جاڭا نىسانانى بەتكە الىپ، قايراتتانا تاعى اتتانايىق
□ حالىق گازەتى باسماقالاسى
2023.03.12 13:00 كەلۋ قاينارى : شينجياڭ گازەتى
ۇلى جوبا جارقىن بولاشاقتى ايگىلەدى؛ ۇلى جورىق جاڭا ساپارعا شاقىرادى.
ميلليارد حالىقتىڭ جىگەرى تاسقىنداپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا شەرۋ تارتقان ساتتە، 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى جالپى ءماجىلىس وتكىزىپ، جاڭا كەزەكتى مەملەكەتتىك قۇرىلىمداردىڭ باسشىلارىن سايلاپ شىقتى، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭحۋا حالىق رەسپۋبليكاسىنىڭ ءتوراعالىعىنا، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعالىعىنا تولىق داۋىسپەن سايلاندى. بۇل بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق تىلەگىن تولىق بەينەلەپ، پارتيا ەركىنىڭ، حالىق ەركىنىڭ، مەملەكەت ەركىنىڭ وسكەلەڭ بىرلىگىن تولىق ايگىلەپ، ميلليارد حالىقتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اسقاق جىگەرمەن قايراتتانا ۇمتىلىپ، ەرلىكپەن العا باسىپ، پارتيا 20 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرۋ جولىندا بىرگە كۇرەس جۇرگىزۋگە ايرىقشا شابىتتاندىردى جانە ىنتالاندىردى.
تاريح ايبىندى جورىققا كۋا بولدى، ۋاقىت كۇرەس ىزدەرىن كەستەلەدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، ۇلى تاريحي ىرىقتىلىق رۋحىمەن، وراسان زور ساياسي باتىلدىقپەن، كۇشتى جاۋاپكەرشىلىك ارقالاۋمەن بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن بىلەك تۇرە قايراتتانا ىستەپ، بوران - شاشىنعا بوگەلمەي العا باسۋعا ىنتىماقتاستىرىپ جانە باستاپ، ادىلەت جولىندا ەشتەڭەدەن تايىنباي جاڭا تاريحي ەرەكشەلىككە يە كوپتەگەن ۇلى كۇرەستەر جۇرگىزىپ، ساياسي، ەكونوميكا، يدەولوگيا، تابيعات دۇنيەسى سياقتى جاقتارداعى حاۋىپ - قاتەر مەن سىن - سايىستىڭ سىناعىنان سۇرىنبەي ءوتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزىپ، جاپپاي دوڭگەلەك داۋلەتتى قوعام ورناتىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، ىندەتتەن ساقتانۋ - تىزگىندەۋدىڭ كەلەلى شەشۋشى جەڭىسىنە قول جەتكىزىپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتىپ، ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋىن ىلگەرىلەتتى. 10 جىل ۇدەرە العا تارتىپ، پارتيا مەن مەملەكەت ىستەرىندە تاريحي تابىستارعا قول جەتىپ، تاريحي وزگەرىستەر تۋىلدى، پارتيا تىلەگى، ارميا تىلەگى، حالىق تىلەگى بۇرىن بولىپ كورمەگەن دارەجەدە ۇيىسىپ، سەرپىلىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭگو ۇلگىسىندەگى وسىزامانداندىرۋ ءساتتى ىلگەرىلەپ جانە كەڭەيىپ، ادامزات وركەنيەتىنىڭ جاڭا فورماتسياسىن جاراتىپ، ادامزاتتىڭ وسىزاماندانۋىن جۇزەگە اسىرۋىنا تىڭ تاڭداۋ ازىرلەدى. جاڭا داۋىردەگى 10 جىلدىق ۇلى وزگەرىس پارتيا تاريحىندا، جاڭا جۇڭگو تاريحىندا، رەفورما جاساۋ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە. جۇڭگو كوممۋنيستىك پارتياسى توڭكەرىستىك شىڭدالۋ بارىسىندا ءتىپتى دە قۇدىرەتتى، قۋاتتى بولدى، جۇڭگو حالقى اناعۇرلىم كۇشتى تاريحي سانالىلىق جانە ىرىقتىلىق رۋحىن تاسقىنداتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بوگەۋ بەرمەس تاريحي ۇردىسكە قادام تاستادى، عىلمي سوتسياليزم 21 - عاسىرداعى جۇڭگودا قاۋلاعان تىڭ تىرشىلىك تىنىسىن تاسقىنداتتى.
