جوعارى تەمپەراتۋرادان ساقتانۋدىڭ سارى ءتۇستى ساقتىق سەگىنالى جالعاسۋدا! بەيجيڭ، تيانجين، حىبەي، شاندۇڭ، حىنان قاتارلى 7 ولكە، اۆتونوميالى رايون، توتە قاراستى قالانىڭ ءىشىنارا جەرلەرىنىڭ ەڭ جوعارى تەمپەراتۋراسى 40 سەلتسي گرادۋستان اسادى
2023.06.16 15:19 كەلۋ قاينارى : حالىق تورابى
ورتالىق اۋا رايى ستانسياسى 6 – ايدىڭ 16 – كۇنى ساعات 6 دا جوعارى تەمپەراتۋرادان ساقتانۋدىڭ سارى ءتۇستى ساقتىق سيگنالىن جالعاستى جاريالادى: مەجەمەن 6 – ايدىڭ 16 – كۇنى كۇندىز سولتۇستىك جۇڭگونىڭ شىعىس بولەگى، حۋاڭحى - حۋايحى وزەنىنىڭ ورتا، شىعىس بولەگى جانە لياۋنيڭنىڭ باتىس بولەگى، ىشكى موڭعۇلدىڭ شىعىس وڭتۇستىك بولەگى مەن باتىس بولەگى، گانسۋدىڭ باتىس بولەگى، شينجياڭنىڭ شىعىس بولەگى قاتارلى جەرلەردە تەمپەراتۋرا 35 سەلتسي گرادۋستان جوعارى بولادى، مۇنىڭ ىشىندە بەيجيڭ - تيانجين - حىبەيدىڭ باسىم كوپ بولەگى، حىناننىڭ شىعىس سولتۇستىك بولەگى، شاندۇڭنىڭ ورتا، سولتۇستىك بولەگى جانە لياۋنيڭنىڭ باتىس بولەگى، ىشكى موڭعۇلدىڭ شىعىس وڭتۇستىك بولەگى قاتارلى جەرلەردىڭ ەڭ جوعارى تەمپەراتۋراسى 37 دە 40 سەلتسي گرادۋستان جوعارى بولادى، كەي جەرلەردە 40 سەلتسي گرادۋستان اسادى.
ىستىقتان قورعانۋ باعدارناماسى:
1. قاتىستى تاراۋلار مەن ورىندار قىزمەت مىندەتىنە ساي ىستىقتان ساقتانۋ، تەمپەراتۋرانى تومەندەتۋ دايىندىق قىزمەتىن جاقسى ىستەۋى كەرەك؛
2. تۇستەن كەيىن دالاعا شىعۋدى بارىنشا ازايتۋ كەرەك؛
3. قارتتارعا، ءالسىز جاندارعا، اۋرۋ - سىرقاۋلارعا، بالالارعا ىستىقتان ساقتانىپ، تەمپەراتۋرانى تومەندەتۋگە جەتەكشىلىك ەتۋ؛
4. جوعارى تەمپەراتۋرا جاعدايىندا جۇمىس ىستەيتىن جانە كۇندىز ۇزاق ۋاقىت دالادا جۇمىس ىستەيتىن قىزمەتكەرلەر قاجەتتى قورعانۋ شارالارىن قولدانۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
