بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

”مەملەكەتتىك ماجبۇرلەۋ سيپاتىنداعى ولشەم“ 7 – ايدان باستاپ اتقارىلادى

2023.03.21 15:49     كەلۋ قاينارى : حالىق تورابى

  جۋىردا ەلەكترلى ۆەلوسيپەت مىنگەندەردىڭ دۋلىعاسىنىڭ ساپاسىنىڭ ولشەمى مەن حاۋىپسىزدىك يقۋاتىن جۇيەگە ءتۇسىرۋ جانە جوعارىلاتۋ، ۆەلوسيپەت مىنۋشىلەردىڭ قاتىناس حاۋىپسىزدىگىنە كەپىلدىك ەتۋ ءۇشىن، قوعام حاۋىپسىزدىگى مينيسترلىگى، ونەركاسىپ جانە ينفورماتسيالاندىرۋ مينيسترلىگى «موتوتسيكل، ەلەكترلى ۆەلوسيپەت جۇرگىزۋشىلەردىڭ دۋلىعاسى» (GB 811-2022، تومەندە ”جاڭا ولشەم“ دەپ اتالادى) اتتى مەملەكەتتىك ءماجبۇرلى سيپاتتاعى ولشەمدى بىرگە ۇيىمداستىرىپ بەلگىلەگەن.

  جاڭا ولشەم — ەلەكترلى ۆەلوسيپەت مىنەتىندەردىڭ دۋلىعاسىنا قاتىستى مەملەكەتتىك ءماجبۇرلى سيپاتتاعى العاشقى ولشەم، 2022 – جىلى 12 – ايدىڭ 1 – كۇنى جاريالانعان، 2023 – جىلى 7 – ايدىڭ 1 – كۇنىنەن باستاپ اتقارىلادى، تۇراقتاندىرۋ قۇرىلعىسىنىڭ ورنىقتىلىعى، تاعۋ قۇرىلعىسىنىڭ كۇشەمەلىلىگى، سوعىلىسۋداعى توزىمدىلىك قۋاتى، تەسىپ وتۋدەگى توزىمدىلىگى، كوز قورعاۋ كوز اينەگى قاتارلى جاقتاردا قاتاڭ بەلگىلەمەلەر جاسالعان.

  وسىنىڭ الدىندا، ونەركاسىپ جانە ينفورماتسيالاندىرۋ مينيسترلىگى جۇڭگو مادەنيەت، وقۋ – اعارتۋ، دەنە تاربيەگە قاتىستى بۇيىمدار بىرلەستىگىنە جەتەكشىلىك ەتىپ «ەلەكترلى ۆەلوسيپەت مىنەتىندەردىڭ دۋلىعاسىنىڭ حاۋىپسىزدىگىنە ساياتىن تەحنيكالىق ولشەم» اتتى توپتىق ولشەمدى بەلگىلەگەن ءارى كاسىپورىنداردى وسى ولشەمدى قابىلداپ اتقارۋعا شابىتتاندىرعان. جاڭا ولشەم جاريالانعان سوڭ، ونەركاسىپ جانە ينفورماتسيالاندىرۋ مينيسترلىگى 2023 – جىلى 3 – ايدىڭ 10 – كۇنى ءماجىلىس ۇيىمداستىرىپ اشىپ، ەلەكترلى ۆەلوسيپەت مىنۋشىلەردىڭ دۋلىعاسىن جاسايتىن، ەلەكترلى ۆەلوسيپەت جاسايتىن كاسىپورىندارعا جانە قاتىستى ساۋدا سەرىكتەستىكتەرىنە جاڭا ولشەمدى ۇگىتتەگەن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى