حالىق ىستەرى مينيسترلىگى: بيىل 5 - ايدىڭ 20 -، 21 - كۇندەرى ۇيلەنۋگە تىزىمدەلۋ قىزمەتىن ورىستەتۋ – ورىستەتپەۋ تۋرالى ءبىر تۇتاس بەلگىلەمە شىعارىلمايدى
2023.05.19 15:26 كەلۋ قاينارى : حالىق تورابى
”520“، ”521“ دەگەن سانداردىڭ وقىلۋى ورتاق تىلدەگى ”مەن سەنى سۇيەمىن“ دەگەن سوزگە ۇقساپ كەتەتىندىكتەن، جۋىرداعى جىلداردان بەرى ۇيلەنۋ جاسىنداعى جاستار ۇيلەنۋگە تىزىمدەلگەندە وسى كۇندەردى كوپ تاڭدايتىن بولدى. الايدا، بيىلعى 5 – ايدىڭ 20 – كۇنى مەن 5 – ايدىڭ 21 – كۇنى ءدال زاڭدا بەلگىلەنگەن دەمالىس كۇنىنە تۋرا كەلدى، ۇيلەنۋگە تىزىمدەيتىن ءىشىنارا ورگانداردىڭ سول كۇندەرى ۇيلەنۋگە تىزىمدەۋ قىزمەتىن اتقارمايتىندىعى جونىندە الدىن الا ۇقتىرۋ جاريالاعانى، توراپتاستاردىڭ قىزۋ تالقىلاۋىنا مۇرىندىق بولدى. حالىق ىستەرى مينيسترلىگى 5 – ايدىڭ 19 – كۇنى وسى جونىندە جاۋاپ قايتارىپ: مەملەكەتتىك ورگانداردىڭ زاڭ – تۇزىمدەرىنە، ساياساتتارىنا نەگىزدەلگەندە، جەر – جەردەگى ۇيلەنۋگە تىزىمدەۋ قۇرىلىمدارىنىڭ 5 – ايدىڭ 20 – كۇنى، 5 – ايدىڭ 21 – كۇنى ۇيلەنۋگە تىزىمدەۋ قىزمەتىن اتقارۋ – اتقارماۋى جونىندە حالىق ىستەرى مينيسترلىگى ءبىر تۇتاس بەلگىلەمە شىعارمايدى.
حالىق ىستەرى مينيسترلىگى مىنانى ءبىلدىردى: جەر – جەر سول جەردىڭ ءىس جۇزىندىك جاعدايىن نەگىز ەتىپ، مەجەلەۋ – تۇجىرىمداۋى، عىلىمي شەشىم جاساۋى، ءوزىنىڭ نەگىزدىك شارت – جاعدايى مەن ولقى تۇستارىن جان – جاقتى ويلاستىرىپ، ولكەنى نەمەسە قالانى بىرلىك ەتىپ، ۇيلەنۋگە تىزىمدەۋ قىزمەتىن ورىستەتۋ – ورىستەتپەۋ جونىندە وزدەرى ۇيعارىم جاساۋى ءارى ۇيلەسىمدى ۋاقىتتا قوعامداعىلارعا ۇقتىرۋى جانە جاريالاۋ كەرەك.
بيىلعى ”520“ كۇنى قىزمەت وتەيتىن جەرلەردە، ۇيلەنۋگە تىزىمدەۋ ورگاندارى مۇقيات دايىندىق جاساۋى، ارناۋلى قىزمەت جوباسىن الدىن الا بەلگىلەۋى، ۇيلەنۋگە تىزىمدەلۋى مۇمكىن ادام سانى الدىن الا مەجەلەۋى ءارى بۇقارانى تەلەفون نەمەسە ينتەرنەت ارقىلى الدىن الا تاپسىرىس بەرۋگە جەتەلەۋمەن بىرگە، تاپسىرىس بەرگەندەرگە ۇيلەنۋگە تىزىمدەلۋ ءۇشىن قانداي ماتەريالدار تاپسىرۋى قاجەت ەكەنىن الدىن الا ۇقتىرۋى، سول كۇنگى قىزمەت ءبىتىرۋ ونىمدىلىگىن جوعارىلاتۋى قاجەت. ۇيلەنۋگە تىزىمدەلۋ قۇرىلىمدارىندا حاۋىپسىزدىككە ساياتىن بىلۋگە ءتيىستى ىستەردى قايتالاپ قويۋ، وقشاۋلاۋ قورشاۋلارىن قۇرۋ جانە حاۋىپسىزدىككە جاۋاپتى ارناۋلى قىزمەتكەر ورنالاستىرۋ، اۋاشا دەمالىس ورنىن دايىنداۋ قاتارلى ءتۇرلى تاسىلدەر ارقىلى بۇقارانى جەكەلىك حاۋىپسىزدىكتى ويداعىداي قورعاۋغا جەتەلەۋ، جۇمىس بىتىرەتىن ورىننىڭ ءتارتىبىن ويداعىداي قورعاۋ قاجەت. ۇيلەنۋگە تىزىمدەۋ ينفورماتسيالارىن باسقارۋ جۇيەسىنىڭ ينتەرنەتتىك كوتەرىمدىلىك قۋاتىن جوعارىلاتىپ، ىسكە قوسۋعا قىزمەت وتەيتىن سەرىكتەستىكتەرمەن بايلانىس جاساۋدى، قىزمەتتى ۇشتاستىرۋدى ويداعىداي ىستەپ، جۇيەنى قورعاۋعا كەپىلدىك ەتۋدى كۇشەيتىپ، ينتەرنەتتەگى كىناراتتىڭ تۋىلۋىنان ساقتانۋ قاجەت.”520“ كۇنى قىزمەت ورىستەتپەۋدى ۇيعارعان جەرلەردەگى ۇيلەنۋگە تىزىمدەۋ ورگاندارى ينتەرنەت، قۇلاقتاندىرۋ شىعارۋ قاتارلى ءتۇرلى تاسىلدەر ارقىلى بۇقاراعا الدىن الا ەسكەرتۋى ءارى بۇقارانىڭ قاتىستى سۇراۋلارىنا بايىپتىلىقپەن جاۋاپ قايتارۋدى ويداعىداي ىستەۋى كەرەك.
حالىق ىستەرى مينيسترلىگى مىنانى ەسكەرتەدى: وتباسىنىڭ باقىتى ۇيلەنۋگە تىزىمدەلۋ ۋاقىتىمەن قاتىسسىز، ونان دا ماڭىزدىسى، جۇبايلاردىڭ ءوزارا قولداپ – قۋاتتاپ، شاڭىراقتىڭ شاتتىعىن بىرگە شالقىتۋى. جۇرتشىلىق ۇيلەنۋگە تىزىمدەلەتىن كۇنگە ۇستامدىلىقپەن قاراۋى قاجەت، جۇبايلاردىڭ ماحابباتى جاراسسا، ءار كۇن ىرىسقا تولى بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
