14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى ءتورتىنشى جالپى جيىنىن وتكىزدى
مەملەكەت ءتوراعاسى شي جينپيڭنىڭ ۇسىنۋى بويىنشا لي چياڭدى مەملەكەتتىك كەڭەستىڭ زۇڭليلىگىنە تاعايىنداۋدى ۇيعاردى، مەملەكەت ءتوراعاسى شي جينپيڭ ءتوراعا بۇيرىعىنا قول قويىپ تاعايىندادى
2023.03.12 14:58 كەلۋ قاينارى : حالىق تورابى
مەملەكەتتىك 14 - كەزەكتى حالىق قۇرىلتايىنىڭ 1 - ءماجىلىسى 3 - ايدىڭ 11 - كۇنى بەيجيڭدەگى حالىق سارايىندا ءتورتىنشى جالپى جيىنىن وتكىزدى، مەملەكەت ءتوراعاسى شي جينپيڭنىڭ ۇسىنۋى بويىنشا، بەلەت تاستاپ داۋىسقا سالۋ ارقىلى لي چياڭدى جۇڭحۋا حالىق رەسپۋبليكاسى مەملەكەتتىك كەڭەسىنىڭ زۇڭليلىگىنە تاعايىنداۋدى ۇيعاردى. سۋرەتتە: شي جينپيڭ لي چياڭمەن قول الىسۋدا. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگى، 3 - ايدىڭ 11 - كۇنى، بەيجيڭ. 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى 3 - ايدىڭ 11 - كۇنى تۇستەن بۇرىن بەيجيڭدەگى حالىق سارايىندا ءتورتىنشى جالپى جيىنىن وتكىزىپ، مەملەكەت ءتوراعاسى شي جينپيڭنىڭ ۇسىنۋى بويىنشا، بەلەت تاستاپ داۋىسقا سالۋ ارقىلى لي چياڭدى جۇڭحۋا حالىق رەسپۋبليكاسى مەملەكەتتىك كەڭەسىنىڭ زۇڭليلىگىنە تاعايىنداۋدى ۇيعاردى. مەملەكەت ءتوراعاسى شي جينپيڭ 1 - ءنومىرلى ءتوراعا بۇيرىعىنا قول قويىپ، ءماجىلىستىڭ قارارىنا ساي، لي چياڭدى مەملەكەتتىك كەڭەستىڭ زۇڭليلىگىنە تاعايىندادى.
شي جينپيڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي قاتارلىلار جيىنعا قاتىناستى.
جيىنعا قاتىناسۋعا ءتيىستى ۋاكىل 2977 ادام، قاتىناسقانى 2947 ادام، 30 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
جيىندى ءماجىلىستىڭ اتقارۋشى ءتوراعاسى، ءتوراعالار القاسىنىڭ تۇراقتى ءتوراعاسى ۋاڭ دۇڭميڭ باسقاردى. ءماجىلىستىڭ اتقارۋشى ءتوراعالارى ما شيڭرۇي، ۋاڭ شياۋحۇي، يىن حۇڭ، سۇن شاۋفىڭ، جاڭ يوۋشيا، جاڭ چيڭۋەي، جاۋ ي - دى، شين چاڭشيڭ، دۇڭ يۇنحۋ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.
بۇل رەتكى جيىننىڭ كەڭەستىك ءتارتىبى: جۇڭحۋا حالىق رەسپۋبليكاسىنىڭ ءتوراعاسى شي جينپيڭنىڭ ۇسىنۋى بويىنشا جۇڭحۋا حالىق رەسپۋبليكاسى مەملەكەتتىك كەڭەسىنىڭ زۇڭليىن بەلگىلەۋ؛ جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ۇسىنۋى بويىنشا جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ورىنباسار ءتوراعالارىن، مۇشەلەرىن بەلگىلەۋ؛ مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسىن سايلاۋ؛ ەڭ جوعارى حالىق سوتى مەكەمەسىنىڭ باستىعىن سايلاۋ؛ ەڭ جوعارى حالىق پروكۋراتۋراسىنىڭ باس پروكۋرورىن سايلاۋ؛ 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مۇشەلەرىن سايلاۋ.
شي جينپيڭ مەملەكەتتىك كەڭەس زۇڭليىنىڭ كانديداتىن، ورتالىق اسكەري ىستەر كوميتەتىنىڭ ورىنباسار ءتوراعالارىنىڭ، مۇشەلەرىنىڭ كانديداتتارىن ۇسىنعاننان كەيىن ۋاكىلدەر ۇيىرمەلەرى اقىلداستى. ۋاكىلدەر ۇيىرمەلەرىنىڭ اقىلداسۋ پىكىرىنە ساي، ءتوراعالار القاسىنىڭ جيىنى وسى رەتكى جالپى جيىننىڭ تاعايىنداۋدى ۇيعارۋىنا ۇسىندى.
جيىندا شي جينپيڭنىڭ مەملەكەتتىك كەڭەس زۇڭليىنىڭ كانديداتىن ۇسىنۋ حاتى، ورتالىق اسكەري ىستەر كوميتەتىنىڭ ورىنباسار ءتوراعالارىنىڭ، مۇشەلەرىنىڭ كانديداتتارىن ۇسىنۋ حاتى وقىلدى.
مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى كانديداتىن، ەڭ جوعارى حالىق سوتى مەكەمەسىنىڭ باستىعى كانديداتىن، ەڭ جوعارى حالىق پروكۋراتۋراسى باس پروكۋرورىنىڭ كانديداتىن، 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مۇشەلەرى كانديداتتارىن ءتوراعالار القاسى ۇسىنعاننان كەيىن ۋاكىلدەر ۇيىرمەلەرى اقىلداسىپ كەڭەستى. كوپ ساندى ۋاكىلدىڭ پىكىرىنە ساي، ءتوراعالار القاسى جيىنى رەسمي كانديداتتار ەسىمدىگىن بەلگىلەپ، وسى رەتكى جالپى جيىننىڭ سايلاۋىنا ۇسىندى.
ساعات 9 دان 24 مينۋت وتكەندە باس بەلەت باقىلاۋشىلار، بەلەت باقىلاۋشىلار ەلەكتروندىق بەلەت ساندىعى مەن ەلەكتروندىق سايلاۋ جۇيەسىن تەكسەرگەننەن كەيىن قىزمەتكەرلەر سايلاۋ بەلەتىن تاراتا باستادى. ءاربىر ۋاكىل 6 سايلاۋ بەلەتىن الدى.
ءماجىلىستىڭ سايلاۋ جانە مىندەتكە تاعايىنداۋدى ۇيعارۋ ادىسىنە ساي، مەملەكەتتىك كەڭەس زۇڭليىنىڭ كانديداتىنا جانە ورتالىق اسكەري ىستەر كوميتەتىنىڭ ورىنباسار ءتوراعالارى، مۇشەلەرى كانديداتتارىنا داۋىسقا سالۋ ءادىسىن قولدانۋ، مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسىن، ەڭ جوعارى حالىق سوتى مەكەمەسىنىڭ باستىعىن، ەڭ جوعارى حالىق پروكۋراتۋراسىنىڭ باس پروكۋرورىن، مەملەكەتتىك 14 - كەزەكتى حالىق قۇرىلتايى تۇراقتى كوميتەتىنىڭ مۇشەلەرىن سايلاۋدا سايلاۋ بەلەتىن قولدانۋ ۇيعارىلدى.
بەلەت جازۋ، بەلەت تاستاۋ، بەلەت ساناۋ ارقىلى ساعات 11 دە قىزمەتكەرلەر داۋىسقا سالۋدىڭ، سايلاۋدىڭ بەلەت ساناۋ ناتيجەسىن جاريالاي باستادى.
باسقارۋشى لي چياڭ جولداس جۇڭحۋا حالىق رەسپۋبليكاسى مەملەكەتتىك كەڭەسىنىڭ زۇڭليى بولعانىن جاريالاعاننان كەيىن بۇكىل زالدان قىزۋ قول شاپالاق ءۇنى كوتەرىلدى، لي چياڭ ورنىنان تۇرىپ ۋاكىلدەرگە ءيىلىپ ىززەت ءبىلدىردى. وسىدان كەيىن ول شي جينپيڭگە بۇرىلىپ، ەكەۋى ىقىلاسپەن قول الىستى، شي جينپيڭ ونى قۇتتىقتادى. لي چياڭ تاعى لي كىچياڭ جولداسپەن قول الىسىپ، ءوزارا قۇرمەت ءبىلدىردى.
وسىدان سوڭ، باسقارۋشى مىنالاردى كەزەكپەن جاريالادى:
جاڭ يوۋشيا، حى ۋەيدۇڭ جولداستار جۇڭحۋا حالىق رەسپۋبليكاسى ورتالىق اسكەري ىستەر كوميتەتى ءتوراعاسىنىڭ ورىنباسارلارى بولدى.
لي شاڭفۋ، ليۋ جىنلي، مياۋ حۋا، جاڭ شىڭمين جولداستار جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ مۇشەلەرى بولدى.
ليۋ جينگو جولداس جۇڭحۋا حالىق رەسپۋبليكاسى مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىلىگىنە سايلاندى.
جاڭ جۇن جولداس جۇڭحۋا حالىق رەسپۋبليكاسى ەڭ جوعارى حالىق سوتى مەكەمەسىنىڭ باستىقتىعىنا سايلاندى.
يىڭ يۇڭ جولداس جۇڭحۋا حالىق رەسپۋبليكاسى ەڭ جوعارى حالىق پروكۋراتۋراسىنىڭ باس پروكۋرورلىعىنا سايلاندى.
159 كانديدات 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مۇشەلىگىنە سايلاندى.
ءار رەتكى داۋىسقا سالۋدىڭ، سايلاۋدىڭ ناتيجەسى جاريالانعان سايىن زالدان شاتىرلاعان شاپالاق ءۇنى كوتەرىلدى.
ءماجىلىس ءتوراعالار القاسىنىڭ نەگىزگى زاڭ الدىندا سەرت بەرۋ جونىندەگى ۇيىمدىق ءادىسى بويىنشا، جالپى جيىننىڭ كەڭەستىك تارتىپتەرى اياقتالعاننان كەيىن مەملەكەتتىك كەڭەستىڭ زۇڭليى لي چياڭ، مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى ليۋ جينگو، ەڭ جوعارى حالىق سوتى مەكەمەسىنىڭ باستىعى جاڭ جۇن، ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ نەگىزگى زاڭ الدىندا جەكە - جەكە سەرت بەردى؛ ورتالىق اسكەري ىستەر كوميتەتى ءتوراعاسىنىڭ ورىنباسارلارى، مۇشەلەرى، مەملەكەتتىك حالىق قۇرىلتايى تۇراقتى كوميتەتىنىڭ مۇشەلەرى جەكە - جەكە توپتىق سەرت بەردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
