”ءبىر ەل، ەكى ءتۇزىم“ امالياتى مەن وتاننىڭ بىرلىككە كەلۋ ۇلى ءىسىن تىڭعىلىقتى ىلگەرىلەتەيىك
− ءتوراعا شي جينپيڭنىڭ 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ
□ حالىق گازەتىنىڭ شولۋشىسى
2023.03.21 15:37 كەلۋ قاينارى : شينجياڭ گازەتى
ۇلتتىڭ گۇلدەنۋى، مەملەكەتتىڭ بىرلىككە كەلۋى − زامانا اۋقىمى، ادىلەت تياناعى، حالىق تىلەگىنىڭ قالاۋى. 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىندە ءتوراعا شي جينپيڭ مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ستراتەگيالىق جالپى جاعدايىن تياناق ەتىپ، ”ءبىر ەل، ەكى ءتۇزىم“ امالياتى مەن وتاننىڭ بىرلىككە كەلۋ ۇلى ءىسىن تىڭعىلىقتى ىلگەرىلەتۋ جونىندە ايقىن تالاپ قويىپ، ”مەملەكەتتى قۇدىرەتتەندىرۋ قۇرىلىسىن ىلگەرىلەتۋ شياڭگاڭنىڭ، اۋمىننىڭ ۇزاق ۋاقىت گۇلدەنۋىنەن، ورنىقتىلىعىنان قول ۇزە المايدى“ دەپ اتاپ كورسەتىپ، ”سىرتقى كۇشتەردىڭ كيلىگۋ جانە ’تايۋاندى تاۋەلسىزدەندىرۋ‘ بولشەكتەۋشىلىك ارەكەتىنە باتىل قارسى تۇرىپ، وتاننىڭ بىرلىككە كەلۋ اياق الىسىن بۇلجىتپاي ىلگەرىلەتۋدى“ باسا دارىپتەدى.
”ءبىر ەل، ەكى ءتۇزىم“ − جۇڭگوشا سوتسياليزمنىڭ ۇلى جاسامپازدىعى، تايۋان ماسەلەسىن شەشىپ، وتاندى بۇكىلدەي بىرلىككە كەلتىرۋ − پارتيانىڭ مىزعىماس تاريحي مىندەتى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ”ءبىر ەل، ەكى ءتۇزىم“ امالياتىن جان - جاقتى، دالمە - ءدال ىلگەرىلەتىپ، ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىنا تاباندى بولىپ، شياڭگاڭنىڭ بىلىقپالىقتان تىنىشتالۋعا، تىنىشتالۋدان گۇلدەنۋدىڭ جاڭا كەزەڭىنە ءوتۋىن ىلگەرىلەتىپ، شياڭگاڭنىڭ، اۋمىننىڭ ۇزاق ۋاقىت ورنىقتى دامۋىنىڭ تاماشا اۋقىمىن ساقتادى؛ جاڭا داۋىردە تايۋان ماسەلەسىن شەشۋدىڭ جالپى تۇلعالىق جالپى جوباسىن ورتاعا قويىپ، ەكى جاعالاۋدىڭ اۋىس - كۇيىسىن، سەلبەستىگىن جەبەپ، ەكى جاعالاۋ قاتىناسىنىڭ جەتەكشىلىك ۇقىعى مەن ىرىقتىلىق ۇقىعىن مىقتى يگەردى. اسىرەسە، شياڭگاڭ جاعدايىنىڭ اۋمالى - توكپەلى وزگەرىسى الدىندا، ەرەكشە اكىمشىلىك رايوندى نەگىزگى زاڭ مەن ءتۇبىرلى زاڭ بويىنشا جاپپاي باسقارۋ، جونگە سالۋ ۇقىعىن ۇتىمدى اتقارىپ، شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭىن جاساپ جانە اتقارىپ، ”وتانشىلداردىڭ شياڭگاڭدى باسقارۋى“ پرينسيبىن تياناقتاندىرىپ، شياڭگاڭ جاعدايىندا بىلىقپالىقتان تىنىشتالۋعا دەيىنگى كەلەلى بۇرىلىستى جۇزەگە اسىردى، گۋاڭدۇڭ − شياڭگاڭ − اۋمىن ۇلكەن شىعاناق رايونى قۇرىلىسىن ىشكەرىلەي ىلگەرىلەتىپ، شياڭگاڭنىڭ، اۋمىننىڭ ەكونوميكانى دامىتۋىنا، حالىق تۇرمىسىن جاقسارتۋىنا، ورنىقتىلىقتى ساقتاۋىنا قولداۋ كورسەتتى. ”تايۋاندى تاۋەلسىزدەندىرۋ“ كۇشتەرىنىڭ بولشەكتەۋشىلىك ارەكەتى مەن سىرتقى كۇشتەردىڭ ”تايۋان كوزىرىن“ كوتەرۋى سىندى اۋىر ارانداتۋشىلدىق الدىندا، بولشەكتەۋشىلىككە قارسى، كيلىگۋگە قارسى كەلەلى كۇرەستى باتىل ورىستەتىپ، وتاننىڭ بۇكىلدەي بىرلىككە كەلۋىن جۇزەگە اسىرۋدىڭ ستراتەگيالىق ىرىقتىلىعىن ونان ارى يگەرىپ، حالىقارالىق قوعامنىڭ ءبىر جۇڭگو پرينسيبىنە تاباندى بولۋ اۋقىمىن ونان ارى بەكەمدەدى.
پارتيا 20 - قۇرىلتايى جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ايبىندى جوباسىن كەسكىندەپ، جاڭا ءداۋىردىڭ جاڭا جورىعىندا پارتيا مەن مەملەكەت ىستەرىن دامىتۋدىڭ نىسانا - مىندەتتەرىن ايقىنداپ، ”ءبىر ەل، ەكى تۇزىمگە“ تاباندى بولۋ جانە كەمەلدەندىرۋدى توڭىرەكتەي وتىرىپ، وتاننىڭ بىرلىككە كەلۋىن ىلگەرىلەتۋ جونىندە ستراتەگيالىق ورنالاستىرۋ جاسادى. مىنانى تەرەڭ تانۋىمىز كەرەك: ”ءبىر ەل، ەكى ءتۇزىم“ − امالياتتىڭ تالاي مارتە سىناعىنان وتكەن، مەملەكەتتىڭ، ۇلتتىڭ ءتۇبىرلى مۇددەسىنە ۇيلەسەتىن، شياڭگاڭنىڭ، اۋمىننىڭ ءتۇبىرلى مۇددەسىنە ۇيلەسەتىن، شياڭگاڭنىڭ، اۋمىننىڭ وتان قۇشاعىنا ورالعاننان كەيىن ۇزاق ۋاقىت گۇلدەنىپ - كوركەيۋىن، ورنىقتىلىعىن ساقتاۋداعى ەڭ ۇتىمدى تۇزىمدىك ورنالاستىرۋ، وعان، ءسوز جوق، ۇزاق ۋاقىت تاباندى بولۋ كەرەك. وتاننىڭ بۇكىلدەي بىرلىككە كەلۋىن جۇزەگە اسىرۋ − بارلىق جۇڭحۋا پەرزەنتتەرىنىڭ ورتاق تىلەگى، ۇلتتى گۇلدەندىرۋ تاقىرىبىنىڭ ماڭىزدى مازمۇنى. تايۋان ماسەلەسى ۇلتتىڭ دارمەنسىزدىگىنەن، بىلىقپالىققا ۇشىراۋىنان تۋىلعان، ول، ءسوز جوق، ۇلتتىڭ گۇلدەنۋىنە ىلەسە شەشىلەدى. مەملەكەتتىڭ قۇدىرەتتەنۋىنىڭ، ۇلتتىڭ گۇلدەنۋىنىڭ، ەكى جاعالاۋدىڭ بىرلىككە كەلۋىنىڭ تاريحي ۇلكەن اۋقىمىن ءارقانداي ادام، ءارقانداي كۇش مۇلدە بوگەي المايدى.