جاڭا داۋىردەن بەرگى وسى 10 جىل پارتيا مەن مەملەكەتتىڭ دامۋ بارىسىندا اسا وزگەشە ءارى ايرىقشا بولدى، ءبىز ءدوپ كەلىپ وتىرعان جاعدايدىڭ كۇردەلىلىگى، كۇرەستىڭ قاتاڭدىعى، رەفورما، دامۋ، ورنىقتىلىق مىندەتىنىڭ جاپالىلىعى دۇنيەدە سيرەك كەزدەسەدى، تاريحتا سيرەك كەزدەسەدى. شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنى تۇراقتاندىرىلعاندىقتان، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشى ورنى تۇراقتاندىرىلعاندىقتان، پارتيامىز پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، الاڭسىز بولۋىنا ىقپال جاسايتىن كورنەكتى قايشىلىقتار مەن ماسەلەلەردى پارمەندى تۇردە شەشىپ، پارتيانىڭ، مەملەكەتتىڭ، ارميانىڭ ىشكى بولىگىندە ءومىر ءسۇرىپ وتىرعان اۋىر كومەسكى كىناراتتاردى جويىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ كەرى قايتارۋعا كەلمەيتىن تاريحي ۇردىسكە قادام تاستاۋىنا تۇبىرىنەن شىنايى كەپىلدىك ەتە الدى. اماليات مىنانى تولىق دالەلدەدى: ”ەكىنى تۇراقتاندىرۋ“ − جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى جەڭۋدەگى، ايقىنسىزدىق اتاۋلىعا توتەپ بەرۋدەگى ەڭ زور ايقىندىلىق، ەڭ زور سەنىم، ەڭ زور كەپىلدىك. پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىس تۋىلۋدى ىلگەرىلەتەتىن شەشۋشى فاكتور. جاڭا داۋىردەگى پارتيا مەن مەملەكەت ىستەرىنىڭ دامۋىندا، جۇڭحۋا ۇلتىنىڭ ۇلى گۇلدەنۋىنىڭ تاريحي ءۇردىسىن ىلگەرىلەتۋدە شەشۋشى مانگە يە.
اسقار - اسقار تاۋلاردىڭ دا بارىنەن بيىك شىڭى بولادى؛ ءزىل - باتپان كەمەنىڭ رولىن ءبىر ادام مەڭگەرەدى. باس شۋجي شي جينپيڭ الماعايىپ وزگەرىستەردە تۋ ۇستاپ باعدار بەلگىلەپ، رول ۇستاپ جول باستاپ، ۇلكەن سايىستا، ۇلكەن سىناقتا سەنىمدى تۇردە قولباسشىلىق ەتىپ، جوبا - جوسپار جاساپ، اساۋ تولقىنداردا قاتەرگە قارسى اتتانىپ، ءتۇپ قازىق قۇرىشتاي بەرىك بولىپ، ەل ءىشى - سىرتىنداعى كەلەلى جاعدايدى جوسپارلاپ، رەفورماعا، دامۋعا، ورنىقتىلىققا، ىشكى ىستەرگە، ديپلوماتياعا، مەملەكەت قورعانىسىنا، پارتيانى باسقارۋعا، مەملەكەتتى باسقارۋعا، ارميانى باسقارۋعا ءبىر تۇتاس باسشىلىق ەتىپ، ماركسيزمدىك ساياساتكەرگە، ويشىلعا، ستراتەككە ءتان ايبىندى جىگەردى، كورەگەندىكتى، كەمەڭگەرلىكتى تولىق ايگىلەدى؛ حالىقتى بارىنەن جوعارى قوياتىن بيلىك جۇرگىزۋ ۇستانىمىنا باستان - اياق تاباندى بولىپ، حالىقتى باقىتقا كەنەلتۋ سىندى قۇن تالپىنىسىنان باستان - اياق جازباي، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، ءىرى پارتيانىڭ، ءىرى ەل كوسەمىنىڭ تەرەڭ، شىنايى حالىقشىلدىق سۇيىسپەنشىلىگىن تولىق ايگىلەپ، ايتسا ايتقانداي پارتيانىڭ ۇيتقىسى، حالىقتىڭ كوسەمى، ارميانىڭ باس قولباسشىسى، پارتيانىڭ حالىققا باسشىلىق ەتىپ، ۇلى ىستەردى جۇزەگە اسىرۋداعى تىرەگى، جۇڭحۋا ۇلتىنىڭ ۇلى گۇلدەنۋى سىندى الىپ كەمەنىڭ تىزگىنشىسى، جول باستاۋشىسى بولدى. باس شۋجي شي جينپيڭنىڭ مەملەكەت ءتوراعالىعىنا، ورتالىق اسكەري ىستەر كوميتەتىنىڭ ءتوراعالىعىنا سايلانۋى − پارتيانىڭ تىلەگى، حالىقتىڭ تىلەگى، جۇرتتىڭ قالاۋى. ول جۇڭگو كوممۋنيستىك پارتياسى، جۇڭحۋا حالىق رەسپۋبليكاسى، جۇڭگو حالىق ازاتتىق ارمياسى باسشىلارىنىڭ ”ءۇشتى ءبىر تۇلعالاندىرۋ“ باسشىلىق ءتۇزىلىسىنىڭ تۇزىمدىك ورنالاستىرۋىن ايگىلەدى، جۇڭگو كوممۋنيستىك پارتياسى باسشىلىعىنىڭ ساياسي ابزالدىلىعى مەن جۇڭگوشا سوتسياليزمنىڭ تۇزىمدىك ابزالدىلىعىن ايگىلەدى، پارتيانىڭ جاپپاي باسشىلىعىنا تاباندى بولۋعا جانە ونى كۇشەيتۋگە، پارتيا مەن مەملەكەتتىڭ باسشىلىق تۇزىلىسىنە تاباندى بولۋعا جانە ونى كەمەلدەندىرۋگە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاۋعا ءتيىمدى، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە بەرىك ساياسي نەگىز، ۇيىمدىق نەگىز ورناتتى.
پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ۇلى جوباسىن جاساپ، جاڭا داۋىردەگى جاڭا جورىقتا پارتيا مەن مەملەكەت ىستەرى دامۋىنىڭ نىسانا - مىندەتتەرىن ايقىندادى. جاڭا جورىق داڭق پەن ارمانعا تولى ۇزاق جورىق. بۇگىنگى تاڭدا، ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە اناعۇرلىم جاقىنداي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل جانە قۋاتىمىز دا قاپتال جەتەدى، سونىمەن بىرگە، ءسوز جوق، اناعۇرلىم اۋىر، اناعۇرلىم جاپالى قۇلشىنىس كورسەتۋگە، داۋىلدى تولقىننىڭ، ءتىپتى، سۇراپىل تولقىنداردىڭ اۋىر سىنىنا توتەپ بەرۋگە دايىندالۋىمىز كەرەك. جاڭا نىسانانى بەتكە الىپ، قايراتتانا تاعى دا اتتانىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن اناعۇرلىم سانالى تۇردە قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن اناعۇرلىم سانالى تۇردە قورعاپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى بۇلجىماي ساقتاپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن يدەيانى بىرلىككە كەلتىرۋگە، ەرىك - جىگەردى بىرلىككە كەلتىرۋگە، ارەكەتتى بىرلىككە كەلتىرۋگە تاباندى بولىپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساساق، ءسوز جوق، بارلىق جاپا - ماشاقات، قيىنشىلىق، حاۋىپ - قاتەر، كەدەرگى اتاۋلىنى جەڭىپ، جۇڭگو ۇلگىسىندەگى وسىزامانداندىرۋدىڭ داڭعىل جولىندا ەرلىكپەن العا باسا الامىز. ەلىمىزدىڭ دامۋ، العا باسۋ تاعدىرىن باستان - اياق ءوز قولىمىزدا مىقتاپ يگەرە الامىز.
زامانىمىزداعى جۇڭگونىڭ تاۋ - وزەندەرى ايبىندى، حالقى ارىندى، بولاشاعى نۇرلى. بۇقارانى كوڭىل تورىنە قويىپ، قولىمىزعا اقيقاتتى ۇستاپ، ومىردەگى دۇرىس جولدى باسقان ءبىزدىڭ سەنىمىمىز كامىل، كۇشىمىز مىعىم. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، وزىمىزگە سەنىپ، ءوزىمىزدى الۋەتتەندىرىپ، تۋراشىلدىقتان اينىماي، جاڭالىق اشىپ، قايراتتانا العا ۇمتىلىپ، قايسارلىقپەن سايىسىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا داۋىرگە ءتان تىڭ شۇعىلالى ناتيجە جاراتىپ، جاڭا تاريحي ۇلى ىستەردى تىندىرايىق!
(شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
