مەملەكەتتىك ساياسي كەڭەس 14 - كەزەكتى كوميتەتىنىڭ 1 - ءماجىلىسى جابىلدى
شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، حان جىڭ، ساي چي، ديڭ شۋەشياڭ، لي شي، ۋاڭ چيشان قاتىناستى، ۋاڭ حۋنيڭ ءسوز سويلەدى
2023.03.12 14:53 كەلۋ قاينارى : حالىق تورابى
 |
جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 1 - ءماجىلىسى 3 - ايدىڭ 11 - كۇنى بەيجيڭدە جابىلدى. سۋرەتتە: شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، حان جىڭ، ساي چي، ديڭ شۋەشياڭ، لي شي، ۋاڭ چيشان ءتوراعالار مىنبەسىنەن ورىن الدى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
|
شينحۋا اگەنتتىگى، 3 - ايدىڭ 11 - كۇنى، بەيجيڭ. جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 1 - ءماجىلىسى ءتۇرلى كەڭەستىك تارتىپتەرىن تولىق ورىنداپ، 3 - ايدىڭ 11 - كۇنى تۇستەن كەيىن حالىق سارايىندا جابىلدى. ءماجىلىس حالىق ساياسي كەڭەسىنە قاتىناسۋشى ورىنداردى، ءار دارەجەلى ۇيىمداردى جانە قالىڭ مۇشەلەردى شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، سەنىمدى بەكەمدەپ، ءبىر نيەت، ءبىر تىلەكتە بولىپ، قاجىرلىلىقپەن ىستەپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە ۇندەدى.
جيىندى مەملەكەتتىك ساياسي كەڭەستىڭ ءتوراعاسى ۋاڭ حۋنيڭ باسقاردى. مەملەكەتتىك ساياسي كەڭەس ءتوراعاسىنىڭ ورىنباسارلارى شى تايفىڭ، حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، پابالا گىلەلاڭجيە، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ءتوراعالار مىنبەسىنىڭ الدىڭعى قاتارىنان ورىن الدى.
شي جينپيڭ، لي كىچياڭ، لي جانشۋ، ۋاڭ ياڭ، لي چياڭ، جاۋ لىجي، حان جىڭ، ساي چي، ديڭ شۋەشياڭ، لي شي، ۋاڭ چيشان قاتارلىلار ءتوراعالار مىنبەسىنەن ورىن الدى.
تۇستەن كەيىن ساعات 3 تە جابىلۋ جيىنى باستالدى. ۋاڭ حۋنيڭ مەملەكەتتىك ساياسي كەڭەس 14 - كەزەكتى كوميتەتىنىڭ 1 - ماجىلىسىنە قاتىناسۋعا ءتيىستى مۇشە 2169 ادام، قاتىناسقانى 2119 ادام، بۇل بەلگىلەمەدەگى ادام سانىنا ۇيلەسەدى دەپ جاريالادى.
جيىن ساياسي كەڭەس 14 - كەزەكتى مەملەكەتتىك كوميتەتى 1 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسىن، ساياسي كەڭەس 14 - كەزەكتى مەملەكەتتىك كوميتەتى 1 - ءماجىلىسىنىڭ ۇسىنىس جوبا قىزمەتىنىڭ جاعدايى تۋرالى بايانداماسى جونىندەگى قاۋلىسىن، ساياسي كەڭەس 14 - كەزەكتى مەملەكەتتىك كوميتەتى 1 - ءماجىلىسىنىڭ جۇڭگو حالىق ساياسي ءماسليحات كەڭەسىنىڭ ۋستاۆىنا وزگەرىس ەنگىزۋ جوباسى جونىندەگى قاۋلىسىن، ساياسي كەڭەس 14 - كەزەكتى مەملەكەتتىك كوميتەتى 1 – ءماجىلىسى ۇسىنىس جوبالاردى تەكسەرۋ كوميسسياسىنىڭ ساياسي كەڭەس 14 - كەزەكتى كوميتەتى 1 - ءماجىلىسىنىڭ ۇسىنىس جوبالارىن تەكسەرۋ جاعدايى جونىندەگى بايانداماسىن، مەملەكەتتىك ساياسي كەڭەس 14 - كەزەكتى كوميتەتى 1 - ءماجىلىسىنىڭ ساياسي قاۋلىسىن ماقۇلدادى.