ءتوراعا شي جينپيڭ بىلاي دەپ باسا دارىپتەدى: ”’ءبىر ەل، ەكى ءتۇزىم‘، ’شياڭگاڭدى شياڭگاڭدىقتار باسقارۋ‘، ’اۋمىندى اۋمىندىقتار باسقارۋ‘، وسكەلەڭ اۆتونوميا باعىتىن جاپپاي، دالمە - ءدال، بۇلجىماي دايەكتىلەندىرىپ، شياڭگاڭدى، اۋمىندى زاڭ بويىنشا باسقارۋعا تاباندى بولىپ، شياڭگاڭ، اۋمىن ەرەكشە اكىمشىلىك رايوندارىنىڭ ەكونوميكانى دامىتۋىن، حالىق تۇرمىسىن جاقسارتۋىن، مەملەكەتتىڭ دامۋ كەلەلى جاعدايىنا اناعۇرلىم ويداعىداي توعىسۋىن قولداۋىمىز كەرەك“. بۇل جاڭا جورىقتا ”ءبىر ەل، ەكى ءتۇزىم“ امالياتىن تىڭعىلىقتى ىلگەرىلەتىپ، شياڭگاڭنىڭ، اۋمىننىڭ ۇزاق ۋاقىت گۇلدەنۋىن، ورنىقتىلىعىن جەبەۋگە العا باسۋ بەتالىسىن كورسەتىپ بەردى. بولاشاققا بەت العاندا، ءبىز ”ءبىر ەل، ەكى ءتۇزىم“ ءتۇزىم جۇيەسىنە تاباندى بولىپ جانە ونى كەمەلدەندىرىپ، ورتالىقتىڭ جان - جاقتى باسقارۋ، جونگە سالۋ ۇقىعىن تياناقتاندىرىپ، ”وتانشىلداردىڭ شياڭگاڭدى باسقارۋى“، ”وتانشىلداردىڭ اۋمىندى باسقارۋى“ پرينسيبىن تياناقتاندىرىپ، ەرەكشە اكىمشىلىك رايونداردىڭ مەملەكەت حاۋىپسىزدىگىن قورعاۋداعى زاڭ - تۇزىمدەرى مەن ونى اتقارۋ مەحانيزمىن تياناقتاندىرىپ، شياڭگاڭنىڭ، اۋمىننىڭ ەكونوميكانى دامىتۋىنا، حالىق تۇرمىسىن جاقسارتۋىنا، ەكونوميكالىق، قوعامدىق دامۋداعى تەرەڭ قاتپارلى قايشىلىقتار مەن ماسەلەلەردى شەشۋىنە قولداۋ كورسەتىپ، شياڭگاڭنىڭ، اۋمىننىڭ حالىقارالىق فينانس، ساۋدا، تەڭىز تاسىمالى، اۆياتسيا، عىلىم - تەحنيكادا جاڭالىق اشۋ، مادەنيەت - ساياحات سياقتى سالالارداعى ورنىن بەكەمدەپ جانە جوعارىلاتىپ، وتاندى سۇيەتىن، شياڭگاڭدى سۇيەتىن، اۋمىندى سۇيەتىن كۇشتەردى دامىتىپ، ۇلعايتىپ، ”ءبىر ەل، ەكى ءتۇزىم“ ىستەرىنىڭ باستان - اياق دۇرىس بەتالىستى بويلاپ، ورنىقتى قاداممەن الىسقا جەتۋىنە شىنايى كەپىلدىك ەتۋىمىز كەرەك.
