ساۋدا مينيسترلىگى جاۋاپ قايتاردى
2023.06.16 15:22 كەلۋ قاينارى : حالىق تورابى
ساۋدا مينيسترلىگى ا ق ش قازىنا مينيسترىنىڭ ا ق ش – تىڭ جۇڭگومەن سەلبەستىك جاساۋىن ءۇمىت ەتەتىندىگى تۋرالى سوزىنە جاۋاپ قايتاردى
ساۋدا مينيسترلىگىنىڭ اقپارات مالىمدەمەشىسى شۋ يۇيتيڭ 6 – ايدىڭ 15 - كۇنى كەزەكتى اقپار جاريالاۋ ماجىلىسىندە بىلاي دەدى: جۇڭگو مەن ا ق ش دۇنيە جۇزىندەگى ەڭ ءىرى دامۋ جولىنداعى ەل جانە ەڭ ءىرى دامىعان ەل رەتىندە، ەكونوميكادا ءبىرىن– ءبىرى تولىقتايدى، مۇددەسى توعىسادى، ەكەۋى دە ءبىر - ءبىرىنىڭ دامۋىنان يگىلىككە كەنەلەدى. ەكى جاقتى ەكونوميكا ـ ساۋدا سەلبەستىگى ەكى ەل حالقىنىڭ ءتول مۇددەسىنە قاتىستى بولىپ قالماستان، الەمدىك ەكونوميكانىڭ ارتۋىن جەبەۋدە، ءار ەل حالقىن باقىتقا كەنەلتۋدە ماڭىزدى رول اتقارادى. ەكى جاق ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىككە كەنەلۋ پرينسيبى بويىنشا، ەكى جاقتى ەكونوميكا ـ ساۋدا قارىم ـ قاتىناسىنىڭ اقاۋسىز، ورنىقتى دامۋىن قۇلشىنا ىلگەرىلەتىپ، دۇنيە ءجۇزى ەكونوميكاسىنا اناعۇرلىم كوپ ورنىقتىلىق جانە وڭ ەنەرگيا ۇستەۋى كەرەك.
سول كۇنگى اقپار جاريالاۋ ماجىلىسىندە ءبىر ءتىلشى بىلاي دەپ سۇرادى: ا ق ش قازىنا مينيسترى ەلون تاياۋدا ا ق ش ـ جۇڭگو ساۋداسى مەملەكەتتىك كوميتەتىنىڭ جورالار القاسى سياقتى ا ق ش ـ تىڭ ساۋدا سالاسىنىڭ باسشىلارىمەن كەزدەسىپ، جۇڭگومەن اراداعى ساۋدا جانە قارجى قوسۋدىڭ ماڭىزدىلىعىن باسا دارىپتەدى ءارى ولارعا ا ق ش ـ تىڭ جۇڭگومەن سەلبەسىپ، الەمدىك كەزەك كۇتتىرمەيتىن سىن ـ سايىستارعا توتەپ بەرۋدى ءۇمىت ەتەتىندىگىن ايتتى. ساۋدا مينيسترلىگى بۇعان قانداي باعا بەرەدى؟ شۋ يۇيتيڭ جۇڭگو جاقتىڭ ەلون مينيستردىڭ قاتىستى پوزيتسياسىنا نازار اۋدارعانىن ءبىلدىردى، سونداي - اق جوعارىداعى سوزدەردى ايتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
