قىشقىل گازىن بەيتاراپتاندىرۋدى بەلسەندىلىكپەن ورنىقتى ىلگەرىلەتۋ كەرەك.
شي جينپيڭ مىنالاردى العا قويدى: جالپى تۇلعالىق مەملەكەت حاۋىپسىزدىگى كوزقاراسىن، ءسوز جوق، بۇلجىتپاي دايەكتىلەندىرىپ، مەملەكەت حاۋىپسىزدىگىن قورعاۋدى پارتيا مەن مەملەكەت قىزمەتىنىڭ ءارقايسى جاعىندا، تۇتاس بارىسىندا دايەكتىلەندىرۋ كەرەك. مەملەكەت حاۋىپسىزدىگى جۇيەسىن كەمەلدەندىرۋ، مەملەكەت حاۋىپسىزدىگىن قورعاۋ قۋاتىن كۇشەيتۋ، الەۋمەتتىك حاۋىپسىزدىكتى باسقارۋ دەڭگەيىن جوعارىلاتۋ، قوعامدىق باسقارۋ جۇيەسىن كەمەلدەندىرۋ كەرەك.
شي جينپيڭ مىنانى ءبىلدىردى: ارميا قۇرىلعانىنىڭ 100 جىلدىعى كۇرەس نىساناسىن ءوز ۋاعىندا جۇزەگە اسىرىپ، حالىق ارمياسىن دۇنيە جۇزىندەگى بىرەگەي ارميا ەتىپ قۇرىپ شىعۋدى جەدەلدەتۋ − جاپپاي سوتسياليستىك وسىزاماندانعان مەملەكەت قۇرۋدىڭ ستراتەگيالىق تالابى. اسكەرلەردى جاتتىقتىرۋدى جانە سوعىس دايىندىعىن جاپپاي كۇشەيتۋ، اسكەري ىستەردى باسقارۋدى جاپپاي كۇشەيتۋ، مەملەكەتتىڭ ءبىر تۇلعالانعان ستراتەگيالىق جۇيەسى مەن قابىلەتىن بەكەمدەۋ، جوعارىلاتۋ كەرەك.
شي جينپيڭ بىلاي دەپ دارىپتەدى: «ءبىر ەل، ەكى ءتۇزىم» − جۇڭگوشا سوتسياليزمنىڭ ۇلى جاسامپازدىعى، شياڭگاڭنىڭ، اۋمىننىڭ وتان قۇشاعىنا ورالعاننان كەيىن ۇزاق ۋاقىت گۇلدەنىپ - كوركەيۋىن، ورنىقتىلىعىن ساقتاۋداعى ەڭ ۇتىمدى تۇزىمدىك ورنالاستىرۋ، وندا، ءسوز جوق، ۇزاق ۋاقىت تاباندى بولۋ كەرەك. شياڭگاڭدى، اۋمىندى زاڭ بويىنشا باسقارۋدا تاباندى بولىپ، ورتالىقتىڭ جان - جاقتى باسقارۋ، جونگە سالۋ ۇقىعىن تياناقتاندىرىپ، «وتانشىلداردىڭ شياڭگاڭدى باسقارۋى»، «وتانشىلداردىڭ اۋمىندى باسقارۋى» پرينسيبىن تياناقتاندىرىپ، شياڭگاڭنىڭ، اۋمىننىڭ مەملەكەتتىڭ دامۋ كەلەلى جاعدايىمەن اناعۇرلىم ويداعىداي توعىسۋىن قولداپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىنداعى رولىن اناعۇرلىم ويداعىداي ساۋلەلەندىرۋ كەرەك. شەكسىز شىن جۇرەكتەن، بار كۇش - جىگەرىمىزبەن بەيبىت جولمەن بىرلىككە كەلۋدىڭ كەلەشەگىنە قول جەتكىزۋدە تاباندى بولامىز، الايدا، قاجەت بولعاندا ءارقانداي ءتيىستى شارانى قولدانامىز. وتاننىڭ بۇكىلدەي بىرلىككە كەلۋىن، ءسوز جوق، جۇزەگە اسىرامىز، ءسوز جوق جۇزەگە اسادى دا! شي جينپيڭ مىنانى ءبىلدىردى: قازىر دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى بۇرىن سوڭدى بولىپ كورمەگەن تاسىلمەن ورىستەۋدە. جۇڭگو دەربەس، وزىنە - ءوزى قوجايىن بولۋ سىندى بەيبىت ديپلوماتيالىق ساياساتتى باتىل اتقارادى، بەيبىت قاتار تۇرۋدىڭ بەس پرينسيبى نەگىزىندە ءار ەلمەن دوستىق سەلبەستىكتى دامىتۋدا تاباندى بولادى، سىرتقا ەسىك اشۋ سىندى نەگىزگى مەملەكەت ساياساتىندا تاباندى بولادى، جۇڭگو حالقى دۇنيە ءجۇزى حالقىمەن قول ۇستاسا وتىرىپ، ادامزاتتىڭ اناعۇرلىم كوركەم بولاشاعىن جاراتۋعا پەيىل!
