لي جانشۋ مەملەكەتتىك حالىق قۇرىلتايى تۇراقتى كوميتەتىنىڭ پارتيا باسشىلىق گرۋپپاسى پارتيانىڭ 20 - قۇرىلتايىنىڭ رۋحىن جەتكىزگەندە، ۇيرەنگەندە مىنانى دارىپتەدى
«ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، پارتيا 20 - قۇرىلتايىنىڭ رۋحىمەن حالىق قۇرىلتايى قىزمەتىنىڭ دامۋىنا جەتەكشىلىك ەتۋ كەرەك
2022.10.25 16:10 كەلۋ قاينارى : حالىق تورابى
«حالىق گازەتى»، 10 – ايدىڭ 24 – كۇنى، بەيجيڭ (ءتىلشى ۋاڭ بيشۋە). 10 - ايدىڭ 24 - كۇنى مەملەكەتتىك حالىق قۇرىلتايى تۇراقتى كوميتەتىنىڭ پارتيا باسشىلىق گرۋپپاسى ءماجىلىس اشىپ، پارتيا 20 - قۇرىلتايىنىڭ رۋحىن جەتكىزدى، ۇيرەندى. مەملەكەتتىك حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، كوميتەت باستىعى لي جانشۋ ءماجىلىستى باسقاردى ءارى ءسوز سويلەدى، ول مىنالاردى دارىپتەدى: «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيا 20 - قۇرىلتايىنىڭ رۋحىمەن حالىق قۇرىلتايى قىزمەتىنىڭ دامۋىنا جەتەكشىلىك ەتۋ كەرەك.
لي جانشۋ بىلاي دەدى: شي جينپيڭ جولداستىڭ پارتيانىڭ باس شۋجيى مىندەتىن ۇزدىكسىز وتەۋى بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق جۇرەك ءۇنىن ايگىلەدى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ جاڭا داۋىردەگى 10 جىلدىق ۇلى وزگەرىستى تولىق تۇراقتاندىرعانىن ايگىلەدى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ باس شۋجي شي جينپيڭگە دەگەن شىنايى قولداۋىن ايگىلەدى. جاڭا ءداۋىر، جاڭا جورىقتا جاپپاي سوتسياليستىك وسىزاماندانعان مەملەكەت قۇرۋ − ۇلى دا جاپالى ءىس، بولاشاق نۇرلى، مىندەت اۋىر، جول ۇزاق. باس شۋجي شي جينپيڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى بولادى ەكەن، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعى بولادى ەكەن، ءبىز ءارقانداي داۋىل مەن تولقىننىڭ، ءتىپتى، اساۋ تولقىنداردىڭ سىنىنا توتەپ بەرە الامىز، جاپپاي سوتسياليستىك وسىزاماندانعان مەملەكەت قۇرىپ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءتۇبىرلى ساياسي كەپىلدىككە يە بولا الادى.
لي جانشۋ بىلاي دەدى: وتكەن 5 جىلداعى قىزمەت، جاڭا داۋىردەگى 10 جىلداعى ۇلى وزگەرىس، تۇپتەپ كەلگەندە، شي جينپيڭ جولداستىڭ پارتيا ورتالىق كوميتەتىندەگى ۇيىتقىلىق ورنىن، بۇكىل پارتياداعى ۇيىتقىلىق ورنىن تۇراقتاندىرۋدان بولدى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنىن تۇراقتاندىرۋدان بولدى. پارتيانىڭ 18 - قۇرىلتايىنان بەرگى اماليات باس شۋجي شي جينپيڭنىڭ پارمەندى باسشىلىعى بولعاندىقتان عانا، پارتيامىز بەن حالقىمىزدىڭ ءتۇرلى حاۋىپ - قاتەر مەن سىن - سايىستى جەڭىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، سوتسياليستىك وسىزاماندانعان مەملەكەت قۇرۋ اياق الىسىن تەزدەتكەنىن، ەگەر باس شۋجي شي جينپيڭ بىزگە جەتەكشىلىك ەتپەگەن بولسا، بىزدە بۇگىنگىدەي جاعداي بولمايتىنىن پارمەندى دالەلدەدى. ءدال شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە عىلمي سوتسياليزم 21 - عاسىرداعى جۇڭگودا جاڭا قۋاتتى ومىرشەڭدىك كۇشىن قاۋلاتتى. جاڭا ءداۋىر، جاڭا جورىقتا جۇڭگوشا سوتسياليزم ىستەرىن العا ىلگەرىلەتۋدە، ەڭ ماڭىزدىسى، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنۋ، «ءۇش بولسىندى» ەستە بەرىك ساقتاۋ، «مەملەكەتتىڭ زور ىستەرىن» ەستە بەرىك ساقتاۋ، يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاۋ كەرەك.
