«شي جينپيڭ جاڭا ءداۋىر جۇڭگوشا سوتسياليزم يدەياسى تۋرالى جالپى شولۋ» وقۋلىعى باسپادان شىعىپ تاراتىلدى
2023.08.29 16:44 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 28 - كۇنى، بەيجيڭ. شي جينپيڭ جاڭا ءداۋىر جۇڭگوشا سوتسياليزم يدەياسىن وقۋلىققا، ساباقحاناعا ەنگىزىپ، وي - ساناعا ۇيالاتىپ، ونەگە كورسەتىپ ادام تاربيەلەۋ ءتۇبىرلى مىندەتىن اناعۇرلىم ويداعىداي تياناقتاندىرۋ ءۇشىن، ورتالىق كوميتەت ۇگىت ءبولىمى وقۋ - اعارتۋ مينيسترلىگىمەن بىرگە «شي جينپيڭ جاڭا ءداۋىر جۇڭگوشا سوتسياليزم يدەياسى تۋرالى جالپى شولۋدى» (تومەندە قىسقاشا «جالپى شولۋ» دەلىنەدى) قۇراستىرىپ جازۋعا ۇيىمداستىردى. بۇل وقۋلىقتى جوعارى دارەجەلى وقۋ - اعارتۋ باسپاسى، حالىق باسپاسى بىرلەسىپ باسپادان شىعاردى، وسى كۇننەن باستاپ بۇكىل ەل كولەمىندە تاراتىلادى.
«جالپى شولۋ» − شي جينپيڭ جاڭا ءداۋىر جۇڭگوشا سوتسياليزم يدەياسىن جان - جاقتى، جۇيەلى بايانداۋدا تۇڭعىش قۇراستىرىلعان وقۋلىق، جوعارى مەكتەپتەردىڭ يدەيا - ساياسي نازاريا ساباعىنىڭ بەدەلدى قولدانباسى، جۇڭگوشا فيلوسوفيا - قوعامدىق عىلىمدار وقۋلىق جۇيەسى قۇرىلىسىن ىلگەرىلەتۋدىڭ ماڭىزدى جەتىستىگى. «جالپى شولۋدىڭ» قۇراستىرىلىپ، باسپادان شىعۋى جانە قولدانىلۋى پارتيانىڭ جاڭالىق جاراتۋ نازارياسىمەن ادام تاربيەلەپ، جاس وقۋشىلاردى دۇنيەگە، ومىرگە، قۇنعا دۇرىس كوزقاراس ورناتىپ، ۇلتتىڭ گۇلدەنۋى سىندى ۇلى مىندەتتى ارقالايتىن ءداۋىردىڭ جاڭا ادامدارى بولۋ ءۇشىن قۇلشىنۋعا باستاۋدا ماڭىزدى مانگە يە.
«جالپى شولۋ» كىرىسپە، 17 تاراۋدان تۇراتىن نەگىزگى تۇلعالىق مازمۇن جانە سوڭعى سوزدەن قۇرالىپ، ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىكتەرىن جان - جاقتى بەينەلەدى، جاڭا داۋىردەگى ۇلى اماليات پەن ۇلى وزگەرىستى بەينەلەدى، عىلىم سالاسىنىڭ ورتاق تانىمدىق زەرتتەۋ جەتىستىكتەرىن بەينەلەدى. «جالپى شولۋ» وقۋ - اعارتۋ زاڭدىلىعىنا بويسۇنۋدا تاباندى بولىپ، وقىتۋ بەتالىسىن كورنەكتىلەندىرىپ، جاس وقۋشىلاردىڭ تانىم ەرەكشەلىگى مەن قابىلداۋ داعدىسىنا ءمان بەرىپ، جوعارى، ورتا، باستاۋىش مەكتەپتەردىڭ يدەيا - ساياسي ساباعىن ءبىر تۇلعالاندىرىپ ادام تاربيەلەۋ تالابىن ايگىلەدى. وقۋلىقتى قۇراستىرۋ بارىسىندا نازاريا سالاسىنداعى مامان - وقىمىستىلار مەن ءبىرىنشى شەپتەگى ورتا جاستاعى، جاس تىرەكتى وقىتۋشىلار كەڭىنەن قاتىناستى، ماركسيزمدى زەرتتەۋ جانە قۇرۋ ينجەنەرياسى كەڭسەسى ناقتى ۇيىمداستىرۋ قىزمەتىنە جاۋاپتى بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
