ج ك پ ورتالىق كوميتەتى «شي جينپيڭ شىعارمالارىنان تاڭدامالىلاردىڭ» 1 - ، 2 - تومدارىن ۇيرەنۋ جونىندەگى ۇقتىرۋدى شىعاردى
2023.04.11 16:57 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 10 - كۇنى، بەيجيڭ. جۋىقتا ج ك پ ورتالىق كوميتەتى «شي جينپيڭ شىعارمالارىنان تاڭدامالىلاردىڭ» 1 - ، 2 - تومدارىن ۇيرەنۋ جونىندەگى ۇقتىرۋدى شىعاردى. تولىق ءماتىنى تومەندەگىدەي:
«شي جينپيڭ شىعارمالارىنان تاڭدامالىلاردى» رەداكسيالاپ باسپادان شىعارۋ − پارتيا ورتالىق كوميتەتى جاساعان كەلەلى شەشىم. قازىر «شي جينپيڭ شىعارمالارىنان تاڭدامالىلاردىڭ» 1 - تومى، 2 - تومى باسپادان شىعىپ تاراتىلدى، بۇل − پارتيا مەن مەملەكەتتىڭ ساياسي ومىرىندەگى ءىرى ءىس.
«شي جينپيڭ شىعارمالارىنان تاڭدامالىلارعا» باس شۋجي شي جينپيڭنىڭ 2012 - جىلى 11 - ايدان 2022 - جىلى 10 - ايعا دەيىنگى مەزگىلدەگى ماڭىزدى شىعارمالارى ەنگىزىلگەن. وسى ماڭىزدى شىعارمالاردا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ۇلى كۇرەس جاساپ، ۇلى ينجەنەريا جۇرگىزىپ، ۇلى ىستەردى ىلگەرىلەتىپ، ۇلى ارماندى جۇزەگە اسىرىپ، پارتيا مەن مەملەكەت ىستەرىندە تاريحي جەتىستىكتەرگە قول جەتكىزۋدى، تاريحي وزگەرىستەردىڭ جارىققا شىعۋىن ىلگەرىلەتىپ، جۇڭگوشا سوتسياليزمنىڭ جاڭا ءداۋىرىن اشۋ تاريحي اياق الىسى جاندى ەستەلىككە الىنعان، پارتيامىزدىڭ حالىققا باسشىلىق ەتىپ، جالپى بەتتىك دوڭگەلەك داۋلەتتى قوعامدى ۋاعىندا قۇرىپ، جالپى بەتتىك سوتسياليستىك وسىزاماندانعان مەملەكەت قۇرۋ جاڭا جورىعىنا قادام تاستاپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن ىلگەرىلەتۋىندەگى قۇندى تاجىريبەلەر عىلمي قورىتىندىلانعان، پارتيامىزدىڭ ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدا تاباندى بولىپ، ماركسيزمدى جۇڭگوشالاندىرۋدى، زامانالاندىرۋدى ىلگەرىلەتۋدە قول جەتكىزگەن كەلەلى نازاريالىق جاڭالىق جاراتۋ تابىستارى شوعىرلى بەينەلەنگەن، بۇل − بۇكىل پارتيانىڭ، بۇكىل ەلدەگى ءار ۇلت حالقىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتەندىرۋىندەگى بەدەلدى وقۋلىق. «شي جينپيڭ شىعارمالارىنان تاڭدامالىلاردى» مۇقيات ۇيرەنۋ بۇكىل پارتيانىڭ، بۇكىل ەلدەگى ءار ۇلت حالقىنىڭ ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە شي جينپيڭ جولداستى ۇيىتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاپ، جاڭا داۋىردەگى جۇڭگوشا سوتسياليزم ىستەرىن قۇلشىنا العا ىلگەرىلەتۋى جونىنەن توتەنشە ماڭىزدى مانگە يە.
باس شۋجي شي جينپيڭ − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ نەگىزگى قالىپتاستىرۋشىسى. بۇكىل پارتيانىڭ، بۇكىل ەلدەگى ءار ۇلت حالقىنىڭ جۇڭگوشا سوتسياليزمدە تاباندى بولۋىنا جانە ونى دامىتۋىنا باسشىلىق ەتۋ ۇلى امالياتى بارىسىندا باس شۋجي شي جينپيڭ ماركسيزمشىل ساياساتشى، ويشىل، ستراتيك رەتىندەگى تاريحي ىرىقتىلىق رۋح، ەلدەن ەرەك نازاريالىق باتىلدىق، ەرەن ساياسي پاراسات، كۇشتى بورىشتىلىق، جاۋاپكەرلىك رۋح ارقىلى جاڭا داۋىردەگى پارتيا مەن مەملەكەت ىستەرىنىڭ دامۋىنا قاتىستى ءبىرقىدىرۋ كەلەلى نازاريالىق جانە امالياتتىق ماسەلەگە تەرەڭ وي جۇگىرتىپ جانە عىلمي تۇجىرىم جاساپ، ءبىرقىدىرۋ جاسامپازدىق سيپاتتى جاڭا تانىم، جاڭا يدەيا، جاڭا ستراتەگيانى العا قويىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ قالىپتاسۋى مەن دامۋى ءۇشىن شەشۋشى رول اتقارىپ، شەشۋشى ۇلەس قوستى.
