ەلىمىز وقۋعا ءتۇسۋ الدىنداعى ءتالىم - تاربيە زاڭىن جاساماقشى
2023.08.29 16:06 كەلۋ قاينارى : حالىق تورابى
وقۋعا ءتۇسۋ الدىنداعى ءتالىم - تاربيە زاڭىنىڭ جوباسى 8 - ايدىڭ 28 - كۇنى 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 5 – ءماجىلىسىنىڭ العاش رەتكى قاراپ تالقىلاۋىنا ۇسىنىلدى. جوبا جيىنى 8 تاراۋدان 74 تارماقتان قۇرالعان، وندا جالپى ەرەجە، جوبا جانە اتقارۋ، باۋلۋ جانە تاربيەلەۋ، وقىتۋشىلار مەن باسقا قىزمەتكەرلەر، قوسىلىم مەن قامتاماسىزداندىرۋ، باسقارۋ جانە باقىلاۋ، زاڭدىق جاۋاپكەرشىلىك جانە قوسىمشا ەرەجە قاتارلى مازمۇندار قامتىلادى.
جوبادا باستىسى وقۋعا تۇسۋدەن بۇرىنعى ءتالىم - تاربيەنىڭ ورنىن ايقىن تۇراقتاندىرۋ، ءتالىم - تاربيەدەگى ولقىلىقتاردى تولىقتاۋ؛ جوبانى اتقارۋ مەحانيزمىن كەمەلدەندىرۋ، بايلىق قاينارىمەن قامداۋدى ىلگەرىلەتۋ؛ وقۋعا ءتۇسۋ الدىنداعى ءتالىم - تاربيەنى اتقارۋدى جۇيەگە ءتۇسىرۋ، باۋلۋ - تاربيەلەۋ ساپاسىن جوعارىلاتۋ؛ وقىتۋشىلار، قىزمەتكەرلەر، جۇمىسكەرلەر قوسىنى قۇرىلىسىن كۇشەيتىپ، وقىتۋشىلاردىڭ ساپاسىن جوعارىلاتۋ؛ قوسىلىم مەحانيزمىن كەمەلدەندىرىپ، قاراجاتپەن قامتاماسىزداندىرۋدى كۇشەيتۋ؛ باقىلاۋ - باسقارۋ ءتۇزىلىسىن اقاۋسىزداندىرۋ، باقىلاۋ - باسقارۋدى كۇشەيتۋ قاتارلى التى ءتۇرلى جاقتان بەلگىلەمەلەر ورتاعا قويىلعان.
بالالار باقشاسى وقۋعا ءتۇسۋ الدىنداعى بالالاردىڭ دەنە، اقىل - وي جاعىنان جەتىلۋ زاڭدىلىعى مەن جاس ەرەكشەلىگىنە نەگىزدەلە وتىرىپ، باۋلۋ جانە تاربيەلەۋ قيمىلدارىن عىلىمي اتقارۋى كەرەك، باستاۋىش مەكتەپ كەزەڭىندەگى ساباق مازمۇنىن ورنالاستىرۋعا، باستاۋىش مەكتەپكە ۇقساس تاربيەلەۋ ءتاسىلىن قولدانۋعا بولمايدى؛ بالالار باقشاسى وقۋعا ءتۇسۋ الدىنداعى بالالاردىڭ حاۋىپسىزدىگىن باستى ورىنعا قويۋى، حاۋىپسىزدىك جاۋاپكەرشىلىگى تۇزىمىنە قاتىستى بەلگىلەمەلەردى تياناقتاندىرۋى كەرەك؛ مەملەكەت وتباسىندا ەكونوميكالىق قيىنشىلىعى بار وقۋ جاسىنداعى بالالار قاتارلىلاردىڭ وقۋعا ءتۇسۋ الدىنداعى جالپىعا ءتيىمدى تاربيەدەن يگىلىكتەنۋىنە قارجىلىق جاقتان كومەك بەرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