شي جينپيڭ بىلاي دەپ اتاپ كورسەتتى: بۇكىل پارتيا پارتيانى جاپپاي قاتاڭ باسقارۋدىڭ ماڭگى توقتامايتىنىن، پارتيانىڭ وزىنە - ءوزى توڭكەرىس جاساۋى ماڭگى توقتامايتىنىن، بوساڭسۋ، دامىلداۋ، قالجىراۋ، جالىعۋ پيعىلىنىڭ بولۋىنا استە بولمايتىنىن، ءسوز جوق، ەستە بەرىك ساقتاپ، پارتيانى جاپپاي قاتاڭ باسقارۋدى، ءسوز جوق، تاباندىلىقپەن ىلگەرىلەتىپ، جاڭا داۋىردەگى پارتيا قۇرىلىسىنىڭ تىڭ دا ۇلى ينجەنەرياسىن ىشكەرىلەي ىلگەرىلەتىپ، پارتيانىڭ وزىنە - ءوزى توڭكەرىس جاساۋى ارقىلى قوعامدىق توڭكەرىسكە جەتەكشىلىك ەتۋى كەرەك.
ول بىلاي دەپ دارىپتەدى: پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا تاباندى بولۋ جانە ونى كۇشەيتۋ، جاڭا ءداۋىر جۇڭگوشا سوتسياليزم يدەياسى ارقىلى جۇرت تىلەگىن ۇيىستىرىپ، رۋحتى سومداۋدا تاباندى بولۋ، پارتيانىڭ وزىنە - ءوزى توڭكەرىس جاساۋ ءتۇزىمىن ارناعا ءتۇسىرۋ جۇيەسىن كەمەلدەندىرۋ، ۇلتتىڭ گۇلدەنۋى سىندى اۋىر مىندەتتى ارقالاي الاتىن ساپالى كادرلار قوسىنىن قۇرۋ، پارتيا ۇيىمىنىڭ ساياسي فۋنكتسياسى مەن ۇيىمدىق فۋنكتسياسىن كۇشەيتۋ، ستيلدى دۇرىستاپ، ءتارتىپتى قاتايتۋدى قاتاڭ ارنامەن كۇشەيتۋدە تاباندى بولۋ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىندا، ۇزاققا سوزىلاتىن شايقاسىندا باتىل جەڭىسكە جەتۋ كەرەك.
شي جينپيڭ بىلاي دەپ اتاپ كورسەتتى: پارتيا ۇلى كۇرەس ارقىلى عاسىرلىق ۇلى ىستەردى جاراتتى ءارى تىڭ دا ۇلى كۇرەستەر ارقىلى، ءسوز جوق، تىڭ دا ۇلى ىستەردى جاراتا الادى.
شي جينپيڭ بايانداما جاساۋ بارىسىندا تۇتاس الاڭدا دۇركىن - دۇركىن شاتىرلاعان شاپالاق ءۇنى كوتەرىلدى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ قازىرگى جانە بۇرىنعى ورىنباسارى، مەملەكەتتىك ساياسي كەڭەس ءتوراعاسىنىڭ قازىرگى جانە بۇرىنعى ورىنباسارى بولىپ مىندەت اتقارعان پارتيا سىرتىنداعى قايراتكەرلەر، بەيجيڭدەگى دەموكراتيالىق پارتيا - توپتار ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسىنىڭ ورىنباسارلارى، پارتيادا، توپتا جوق قايراتكەرلەردىڭ ۋاكىلدەرى، ءدىن سالاسىنداعى ۋاكىل قايراتكەرلەر، بەيجيڭدە تۇراتىن مەملەكەتتىك حالىق قۇرىلتايى، مەملەكەتتىك ساياسي كەڭەس تۇراقتى مۇشەلەرىنىڭ اراسىنداعى دەموكراتيالىق پارتيا - توپ قايراتكەرلەرى، پارتيادا، توپتا جوق قايراتكەرلەر جانە ۇلت، ءدىن سالاسىنداعى قايراتكەرلەر قوناق رەتىندە قۇرىلتايعا سىرتتاي قاتىناستى. پارتيا ىشىندەگى قاتىستى جاۋاپتى جولداستار دا قۇرىلتايعا سىرتتاي قاتىناستى.
ەل ءىشى - سىرتىنان 2 مىڭ 500 گە جۋىق ءتىلشى قۇرىلتايدىڭ اشىلۋ سالتاناتىن حابارلادى.
كەلۋ قاينارى: حالىق تورابى
 |
10 – ايدىڭ 16 – كۇنى جۇڭگو كوممۋنيستىك پارتياسىنىڭ مەملەكەتتىك 20 – قۇرىلتايى بەيجيڭدەگى حالىق سارايىندا اشىلدى. سۋرەتتە: شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، حۋ جينتاۋ ءتوراعالار مىنبەسىندە.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
