فورماشىلدىقتى ورتالىق جاعىنان جونگە سالىپ نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى ءماجىلىسى بەيجيڭدە وتكىزىلدى
فورماشىلدىقتى تيتتەي دە بوساڭسىماي جونگە سالىپ نەگىزگى ساتىنىڭ اۋىرتپالىعىن جەڭىلدەتىپ، ءىس جۇزىندىك جەتىستىكتەردى تەرەڭدەتۋ، كەڭەيتۋ ارقىلى نەگىزگى تاقىرىپتىق تاربيەنىڭ ونىمدىلىگىن ايگىلەۋ كەرەك
2023.06.16 15:18 كەلۋ قاينارى : حالىق تورابى
شينحۋا اگەنتتىگىنىڭ 6 ـ ايدىڭ 15 ـ كۇنى بەيجيڭنەن بەرگەن حابارى. فورماشىلدىقتى ورتالىق جاعىنان جونگە سالىپ نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمى ءماجىلىسى 6 ـ ايدىڭ 15 ـ كۇنى بەيجيڭدە وتكىزىلدى. ءماجىلىس مىنالاردى اتاپ كورسەتتى: پارتيا 19 ـ قۇرىلتايىنان بەرى، پارتيا ورتالىق كوميتەتى مەن باس شۋجي شي جينپيڭ فورماشىلدىقتى جونگە سالىپ نەگىزگى ساتىنىڭ اۋىرتپالىعىن جەڭىلدەتۋدى پارتيانىڭ ستيل قۇرىلىسىنىڭ ماڭىزدى مازمۇنى رەتىندە يگەرىپ، ءبىرتۇتاس ورنالاستىرىپ، ۇزدىكسىز ىلگەرىلەتىپ، ءبىر توپ كورنەكتى ماسەلەنى شەشىپ، ءىشىنارا بۇرىس ستيل، تەرىس پيعىلداردى تەجەدى. پارتيانىڭ 20 – قۇرىلتايىندا ”ءتورت بۇرىس ستيلدى“ تۇزەتۋدى ۇزدىكسىز تەرەڭدەتىپ، فورماشىلدىقتى، تورەشىلدىكتى ءتۇيىندى تۇردە تۇزەتۋ ايقىن ورتاعا قويىلدى. ”ەكىنى قورعاۋدى“ امالياتتا ايگىلەۋدىڭ ءىس جۇزىندىك ارەكەتى ارقىلى ستيل قۇرىلىسىن اناعۇرلىم تاباندىلىقپەن كۇشەيتىپ، فورماشىلدىقتى رەتتەۋ ـ جونگە سالۋدى تەرەڭدەتۋ، كەڭەيتۋ ارقىلى نەگىزگى ساتىنىڭ اۋىرتپالىعىن جەڭىلدەتىپ، قالىڭ پارتيا مۇشەلەرىن، كادرلاردى بەلسەنە جاۋاپكەرشىلىك ارقالاپ، ىسكەرلىك كورسەتۋگە، كۇرەس جۇرگىزۋگە باتىل، شەبەر بولۋعا ۇزدىكسىز شابىتتاندىرىپ، پارتيانىڭ حالىق بۇقاراسىمەن ەتەنە بايلانىسىن اناعۇرلىم قويۋلاتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ سىندى تاريحي ۇلى ءىستى جەڭىسپەن ىلگەرىلەتۋدى پارمەندى ستيلدىك كەپىلمەن قامداۋ كەرەك.
ءماجىلىس مىنالاردى باسا دارىپتەدى: فورماشىلدىقتى جونگە سالىپ نەگىزگى ساتىنىڭ اۋىرتپالىعىن جەڭىلدەتۋدى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنىڭ ماڭىزدى مازمۇنى ەتىپ، كوكەي كەستىلىك سەزىم مەن ساياسي سانالىلىقتى ۇزدىكسىز كۇشەيتىپ، نازاريا ۇيرەنۋ، تەكسەرۋ ـ زەرتتەۋ، دامۋدى ىلگەرىلەتۋ، رەتتەۋ ـ تۇزەتۋ بارىسىندا فورماشىلدىقتى، تورەشىلدىكتى تۇزەتۋدى جانە تيۋدى اناعۇرلىم كورنەكتى ورىنعا قويىپ، پارتيا ستيلىنىڭ، ۇكىمەت ستيلىنىڭ، قوعامدىق سالتتىڭ جاقسارۋىن ۇزدىكسىز ىلگەرىلەتىپ، رەتتەۋ ـ وڭاۋ جەتىستىكتەرى ارقىلى نەگىزگى تاقىرىپتىق تاربيەنىڭ ونىمدىلىگىن ايگىلەۋ كەرەك. يدەيالىق ـ ساياسي جەتەكشىلىكتى كورنەكتىلەندىرىپ، دۇرىس ساياسي ناتيجە كوزقاراسىن ونان ارى بەرىك ورناتىپ، پارتيا مۇشەلەرىن، كادرلاردى حالىققا باقىت جاراتۋدى ەڭ ماڭىزدى ءىس رەتىندە قاراپ، نەگىز قالايتىن، ۇزاق بولاشاققا پايدالى، ناقتى ونىمدىلىككە قول جەتكىزەتىن، ناقتى ناتيجە جاراتاتىن ىستەردى كوبىرەك ىستەۋگە جەتەكتەۋ كەرەك، ماڭىزدى، قيىن تۇيىندەردى مىقتى يگەرىپ، ءبىرتۇتاس جوسپارلاپ سايكەستىرۋدى كۇشەيتىپ، جاۋاپكەرشىلىك تالابىن قاتايتىپ، كورنەكتى ماسەلەلەردى شىنايى شەشىپ، قۇجاتتى، ٴماجىلىستى ىقشامداۋ، باقىلاۋ ـ تەكسەرۋ، تەكسەرۋ، باعالاۋدى ءبىرتۇتاس جوسپارلاپ ارناعا ءتۇسىرۋ قىزمەت جەتىستىكتەرىن بەكەمدەپ، قايتا بەلەڭ بەرمەۋگە شىنايى كەپىلدىك ەتۋ كەرەك. كادرلاردى جاۋاپكەرشىلىك ارقالاۋعا، ىسكەرلىك كورسەتۋگە ىنتالاندىرىپ. ”كاپەرسىزدىك“، ”تورەشىلدىك مىنەز“ سياقتى ارەكەتتەردى كۇش سالا وڭاپ، ناقتى ىستەۋگە ءمان بەرەتىن، ناقتى ناتيجەگە ءمان بەرەتىن، جاۋاپكەرشىلىك ارقالاۋعا ءمان بەرەتىن باعالاۋ بەتالىسىن ايقىن ورناتۋ كەرەك. جونگە سالۋ ونىمدىلىگىن جوعارىلاتىپ، پارتيا قۇرىلىسى ارقىلى نەگىزگى ساتىنى جونگە سالۋعا جەتەكشىلىك ەتۋدى ءبىرتۇتاس جوسپارلاپ ىلگەرىلەتىپ، اۋىرتپالىقتى جەڭىلدەتۋ قىزمەتىنىڭ نەگىزىن ۇزدىكسىز بەكەمدەۋ كەرەك. جۇيەلىك كوزقاراستى كۇشەيتىپ، كەشەندى شارا قولدانۋعا تاباندى بولىپ، ءتۇزىم، زاڭ ەرەجەلەردى كەمەلدەندىرۋدى ارقاۋ ەتىپ، ۇگىتتەۋدى، جەتەكتەۋدى كۇشەيتۋگە ۇزدىكسىز كۇش سالۋ كەرەك.
ءماجىلىس مىنالاردى باسا دارىپتەدى: ءار دارەجەلى پارتكومدار (پارتگرۋپپالارى) فورماشىلدىقتى، تورەشىلدىكتى تۇزەتۋدى ستيل قۇرىلىسىنىڭ ءتۇيىندى مىندەتى ەتىپ، عىلىمي، دالمە – ءدال، نىسانالى رەتتەپ، جونگە سالىپ، شىنداپ كىرىسىپ، قيىن تۇيىندەردى شەشىپ، ناقتى ونىمدىلىككە ۇمتىلىپ، ”تەمىرگە تاپ، تاسقا ٴىز قالدىراتىنداي“ ارىنمەن قاتاڭ يگەرىپ، بوساڭسىماي مىقتى يگەرۋ كەرەك. وسى كەلەلى ساياسي جاۋاپكەرشىلىكتى باتىل ارقالاپ، ونى ماڭىزدى ورىنعا قويىپ يگەرۋ، اسىرەسە ”ءبىرىنشى باسشىسى“ اۋىرتپالىقتى جەڭىلدەتۋ قىزمەتىن ءوزى ورنالاستىرىپ، ماڭىزدى ماسەلەلەردى ءوزى قۋزاستىرىپ، كەلەلى ىستەردى ءوزى ءبىر جاقتى ەتۋ كەرەك. ءار دارەجەلى باسشى ورگاندار مەن باسشى كادرلار جوعارى ارقىلى تومەنگە جەتەكشىلىك ەتۋدى شىن مانىندە ورىنداپ، تياناقتاندىرۋدى ىلگەرىلەتۋ بارىسىندا جاقسى باستاماشى بولىپ، ۇلگى كورسەتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