وتان، ءسوز جوق، بىرلىككە كەلۋ كەرەك ءارى، ءسوزسىز، بىرلىككە كەلەدى. ءسوز جوق، مىنانى ايقىن تانۋىمىز كەرەك: ”بەيبىت جولمەن بىرلىككە كەلۋ، ءبىر ەل، ەكى ءتۇزىم“ باعىتى − ەكى جاعالاۋدىڭ بىرلىككە كەلۋىن جۇزەگە اسىرۋدىڭ ەڭ تاماشا ءتاسىلى، ەكى جاعالاۋداعى باۋىرلاستار مەن جۇڭحۋا ۇلتى ءۇشىن ەڭ ءتيىمدى. ”تايۋاندى تاۋەلسىزدەندىرۋ“ بولشەكتەۋشىلىگى − وتاننىڭ بىرلىككە كەلۋىندەگى ەڭ ۇلكەن كەدەرگى، ۇلتتىڭ گۇلدەنۋىندەگى اۋىر كومەسكى قاتەر. تايۋان ماسەلەسىن شەشۋ − جۇڭگولىقتاردىڭ ءوز ءىسى، ونى جۇڭگولىقتار بەلگىلەيدى. ءبىز پارتيانىڭ جاڭا داۋىردەگى تايۋان ماسەلەسىن شەشۋدەگى جالپى تۇلعالىق جالپى جوباسىن دايەكتىلەندىرىپ، ءبىر جۇڭگو پرينسيبى مەن ”1992 - جىلعى ورتاق تانىمعا“ تاباندى بولىپ، بارشا تايۋاندىق باۋىرلاستارمەن ىنتىماقتاسىپ، ەكى جاعالاۋ قاتىناسىنىڭ بەيبىت دامۋىنا بىرگە دەم بەرىپ، وتاننىڭ بەيبىت جولمەن بىرلىككە كەلۋ اياق الىسىن ىلگەرىلەتىپ، ”تاۋەلسىزدەندىرۋگە“ باتىل قارسى تۇرىپ، بىرلىككە كەلۋدى جەبەۋىمىز كەرەك. ەكى جاعالاۋداعى باۋىرلاستاردى قامتىعان بارلىق جۇڭحۋا پەرزەنتتەرى ءبىر نيەتپەن كۇش بىرىكتىرىپ، ىنتىماقتاسا العا تالپىنىپ، سىرتقى كۇشتەردىڭ كيلىگۋ جانە ”تايۋاندى تاۋەلسىزدەندىرۋ“ بولشەكتەۋشىلىك ارەكەتىنە باتىل قارسى تۇرىپ، وتاننىڭ بۇكىلدەي بىرلىككە كەلۋى، ۇلتتىڭ ۇلى گۇلدەنۋى سىندى داڭقتى ۇلى ءىستى بىرگە جاراتۋى كەرەك.
بۇگىن جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، جۇڭحۋا ۇلتىنىڭ ۇلى گۇلدەنۋى كەرى قايتارۋعا كەلمەيتىن تاريحي ۇردىسكە قادام تاستادى. ”ءبىر ەل، ەكى ءتۇزىم“ باعىتىن جالپى بەتتىك، دۇرىس دايەكتىلەندىرۋ شياڭگاڭعا، اۋمىنعا شەكسىز كەڭ دامۋ كەڭىستىگىن جاراتادى. وتاننىڭ بۇكىلدەي بىرلىككە كەلۋىندە وراي مەن اۋقىم باستان - اياق ءبىز جاقتا. ءبىز جۇڭگو كوممۋنيستىك پارتياسىنىڭ پارمەندى باسشىلىعىندا، ۇلى وتاننىڭ پارمەندى تىرەك بولۋىندا، شياڭگاڭ ەرەكشە اكىمشىلىك رايونىنداعى باۋىرلاستاردى، اۋمىن ەرەكشە اكىمشىلىك رايونىنداعى باۋىرلاستاردى جانە تايۋانداعى باۋىرلاستاردى قامتىعان بۇكىل ەلدەگى ءار ۇلت حالقىنىڭ ءبىر نيەتپەن سەلبەسۋىندە شياڭگاڭنىڭ، اۋمىننىڭ ۇزاق ۋاقىت گۇلدەنۋىنىڭ، ورنىقتىلىعىنىڭ، ءسوز جوق، ساقتالاتىندىعىنا، وتاننىڭ بۇكىلدەي بىرلىككە كەلۋىنىڭ، ءسوز جوق، جۇزەگە اساتىندىعىنا كامىل سەنەمىز.
(شينحۋا اگەنتتىگىنىڭ 3 - ايدىڭ 18 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