ۋاڭ حۋنيڭ سوزىندە بىلاي دەدى: مەملەكەتتىك ساياسي كەڭەس 14 - كەزەكتى كوميتەتىنىڭ 1 - ءماجىلىسى تۋدى بيىك ۇستاعان، دەموكراتيالى، ىنتىماقتى، شىندىققا تالپىنىپ، ەكپىندەي ىلگەرىلەگەن، ستيلى پاك، سالتى دۇرىس ءماجىلىس بولىپ، ەلىمىزدىڭ جالپى بارىستىق حالىق دەموكراتياسىنىڭ ەرەكشەلىگىن، ابزالدىعىن جانە ومىرشەڭدىك كۇشىن تولىق ايگىلەدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ءماجىلىستىڭ اشىلۋ جيىنى مەن جابىلۋ جيىنىنا قاتىناسىپ، مۇشەلەرمەن امانداستى ءارى گرۋپپالاردىڭ بىرلەسكەن تالقىسىنا قاتىناسىپ، مۇشەلەرمەن بىرگە مەملەكەت ىستەرىن اقىلداستى. مۇشەلەر باس شۋجي شي جينپيڭنىڭ جۇڭگو دەموكراتيالىق مەملەكەت قۇرۋ قوعامى، ساۋدا - ونەركاسىپشىلەر بىرلەستىگى سالاسىنداعى مۇشەلەردىڭ بىرىككەن گرۋپپا جيىنىنا قاتىناسقاندا سويلەگەن ماڭىزدى ءسوزىن مۇقيات ۇيرەنىپ، ۇكىمەت قىزمەتىنەن باياندامانى جانە باسقا دا باياندامالاردى ىشكەرىلەي تالقىلاپ، ساياسي كەڭەس تۇراقتى كوميتەتىنىڭ قىزمەت بايانداماسى، ساياسي كەڭەس ۋستاۆىنىڭ وزگەرىس ەنگىزىلگەن جوباسى سياقتى قۇجاتتاردى مۇقيات قاراپ، ۇكىمەت ءىسىن اقىلداسۋدا سۇبەلى ناتيجەلەرگە قول جەتكىزدى. بارلىق مۇشە ج ك پ 18 - قۇرىلتايىنان بەرى پارتيا مەن مەملەكەت ىستەرىنىڭ دامۋىندا قول جەتكەن تاريحي جەتىستىكتەردى، تۋىلعان تاريحي وزگەرىستەردى جوعارى باعالاپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتۋدىڭ جارقىن بولاشاعىنا كامىل سەنىم ارتتى.
ۋاڭ حۋنيڭ مىنالاردى ءبىلدىردى: جۇڭگو كوممۋنيستىك پارتياسىنىڭ 20 - قۇرىلتايىندا جاپپاي سوتسياليستىك وسىزاماندانعان قۇدىرەتتى ەل قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ۇلى جوباسى جاسالدى، حالىق ساياسي كەڭەسىنىڭ بورىشى داڭقتى، جاۋاپكەرلىگى اۋىر. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ج ك پ 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭگو كوممۋنيستىك پارتياسىنىڭ جاپپاي باسشىلىعىندا بۇلجىماي تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىندە تاباندى بولىپ جانە ونى كەمەلدەندىرىپ، پارتيانىڭ باسشىلىعىن، بىرلىكساپتى، كەڭەستىك دەموكراتيانى ورگانيكالى ۇشتاستىرۋدا تاباندى بولىپ، وزەكپەن، جالپى جاعدايمەن تىعىز ۇشتاستىرىپ، فۋنكتسيانى مۇقيات اتقارىپ، بەلسەنە جاۋاپكەرلىك ارقالاپ، ىسكەرلىك كورسەتىپ، ج ك پ ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەس قىزمەتىنە قويعان تالاپتارىن اناعۇرلىم ويداعىداي تياناقتاندىرىپ، ەل ءىشى - سىرتىنداعى جۇڭحۋا ۇلاندارىنىڭ اقىل - پاراساتى مەن كۇش - قۋاتىن ۇيىستىرىپ، ج ك پ 20 - قۇرىلتايىندا بەلگىلەنگەن نىسانالى مىندەتتەردى ىسكە اسىرۋ ءۇشىن بەلسەندى ۇلەس قوسۋ كەرەك. سوندىقتان شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ جانە دايەكتىلەندىرىپ، حالىق ساياسي كەڭەسى ىستەرى دامۋىنىڭ دۇرىس ساياسي بەتالىسىنا كەپىلدىك ەتۋ؛ وزەكتى سانالىلىقپەن ارقاۋ ەتىپ، جالپى جاعدايعا قىزمەت ەتىپ، ج ك پ 20 - قۇرىلتايىنىڭ شەشىمدەرى مەن ورنالاستىرۋلارىن دايەكتى تياناقتاندىرۋعا كەڭەس بەرىپ، ۇسىنىس قويۋ؛ ۇلى ىنتىماق پەن ۇلى بىرلىكتە باستان - اياق تاباندى بولىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۇدىرەتتى كۇشىن توپتاۋ كەرەك.
