جۇڭگو كوممۋنيستىك پارتياسى ورتالىق كوميتەتىنىڭ دەموكراتيالىق پارتيا - توپتاردىڭ ورتالىق كوميتەتتەرىنە، مەملەكەتتىك ساۋدا - ونەركاسىپشىلەر بىرلەستىگىنە جولداعان العىس حاتى
2022.10.25 16:08 كەلۋ قاينارى : حالىق تورابى
جۇڭگو گومينداڭ توڭكەرىستىك كوميتەتىنىڭ ورتالىق كوميتەتىنە،
جۇڭگو دەموكراتيالىق وداعىنىڭ ورتالىق كوميتەتىنە،
جۇڭگو دەموكراتيالىق مەملەكەت قۇرۋ قوعامىنىڭ ورتالىق كوميتەتىنە،
جۇڭگو دەموكراتيانى ىلگەرىلەتۋ قوعامىنىڭ ورتالىق كوميتەتىنە،
جۇڭگو شارۋا - جۇمىسشى دەموكراتيالىق پارتياسىنىڭ ورتالىق كوميتەتىنە،
جۇڭگو ادىلەت پارتياسىنىڭ ورتالىق كوميتەتىنە،
«3 – قىركۇيەك» ءىلمي قوعامىنىڭ ورتالىق كوميتەتىنە،
تايۋان دەموكراتيالىق اۆتونوميا وداعىنىڭ ورتالىق كوميتەتىنە،
جۇڭحۋا مەملەكەتتىك ساۋدا - ونەركاسىپشىلەر بىرلەستىگىنە:
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى سالتاناتپەن اشىلۋ قارساڭىندا قۇرىلتاي سىزدەردىڭ ىستىق ىقىلاستى قۇتتىقتاۋ حاتتارىڭىزدى تاپسىرىپ الدى. جۇڭگو كوممۋنيستىك پارتياسى ورتالىق كوميتەتى سىزدەرگە شىن جۇرەكتەن العىس ايتادى جانە شىنايى سالەم جولدايدى!
جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايى − بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا قادام تاستاپ، ەكىنشى 100 جىلدىق كۇرەس نىساناسىنا شەرۋ تارتقان شەشۋشى ساتتە اشىلعان توتەنشە ماڭىزدى قۇرىلتاي. قۇرىلتاي جۇڭگوشا سوتسياليزم ۇلى تۋىن بيىك ۇستاپ، ماركسيزم - لەنينيزمدە، ماۋ زىدۇڭ يدەياسىندا، دىڭ شياۋپيڭ نازارياسىندا، «ۇشكە ۋاكىلدىك ەتۋ» ماڭىزدى يدەياسىندا، عىلمي دامۋ كوزقاراسىندا تاباندى بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، وتكەن 5 جىلداعى قىزمەتتەردى مۇقيات قورىتىندىلادى، جاڭا داۋىردەن بەرگى شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمدە تاباندى بولۋدا جانە ونى دامىتۋدا قول جەتكىزگەن كەلەلى تابىستارى مەن قۇندى تاجىريبەلەرىن جاپپاي قورىتىندىلادى، حالىقارا، ەل ءىشى جاعدايىنا ىشكەرىلەي تالداۋ جاساپ، جاڭا داۋىردەگى جاڭا جورىقتا پارتيا مەن مەملەكەت ىستەرى دامۋىنىڭ جاڭا تالاپتارىن، حالىق بۇقاراسىنىڭ جاڭا ارمان - تىلەگىن جاپپاي يگەرىپ، ارەكەت باعدارناماسى مەن كەلەلى باعىت - ساياساتتى بەلگىلەدى، بۇكىل پارتيانى، بۇكىل ەلدەگى ءار ۇلت حالقىن تاريحي سەنىمدى بەكەمدەپ، تاريحي ىرىقتىلىقتى كۇشەيتىپ، تۋراشىلدىقتان تايماي جاڭالىق اشىپ، قايسارلىقپەن العا باسىپ، «بەستى ءبىر تۇلعالاندىرۋ» جالپىلىق ورنالاستىرۋىن ۇزدىكسىز ءبىر تۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، جالپى حالىقتىڭ بىرگە بايۋىن ۇزدىكسىز تىڭعىلىقتى ىلگەرىلەتىپ، پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز پارمەندى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز بەلسەنە ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە جۇمىلدىردى. قۇرىلتاي ءتۇرلى كۇن تارتىپتەرىن تولىق ورىنداپ، توتەنشە تابىستى اشىلدى، بۇل بۇكىل ەلدەگى ءار ۇلت حالقىن جۇڭگوشا سوتسياليزمنىڭ تىڭ جەڭىستەرىنە قول جەتكىزۋ جولىندا كۇرەسۋگە ىنتىماقتاستىرۋدا جانە جىگەرلەندىرۋدە كەلەلى ماڭىز الادى.