لي جانشۋ دارىپتەپ بىلاي دەدى: پارتيا 20 - قۇرىلتايىنىڭ رۋحىن ۇيرەنىپ، دايەكتىلەندىرۋدە پارتيانىڭ باسشىلىعىندا، اسىرەسە، پارتيا ورتالىق كوميتەتىنىڭ شوعىرلى ءبىر تۇتاس باسشىلىعىندا تاباندى بولىپ، ساياسي تۇجىرىم جاساۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن كۇشەيتىپ، ساياسي ءتارتىپ پەن ساياسي قاعيداعا قاتاڭ بويسۇنىپ، ۇنەمى پارتيا ورتالىق كوميتەتىن ولشەم، ۇلگى ەتىپ، پارتيا ورتالىق كوميتەتىنىڭ شەشىم، ورنالاستىرۋلارىن باتىلدىقپەن دايەكتلەندىرىپ، پارتيانىڭ قامىن ويلاۋدى، پارتيا ءۇشىن جاۋاپكەرلىكتى ادا ەتۋدى، پارتيا ءۇشىن ۇلەس قوسۋدى شىنايى ورىنداۋ؛ جان – جاقتى، ءدال، ىشكەرىلەي بولۋ تالابىن ورىنداپ، پارتيا 20 – قۇرىلتايىندا بولاشاق ءبىر مەزگىلدەگى پارتيا مەن مەملەكەت ىستەرىنىڭ دامۋى جونىندە جاسالعان جان – جاقتى ورنالاستىرۋدى مۇقيات تياناقتاندىرىپ، جۇڭگو ۇلگىسىندەگى وسىزامانداندىرۋمەن جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ كەرەك؛ مەملەكەتتىك حالىق قۇرىلتايى جانە ونىڭ تۇراقتى كوميتەتى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، حالىق قۇرىلتايىنىڭ قىزمەتتەرىنە پارتيا 20 - قۇرىلتايىنىڭ رۋحىمەن ءبىر تۇتاس باسشىلىق ەتىپ، جوبالاپ جانە ىلگەرىلەتىپ، ۇيرەنۋ مەن قولدانۋدى ۇشتاستىرۋدا، توعىستىرۋدا، ساباقتاستىرۋدا تاباندى بولىپ، پارتيا 20 - قۇرىلتايىنىڭ رۋحىن حالىق قۇرىلتايىنىڭ زاڭ شىعارۋ، باقىلاۋ، ۋاكىلدەر، سىرتقى ىستەر سياقتى قىزمەتتەرىندە جان – جاقتى، ءدال تياناقتاندىرۋى كەرەك.
مەملەكەتتىك حالىق قۇرىلتايى تۇراقتى كوميتەتى پارتيا باسشىلىق گرۋپپاسى شۋجيىنىڭ ورىنباسارى ۋاڭ چىن، مەملەكەتتىك حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ مۇشەلەرى ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋاڭ دۇڭميڭ، بايما چىلين، ياڭ جىن – ۋ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