«شي جينپيڭ شىعارمالارىنان تاڭدامالىلاردى» ۇيرەنۋدە حالىقارا، ەل ءىشى جاعدايىنىڭ دامۋ وزگەرىسىمەن تىعىز بايلانىستىرىپ، جاڭا ءداۋىر، جاڭا جورىقتاعى پارتيانىڭ بورىشى مەن مىندەتىن جۇزەگە اسىرۋدى كوزدەپ، شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى يدەيانى، ەرىك - جىگەردى، ارەكەتتى بىرلىككە كەلتىرۋ سانالىلىعى مەن تاباندىلىعىن كۇشەيتىپ، وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە كۇش سالۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ زامانىمىزداعى جۇڭگونىڭ ماركسيزمى، 21 - عاسىرداعى ماركسيزم ەكەنىن، جۇڭحۋا مادەنيەتىنىڭ جانە جۇڭگو رۋحىنىڭ داۋىرلىك جاۋھارى ەكەنىن، ماركسيزمدى جۇڭگوشالاندىرۋدا، زامانالاندىرۋدا جاڭا شارىقتاۋدىڭ جۇزەگە اسۋى ەكەنىن تەرەڭ ءتۇسىنۋ، بۇل يدەيانىڭ ماركسيزم - لەنينيزم، ماۋ زىدۇڭ يدەياسى، ديڭ شياۋپيڭ نازارياسى، ”ۇشكە ۋاكىلدىك ەتۋ“ ماڭىزدى يدەياسى جانە عىلمي دامۋ كوزقاراسىنا مۇراگەرلىك ەتىپ جانە ونى دامىتىپ، شىت جاڭا كوز ايا ارقىلى كوممۋنيستىك پارتيانىڭ بيلىك جۇرگىزۋ زاڭدىلىعى، سوتسياليستىك قۇرىلىس زاڭدىلىعى، ادامزات قوعامىنىڭ دامۋ زاڭدىلىعى جونىندەگى تانىمدى تەرەڭدەتىپ، ماركسيزمدى جۇڭگوشالاندىرۋعا، زامانالاندىرۋعا تىڭ ءورىس اشقانىن تولىق تانۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ كەلەلى ءمانىن تەرەڭ ءتۇسىنىپ، وسى يدەيانىڭ ماركسيزمدى بايىتۋعا، دامىتۋعا ءتول جاسامپازدىق ۇلەس، جۇڭحۋانىڭ تاڭداۋلى ءداستۇرلى مادەنيەتىنە مۇراگەرلىك ەتۋگە جانە ونى دامىتۋعا تاريحي ۇلەس، ادامزات وركەنيەتىنىڭ العا باسۋىن ىلگەرىلەتۋگە دۇنيە جۇزىلىك ۇلەس قوسقانىن تولىق تانىپ جەتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ باستى مازمۇنىن تەرەڭ ءتۇسىنىپ، وسى يدەياداعى دۇنيەگە كوزقاراستى، مەتودولوگيانى جانە وعان سىڭىرىلگەن مايدان، كوزقاراس، ءادىستى جان - جاقتى تەرەڭ يگەرۋ، وسى يدەيادا ماركسيزمدىك فيلوسوفيا، ماركسيزمدىك ساياسي ەكونوميا، عىلمي سوتسياليزم باستان - اياق سىڭىرىلگەنىن، تاريح، قازىرگى جانە بولاشاق باستان - اياق ساباقتاستىرىلعانىن، رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى، مەملەكەتتى، ارميانى باسقارۋ سياقتى ءارقايسى سالا توعىستىرىلعانىن، بۇل يدەيانىڭ لوگيكاسى قاتاڭ، مازمۇنى باي، جۇيەلى، جان - جاقتى، باي مازمۇندى عىلمي جۇيە ەكەنىن تولىق تانىپ جەتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىندا اقيقاتتڭ كۇش - قۇدىرەتى جانە امالياتتىق ۇلى كۇش - قۇدىرەت بار ەكەنىن تەرەڭ ءتۇسىنۋ، بۇل يدەيانىڭ جاڭا داۋىردەگى ۇلى امالياتتى ىلگەرىلەتەتىن، جاڭا داۋىردەگى ۇلى وزگەرىسكە جەتەكشىلىك ەتەتىن قۇدىرەتتى يدەيالىق قارۋ ەكەنىن، جاپپاي سوتسياليستىك وسىزاماندانعان قۇدىرەتتى ەل قۇرۋعا، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە عىلمي نازاريالىق جەتەكشىلىك ازىرلەپ بەرگەنىن تولىق تانىپ جەتۋ كەرەك.
