مەملەكەتتىك كەڭەس ىشكى ولكەلەردەگى تۇرعىنداردىڭ ۇيلەنۋگە تىزىمدەلۋىن ”ولكە اتتاپ ءبىر تۇتاس ءبىتىرۋدى“ سىناق ەتۋ تۇيىندەرىن كەڭەيتۋدى ماقۇلدادى
2023.05.19 15:24 كەلۋ قاينارى : حالىق تورابى
مەملەكەتتىك كەڭەس 5 – ايدىڭ 18 – كۇنى ىشكى ولكەدەگى تۇرعىنداردىڭ ۇيلەنۋگە تىزىمدەلۋىن ”ولكە اتتاپ ءبىر تۇتاس ءبىتىرۋدى“ سىناق ەتۋ تۇيىندەرىن كەڭەيتۋدى ماقۇلداۋ جونىندەگى بەكىتپەنى جاريالادى.
بەكىتپەنىڭ مازمۇنى مىناداي:
ءبىرىنشى، ىشكى ولكەلەردەگى تۇرعىنداردىڭ ۇيلەنۋگە تىزىمدەلۋىن ”ولكە اتتاپ ءبىر تۇتاس ءبىتىرۋدى“ سىناق ەتۋ تۇيىندەرىن كەڭەيتۋ ماقۇلداندى. رەتتەۋ جۇرگىزىلگەننەن كەيىن، بەيجيڭ، تيانجين، حىبەي، ىشكى موڭعۇل، لياۋنيڭ، شاڭحاي، جياڭسۋ، جىجياڭ، انحۇي، فۋجيان، جياڭشي، شاندۇڭ، حىنان، حۋبەي، گۋاڭدۇڭ، گۋاڭشي، حاينان، چۇڭچيڭ، سىچۋان، شانشي، نيڭشيا قاتارلى 21 ولكەدە (اۆتونوميالى رايون، توتە قاراستى قالا) ۇيلەنۋگە تىزىمدەلۋ جانە اجىراسۋعا تىزىمدەلۋ ىستەرىن ”ولكە اتتاپ ءبىر تۇتاس ءبىتىرۋ“ سىناق رەتىندە اتقارىلادى.
ەكىنشى، سىناق رەتىندە اتقاراتىن وڭىرلەر «ۇيلەنۋگە تىزىمدەلۋ ەرەجەسىنىڭ» 4 – تارماعىنىڭ 1 – تارماقشاسىنداعى، 10 – تارماعىنىڭ 1 – تارماقشاسىنداعى قاتىستى بەلگىلەمەلەردى سايكەستى تۇردە ۋاقىتشا رەتتەپ اتقارۋى كەرەك. رەتتەۋ جۇرگىزىلگەن سوڭ، ۇيلەنۋگە تىزىمدەلگەن ەكى جاق تا سول جەردىڭ نوپوسىندا بولماسا، ءبىر جاقتىڭ قونىستانۋ كۋالىگى نەمەسە ەكى جاقتىڭ نوپوس كۋالىگى، ازاماتتىق كۋالىگى ارقىلى قونىستانۋ كۋالىگىن تاراتقان ورىنداعى ۇيلەنۋگە تىزىمدەۋ ورگاندارىنا بارىپ، ۇيلەنۋگە تىزىمدەلۋدى بىتىرۋىنە نەمەسە ءبىر جاقتىڭ نوپوسى تۇرعان جەردە ۇيلەنۋگە تىزىمدەلۋىنە بولادى.
ءۇشىنشى، سىناق رەتىندە اتقارۋ مەرزىمى بەكىتپە جاۋاپ قايتارىلعان كۇننەن باستاپ 2 جىلعا دەيىن بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