بيىل − بىرلىكساپ ساياساتى العا قويىلعانىنىڭ 100 جىلدىعى، جۇڭگو كوممۋنيستىك پارتياسى بىرلىكساپ قىزمەتىنە باستان - اياق جالپى جاعداي جانە ستراتەگيالىق تۇرعىدان ءمان بەرىپ كەلەدى. بىرلىكساپ − جۇڭگو كوممۋنيستىك پارتياسىنىڭ عاسىرلىق كۇرەسىنىڭ تاريحي تاجىريبەلەرىنىڭ ءبىرى، جاۋدى جەڭىپ، جەڭىسكە جەتۋدىڭ، بيلىك جۇرگىزىپ، ەلدى كوركەيتۋدىڭ ماڭىزدى اسىلى، ەل ءىشى - سىرتىنداعى بۇكىل جۇڭحۋا ۇلاندارىن ىنتىماقتاستىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ماڭىزدى اسىلى. ەڭ كەڭ كولەمدى وتانشىلدىق بىرلىكساپتى بەكەمدەپ جانە دامىتىپ، دەموكراتيالىق پارتيا - توپتارمەن، ساۋدا - ونەركاسىپشىلەر بىرلەستىگىمەن جانە پارتيا - توپتاردا جوق قايراتكەرلەرمەن ىنتىماقتاسىپ، ءبىر جاعادان باس، ءبىر جەڭنەن قول شىعارىپ، تىزە قوسا كۇرەس جاساپ، جۇڭگوشا سوتسياليزم ۇلى ىسىنە ورتاق كۇش سالۋ − جۇڭگو كوممۋنيستىك پارتياسىنىڭ باستان - اياق تاباندى بولىپ كەلگەن ستراتەگيالىق باعىتى. جۇڭگوشا سوتسياليزمنىڭ جاڭا داۋىرگە وتۋىنە بايلانىستى، جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جاپپاي دوڭگەلەك داۋلەتتى قوعام قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا جورىعىن باستادى. جاڭا ساپاردا ءبىز جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى جانە ساياسي ءماسىليحات كەڭەسى تۇزىمىندە باتىلدىقپەن مىزعىماي بەرىك تۇرىپ جانە ونى كەمەلدەندىرىپ، ۇزاق ۋاقىت بىرگە ءومىر ءسۇرۋ، ءوزارا باقىلاۋ، ءبىر - بىرىنە شىن ادال بولۋ، جاقسى مەن جاماندى بىرگە كورۋ باعىتىن باتىلدىقپەن مىزعىماي دايەكتىلەندىرىپ، وتانشىلدىق، سوتسياليزم ۇلى تۋىن باستان - ايق بيىك كوتەرىپ، ۇلى ىنتىماق، ۇلى بىرىگۋدە باستان - اياق بەرىك تۇرىپ، دەموكراتيالىق پارتيا - توپتاردىڭ يدەيا - ساياسي، ۇيىمداستىرۋ، مىندەت وتەۋ قابىلەتى، ستيل جانە ءتارتىپ قۇرىلىسىن جاپپاي ىلگەرىلەتۋىن قولداپ، ەلىمىزدىڭ جاڭاشا ساياسي پارتيا ءتۇزىمىنىڭ ابزالدىعى جانە ەرەكشەلىگىن تۇلعالاندىرىپ، ساۋدا - ونەركاسىپشىلەر بىرلەستىگىنىڭ فۋنكتسيالىق رولىن ىشكەرىلەي جاقسى ساۋلەلەندىرىپ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپى مەنشىككە جاتپايتىن شارۋاشىلىقتاعى قايراتكەرلەردىڭ اقاۋسىز ءوسىپ - جەتىلۋىن ىلگەرىلەتىپ، جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىندا بەلگىلەنگەن ۇلى جوسپاردى ىسكە اسىرۋ ءۇشىن نيەت بىرىكتىرىپ، كۇشتى توپتاپ، بىرلىكساپ پەن كوپ پارتيا سەلبەستىگى ىستەرىن دامىتۋدىڭ تىڭ داستانىن بىرگە جازۋىمىز كەرەك.
ءبىز شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ توڭىرەگىنە تىعىز ىنتىماقتاسىپ، كۇش ۇستىنە كۇش قوسىپ، قايسارلىقپەن كۇرەس جۇرگىزىپ، قيىندىقتاردان قامال الىپ، جۇڭگوشا سوتسياليزمنىڭ جاڭا جاعدايىن ۇزدىكسىز اشىپ، ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزەيىك!
قۇرمەتپەن!
جۇڭگو كوممۋنيستىك پارتياسى ورتالىق كوميتەتى
2022 – جىلى 10 - ايدىڭ 24 – كۇنى
(شينحۋا اگەنتتىگى، 10 - ايدىڭ 24 - كۇنى، بەيجيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