ۋاڭ حۋنيڭ مىنالاردى ءبىلدىردى: ءبىز شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ءبىر نيەت، ءبىر تىلەكتە بولىپ، كوپ بولىپ كۇش سالىپ، سەنىمدى بەكەمدەپ، ەرلىكپەن العا باسىپ، حالىق ساياسي كەڭەسى ىستەرىن دامىتۋدىڭ تىڭ داستانىن قۇلشىنا جازىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋىمىز كەرەك.
ما شيڭرۇي، ۋاڭ چىن، ۋاڭ ي، يىن لي، ليۋ حى، ليۋ گوجۇڭ، شۇي چيلياڭ، سۇن چۇنلان، لي گانجيە، لي شۋلەي، لي حۇڭجۇڭ، ياڭ شياۋدۋ، حى ۋەيدۇڭ، حى ليفىڭ، جاڭ يوۋشيا، جاڭ گوچيڭ، چىن ۋىنچيڭ، چىن جينيڭ، چىن مين - ىر، يۋان جياجۇن، حۋاڭ كۇنميڭ، ليۋ جينگو، ۋاڭ شياۋحۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر، ۋەي فىڭحى، جاۋ كىجى، جاڭ جۇن، يىڭ يۇڭ، ساۋ جيانميڭ، جاڭ چۇنشيان، جي بيڭشۋان، ەركىن يمىرباقى، ۋان ىشياڭ، چىن جۋ، بايما چىلين، جاڭ چيڭلي، ليۋ چيباۋ، ۋان گاڭ، لۋ جانگۇڭ، ما بياۋ، چىن شياۋگۋاڭ، شيا باۋلۇڭ، ياڭ چۋانتاڭ، لي بين، ۋاڭ يۇڭچيڭ، گۋ شىڭزۋ، ليۋ شينچىڭ قاتارلى باسشى جولداستار دا جابىلۋ جيىنىنا قاتىناستى.
ج ك پ ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار جابىلۋ جيىنىنا سىرتتاي قاتىناستى. شەتەلدەردىڭ جۇڭگودا تۇراتىن ەلشىلەرى، شەتەلدەگى مۇھاجىر باۋىرلاستار قاتارلىلار ۇسىنىس بويىنشا جابىلۋ جيىنىن سىرتتاي تىڭدادى.
ءماجىلىس ايبىندى مەملەكەت گيمنىمەن جابىلدى.
جابىلۋ جيىنىنان كەيىن شي جينپيڭ قاتارلى پارتيا مەن مەملەكەت باسشىلارى ماجىلىسكە قاتىناسقان بارلىق ساياسي كەڭەس مۇشەسىمەن ەستەلىك سۋرەتكە ءتۇستى.
كەلۋ قاينارى: حالىق تورابى
 |
جۇڭگو حالىق ساياسي ءماسليحات كەڭەسى 14 - كەزەكتى مەملەكەتتىك كوميتەتىنىڭ 1 - ءماجىلىسى 3 - ايدىڭ 11 - كۇنى بەيجيڭدەگى حالىق سارايىندا جابىلۋ جيىنىن وتكىزدى. مەملەكەتتىك ساياسي كەڭەستىڭ ءتوراعاسى ۋاڭ حۋنيڭ جابىلۋ جيىنىن باسقاردى ءارى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