«شي جينپيڭ شىعارمالارىنان تاڭدامالىلاردى» ۇيرەنۋدە، ءسوزسىز نازاريانى امالياتپەن ۇشتاستىرۋ سىندى ماركسيزمدىك ۇيرەنۋ ستيلىن بارىنشا ساۋلەلەندىرىپ، ۇيرەنۋدى، وي جۇگىرتۋدى، قولدانۋدى ساباقتاستىرۋدى، تانىمدى، سەنىمدى، ارەكەتتى بىرلىككە كەلتىرۋدى جۇزەگە اسىرۋ كەرەك. ماسەلەنى نىشان ەتۋدى، امالياتتى نىشان ەتۋدى، سۇرانىستى نىشان ەتۋدى كۇشەيتىپ، قىزمەت ءىس جۇزىندىك جاعدايىمەن جانە يدەيالىق ءىس جۇزىندىكپەن تىعىز ۇشتاستىرىپ، ۇيرەنۋ ونىمدىلىگىن مۇراتتى بەكەمدەۋ، پارتيالىلىقتى شىڭداۋ وسكەلەڭ سانالىلىعىنا، ءوز قىزمەتىن ويداعىداي ىستەۋدىڭ، ىستەرىمىزدىڭ دامۋىن ىلگەرىلەتۋدىڭ جاندى امالياتىنا شىنايى اينالدىرۋ كەرەك.
«شي جينپيڭ شىعارمالارىنان تاڭدامالىلاردى» ۇيرەنۋ − شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى توعىستىرىپ، رۋحتى سومداۋدا تاباندى بولۋداعى كەلەلى ساياسي مىندەت. ءار دارەجەلى پارتكومدار ( پارتگرۋپپالار) «شي جينپيڭ شىعارمالارىنان تاڭدامالىلاردى» ۇيرەنۋدى ماڭىزدى ورىنعا قويىپ، پارتيا 20 - قۇرىلتايىنىڭ رۋحىن ۇيرەنۋمەن، دايەكتىلەندىرۋمەن، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋمەن تىعىز ۇشتاستىرىپ، پارتيا مۇشەلەرىن، كادرلاردى ءتۇپ نۇسقانى ۇيرەنۋگە، مۇقيات تۇسىنۋگە ۇيىمداستىرۋ، مازمۇندى ۇيرەنۋمەن بىرگە، سول مازمۇندارداعى تۇپكى ءماندى بىلۋگە جەتەلەۋ كەرەك كەرەك. ءار دارەجەلى پارتكومداردىڭ ( پارتگرۋپپالار) نازاريا ۇيرەنۋ وزەكتى گرۋپپالارى «شي جينپيڭ شىعارمالارىنان تاڭدامالىلاردى» ۇيرەنۋ جوسپارىنا ەنگىزىپ، ىشكەرىلەي ۇيرەنىپ، ەگجەي - تەگجەيلى ءتۇسىنىپ، شىنايى اتقارىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋى كەرەك. ءار دارەجەلى پارتيا مەكتەپتەرى (اكىمشىلىك شۋەيۋاندارى)، كادرلار شۋەيۋاندارى «شي جينپيڭ شىعارمالارىنان تاڭدامالىلاردى» كادرلاردى تاربيەلەۋ وقۋلىق ماڭىزدى مازمۇنىنا ەنگىزىپ، ءتۇرلى زەرتتەۋ - تالقى كلاستارىن، تاربيەلەۋ كلاستارىن، ۇيرەنۋ كلاستارىن اشىپ، ۇيرەنۋدىڭ كوپ فورمادا، كوپ ساتىدا، جالپى بەتتىك قامتۋىن ىلگەرىلەتۋى كەرەك. جوعارى مەكتەپتەر «شي جينپيڭ شىعارمالارىنان تاڭدامالىلاردى» وقىتۋشى - وقۋشىلاردىڭ نازاريا ۇيرەنۋ وقۋلىعى ەتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن وقۋلىققا، ساباقحاناعا ەنگىزۋدى، وي - ساناعا ۇيالاتۋدى اناعۇرلىم ويداعىداي ىلگەرىلەتۋى كەرەك. ءار دارەجەلى پارتكومداردىڭ ۇگىت تاراۋلارى، ۇيىمداستىرۋ تاراۋلارى ۇيرەنۋگە جەتەكشىلىك ەتۋدى جانە قۋزاۋ - تەكسەرۋدى كۇشەيتىپ، ۇگىتتەۋ، حابارلاۋ قىزمەتىن ويداعىداي ىستەپ، ۇگىت - لەكسيا جاساۋدى، ۇگىتتەۋدى، تانىستىرۋدى ويداعىداي ۇيىمداستىرىپ، ۇيرەنۋدى ۇزدىكسىز تەرەڭدەتۋى كەرەك.بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، پارتيا قۇرۋ ۇلى رۋحىن اسقاقتاتىپ، ”ءۇشتى ءسوزسىز ورىنداۋدى“ ەستە بەرىك ساقتاپ، وزىنە سەنىپ، ءوزىن الۋەتتەندىرىپ، تۋراشىلدىقتان جازباي جاڭالىق جاراتىپ، جىگەرلەنە العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋى كەرەك!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
